泓一拉麵

营业中

休息中

當日星期六11:55左右排隊，第二輪就入到去，舖頭得七個位，好細，但係拉麵款式都幾多，試咗最出名嘅雞白湯，同埋醬油拉麵雞白湯果然名不虛傳，湯底有好濃郁嘅雞味，鹹度適中，飲晒成碗湯都唔會覺得好口渴，麵質就正常，不過不失。試埋佢個醬油拉麵，都幾好味，清清哋，不過冇雞白湯咁令人驚豔。

星期六中午到步後等左40-45分鐘。點左白雞濃湯拉麵和蝦湯沾麵。雞湯味是明顯食得出跟外面一般湯口味吾同有特色，偏少咸，但討好。但蝦湯感覺混了像花生醬的味，似為了增加濃稠度，可能係我味覺差，覺得吾太對味。2款粗幼麵都好食，而配的白雞肉和豚肉都吾算出色，雞胸肉滑但普通，豚肉似火腿吾似叉燒，難再回頭食。

位於紅磡的泓一拉麵店是小小的，但門外長期都是有一條人龍在排隊，一般週末假期會更困難。星期五下午大約1:45pm，算是過了食飯高峰期就來碰碰運氣吧，然而等了大概2、3分鐘就能夠入座了！店舖面積很細，包括了開放式廚房和並最多容納七位客人，客人與客人之間都是坐得擠迫的。第一次到來就試試她們最招牌的雞白湯拉麵($98)。拉麵的表面全部都是白色泡泡，底下的湯底程淡啡色，味道香濃，泡泡有突出的雞脂味，鹹度合適不會過鹹，不過飲得多當然是會有點膩啦。幼拉麵有點嚼勁，見到裡面有一粒粒麥粒，質地做得爽身，掛到有少許稠度又濃郁的湯底，配搭得不錯。肉的配料方面分別有叉燒和雞肉，前者不算肥，後者有點煙燻味，兩者味道正常。碗裡有一原隻雞蛋，醬油的味道剛剛好為雞蛋增添了一點香甜，蛋黃味道亦濃郁。吃完一整碗拉麵都幾飽肚，即使我喝了不少湯稍後時間也沒有感到口渴。食物味道不錯，偶爾吃到一碗熱騰騰的雞湯拉麵感覺溫暖又滿足，經常吃就太膩了，而需要排隊的話又未必太值得。在黃埔區若要食一碗雞白湯拉麵可以來這裡，豚骨湯拉麵的話轉個彎也有另一個好選擇

星期五約咗朋友食lunch。之前見到網上風評唔錯嘅泓一拉麵，就揀咗呢間一齊試試。去到個陣大約1點幾，前面有7個人，所以都等咗幾耐先入座。我哋都叫咗雞白湯拉麵。可能因為等咗好耐，對碗麵期望有啲高，我覺得碗麵只係中上，唔算得上超級好味 個湯幾濃下，好飲嘅。麵就正正常常常。溏心蛋ok，雞肉同豚肉都唔錯。總括嚟講，碗麵係好食嘅，如果唔使排隊，我都會偶爾再嚟食。另外一提，餐廳好貼心為女士準備咗橡筋紮頭髮，值得稱讚

終於食到呢個位置真係算唔上方便所以久仰大名都一直未黎試12點多D到已經有人龍，就咁睇得7-8個又唔算長，但原來入面得幾個位就算等8個已經要等半個鐘而且佢講明唔可以代排，所以我地都乖乖地唔敢輪流排住先再周圍行下雞白湯拉麵$98又真係幾好食，湯底濃而不膩，唔會有負擔感麵條係幼麵仲見到少少麥粒，麵條老實講就冇咩特別叉燒有雞同豬兩款，兩款都幾唔錯，好軟淋又唔係淋到梅MVP係糖心蛋，超入味濃香蛋味同超流心！你話驚為天人既話，當然冇日本咁正但係付出既時間成本亦冇咩好比較雖然呢度都係排，但同日本好食既拉麵黎比半個鐘真係唔算d咩下下同番日本比冇咩意思，除非你去日本同去紅磡差唔多條件而且佢價錢都唔貴，100蚊唔駛食到雞白湯，平過另一間開左好耐既雞白湯拉麵座Ｏ好多加餃子$25冇咩特別，就係大家自己係超市買果d日本餃子，係夠皮薄既煎完佢預設係將脆面放係底即刻將佢反轉咁就保持到脆皮好想知到底幾時去食先唔駛等咁耐

濃爆嘅雞湯拉麵，飲多幾啖都唔會覺得口渴，唔會太膩，湯底濃郁可口。麵質較爽口彈牙。配料有叉燒、雞胸肉、半熟溏心蛋，比較欣賞雞胸肉，肉質嫩滑淡味～The soup of the chicken white ramen is so rich that you won't feel thirsty no matter how much you drink it, it won't be too greasy, so the soup base is delicious in general. The noodles' texture is chewy. The ingredients include barbecued pork, chicken breast, and half-boiled soft-boiled eggs. I like the chicken breast the most, the meat is tender and soft~

果然好味的✨雞白湯拉麵🍜長期人龍拉麵店，之前就算平日非繁忙時間來都排曬長龍，今日經過終於攝到個位可以一試距味道了！！餐牌餐具都放係檯面上，坐低店員會俾水杯你，可以自己斟凍水，有咩order同店員講就ok了，有幾款拉麵同沾麵可以揀，都幾多人喊辣醬油拉麵，但一場來到梗係要試咗佢人氣招牌雞白湯拉麵先啦～上菜好快！雞白湯拉麵湯底好濃郁，起晒泡濃郁的骨膠原，但一點也不油膩，有一塊自家製慢煮叉燒同一塊慢煮雞胸，慢煮叉燒好好味！微粉紅色浸下雞白湯之後再食會更惹味！雞胸肉就中規中矩，有少少鹹唔算太嫩，拉麵係小麥拉麵，可以見到一粒粒小麥咁，口感好好，整體都十分滿意！

我排頭位試了這家食店人氣的雞白湯拉麵。這種湯底通常是由長時間熬煮的雞骨、雞肉和香料所製成，呈現出濃郁的雞湯風味。而這家的湯底的口感柔滑，令人感到舒適和滿足。而加入溏心蛋更是為這碗湯麵增添了額外的驚喜。溏心蛋半熟，蛋黃部分仍然保持著濕潤和綿密的狀態。當你將湯麵的湯底和蛋黃混合在一起時，蛋黃的豐潤口感和蛋白的絲滑口感完美融合，為湯麵增添了濃郁的口味和質感。拉麵的配料也是不可忽視的一部分，雞肉塊鮮嫩、蔥花和其他配菜亦幼細。這些配料的組合使拉麵更加豐富多樣，每一口都能品嚐到不同的滋味和口感。

朋友見呢排新開，今日有時間黎試下。排隊時已經聞到有浸臭味，酸酸地upup 地咁，以為唔關佢哋事，上openrice，睇多次食評，有人話汆水味，有人話潮濕up味，我覺得似酸左既筍味，但我都唔信邪。門口有六七個人，排左大半個鐘，就入得去了。入面有四五個位吧，奶野，入到去都係咁臭但仍然唔信邪，叫左雞白湯拉麵，麵有鹼水味，但面質好的，豚肉比較咸，其他冇問題。食到一半，真係太能臭，未食完已經肚痛，拿拿林埋單！食完幾個鐘已經痾左三次，忍唔住喺廁所痛住打呢篇食評。

每次食弘一拉麵都要排好耐隊，最誇張係排個幾鐘，今次專登兩點幾嚟食，都要排20幾分鐘，不過真係好好食我每次去都係食雞白湯拉麵，今次決定食鹽味，朋友就叫雞白湯雞白湯拉麵 $9x我都算成日食拉麵，但泓一嘅雞白湯真係濃雞味得嚟，又唔會好膩，佢口感比較清，感覺比較似史雲生雞湯嗰種口感同味道個朋友覺得好食到，所有湯都飲晒鹽味拉麵 $8x鹽味拉麵相對比較清，但都好好食，湯底好清甜。特別欣賞佢嘅糖心蛋，做得好好好食，蛋黃流心度合適，又入味如果唔算係拉麵愛好者，我諗排咁耐隊真係唔算值得，始終門口排隊環境麻麻地，入邊又唔係坐得舒服，全間店得七個位，食完又要嗱嗱聲走。不過如果好鍾意食拉麵，真係一定要試

一早黎到泓一潮聖，大概11點40 黎到已經有7,8 個人排緊隊鋪頭好細, 大概坐到8個人, 所以入唔到第一輪, 不過拉麵店勝在大家食完就會走人, 所以都係等多廿分鍾左右就入到去喇! 友人一早睇左網上食評想試佢既雞白湯沾麵, 但當日就只有海老沾麵, 所以我地都簡左佢既第一位 -- 雞白湯拉麵! 拉麵上有層薄薄的泡, 配上兩款蔥, 一隻糖心蛋，兩片叉燒，一片雞肉先飲啖湯,  雞味係有既, 但未算係濃郁, 而且有D 咸拉麵採用幼麵, 軟硬適中,  汁可以掛麵雞肉夠嫩, 還有淡淡的煙燻味, 幾特別! 另外糖心蛋都要讚一讚, 好入味, 一咬開, 好靚仔! 整體而言, 可能見網上評價都幾高, 所以原本對佢既期望都幾大但食完之後, 就覺得有D 言過其實, 我會話佢既雞白湯拉麵不過不失啦, 但就冇咩驚喜 

首先間野拉麵係正常，但門口排隊有一陣骨湯飛水既血脂臭味，有煮野就會明，排咁耐聞咁耐。重有唔好彩坐左最入位，你一樣會聞到佢哋煲湯飛水味。我真係唔明點解重有人會排隊。你地聞唔到？

共六款湯麵一款沾麵鋪頭相當之細只有吧枱七個位都坐得少少迫Staff身兼多職日本feel揀咗鰹魚拉麵 $88湯幾清幾好飲有兩片雞肉 不是我喜好麵質都係麻麻地啱口味只收現金同八達通

呢間小店位於德民街，喺nomad burger隔離，唔算好起眼，如果唔專登搵嘅話未必會留意到，而且都幾世間入面剩係得大約八個位，幾次去到都要等一陣🤣✨雞白湯拉麵🍜$88✨海老沾麵🫕$98今次去同朋友試咗呢兩個拉麵，首先講吓佢個雞白湯拉麵，一睇就覺得佢個湯好creamy同埋好多泡沫😋個湯飲落好重雞油味，食到個口有啲黏，成碗食晒都幾漏，雞叉燒就不過不失，個面就用咗偏幼每嘅面，所以就唔會太彈牙，不過自己都覺得可以接受。個人就鍾意過海老沾麵多啲，一上到嚟已經聞到佢蝦味超級香😍飲落都好鮮甜好濃郁，同埋面頭都有浸蝦油同埋蝦米，佢地沾麵用嘅麵就比較特別，係用左小麥扁麵，食落好彈牙，但係可能因為冇坑紋嘅關係所以就冇咁掛湯，另外慢煮叉燒嘅肉質嫩滑，一啲都唔鞋，整體來講都算唔錯🥸

平日晏晝嚟啱啱開舖冇耐已經好多人排隊，好彩喺開始排隊前入到去坐就一定唔舒服㗎啦，人同人之間坐得好近，張凳亦都係一啲唔舒服嘅木製圓凳，大概八個人手踭貼手踭咁食拉麵今次叫咗雞白湯拉麵，賣相其實冇其他相同評價嘅雞白湯拉麵咁靚仔湯頭方面十分夠熱，佢唔係好純嘅雞白湯，而係加咗醬油，所以食落會比其他雞白湯拉麵舖嘅較為濃味，但我個人就對加咗豉油嘅雞扒湯都唔太反感所以都幾鍾意，而打出嚟嘅泡沫，亦都令成個湯更加濃郁細膩拉麵麵質方面煮嘅軟硬程度啱啱好，微微偏硬，係我鍾意嘅口感，而本身麵條方面亦都有心機，係食到明顯嘅麥味，呢個相比其他餐廳係做得好嘅，麵條嘅掛湯程度都十分好叉燒方面不過不失，冇特別亮眼之處，但亦絕對唔難食整體嚟講呢碗雞白湯拉麵係屬於中上水平，但如果要天氣咁熱底下喺門口排咁耐隊，入到去坐低又唔舒服嘅話我都唔會再排隊入呢間嘢食