波士頓餐廳

营业中

休息中

假日晚的波士頓餐廳，等候人數超多，樓下知客阿姐相當有效率，但說話語氣容易令人反感。現場有客人因不滿阿姐的說話方式，罵了阿姐幾句，帶了少少花生給苦候的客人。波士頓餐廳在灣仔來說，價錢算是很便宜，難怪如此多人等位了。羅宋湯味道甚佳，酸酸甜甜，令人很開胃。蘑菇蘆筍雜菜沙律，食材很新鮮，值得一讚。鐵板餐是餐廳最具人氣的食物，當然我都要來一個了。鐵板牛扒的牛肉雖然牛肉味欠奉，但勝在肉夠稔。薯角香脆，整個鐵板餐印象不錯。

攞完飛隔一陣，派飛個小姐總係話好快有1人，2人枱，1人枱最後等左30分鐘左右先有枱。叫左個鐵板海鮮餐：大蝦，帶子，魚柳。個魚柳腥既，大蝦唔見有，只有兩隻細蝦，帶子冇味。埋單係$197，重點係冇下次。

等位叫號混亂晚上六時半到達餐廳取票（66號），還有12個號碼，於是站到餐廳外面路旁等候。期間叫號混亂，號碼並非依次序，有時叫個位數，有時叫十幾，有時叫二百幾。聽到64號時，與友人走進餐廳內繼續等，有叫65號、213號，然後連叫67、68號。於是上前詢問是否跳了本人的66號，個阿姐竟然話「無66號架啦喎，我劃咗架啦！我點66號時你做乜唔應我！」明明自己叫漏咗個number，竟然仲可以怪個客，仲誇張過澳牛。於是我話「我一直企响度，睇住65號兩位男士入去之後，你就叫213同67、68號上去喎」，個阿姐仲話「咁我點名叫66號你做咩唔應我丫！」，嗰一刻直頭想走人，友人在旁問「咁你係咪要補返我地個number？」，個阿姐才老大唔情願咁「補，我實補！我只係想話你知，係你地唔應我先至會劃咗你個號碼！」由始至終我地都無離開過，百分之二百肯定係佢叫漏咗，叫漏都無緊要，但咁賴皮法真係火起。等咗一陣，阿姐叫15號，無人應佢，佢就話「你地兩個呀！係咪想插飛呀？畀你地啦！」勁想爆粗鬧人，不過費事被人話我烚女人，逕自行上樓就算。由始至終，個阿姐都覺得佢自己啱晒，個我地的錯。鐵板牛扒貨不對辦叫了sirloin ste

小時候住大坑，媽媽很喜歡帶我 來這裏鋸扒， 自從搬咗去九龍就好少食了。 今日 一家人行完Sogo， 諗唔到去邊度食晚飯， 個腦就醒起坐叮叮嚟灣仔食波士頓， 大約七點半到 ，都已經好多人等位， 我哋大約等咗半個鐘頭被安排坐窗邊卡位， 餐廳已經全新裝修，跟以前不一樣了。 我哋點咗 厚切西冷牛扒鐵板餐及 阿仔最喜歡的焗葡國雞飯， 西冷點了7成熟，吃時邊位有點硬，但中間較juicy, 下次可以試六成熟。 鐵板餐配羅宋湯、餐包 及飲品， 我們點了凍檸樂，可惜冰太多， 另可樂淡味了。另外一提是餐廳的洗手間乾淨衛生。

童年時跟父母來過這間著名的港式西餐廳，便一直沒有幫襯，今天特別與家人一起再來品嚐。一早知道這間是人龍店，不能預早訂位，所以傍晚5時半就來排隊，大約晚上6時便可以入坐。但店內冷氣很大，連枱面的墊枱紙都吹得動，老人家坐得不太舒服，很明顯一會兒上的鐵板餐可能會好快凍。端上來的餐包微暖，羅宋湯足料夠味，但略嫌偏鹹。最大問題竟然是主菜，來波士頓當然要食最著名的鐵板餐啦！鐵板羊肉應該落了過多肉鬆粉，肉質過份鬆軟，沒有羊肉的質感，羊肉莫說沒有應有的羶味，連最基本的羊肉味也沒有。鐵板牛柳粒上菜時有火焰表演，看起來十分精采，但跟羊肉情況相同，落了過多肉鬆粉，肉質過份鬆軟，完全沒有牛肉的質感，也是淡而無味，記得兒時吃的很美味，現在就非常失望了！甜品火焰雪山上菜時又落朱古力醬又噴火焰，十分吸睛，但內裏的雪糕實在雪得實在太硬。焦糖布甸比較正常，但只有一小杯，吃了三四口便吃完了。整體來說，估不到最著名的鐵板餐肉質鬆散，淡而無味，價錢還要比一般港式西餐聽貴很多，真不明白為什麼還有這麼多人排隊幫襯，我們應該以後不會再來了。

灣仔甚少來的地方，今日要嚟搞一啲文件， 順道行下這兒地方， 住開九龍的我其實 一啲都唔熟香港， 不過覺得香港區都有好多懷舊嘅地方可以行下， 同埋有啲文物館重在這兒添，行下行下發現有間真係好耐嘅餐廳 ！波士頓餐廳 1966年開的好似話當年第一間有得食龍蝦就係呢一間餐廳了，當年真係幾威水㗎！ 於是就梗係入去試下啦 ！估唔到都幾多人排隊食，要上二樓， 入到去發覺一啲都唔懷舊 ，地方都算寬敞 ，玻璃窗亦都見到對面有一座舊嘅鼓式大樓，坐低就叫咗兩個午餐了 ，其實講真啦!價錢都幾貴，如果一般打工仔其實真係食唔起㗎， 不過嚟到梗係試下 呢度嘅環境同午餐啦😋😂焗芝士海鮮飯$72海鮮不算新鮮也不算多 味道配搭尚可香煎t骨扒配牛肝野菌汁$85望上去 本人覺得不持t骨😂味道一般和凍左咖啡好飲環境唔錯

昨日去完Pacific Place跟聖誕老人影相之後，就去了灣仔波士頓食晚餐，這間餐廳可算是灣仔最老字號的西餐廳了，走大眾化路線，價錢不算貴，鐵板餐都是大約150元左右, 餐廳設在樓上，樓下是快餐部。這裏鐵板餐是最出名的，所以點了鐵板牛扒餐，包餐湯麵包，還有意粉，份量十足，牛扒五成熟，出餐時在客人面前淋汁，泎一聲加煙霧四起，效果很震撼，肉質鬆軟多汁，好味。 焗豬扒飯，豬扒已切，但飯比較濕，整體還是很好味，單點，88元，還可以。餐廳整體環境舒服，剛好坐在窗邊卡位，還有街景附送，看著有半個世紀的電車走過，有時光倒流感覺，不錯。by fei dec 2018

Came to this with parents, they used to bring me here when I was little, and my dad loved it, 20 years agoThe food came in with big disappointment, we ordered sirloin, tendonloin and t bone dinner set.My brother only took one sip of the creamy soup and couldn’t drink it, it wasn’t made with cream nor potato I believeThe medium steak were well done. And the steak is cold in the center, taste like microwave food. Fairwood got better sizzling steak

「大不如前」的波士頓餐廳 -今天晚上來吃，因為很久沒有來。但一坐下幾個年輕的侍應生便不停問可以落單未要截單last order. 還未及決定便要下單也不可以再加單。 叫了兩個餐，個扒超咸超難食。白飯超硬。八成熟的扒像石頭一樣。羅宋湯超咸！未吃到一半，侍應已經問吃完未收得餐桌未，更不用說早截單。母親想要杯暖水，那個年輕侍應竟敢說 「熱水爐關了」。試問這樣的餐飲服務態度怎能維持？想再來那裡吃都幾難，希望他們早日結業！

今日提早放工同老婆兩個喺公司附近突然好想鋸扒，所以就去咗附近嘅波士頓餐廳懷緬一下。首先都係有我最鍾意食嘅餐包同我最愛嘅羅宋湯，我一直都好鍾意呢一間餐廳嘅羅宋湯因為覺得佢嘅味道好足同入面嘅料都好豐富。之後就輪到主菜，今次我地點左一個牛柳同一個T-Bone，牛柳相當軟熟，食起上嚟口感唔錯，但T-Bone今次食起上嚟相對失色，原本點左半成熟，但食嘅時候發現已經接近全熟，所以肉質比較硬，個人認為性價比較低。最後我哋飲埋餐飲之後就埋單走人，總括而言今次比上兩次食嘅時候較為失色，但都算不過不失，如果下次嚟食我都會揀牛柳。

🌚🌚🌚🌚50%表皮燒傷雞我想講，成件事好離譜.食隻燒春雞，半隻都燒燶.你唔識煮就唔好做廚師,你唔識煮都唔好拎件燶既出黎俾我食?一見唔對路，已經即刻話換,但原來服務員一見，就話唔換淨係可以轉,因為下一件雞都係會差唔多燶(!)我點得呢樣當然係因為我想食呢樣野??!你唔整過俾我迫我叫第d都得??!咁我諗，可能表皮燶，入面無事?切開，鞋過咩🤢🤢🤢🤢大佬你地唔識燒就研究下食譜啦咁既質素你都擺上明顯跣客！我整既100%好食過呢個？！overcooked仲要唔俾換一係你就換左個menu一係你就換左個廚師一係你就換過班服務員啦老字號既quality control = 無control🧚🏽Follow my ig : @pandaeatshk 🐼 for more food rants! 😋🍑🍖🍕🌮🥘🍣🍮🍳🍜#hungry #香港美食 #pandaeatshk #hkfoodblogger #hkgoodeats #hkfoodblog #hkfoodie #hkigfood #全力食 #hkfoodstagram #飲食日記 #bestfoodhk #topcitybiteshk #fotdhk

第一次食，星期日七點半左右等左幾個字有位，唔算耐。上到二樓，環境幾好，一貫嘅扒房暗淡浪漫燈光，整體都乾淨。不過一坐低發覺個位好大風，大風到連枱上面張餐紙都吹到翹起，向侍應求助，一位阿姐好心地幫手閂細左個風，有明顯改善，抵讚。不過一間餐廳空調直吹枱面明顯係會令食物速凍，仲要係賣熱辣嘅鐵板餐，細諗就真係麻麻。閂細左風之後張餐紙係翹起到定左型，可見風力有幾勁。落左單，餐包嚟，熱嘅，下面牛油都半融狀態，唔錯。忌廉湯係粟米忌廉，幾杰，味道係正常水準。之但係，朋友個餐包食到最尾嗰啖食到粒煙頭，直情食到個口有酸味煙味臭味嗰種，即時吐在餐巾上找侍應投訴啦。侍應來到，即時反應係想收走佢，連嗰粒嘢都冇認真睇過係乜嚟，然後表示啲包都係人地交嚟。見佢咁樣就唯有請佢放返低粒煙頭搵經理嚟啦。經理嚟到，落手將粒煙頭撥嚟撥去撥嚟撥去，最後唔好意思都唔多句，剩係收走左粒嘢，話俾過份餐包就算。成個感覺係我地拎粒煙頭出嚟屈佢咁 真係火都嚟，whatsapp已經有朋友話搵食環，朋友太善良話費事搞，咁唯有尊重事主啦。不過我就冇咁大方啦，點都要話下俾人知先得嘅。到主菜嚟，都等左ok耐，不過唔緊要，出晒煙啲油彈到周圍係係要等下嘅，

以前在金鐘上班，時常清晨就開始工作，到忙完了，我放午飯，這個城市都在早餐。同事都清楚我愛吃、不怕路遠，有時我會來這裏，找個能享受到日光的窗邊卡座，好好吃早餐。很久沒來了，這次是想要去新張的漢堡店，而它未夠鐘開，這裏食住等就最好、最就腳。整個早餐我最期待、最欣賞的是這個餐包，好像除了三文治和飛碟早餐這些本身有包的早餐之外都會附有。不愛吃的話可改吃多士，但當然我不建議這樣做啦。餐包切了一刀，裏面有被烘過，兩片麵包之間，藏着已被熱至半溶的牛油，簡單味美，是一幅good morning的風景。主菜是尋常不過的太陽蛋和香腸，加一碗羅宋湯通粉。坑通竟然煮得煙韌軟糯，是奇妙的質感，羅宋湯底微辣惹味，加上雜菜，感覺更健康。而且吃了渾身暖和，在這有點秋意的早上吃正好。冬季吃的話，則想必更加受用。其他選擇包括煎魚柳，當然只是不過就一碟過了，有煎蛋、有火腿，伴碟番茄、青瓜各一片。當然，無論吃的是哪款，我心目中的主角餐包一樣擔正主演。加上凍飲，埋單每位才三十七、八元，就算稱不上物超所值，此等地段、環境、質素，賣這價錢很難有投訴吧？

10月29日 - 當天下班後與友人到灣仔區晚飯，約於晚上6：30入座，無需輪候。這次是第一次到這家餐廳用膳，設加一服務費，食物份量很大，座位寬敞，但環境十分嘈吵。這次點了兩個套餐。所有套餐都可以跟飯或意粉，但需要於落單後，上菜時/上菜後點。由於份量很大，這次並沒有點飯/意粉。香草燒春雞套餐（$126)香草味夠重，十分惹味，燒春雞的脾位很滑，選配燒汁，富有港式扒房特色。雞皮微燶，最喜愛的雞脾位加上雞皮很美味。薯條亦十分新鮮，很有薯仔味。魚柳鐵板套餐（$120)魚柳份量很充足，很有海鮮味，選配了黑椒汁，感覺上很夾。魚柳有炸過但不太熱氣。餐包 （跟餐)可謂整個套餐的精髓，港式餐包是港式扒房不可或缺的一環。這個餐包上菜時夠熱，香脆鬆軟，加上牛油非常美味。忌廉湯（跟餐）傳統港式忌廉湯的味道，熱辣辣。熱華田、熱好立克（跟餐)夠熱，粉和水的比例控制得好，比一般茶餐廳好飲。

昨天星期六下午差不兩點鍾，經過灣仔波士頓餐廳，回想了很久沒去過了，那便懷念著過往的情懷，點了很普通的1個T骨牛排，1個西冷牛排。等了45分鐘上枱了，但那T骨發是咸的，初初以為是醬汁問題，但試了沒醬汁的吃下去，竟然像老媽咸豬骨粥的咸豬肉味！但那T骨排是霉的和用鹽醃製過！再說那西冷牛排，沒牛肉味，像1抉豆腐粉跟加了黑椒汁！比快餐店差，就像工廠大廈食堂差不多！兩份套餐盛惠360元！一點都不貴，但這餐廳以後錄入黑名單…！