泓一拉麵

营业中

休息中

尋日同男朋友特登去黃埔朝聖，喺黃埔站出口行咗冇耐，就見到個鋪面，唔難搵嘅。入到去佢大概得六個吧枱式座位咁，杯凍水都好夠凍，但係個冷氣吹到正就略嫌有啲凍得滯。我叫咗個鰹魚拉麵，男朋友叫咗個雞白湯拉麵同一份大阪燒餃子。鰹魚湯底都可接受，但係覺得有少少偏苦，夾住啲柴魚片一齊食就比較平衡啲囉個味。拉麵入邊有兩片豬肉叉燒，一片雞肉叉燒，味道都唔錯，由其是雞肉叉燒尚算嫩滑。但係啲蔥花就略嫌粗鞋咗少少，可以揀啲更幼細嘅蔥花比較啱口味。個日本雞蛋都算係出色嘅，流心蛋，係堅係日本雞蛋嚟嘅，處理得唔錯。但無咩話食完無咩特別既感覺。雞湯都Ok 🐓，我始終唔鐘意飲太杰既湯底，但男朋友就覺得好好味🤪 ，餃子不過不失，都煎得唔錯嘅，唔會好林，味道都還可以一試

店鋪細小，只有大約八個座位，假期一般都會大排長龍。老闆在店內自設製麵機，親自製作拉麵條，而且拉麵加入了小麥，有淡淡的麥味，讓麵條更煙韌有口感。店舖主打自家製濃郁豚骨湯底，經過十多小時以上熬製，味道濃厚。不過最出名卻是店舖的雞白湯。雞白湯的湯底以雞殼、雞骨等自家熬製8個鐘，再用攬拌機攪至起泡，口感順滑，味道香甜，有淡淡雞油香。 不過配搭的雞胸肉質略為粗糙乾身，相對失望。

聽人地講哩間雞白湯拉麵好好食！經過成日都見到大排長龍今次專登早D去 唔洗排隊排咁耐～終於可以黎朝聖下🤪▫️雞白湯拉麵🍜 $98一上枱 雞白湯會打到起哂泡 湯底會比較杰身溏心蛋煮得岩岩好 配上奶白色既雞白湯 湯底好濃郁！唔會死鹹👍🏻而且每啖麵都好掛汁 果然係好出色🤤▫️ 特製醬油拉麵🍜 $82簡單而又清澈既醬油湯底配上香油 入口有種舒服感簡單得黎又唔會油膩～▫️大板燒風餃子🥟 $36表面煎得香脆 肉汁都Juicy沙律醬同木魚片好足夠😂🔸總結⭐️值得推介：雞白湯拉麵⭐️．都真係網上所講～值得食！而且都高水準👍🏻 價錢可接受！．因為餐廳店鋪比較細 全bar枱 座位得7-8個，等候入座都需要小小時間．餐廳都有細心位值得讚～ 就係有準備紮頭髮既橡筋 放左係枱面比客人，方便食拉麵既時候可以紮起頭髮🙌🏻

This chicken soup ramen restaurant that exceeded my expectations in every way. As soon as I walked in, I was greeted by a warm and inviting atmosphere that made me feel right at home. The decor was simple and modern, which added to the coziness of the place.But the star of the show was undoubtedly the food. I ordered the chicken soup ramen, which was simply outstanding. The broth was rich and flavorful, with just the right amount of saltiness and umami flavor. The noodles were perfectly cooked,

晏就兩點半三點 諗住應該無咁多人就去睇下食唔食到 去到門口都有四個人排左大概20mins 到 終於可以入去食叫左雞白湯拉麵 一黎到就見到個湯好豐盈 好creamy 咁 試一試個湯底 真係好濃郁既雞味而佢塊雞同豬既肉質都好嫩口 真係聞名不如見面

泓一拉麵開業八年，原址大圍，後搬到紅磡，人氣一直高企。老闆兼大廚Tommy有超過10年煮拉麵經驗，曾跟從日本師傅學藝。假日我6:30左右開始排隊，前面有6個，等了30-45分鐘 （天氣炎熱係有少少辛苦💦）。🌇裝修：木系日本拉麵小店裝修，店內只有7個座位，地方淺窄，空調偏細，不算舒適。🫶雞白湯拉麵 $98🍜雞白湯拉麵的湯底以大量雞殼、雞腳、雞翼尖、全雞等熬成奶白色，好足料咁用心熬煮；上碗後再打泡令湯底更順滑creamy。湯底鮮甜，雞香濃郁，比起座銀無咁濃味，無咁油膩（有好有壞），價錢也比較親民，值得一試。🍜店內自設製麵機，自家製新鮮麵條，十分有誠意。麵條中幼，頗煙靭，中度掛汁！🍜拉麵亦配一塊慢煮薄切叉燒、一塊慢煮雞胸和一隻溏心蛋。肉入口尚算軟淋，但如果叉燒肥少少、雞再嫩滑少少會更好。溏心蛋不錯，咬開流出蛋汁，蛋味香！🫶背脂醬油拉麵 $88背脂醬油拉麵雖然用咗豬油熬制，但比起白雞湯無咁濃味，十分清甜，適合鐘意食簡單清湯底嘅人。🫶日式餃子 跟拉麵加$25有5隻，足夠二人分享，不算太油膩，但亦不算太脆香，不叫亦可😅🫶免費提供自助冰水✍️整體：拉麵好食，兩碗各適合唔同人食。我自己好鍾意雞白湯嘅cr

、泓一拉麵成日見到人推薦，想試好耐，但係見個個都話去到要排好耐隊，所以就打消左呢個念頭。今次終於下定決心去試！食完完全冇失望！不過要排咁耐隊食就要諗諗了。  1️⃣雞白湯拉麵（$98） 每碗拉麵本身都有筍、蔥、慢煮雞胸、叉燒同埋一隻溏心蛋。一上台，奶白色既奶泡完全遮蓋曬底下既配料。湯底係好香濃既雞湯味，唔會油膩亦都唔會過鹹。慢煮雞胸好滑！然後佢地既糖心蛋又係非常出色！入曬味而且中間係橙黃色既好好食！最特別既一定係佢地既麵🤩有啲黃色一點點咁，食落有咬口得黎帶少少麥香～  2⃣️海老沾麵（$98） 個沾麵都唔錯！本身就係衝住佢既雞白湯拉麵而來，冇諗過佢地既沾麵都幾好食！麵條比起拉麵果款再粗身啲，口感更加彈牙，而且都係果種有啲小麥點點既麵條😌海老味道都幾濃！掛汁！   

平時唔食拉麵 覺得好貴又唔好食咁啱去演唱會 朋友想試下所以就陪佢食食完覺得好驚喜 所以第二次帶埋老公食黃埔站A出口行5分鐘就到兩次去都係1800左右 已經排哂隊等開門最慘係未齊人嘅話就只好讓俾其他人先入面空間好細 坐位得6到8個人擺袋嘅位都冇 只好放係大髀啦🔸雞白湯拉麵 $98嗌完等幾分鐘就遞俾你雞白湯勁濃 個濃係我嘅接受範圍最頂點如果佢再濃啲應該會好膩加上有埋泡泡 所以個湯好creamy 好好味內配雞肉同叉燒 雞肉平淡啲冇乜味反而叉燒就好食啲麵就係直身幼麵 掛到湯又唔會話太硬太冧糖心蛋做到入面流心效果🔹背脂醬油拉麵 $88同雞白湯唔同嘅係個湯上面係背脂 以為好油膩其實又唔算當然比較起雞白湯 個人覺得冇咁驚喜不過整體上個香味同醬油湯都唔錯有機會都想試埋其他湯💬對於平日對拉麵興趣甚少嘅我嚟講 呢間係幾啱口味 尤其雞白湯係真係驚喜到我

久仰大名嘅人氣雞白湯拉麵，第一次經過見到大排長龍，所以就放棄咗。今次特登趁平日中午12點去排，去到前面有6個人左右，望入去鋪頭得7-8個座位，以為可能要等至少個半鐘，好彩大概等咗45分鐘左右就入得啦🤓雞白湯拉麵 💰HK$98呢到主打就係好濃郁嘅雞白湯拉麵，而鍾意淡口味嘅我就決定試吓呢個招牌菜，感覺上冇豬骨濃湯咁油膩。點知碗麵一嚟到嗰陣就見到佢係奶白色嘅湯底，碗旁邊仲有啲起泡嘅感覺，即刻忍唔住試咗啖湯先，果然係預期之中咁好濃郁🤤美中不足係我唔記得咗走佢表面嗰啲菜同埋洋蔥，呢兩樣嘅味道有啲生。溏心蛋就正正常常，自家小麥拉麵有咬口，但略嫌掛湯唔係好夠。個湯真係好好飲好creamy，不過食到最後覺得有啲漏，所以食唔晒啲小麥拉麵🙈不過環境就偏細，坐得唔係好舒服，如果地面再大啲就好了。總括嚟講係如果下次唔使排隊就會再食，要排好耐隊就可以免了，冇想像中咁值得排隊～

11點幾去到排隊，朋友幾分鐘後到咗，一齊排咗二十幾分鐘。我哋排第二組客人，前面第一組係一個女人到咗，之後2個男人再join。準備入去嘅時候，後面第三組有個女人喺度嘈話如果佢知第一輪入唔到就唔會排。然後個侍應唔俾我2個朋友入，話俾後面個女人入先？ ？ ？ ？ 但明明我哋排隊先原來排隊係無用的夠嘈，夠惡，個侍應就會俾佢入最後冇食以後也不會食依間寧願食服務態度好啲嘅舖頭

之前看資料話得6-7張枱，另一半即不想去怕排好耐。今天突又話不如看下，多人就吃別的。6点45分到，前面有4對人，7時十多分入到，都尚可接受，門前有4張高椅可坐著等 所以是站了約廿分鐘。出名的白濃雞湯拉面，湯有濃厚的雞味，面是幼拉面，沒有試吃，另一半話都真的幾好味。海老沾面的湯不只是濃厚，簡直是有稠醬的滋味，蝦味突出，配粗身面條，容易沾汁。可惜吃完面，加湯後湯竟然不夠熱，未能好到最後。排在我後面的我看只得一個人，剛好我們入座後全場剩一個位，我便通知店員說排我們後面的應只一人，叫他問一下，他很快便安排他入座，全程店員服務態度也頗佳。

本人非常喜歡食拉麵，原本對香港的拉麵無信心，但見此店的名聲很高，抱著既然已出九龍，就一試無妨。到店時，只得四人在排隊，等了10分鐘左右就到我了，當我發現店內有一個空位，但無人出來安排入座，就入內問是否可以入座，店員只望我一眼，就繼續工作，完全當我透明，感覺無禮貌及不受尊重。再等了一會兒，又再問一次時，有一員工態度惡劣，問我是否有排隊，我心情由好期待，到到失望、委屈及生氣，為何可以如此對待客人？不論我是否有排隊，應該有禮貌地向我查詢，而非質問，更何況我是跟足指示排隊。食物無論多美味，也不值得再光顧！

泓一除咗出名食雞白湯拉麵，仲好出名細間😂 入面得7個位，所以未到6點開舖，已經開始有人排隊。*雞白湯拉麵 $98雞湯用日本九洲香草雞雞殼長時間熬製，呈淡黃色，再用均質機打到起泡。湯頭順滑香濃，比起中式雞湯嘅甘甜、西式雞湯嘅濃厚奶香，感覺泓一雞湯多一份清爽感。自家製拉麵幼身，彈牙爽口，加入小麥粉令麵條帶麥香，不過略為掛唔到湯，食麵連湯飲會比較理想。自家製叉燒經真空低溫烹調，粉嫩軟滑，不過味淡。雞胸肉片嫩滑帶煙燻味，個人覺得啱我多啲。溏心蛋滷到入味，蛋黃非常流心，如果可以熟多少少會更好。*日式餃子 $33拉麵加配餃子只需要$25。煎得好香又唔會太油膩，餡料肉嘅比例比較多，二人分享啱啱好。

【九龍城區】【泓一拉麵】呢排正值北京冬季奧運，咁我作為一個體育運動嘅人士，就當然搵返啲相關嘅朋友食飯敍舊。我識佢嘅時候已經係北京夏季奧運一齊做嘢，有印象都應該記得係 2008 年，講講吓原來已經識咗佢十四年，嘩。當年佢仲係一個妙齡少女，同佢 part 做嘢係有啲壓力。好記得有一次有個隔離 team 嘅男仔，問我點解識佢喎，喂大佬想我點答你，之後仲問我有冇佢電話，知都唔會話你知啦。可想而知靚女都會有壓力，同事都咁樣喎。時至今日，都十幾年，大家都係老朋友，我都係幾年前先鼓起勇氣話返畀佢聽呢單嘢。結果當然係被佢大肆譴責，話我點解要扼殺一段大好姻緣，好好笑。哎呀，唔靚仔架，唔好咁啦，至少襯唔起我眼前呢位「娘娘級」先。本身係諗住約佢去第二間嘢食，點知我去到先知嗰間嘢原來而家只做外賣，唔做堂食，所以食唔到。無可奈何之下唯有即刻搵嘢食，朋友講呢間，只係可能多人排，我就嗱嗱聲去等位。結果撞到小學嘅老師，我真係無奈咗囉。逗利是失敗之下，終於等到朋友，就啱啱好有位可以入去。都係日式拉麵小店格局，得兩排枱櫈，八個位左右。Menu 都簡潔而清晰，冇乜奇怪嘢咁。我叫咗個「背脂醬油拉麵」，$88，都唔錯，個湯都幾

中午12點前開始排隊，但入唔到第一輪，要在外面等了25分鐘終於入到去啦！背脂醬油拉麵$88湯底好濃豬的油香，麵是幼而直身，一大塊叉燒和雞胸。海老沾麵$98湯底好香海蝦味麵是寬而直身，口感彈牙，份量幾多。溏心蛋唔錯！一入到店內格局好日式小拉麵店，全店座位只有7個，有3位男子負責全店的運作，包括安排入座、煮嘢、上餐、收錢和清潔。其實客人食完就即走，理論上流動性都快，但因為只得3人做晒全部野，入座後還要等廚師烹調，感覺上全程等候時間和食嘢時間好大對比，如果唔喜歡等的朋友又想去試食，要有心理準備。我欣賞他們有心煮出好味的拉麵，望住佢哋在這狹窄的空間，不停手做嘢！真係佩服👍🏻但個人鐘意坐得比較舒服，慢慢享受品嚐食物的過程多啲😜