泉章居 (已結業)

上個星期同幾位去食生日飯, 六點半等到八點先有位。叫了個四送套餐, 鹽焗雞, 海上鮮, 梅菜扣肉, 同豆苗。最先上檯的係梅菜扣肉, 味道的確唔錯, 感覺唔係好肥, 雞就一般, 條魚就非常好食, 因為係用梅菜鋪面蒸, 好香味。服務都唔錯, 但係落單入電腦都搞錯, 條魚變了個臘味煲, 結果等條魚等得好耐。

舊同學聚會，訂8:00，7:30 已到達，足足等左一個小時(只係星期二)。有心可能要早些或8:30後了。叫左個餐(10人)，菜式都係普通，雞都唔錯，肥小小。最正反而係熱辣辣的茶果(不過要等好耐)埋單$1100，唔係好值。老字號，無計啦。

泉章居我都有時時去食飯它的鹽焗雞扣肉炸大腸不用多講真是不錯但現在冬季它們推出羊腩和糯米飯嘩糯米飯非常之好味但又不多油羊腩又不羶真的很不能錯過現在去泉章居不單只叫雞還可以叫以上的食物而且可以餐湯換羊腩十分之低只加78元就可以

星期六2個人八點九先去,等15分鐘就有位,真好~~2個人睇完餐牌都唔知食乜,計落套餐仲抵食,所以都係叫$148二人餐,當然埋單連荼水加一就要$189啦講番我叫包括鹽焗雞(例),搖柱扖豆苗,蒜香帶子蒸豆腐同埋例湯一煲.整體上都好好味,不過豆苗就太多油,如果可以少就會好少少...其實餐都真係幾飽,兩個人食會食得好辛苦,我提議三個人食會好,最多食完唔夠就係附近再食甜品仲有,餐唔包飯要另外叫~~

前晚同男朋友黎呢度食,叫0左個二人餐,2送一湯加一碟鹽焗雞,2碗白飯,2百蚊.湯係青紅蘿蔔湯,都几夠火侯,而且好甜,所以我地2個人都飲得哂.鹽焗雞係招牌貨,不過今次隻雞熟0左dd,都好食.個砂薑醬就鹹0左少少.2送我地要0左芝士斑塊同蟹肉扒豆苗.芝士斑塊要熱食先好食,但太多菜一時上哂食唔切,所以斑塊凍0左d,但都好食,芝士夠多,不過斑塊細塊d會好d,太大好難咬.蟹肉扒豆苗都好食~豆苗新鮮,蟹肉都几多~唔會太鹹,唔錯呢~其實一個2人餐只係148蚊,但加飯加茶芥先要200蚊.呢餐雖然有d照預算,不過份量大,環境唔錯同乾淨,又好食,都食得過~

我在旺角工作下午食飯雖然有很多飯店但我發現現在新址泉章居食下午飯非常低而且很好食二人餐\都是98元二菜一湯免茶錢非常低菜式很多而且小菜很好味而且又有便且的碟頭飯我看到都不錯所以在這處告訴大家在旺角多一個好去處還有二人餐\三個人都夠食架

我住在旺角所以泉章居是我常常光顧的食肆它的招牌菜鹽焗雞真是很好食同時例湯都很夠火路沒有味精因為我食有味精的食物就會頭痛扣肉我想在全港客家菜都算它最好我未食過一間比它好對面海泉章居都不及它好其它的菜式都不錯現在秋天有羊腩它玫得很好想不到它做得那么好同時有一樣不可不提原來夏慧姨也是它們的常客我都見過她幾次咋晚又見到鄭家穎想不到老店都有那麼多名人光顧

尋晚同舊同事&bf一行七人去左旺角泉章居食飯我地叫左個6人餐($368)再加3個1.招牌鹽焗雞隻雞冇咸香味,d肉又鞋又un.一間食鹽焗雞咁出名既老字號,鹽焗雞水準仲差過樓下酒樓.2.花膠扒海參味道一般,但好細碟.花膠,海參得幾舊,墊低既菜心好老,又多渣3.梅菜扣肉五花腩扣得唔夠火候,唔夠淋.4.炸大腸大腸唔夠肥,全部炸完好似得番層皮咁5.中式牛柳冇乜特別,都係同一般食肆咁用疏打粉黎醃舊牛肉.6.椒鹽骨都係冇乜特別.由於係咁.同中式牛柳一樣,成為尋晚最好食既兩個送.7.西芹花枝片同一般食肆食開冇乜分別8.白果豬肚湯係個套餐加$20送.冇乜味精,但亦冇乜味.9.蒜蓉炒豆苗連加一$830.話好貴唔算,都算平既.不過,好失望lor~幾樣招牌菜(鹽焗雞,扣肉,炸大腸)都完全唔掂.自從搬左舊稻香新舖之後,裝修係靚左,坐得舒左,但d食物水準就直線下降,咁佢地應唔應該檢討o下呢?P.S.隻鹽焗雞上枱.之後,一人食一舊之後,發覺好鞋又un.同部長講,佢竟然話:"而家d呢批雞種係咁,冇辦法,"嘩~一間以食鹽焗雞出名既老店,竟然咁講.

大半年冇出旺角，以前在泉章居舊鋪食開，今日去到新舖試，感覺完全不同，地方舒適好多，裝修好靚，好寬敞。舊時亞伯也唔知去晒邊，家陣侍應大部份都係靚女，睇到都開胃，招呼都幾好，唯一不變的是鹽焗雞和梅菜扣肉都係咁好味。不過令人失望的是等位等得太耐。真係等到花儿也謝了。肚儿也空了。

今日星期天，約班朋友去旺角泉章居吃飯。我們叫個八佰元的套餐，菜很大碟，又好味，尤其是隻鹽焗雞，滑一滑，Pat Pat 都被我食光。仲有碟三色拼盤，買相真係好美觀，食落口感都不錯。不過個姓麥的經理就衰Ｄ，無原無故就找Ｄ待應來，見個待應被到眼濕濕，真係睇唔過眼。是次消費每人八拾元。真係好抵，大家不仿去試下啦！不過去之前最好先要訂位，費事到時要等啦！

今期人o地請,叫套餐. 招牌雞有o的韌, 梅菜蒸鯇魚和玉環瑤柱甫都ok, 蒜香帶子豆腐-蒜蓉香但淡味D.期間見到盧海鵬及曹達華. 九時埋單, 下面好多人等.好一間酒樓feel-好嘈o下註: 冷氣好涷穿多一件衫

食過幾次，一家人去食，d 雞次次都好新鮮，味道同口感都非常好！其他小菜亦唔錯，不過成日都好人，要等位，同埋人手唔夠，d台又密左少少，迫d 囉！

我都常常去旺角泉章居食飯，最近我發現老飯店泉章居，我爸爸說它有幾十年的歷史。而它都有幾十年的老牌明星食客，因為我去幾次都看到曹達華在食飯，而都是定同一張檯，而且好像同那個老細很熟。而有一次我還看到夏萍，今次又看到盧海鵬，都是老牌明星，泉章居真是有它的吸引處。我相信曹達華會當它是食堂，而還有一個老牌看相家在一起，但我不記得他的名字。而泉章居的出品都幾好，雞真是滑一滑，扣肉大腸都是必要的菜色，其它的小炒都唔錯。地方又舒適，招呼都幾好，如果大家想見下老牌明星，我相信都不會令大家失望。

晚飯在旺角兜兜轉轉, 想起泉章居搬了新址後, 還未有機會一試, 一張二人檯等了約莫十分鐘, 對星期天的晚飯來說已比想像中快. 點了一個二人餐, 十分有效率的上高速, 先來冬瓜豬肉湯, 冬瓜清潤; 招牌鹽焗雞, 雞肉香滑; 梅菜扣肉, 扣肉鬆軟, 肥肉比較適中; 菠蘿咕嚕肉, 汁料甜酸味適中, 咕嚕肉可再脆身一點; 一時貪食加點了一味翡翠鮑, 只是一隻細鮑魚仔, 似乎是最不討好的一味, 有點失望,服務唔錯, 十分有效率, 套餐價錢合理, 只是後加的一客翡翠鮑累事, 環境比舊店舒適. 菜式亦同時進步了.

八個人....叫左一個六人餐$338....有:1. 金牌鹽焗雞一隻: 好味....2. 雜菌紅燒豆腐: 豆腐入邊釀左D 魚肉....蚊得好入味...但有朋友話咸左D.....3. 西芹蝦仁花枝片: 蝦仁好大隻....但係得三件.... 4. 沙爹金菰牛肉: 用沙爹醬炒居然冇乜味.....5. 蟹肉扒西蘭花: 一般....6. 例湯: 冬瓜湯....幾清.....再加:7. 海鮮雜菜煲: 唔多覺有海鮮囉....不過都幾清甜既....8. 梅菜蒸桂花魚: 唔想食魚所以冇試到....9. 揚州炒飯: 一般....10. 茶果(半打): 都唔係茶果黎既...好似雞蛋糕入邊包左浸糯米咁....怪怪地....埋單$670 ...都算抵食.....