影片
更多
2019-02-03
1053 浏览
等位叫號混亂晚上六時半到達餐廳取票（66號），還有12個號碼，於是站到餐廳外面路旁等候。期間叫號混亂，號碼並非依次序，有時叫個位數，有時叫十幾，有時叫二百幾。聽到64號時，與友人走進餐廳內繼續等，有叫65號、213號，然後連叫67、68號。於是上前詢問是否跳了本人的66號，個阿姐竟然話「無66號架啦喎，我劃咗架啦！我點66號時你做乜唔應我！」明明自己叫漏咗個number，竟然仲可以怪個客，仲誇張過澳牛。於是我話「我一直企响度，睇住65號兩位男士入去之後，你就叫213同67、68號上去喎」，個阿姐仲話「咁我點名叫66號你做咩唔應我丫！」，嗰一刻直頭想走人，友人在旁問「咁你係咪要補返我地個number？」，個阿姐才老大唔情願咁「補，我實補！我只係想話你知，係你地唔應我先至會劃咗你個號碼！」由始至終我地都無離開過，百分之二百肯定係佢叫漏咗，叫漏都無緊要，但咁賴皮法真係火起。等咗一陣，阿姐叫15號，無人應佢，佢就話「你地兩個呀！係咪想插飛呀？畀你地啦！」勁想爆粗鬧人，不過費事被人話我烚女人，逕自行上樓就算。由始至終，個阿姐都覺得佢自己啱晒，個我地的錯。鐵板牛扒貨不對辦叫了sirloin ste
晚上六時半到達餐廳取票（66號），還有12個號碼，於是站到餐廳外面路旁等候。期間叫號混亂，號碼並非依次序，有時叫個位數，有時叫十幾，有時叫二百幾。聽到64號時，與友人走進餐廳內繼續等，有叫65號、213號，然後連叫67、68號。於是上前詢問是否跳了本人的66號，個阿姐竟然話「無66號架啦喎，我劃咗架啦！我點66號時你做乜唔應我！」明明自己叫漏咗個number，竟然仲可以怪個客，仲誇張過澳牛。於是我話「我一直企响度，睇住65號兩位男士入去之後，你就叫213同67、68號上去喎」，個阿姐仲話「咁我點名叫66號你做咩唔應我丫！」，嗰一刻直頭想走人，友人在旁問「咁你係咪要補返我地個number？」，個阿姐才老大唔情願咁「補，我實補！我只係想話你知，係你地唔應我先至會劃咗你個號碼！」由始至終我地都無離開過，百分之二百肯定係佢叫漏咗，叫漏都無緊要，但咁賴皮法真係火起。等咗一陣，阿姐叫15號，無人應佢，佢就話「你地兩個呀！係咪想插飛呀？畀你地啦！」勁想爆粗鬧人，不過費事被人話我烚女人，逕自行上樓就算。
由始至終，個阿姐都覺得佢自己啱晒，個我地的錯。
鐵板牛扒貨不對辦
叫了sirloin steak，medium，侍應亦有轉用中文複述係五成熟，但來了的並非medium，切開已經無汁，只係肉身呈暗紅色，肉扒亦是乾身，較像medium well。口感而言，本人不介意medium 和 medium well，燒汁亦可以接受，但始終對這家所謂老字號有點失望。畢竟這家餐廳曾是小時候父母省了一輪錢後才能帶著自己光顧一次的餐廳，現在卻變成等位等得一肚氣、鐵板牛扒煮得貨不對辦的一家餐館
德國豬手反倒有驚喜
招牌菜鐵板牛扒令人失望，反而德式豬手令人喜出望外。豬手外皮焗得香脆，但肉質依然能維持一定軟熟，比起港島區一家著名德國餐廳做得還要出色。
张贴