波士頓餐廳

营业中

休息中

今日約了另一半去我居住的地方西環逛逛，再到西環泳棚打卡，看見殘舊的泳掤, 我的腦海突然想起一間歷史悠久餐廳，相信另一半都會喜歡的我説的就是位於灣仔的波士頓餐廳，1966年已在香港起家, 超過半世紀歷史。我們晚上六點幾來到餐廳正門地下已有數十人等候，還好的，只等了二十分鐘就可以入座。我們被安排坐在窗口位, 可以望見街景，我認為是餐廳最好的座位餐湯我們都選擇羅宋湯, 味道帶點辛辣，勝在湯料都沒有馬虎, 湯亦很香濃。餐包如要挑剔的是不算太熱。我自己就很喜歡吃熱騰騰的麵包，試想想熱騰騰的麵包裡面放了半熔化的牛油不是很？？主角到了，我和另一半都選擇了什扒鐵板餐，上餐的時候服務員有詢問我們要不要意粉或飯, 我們選了意粉, 味道不錯, 吃得出有用牛油煮過，沒有慳功夫主角什扒餐果然沒有令我們失望，先說材料，有牛柳 、豬扒 、雞柳 、煙肉 , 還有肉腸及薯角配菜，每一樣都很美味, 八個字型容這個什扒: 價錢合理，份量十足用餐後感想:餐廳真的很合適在附近如利東街或附近地方逛逛，然後來享受一頓豐富的晚餐，我和另一半很享受這裡的每一刻！

呢排成日去港島區做野, 話說一直聽講有間舊式扒房好值得一試, 出開去就緊係要食啦😋😋波士頓餐廳就係修頓隔離, 又真係幾方便! 入面位多, 而且多卡位Menu 方面, 除左散叫嘅扒之外, 都會有午市套餐, 唔想諗嘅朋友可以叫套餐啊~先黎左餐湯, 羅餸湯酸味適中, 而且料多! 但係忌廉湯就有 D 水, 不過味道都唔錯💟西冷扒 5成熟煮得剛剛好, 而且份量好大啊就快見唔到塊鐵板咁, 而且意粉另上, 絕對唔會比意粉佔到鐵板位置~醬汁味道唔會太鹹, 而扒都有牛肉味, 只係筋比較多 D!之後黎埋鐵板石班魚塊, 呢個就有少少失望, 雖然炸得都唔錯, 而且魚塊夠新鮮, 不過 D 醬多返 D 會更好食😙總結: 2個人 total 食左 HKD300 左右, 包埋一杯餐飲, 以舊式扒房質素唔錯💪💪而且地點方便~而食物有改善空間。

自從公司搬離灣仔后，已經有好多年無食過「 波士頓餐廳 」。波士頓餐廳歷史悠久, 今日重遊舊地，餐廳仍然保留著懷舊feel, 不過價錢仍然唔平。呢晚等位大概等了30 mins ，叫了一份扒set （雞扒拼豬扒）同紅酒繪牛尾意粉。牛尾很嫰，散叫好似$9x （我不太記得），但係味道頗唔錯，很腍，可以一試。至於份扒set, 水準未見特別出色，感覺有點不值。反而羅宋湯幾好飲，香濃幾夠味。個人覺得性價比不太高，而且服務有待改善！！

收工之後同同事食晚飯，近近地揀左公司附近嘅波士頓餐廳据扒。哩間餐廳都幾出名，記得第一日返工已經有同事介紹我食，拖左咁耐終於有機會試喇。7點鐘已經好多人排隊，不過好食嘅我又唔怕等，等左半個鐘左右終於入得。我地各自揀左個扒餐之後再加左個炸洋蔥圈。洋蔥圈炸得幾脆，食到一絲絲嘅洋蔥質感，點埋個沙律醬食好開胃。不過嫌佢份量少左啲。扒餐同樣會跟個餐湯同餐包。忌廉湯唔結，不過就好香忌廉味，幾清甜；裡面仲有啲粟米肉粒，有口感，好飲。餐包就微暖，軟綿綿。話咁快主菜出場喇！點嘅哩款喺魚柳配牛柳。不過有啲失望，薯王得幾條太少，雖然炸得好脆好香但幾條唔夠喉。魚柳就有啲乾身嚡口，感覺好似放左一段時間。牛柳夠淋，不過有少部份位置好韌。黑椒汁就夠重口味又夠辣。整體黎講都幾好食，不過同我預期嘅有啲差距。

今天約了朋友去灣仔食午餐，朋友話想据扒，突然想起不如去波士頓据扒啦！我同朋友講我小時候常常去食呢！於是一個箭步便去了波士頓！等了一陣就有卡位了，我們都點了午餐羅宋湯、T骨扒、飲品！總括來說，兒時回憶番哂來，十分回味!一定要再來！

昨晚睇完電視見到介紹波士頓個火焰牛柳好想試下, 今日去試, 結果好失望。落單時同個侍應講要薯菜, 佢竟然好厭惡既語氣回應"全部都係架啦!"!! ok fine!!跟住等咗20分鐘都未有野, 隔離枱遲來都已經食緊, 個侍應先行過來話張單跌左... 咁都得? ok fine!! 再入機再等。。叫得火焰牛柳都想睇佢用D火燒個過程, 點知個侍應話係"後面"煮, 煮完會拎過黎。咁我冇得睇?佢話我可以起身行去睇, 但當我想起身時已經燒完! 但其實最失望係, 牛柳一D都唔好食, 冇牛味, 仲有D"酶"! 完全唔值$180!!以後都唔會再去!!

等40分鐘先有嘢食，唔緊要，諗住慢工出細貨，點知...得我個肉眼扒係熱之外，大部分都唔熱，我老公個什扒裹面嘅豬扒同配菜直頭凍嘅😂意粉同d汁都係凍😅成$200一位！唔！會！再！有！下！次！

本人很喜歡去一些老字號食野。食既不止是味道，還有回憶。我去親必叫火焰牛排🥩淡淡的酒香之餘還有牛肉味，其他地方係食唔到，仲有果d餐台布，燈光，待應。很有細個時候扒房既感覺。

其實每隔一兩個月都會嚟一次～還記得小時候父母已經有帶我嚟呢度据扒鐘意餐廳卡位都幾舒服，還可望街景，電車景餐廳歴史夠耐，另有一番風味好feel!多童年回憶~~仲有同屋企人或一班朋友聚餐都係一個幾好嘅選擇。不錯！老實講咁耐歷史嘅餐廳喺香港已經好難揾到了火焰牛柳幾特別～味道也好食吖鐘意有d酒味嘅朋友可以試下！仲有個火焰雪山都好大份下！夠幾個朋友一齊食，餐廳食物又夠大份，呢個價錢嚟講其實真係好掋食嘅！仲要喺灣仔區嚟講會再同屋企人keep住再去係星期六日晚上比較多人等位。。。。要早小小去拎位唔係就等幾耐下！睇彩數啦

波士頓餐廳已成十年冇去了，今天點半去食Lunch，都要等位，裝修已大不同與時並進，問過侍應生午餐是日日不同的，食了鹹豬手香脆美味值得一試，還叫了雞肉意粉有驚喜好味，下次有機會嘗試其他菜式。

我的午餐系列第17篇。今早在灣仔開會至中午，所以就在灣仔找個地方食午餐。同事提議我們去老牌的波士頓餐廳，想起很久都沒有去吃過了，就決定選這間吧！好可惜，食物的質素真的叫人失望，首先侍應的招呼不好是預期中事，因為老牌子，侍應也會以老賣老，擺個高高在上的姿態去服務你。點了個紅酒牛尾，原來是碟上的，但味道真的很一般。另一個香煎雞胸配香草飯，雞胸是柴皮的，香草飯也不好味，令我完全沒有食慾。感覺上，茶餐廳的質素還要好，估計我自己不會再有下次了。

5/6年前試過一次，印象幾好；琴晚再去，2位朋友叫火焰牛柳我叫西冷。西冷正正常常，但係果兩個火焰牛成碟都係酒精，根本好似無燒過咁凍凍地，酒精太多直情擺唔到入口。以為係特色夾硬擺左舊入口都係吐返出黎。叫侍應幫我地換，佢都應付開呢個問題無問乜野就拎左去換，但係已經等左一個鐘（第一輪等左40分鐘再換加多廿分鐘），肚餓真係唔好黎，而且咁樣煮法真係浪費晒材料。樓下派飛姐姐做野好上心好Caring，待應忙得黎都算好態度。卡位好逼好窄（香港嘛），所以坐係度等一個鐘真係好折磨，尤其隔離枱遲過我入座但佢地食完我D野都未黎，200蚊位落樓真係無下次。

叫左火焰牛柳7成熟，一d都唔的食，d肉冇肉味，肉質過冧，燒汁好咸，完全唔值得$180，都唔明點解咁多人排隊，成個格局好似以前椰林閣咁⋯⋯⋯⋯都係西式牛扒好食過港式牛扒

上一次黎食已經係好幾年前，個時仲未裝修。今日難得經過就上去懷勉下。一入門口，reception 話要等一陣，以為好多你。不過等左幾分鐘就話個位已經安排好，點知上到去都無乜人。Lunch set得兩個選擇。黎得梗係食鐵板， 所以叫左個《鐵板雞排》。餐包左湯同餐包仔。湯中規中矩。餐包完全唔熱，有d失望。《迷你雞排》一如其名，係迷你。無乜肉汁，失望。記憶中既《鐵板牛柳》好好味，所以set無都叫左個。落單同伙記再三講要5成熟，黎到都係熟曬😰。由於唔係餐，叫價差不多二百蚊，完全唔值。唔知依d係咪叫希望越大失望越大。裝修完環境舒服左，不過食物就無以前咁有水準。

今日在灣仔開會, 行經此食館, 在門口思索良久. 因為記得上次光臨此店已是多年前, 應否今日適逢其會來懷舊一番. 地層的門口張貼的餐單菜式, 有十多款, 價錢相宜, 但在餐桌上卻找不到此餐單.  桌上擺設了另一張過膠的午巿套餐, 餐單設計果然有點懷舊味道. 有三款可選.  我選了德國鹹豬手配黑椒汁$85. 結果, 我是想多了.  老店的煮法是不會有變旳.  湯太多味精, 豬手太多肥膏, 肉有點硬.  薯菜很老實地向你展示是雪藏的. 服務都是老店一樣, 服務員閒話家常, 輕輕鬆鬆.  有時都為此老店可惜.  時代進步, 懷舊菜式不是不好, 但此類煮法已有點過時了, 是需要改革.