泉章居 (已結業)

今晚同BF行旺角,我提議去試下泉章居D套餐,去到等左一陣.二人餐$148青紅蘿蔔湯- 一般. 比較多油.鹽焗雞- OK! 冇咩特別.梅菜扣肉- 碟野勁肥, 油浸梅菜, 攪到我唔敢食!芝士石班塊- 芝士汁太杰, 石班塊切得好薄, D脆漿勁厚, 食落好粉.服務方面一般, 人手好唔足夠.感覺上銅鑼灣好似好食D...

一行7人, 叫左個6 人套餐, 有雞、菜、蝦、豆腐等小菜, 隻雞璀碓實幾滑，但據同得友人所得, 有好幾家食肆皆有此水準。服務就認真九流，由訂到結賬，都搵唔到個有水準的服務員。最初是慕名而來, 但睇黎係名過其實!

我第三四次去泉章居食飯但每晚都要等位而且我都好好彩去幾次就有二次見到明星第一次是朱茵第二次是鼎爺的末來新抱楊思琪，在綱上都知多明星去食，真的那麼好彩就好了。講回它的出品雞就一定要食，真的是招牌菜，一個字，滑；至於扣肉一定要食，真的好好味，如果妳吃飯包妳不用其它菜就可以食三碗飯，其它的菜都有水準地方很開揚和清潔，招呼都錯，都是好味的食肆。

前天晚上，約幾位朋友在旺角泉章居食飯，因為是年初七，7正已人頭湧湧，幸好我們早一天已訂好座位，我們6人個6人套餐，包括鹽焗雞一隻、梅菜扣肉、時菜扒牛丸、炸大腸、煎炆釀豆腐等，好大碟，份量好足，鹽焗雞好大隻，但肉質很嫩，很好味，是小妹食過全港最好食的鹽焗雞，梅菜扣肉很香，做法與其它酒樓唔同，很有客家特色，差連汁都食清，其它都保持水準。 呢間老牌飯店，一都唔落後，全店請很多後生仔、後生女做侍應，個個都好勤力，裝修很update，埋單都只係四佰幾元，好抵食。 呢間平、靚、正的客家飯店，真的好值得介紹給朋友。

人人對它的食物都係讚不絕口，反而我就覺得食物的質素只屬一般！霸王雞"鞋"口，盬焗雞沒有想像中的出色，其他的味道同一般的食肆一樣，可是要一讚個生炒糯米飯，飯是一粒粒的，好像加了色的楊州炒飯，軟硬適中，味道很好。其實對泉章居可以說一句，"不過不失呢！"

本人於2月12日(農曆初四)下午約5時45分到達旺角泉章居，由於時間尚早，立即有位，但必須於晚上8時前交枱。上到二樓，一職員(副經理先生指示我為旁邊的枱)，我立即表示想更換另一張，因為當晚晚飯中有兩位為小朋友，如坐於樓梯附近則較危險。當時，該位何副經理都為我看看有沒有其他枱，但都回覆沒有，因為其他枱已被客人訂了，但當時全間飯店只有約十枱為有客人。再者，我發覺張枱近柱的位置根本不夠位坐(那兒擺放了三個位)，我再向那位何副經理表示有否其他枱，因為這張枱位置很狹窄，有部份位不能坐，他態度非常悔氣的說：「你九個人，呢張係十人枱，點會唔夠坐？」他的態度奇差，使我怒火中燒，於是我立即強調近柱的位置根本不夠位坐，要求更換另一張枱。他態度更惡劣的說：「你都見到啦，冇呀！」我便回敬他一句：「你呢D乜嘢副經理，咁嘅服務態度！」之後，他就話：「依家冇人吖，等的D同事食完飯先啦！」最後，等了約15分鐘，另一位經理安排我們一家人到另一張枱。那一晚是我父親生日，原本諗住一家人開開心心食飯，點知遇著一個咁嘅人，心情即刻低落。而且，依家係我幫襯你呢間飯店，我唔係嚟 乞，都唔知點解會有咁嘅「款待」。

剛剛昨日係泉章居食完團年飯,好彩訂位,如果唔係一定等鑊金,人多得好很,訂了8:00都要8:20分才有,不過等都係值得,隻雞重係咁好味,食$1680 餐12人都重要打包走,全部食物都幾好味,咁多人都有咁水準都算係咁呀啦,大時大節一定知冇平時D 水準咁好咖啦!不過都不過不失啦,係條大青就要等到食完先至到,不過都幾滑.大家不防一試.

好懷念以前東江菜既味道，可惜，黎呢度食祇有破壞回憶，鹽焗雞幾滑，但係好韌亦冇雞味，雞背鹹到苦，雞胸又唔入味，味道連雪藏雞都不如；梅菜扣肉，梅菜用下價野，冇梅菜甘甜味，冇洗清乾淨Ｄ鹽，淨係得死鹹兩個字，扣肉肥廋比例八分肥二分廋，恕小弟真係唔多識欣賞；荔芋鴨仲大鑊，鴨肉炸到卜卜脆，入口有油億味，原碟擺返o係度，難得到埋單都冇待應問過，服務有幾好可想而知，地踎就係地踎，搬左上新舖咪又係果一班人。

上月和家人來這裡吃過飯，叫了一個4人套餐，有一窩湯，三擇一選了鹽焗雞，可選三個小菜，選了梅菜扣肉、香檸蝦球和花膠海參，另外還多叫了一個荔芋鴨。鹽焗雞﹐我覺得一般且肥了一點。梅菜扣肉，梅菜十分入味，用來撈飯，輕易吃完一碗飯。扣肉鬆化，雖然連著一層厚厚的肥膏，但絕對忍不住口吃埋它，一點也不覺得膩。香檸蝦球，淡淡的檸檬味，很清香，不似一般餐廳假假的檸檬味。蝦大隻又爽口。花膠海參，算是貴價菜式，感覺很抵。荔芋鴨，芋頭很香，不過吃完4人餐後已差不多飽，荔芋鴨有點滯，所以4個人只吃了半碟左右。我想人少的話千萬不要叫這道菜，很大機會吃不晒。

20050131 1pm同事食lunch, 開o左3圍, 我果圍15人, 勁誇!其實我唔係好知佢地點叫, 應該係叫set, 總之就係勁抵.有- * 鹽焗雞x 2隻(!!!!) - VERY GOOD! 係油o左o的, 但係勁滑, 雞o既o野無o的油水"o鞋十十"咁唔得o既~* 京都肉排- 幾好.* 咕嚕肉* 清炒時菜- 比較油* 鮮魷粉絲煲* 粟米斑塊* 蒸水蛋另外有白飯, 米粉, 例湯兩鍋(蓮藕煲燒肉?!)...etc.呢間豪裝泉章居都幾好食, 唯一唔好係唔食得煙. 除開每人$35!!!! 平到飛起!

在泉辛居吃了鹽焗雞，即使這不是老店，但仍具質素，價錢適中。一家大細可以一試。

呢間係抵食既,個4人餐,圍起都係~$8x一個人,但真係要識叫囉...有d餸好一般架咋,咕嚕肉都麻麻地,有味瑤王柱蛋白扒豆苗好油,唔香,炆班腩好碎好少,好似損骨咁,味道就ok,隻雞果然係招牌貨,好靚好鮮味好大隻好香...好多人.排勁耐隊,下次會試扣肉的~!

尋晚一行十人去左旺角泉章居食飯，真係好多人等位啞！好彩之前訂左位，而且我地比訂位的時間早到，所以一去到就有位了．我地無叫餐，因為佢只有一個十人餐，其他都係十二人餐，而個十人餐ｄ又唔係咁食，所以打算散叫．我地自己寫左九個，然後交比個侍應落單，點知個侍應係咁叫我地唔好散叫，係咁叫我地食果個十人餐，又話個餐ｄ好大碟，我地散叫果ｄ好細碟，實唔夠食，我地初時都有ｄ動搖想改叫餐，但係個餐真係食，得果六個再加一飯一麵及甜品，都要成$800，仲要再加一．好彩最後都係散叫，叫了九個，加埋白飯及加一，埋單都係＄850，好抵食．ｄ雖然無餐果ｄ咁大碟，但係勝在款式多，其實十個人食九個都真係好夠食，我地個個都食得非常非常飽，不過唯一缺點係無甜品食，佢又無糖水送，有小小美中不足．講番我地叫的，都幾豐富：鹽焗雞一隻$150 （泉章居招牌菜，但同出面果ｄ差不多，不過不失）荔蓉香酥鴨半隻$70 （荔蓉好厚，唔係個個都仲意，但我就幾滿意）瑤柱抓豆苗$78 （中規中矩）溫公什齋煲$45 （好味）西蘭花炒帶子$88 （ｏｋ）粉絲中蝦煲$68 （粉絲好多，中蝦大隻，但唔夠味）梅菜扣肉$50 （超正，極力推介）煎炆釀豆腐$45

話說今晚4個人食左個6人餐一隻雞, 4個(食送)隻雞都OK, 其他就普通叫伙記埋單時$418 蚊點知轉頭碌卡變左$425蚊當然問佢(女部長)啦,女部長態度極之惡劣話你睇翻條單, 岩數就得啦問佢:問題不是岩唔岩或差個7蚊, 如果我冇睇, 佢碌1萬都得ga la, 佢完全冇解識or say sorry佢又不停repeat話你睇翻條單, 岩數就得啦之後就罵佢, 找個太子爺complain!!!好心啦, 今時今日咁既服務態度, 炒佐個倒米女部長請個個啦

去泉章居一定要食雞,無論鹽焗抑霸王都咁滋味.此外,個炸鮮奶都旗鼓相當,值得一試.另外,花膠海參也唔錯.不過千祈唔好試個冬瓜盅,冇味冇料,例湯來得更佳.蒸鱔都好入味,總括都好好.上次仲叫0左一打壽包,又大又熱又好食,有人生日可以用壽包代替蛋糕.最好都係訂定位,否則要等好耐都冇位.