泓居酒屋 (已結業)

前菜小食一人一份 雞腎好有咬口 食落一d都唔鞋口😎雜錦魚生沙律 醬汁較重鹹香味 中意濃味既可以試下😀 而且份量都好夠兩個人，新鮮沙律菜同蕃茄仔配上三文魚粒 吞拿魚粒 性價比高碎吞拿魚腩卷 佢地落左小小芝麻油係紫菜到 所以食起黎好香口❤️ 而且佢地既薑會夾埋d柚子 食起上嚟唔會話好辣，仲酸酸甜甜😎沖繩豚肉炒苦瓜 有驚喜！苦瓜味濃 仲有炒雞蛋炒得好嫩滑！豚肉一d都唔鞋口，可以叫配白飯送住食就perfect🤣𩶘魚湯豚肉烏冬 淡淡奶白色既鮮魚湯 仲有小量蔬菜 紫菜，烏冬索哂成碗湯既精華 好味❤️芝麻雪糕 啖啖都食到好細粒芝麻夠哂有口感😋燒粟米 細細份 燒到好香甜❤️關東煮 湯底味道濃郁 材料有水煮蛋 蘿蔔 竹輪 蒟蒻 油豆腐 海帶 好味湯頭😉

尖沙咀隱世高空舒適居酒屋🥕餐前小食送酒開胃都十分一流，而且完全不吝嗇份量，炆到入味又夠淋既牛舌粒🥕西班牙伊比利亞黑毛豬豬鞍$168⭐️⭐️⭐️⭐️☆黑毛豬肥瘦適中，已經燒晒d油出黎，所以食落不會太油膩但又夠香口，有配片鹽和黑醋藜麥可以點。🥕泓卷$128⭐️⭐️⭐️⭐️⭐️見到有泓字🐰就想叫了！泓卷有6件，上面滿滿既拖羅魚蓉鮮味十足，加上紫洋蔥粒十分清新，中間更有玉子令鮮甜味更加出又口感豐富！🥕魷魚糯米飯$88⭐️⭐️⭐️⭐️☆魷魚燒到好香有口感，糯米飯軟糯有附上用魷魚內臟整既醬，點上更增添鮮味。🥕日本魚勝味淋雞泡魚乾$88⭐️⭐️⭐️⭐️⭐️燒得剛好又香，不會過乾又不會太濕，點上沙律醬慢慢食下送酒很不錯！🥕南蠻炸雞$78⭐️⭐️⭐️⭐️☆全程炸雞都大大件，炸到香脆又十分juice，再點埋醬就更加正，不過就有少少鹹，但送酒都ok既。🥕威士忌梳打$68⭐️⭐️⭐️⭐️⭐️微苦，不會太酸澀。🥕巨峰提子燒酌梳打$68⭐️⭐️⭐️⭐️⭐️甘多款中店員表示係最甜的，所以🐰就揀左依款試下，果然對於不常飲酒既人都會容易入口，又香又甜巨峰提子味帶出燒酌味。環境座位都十分舒適，坐係度食下野飲下酒同朋友吹下水非常放鬆，店員服務態度良好，不會有好趕既感覺，需加一服務費。=

【泓居酒屋｜秘景午餐享受😎】Lunch嚟到尖沙咀廣東道，四周圍都係遊客，要搵一個舒服可以傾吓心事食餐便飯嘅地方唔易。感恩遇到「泓」入嚟見到靚景都開心返晒，終於可以Chill Chill地嘆個日式午餐。食咗咩🌊碎蔥吞拿魚腩茸丼定食吞拿魚腩茸加入少少黃色的是醃蘿蔔碎，口感爽口之餘又少少咸，豉油都唔使落咁多。🌊雜錦魚生飯定食三文魚、油甘魚、劍魚青瓜粒粒、簡單唔使諗嘅飯，啱晒成日話「無所謂」同諗唔到食咩嘅人。仲有前菜、沙律、湯同餐飲，我揀咗巨蜂提子梳打。目測餐廳有房可以Book,三五知己傾密偈更方便。🌊泓居酒屋 📍尖沙咀廣東道122-126號中港中心17樓 #尖沙咀美食 #尖沙咀日本菜 #靚景推介 #魚生飯 #抵食

今日星期六，海港城充斥住勁多遊客，好難搵位之下，上網見到呢間居酒屋評價唔錯。前菜鱈魚干鱈場蟹肉玉子燒鱈魚干超好食，燒得勁香脆，卜卜脆，送酒一流。玉子燒亦都係食得出即叫即燒，蛋味香濃，又不會過分死甜，配上蟹膏醬，幾特別！燒物蘆筍豚肉極力推介，蘆筍超嫩，配上鹿兒島豬肉，好食到要encore燒鰻魚要測試一間居酒屋既燒物合唔合格，睇下燒鰻魚既水準就知。呢度嘅燒鰻魚值得一讚，外皮香脆，純粹鹽燒，食材夠新鮮，控制火候亦都好好，外脆內軟外皮香脆，無得彈西班牙黑毛豬呢個又係好驚豔，豬肉完全冇騷味，反而係好濃既肉味，燒得剛剛熟，好鬼好食。免治雞肉配溫泉蛋呢度嘅免治雞肉係即場人手製作，配上醬汁，烤到微微焦香。其實只要用心製作，免治雞肉就一定會好食🤤最後忍唔住呢個溫泉蛋都食晒南蠻炸雞炸物正常水平，都可以作飽肚之用日本炸絹豆腐飲品叫左whiskey highball同埋青蘋果梳打，兩款飲品都係正常居酒屋必備，食串燒同迦密真係不可缺少！

放工後飲下酒輕鬆下呢間居酒屋係不錯既選擇聽住日文歌，食串燒，飲啤酒啤酒仲要買一送一坐低後有碟前菜小食腎片Special Menu有泓•他他擺盤好靚呀！有角切深海池魚，油甘魚，拖羅，三文魚加上牛肉果醬，醋mix既醬汁。酸酸地放係脆餅上一齊，口感層次豐富串燒提燈本身唔知咩黎，原來係未有殻既雞蛋+輸卵管因為個烤醬好好味，表面燒到脆脆地蛋黃未有全熟滑溜口感推薦一試呢款少有既串燒泓卷青瓜雞蛋卷,上面放左吞拿魚，三文魚碎仲有海苔，口感豐富既卷物𩶘魚湯牛肉烏冬濃濃魚味湯底，清清地同海帶味道好夾蔥花絶對提升魚湯香氣烏冬淋左少少，但好滑身

尖沙咀隱世日式居酒屋，地方寬敞光亮，位高配17樓落地大玻璃，景色一流。🥢美食超多款式的燒物，單是肉類 : 牛，豬，雞都各有5款或以上。蔬菜壽司卷物都不少，選擇非常多。小妹分別點了 ，，，，，，。不得不提這個卷物非常出色，拖羅魚蓉的魚油香再加上紫洋蔥粒，整個壽司卷都好refreshing ！，，這幾款燒肉都非常好食，肉排燒到乾身，無過多油脂且又不會過乾過硬，調味足，配酒是一流的！如果你喜歡雞肉，又想有點新意，那麼免治雞肉棒配溫泉蛋是不錯的選擇。肉棒經燒煮後仍多汁，沾上生蛋黃醬，更加好吃😋。説到蔬菜類的，就一定要試試炸沖繩苦瓜。苦瓜炸得酥脆爽口，粉漿也不太厚，味甘帶甜，好食！清新的青蘋果特飲，為整餐加分。總結，這家日式居酒屋提供了豐富多樣的燒物，每一道菜品都有其獨特的風味，值得一試。服務態度也非常好，給人一種舒適自在的用餐體驗。

又約朋友仔去居酒屋食下野傾下計，lee個隱世居酒屋係中港中心，餐廳窗邊有大大嘅落地玻璃，風景一流。免治雞肉棒配溫泉蛋 $68雞肉棒入面混合左雞軟骨碎粒，感覺有口感，雞肉棒沾上溫泉蛋醬又好滑溜。荔枝豚肉 $48荔枝包著豚肉黎燒，豬肉有荔枝嘅清香味，令豚豬肉充滿水份又清新。牛舌心 $58雖然簡單地用了鹽同黑椒黎調味，但已經夠入味而且juicy 爽口，不過只得2件，份量少了點南蠻炸雞 $78用上日本炸粉，炸皮都幾薄，內裏雞肉夠軟淋夠juicy，都幾好味，但比嘅他他醬太少了。魷魚糯米飯 $88Lee個有驚喜，魷魚包住糯米飯，糯米飯調味剛好而且不會太濕太硬，魷魚又鮮甜，配埋用魷魚內臟調配成嘅醬汁更加突出鮮味，不過醬汁比較濃烈，所以沾少少好了。雜錦魚生沙律 $118魚生份量都ok，沙律新鮮日本乳酸梳打 $58白桃梳打 $58

餐廳位於大廈頂層，入口左手邊係長長嘅水吧同大電視，右手邊就係闊落嘅座位，仲有幾間可以望到園境、私隱度較高嘅房。餐廳嘅環境同燈光，啱晒想同朋友一齊食吓串燒、飲吓嘢、傾吓偈，時間真係會不知不覺就過咗😆😆∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 鱈魚干 $48燒一燒嘅鱈魚干，薄脆嘅口感好似食緊薯片，味道甜甜哋，沾埋個醬，更鮮❥ 魷魚糯米飯 $88煙韌易咬開嘅魷魚，釀埋煙韌鮮甜嘅糯米飯，雙重煙韌覺得唔夠味嘅朋友仔可以沾埋由魷魚內臟製成嘅醬汁，魷魚更香濃❥ 泓卷 $128份量十足，上層三文魚他他加埋紫洋蔥，味道唔腥。下層係結實唔鬆散、沾滿紫菜嘅壽司卷，仲包住玉子同青瓜，整體味道清爽唔膩❥ 串燒૪ 牛舌心 $58૪ 免治雞肉棒配溫泉蛋 $68牛舌心非常厚身，口感爽彈又多汁雞肉棒混合雞軟骨，沾埋溫泉蛋，滑溜軟腍中仲帶有脆卜卜口感❥ 𩶘魚湯野菜烏冬 $108自家製嘅奶白色𩶘魚湯，味道鮮得嚟唔腥烏冬口感煙韌，而且份量夠兩個人食架❥ 日本乳酸梳打 $58❥ 巨峰提子梳打 $58乳酸同巨峰提子唔會好甜，配埋夠氣梳打水，啱晒夏天∴∵∴ ୨୧ ∴∵∴ ୨୧ ∴

啱啱去完日本返黎，都有啲未食夠既感覺，由於我地對日本居酒屋都念念不忘，於是今日近近地去咗泓居酒屋食飯。🥰🥰座落中港中心頂樓既泓居酒屋，樓底高，加上景觀開揚，坐得好舒服。呢到可以揀坐吧枱，但我地就咁揀咗個卡位坐，望住日落食飯，好chill。😆😆黎到居酒屋必定要叫既梗係燒物。牛舌心同埋雞腎係我地既飛彿，亦都好睇到居酒屋食物既質素。牛舌心好厚切，輕輕用鹽調味已經好好食，牛舌好淋身，入口有油脂香。雞腎亦搗燒得啱啱好，非常爽脆。如果有需要都可以點少少芥末醬，另有一番風味。😍😍之後我地叫咗免治雞肉棒，入面加入洋蔥同埋少少雞軟骨，食到嫩滑雞肉之餘，亦增添另一種口感 。撈埋濃稠既蛋漿黎食更滑溜。😆😆燒飯團又係另一樣食到上癮既野。飯團表面燒得金黃香脆，薄薄一層飯焦，入面既飯又好軟糯，加埋紫菜同埋木魚碎，已經好夠風味。😝😝之後我地叫多咗兩個一品料理-日式炸絹豆腐同埋清酒煮蜆。炸豆腐外皮香脆，入面既豆腐保持到嫩滑。而清酒煮蜆，啲蜆大隻之餘亦都處理得好乾淨，清酒好香，亦都好易入口，推薦大家食呀。😍😍居酒屋當然唔少得酒。我地分別叫咗白桃同巨峰提子燒酌梳打。果味突出但又唔會太甜，好易入口，唔太飲得既朋友都可以一試

今日又同同事搵下lunch有咩新野試下，呢到呢間泓居酒屋d野幾靚，決定上去試吓我地叫左兩個set lunch燒原條日式脆皮白鰻 $128鰻魚燒得十分香脆，油分豐富，外脆內軟，配日本珍珠米飯簡直一流刺身2點 串燒4串 配烏冬定食 $148刺身有三文魚腩同油甘魚各兩件，肥美新鮮，串燒有燒豬腩肉、雞頸肉、翠肉瓜及秋葵配上好有口感既稻庭烏冬，超滿足👍🏻👍🏻午市套餐都配有沙律、麵豉湯及前菜十分豐富，值得一試👍🏻👍🏻

前排睇到某YouTuber推介黎呢度食見佢介紹個幾樣巳經心郁郁mark低今次叫埋附近做嘢嘅朋友一齊嚟🤪===================== 餐廳嘅吸引之處有別於一般居酒屋地點位於海港城對面嘅中港頂樓17景觀唔錯 有兩間包廂 私隱度高🤩菜單上好多出面食唔到既精品小食出品著重擺盤 配搭亦有誠意居酒屋嚟講算係做得好唔錯👍我哋兩個人食 唔覺唔覺都食咗好多🤣一埋位佢已經由餐前小食送比大家係炆到好淋好入味既牛舌😋然後我哋叫咗1️⃣日本魚勝味淋雞泡魚乾$88-呢個係朋友每次見到必叫之選，呢一間嘅雞泡魚乾係我食過覺得燒得好食嘅頭三，厚薄度適中，唔會少得過乾，而且點埋絕配既蛋黃醬，👍👍2️⃣大蝦天婦羅卷$168- 呢個係如果淨係睇菜單嘅名覺得平平無奇，我哋坐低咗見到人哋食，見到個賣相好特別同大陣仗，就忍唔住叫埋，份量唔少，有8-9卷，千祈唔好忽略個炸蝦頭，啖啖肉，而且炸得酥脆😋😋3️⃣荔枝豚肉串燒$48- 佢哋嘅串燒一燒完會即刻上比你，唔會話等埋另外一串先上咁，務求比到最新鮮嘅味道大家品嚐，荔枝嘅香甜配上豚肉既焦香，又係一個記憶點！4️⃣阿波尾雞頸肉串燒$585️⃣脆皮原條白鰻$168- 平時食得蒲燒鰻魚多，彷彿蒲燒

搬了office之後已經很少到尖沙咀海港城，今晚再次重臨，吃飯的地方就在對面樓上的一間居酒屋，開張不久。店子環境開揚舒適，落地玻璃眺望九龍公園景緻，綠油油一片令人心情放鬆，很舒服！泓佐酒小食~ 牛舌切成粒狀，口感軟腍入味，蘿白十分清甜，正！白鱔$88~ 肉質非常彈牙， 表面燒得金黃香脆，很美味。牛舌心$58~ 口感爽脆，牛舌味濃，好好味。香草羊架$98~ 肉質軟腍，亦帶有咬口，羊味香濃。豚肉餃子$78~ 表面煎得金黃微脆，裏面係豚肉加上豬較骨，口感豐富。魷魚糯米飯$88~魷魚筒切成片狀，以汁醬燴過，很入味， 裏面釀滿糯米飯，又香又軟熟，好滋味！柚子燒酌梳打$58~柚子味加上少許燒酒的香味，很清新。荔枝梳打$58~酸酸甜甜，荔枝味香濃，很解渴。

今日放工約咗個舊朋友去咗尖沙咀泓居酒屋dinner因為大家都想食串燒😆🍗黎到必叫免治雞肉棒陪溫泉蛋好香咬落入面既雞軟骨好脆😋一定會Encore既雞肉棒！🥩燒牛小排好好吃😋好軟熟燒得岩岩好🍖燒香菜羊架都唔會覺得又蘇味再加上獨配醬料令口感更豐富🥓燒農家煙肉串肥瘦均勻一比一中間仲有洋蔥，口感好香口美味！🦑魷魚糯米飯一上台已經好香軟熟既魷魚片包住軟糯嘅糯米飯真係好味！嘢飲方面佢地既梳打水有酒精或者非酒精🥤我哋分別叫咗有酒精嘅提子梳打和荔枝梳打水完全唔會太甜😋

泓居酒屋尖沙咀廣東道122-126號中港中心17樓之前有朋友黎大讚呢到好靚🏞️今次試下黎先但夜晚黎睇唔到九龍公園既景色 有D可惜🌟南蠻炸雞雞肉好嫩滑🐣雞皮炸到好香脆 肉汁好足夠🥰串燒牛小排好重牛味 加上佢既牛汁 成個串燒好香好香牛脂味😚牛舌心呢個係厚切牛舌心 好腍好厚❣️泓卷係呢到推薦 試下先😋入面原來係蛋卷🥚加青瓜🥒而面頭係各類魚生碎😍咬入口層次都好豐富 好新鮮大蝦🦐天婦羅卷呢個係一條龍🦕咁上枱 加上有上面D碎碎好似龍既鱗咁仲要咬入口係熱架 仲要有好多舊 加埋辣既芝士醬😝白桃燒酌梳打巨蜂燒酌梳打

近頂樓既一間居酒屋，空間幾闊落，仲有落地玻璃美景，最啱約啲朋友一齊食野。魷魚糯米飯外觀就係條脹脹既魷魚，顧名思義就係魷魚入邊包滿晒糯米飯，咬落去有層次感，然後啲飯都保持到適當嘅溫度，醬汁調味好夾。南蠻炸雞上枱夠熱，一咬開多肉汁。香草羊架很嫩，配合香草的味道，好開胃。西班牙伊比利亞黑毛豬豬肋條，烤得岩岩好，外表酥脆，内里肉質鮮嫩多汁。沖繩豚肉炒苦瓜，苦瓜切得薄身，平時唔係食開苦瓜都接受到。白桃and 柚子燒酌Soda ，兩隻味都易入口。