泉章居 (已結業)

肥妹婆婆本已回歸祖國, 難得回港相聚吃飯, 佢老人家話泉章居搬左後都沒去過, 想再試一下霸王雞既滋味.打電話book 位, 姐姐話只可以book6:30p.m. 遲過就要walk-in, 咁只好book六點半la.放工去到, 已經6:55, 樓下已經有十多人排隊等位, 嘩!好彩book左.一家老幼6個人叫了一個4人套餐, 有半隻霸王雞, 例湯and 3個小菜(梅菜扣肉,金銀蛋莧菜, 北菇竹笙菜遠).雞依然好好味,夠味又滑梅菜扣肉做得極好, 又香又滑不過好膩.至於兩個菜一個好咸, 一個好淡, 不是很好.去的時候, 人多到站出街, 最好都是book定位.plus: d waiter黑口黑面, 唔沖水, d飯黃甘甘好鞋下.

09/06/2005 20:00今年的端午節晚飯，女友選了泉章居和她的家人共渡，有幸被邀請參與，一試搬遷新舖後的泉章居。晚上八時，樓下大堂已迫滿了等位的食客。新舖只得一層，相信比以往的面積細，裝修可能是新的關係，整潔光猛。我們選擇了散叫，最出名的霸皇雞是少不了，其他還有京都肉排、花膠海參、扒芥菜膽、蒜子時菜等，湯則選了冬瓜盅。雞果然是出色，肉滑而且有雞味又唔肥，其他小菜就好普通，尤其京都肉排可用差來形容。冬瓜盅就幾好，多料而且份量十足。泉章居的新聞最近熱遍全城，賣舖賺來的數目以千萬計，不過也別忘了食物的質素，倒過來得了利卻賠了名，怎計也蝕了本。

第一次2個人食, 叫左個2日餐, 鹽焗雞啦﹑椒鹽鮮魷﹑粉絲什菜煲, 另外叫左個糯米飯, 好好味, 勁飽,不過個例湯o既款唔多討好, 而飲落又幾清喎。7點鐘囉位, 大約等左20分鐘左右.噚日係第二次去食, 今次有8個人,我地叫左個6人餐, 上次無試霸王雞, 今次要試下啦, 另外粉絲什菜煲﹑京都骨﹑青檸鴨﹑豬頸肉, 今次我地仲轉左個湯做冬瓜盅,幾好味喎, 唔錯, 埋單都係75蚊位,而且今次個雞比上次好味, 幾新鮮啦.

六點半左右到，上到去已經見到坐左三分一人!叫左四人套餐，上次食過霸王雞，今次試盬焗雞---我得好食過霸王雞，但係又唔係十分好味!豉汁蒸龍---味道一般，條魚凍左好腥.蜆菜炒蛋---味道都係一般!佢所謂的炒蛋係加左隻皮蛋落去炒.........茄子煲---覺得呢個算最好..........不過嫌鹹過頭....覺得今次食的小菜好麻麻......下次去會叫另一d小菜

d 雞...好普通... 冇咩話真係非常特別!!有個小菜套餐呀... 但佢炒果d小菜... 唔係咁好食law ! 我叫左個唔知咩蝦煲.... 勁重豉油味!! 同一個lemon 石班... 上果時已經唔太熱啦!! 唉...我一定唔會再去食!!!!

食品都幾好, 份量夠大碟,招乎都好好,最緊要就係我問好多野d樓面都唔會覺得我好煩^^"

20050429 1pm同事farewell 飯局, 6 位-一個午市6人餐($188) -* 例湯一鍋- 赤小豆粉葛豬肉, 一般啦, 味精頗勁.* 照牌鹽焗雞(半隻) - 今次則較o鞋口, 熟得滯.* 雜菌紅燒豆腐- 呢個最好, 但係要留意豆腐內有肉.* 粟米斑塊- 呢個都唔差, 斑塊大大件.* 生炒骨- 呢個差o左, 排骨削o左o的.* 白飯x 6全部埋單$250, 以呢一帶食店環境o黎計仍然係十分抵食.

The food is ok but the service is continuous bad. Never enhance.

(23apr05)同男友本來諗住去朗豪坊食晚飯, 點知遇著一個問路人, 帶埋去人地個目的地後, 就行左過黎喇!九點幾都仲要等一陣。例牌叫個套餐($148), 有兜例湯(薯仔紅蘿蔔湯), 唔掂的, 油之餘又淡。個套餐可選雞, 或魚一條, 加兩個小菜。我地揀左出名既霸皇雞,份量係"例"但其實有成半隻咁多。隻雞味道幾好&幾滑, 不過肥左d。油浸筍殼魚,無炸過龍, 仍保持鮮味。金銀蛋莧菜, 味道中規中舉。叫左個白飯, 埋單都要一百八十多元, 原來茶芥每人係@$6 架。service無話特別好或特別差, 環境乾淨, 如果坐到窗口位會更好呀!

啲野幾好食，價錢又ok 就大家都知，但是服務不佳，大家又有否注意到呢? 這裡的侍應除了識得上菜之外訧什麼其他關於服務的東西都不做，湯也不替客人serve，骨碟也要小山那般才換，笑容也欠奉，埋單時多謝也沒有一聲，毛巾亦欠奉．所以假如一家幾口，或好友一齊聚會不拘小節的話，是不妨事的，如果要體面宴客的話，訧要認真考慮了．還要注意的是，假如只得四五位的話，它是不接受訂位的，要早早去攞籌．　

3月21日頭盆:一年中,差不多每個月也有友人生日,每次也會約某日出來吃飯,這天也不例外,每次聚會都起碼有十人,今次都唔弱,有十一人出席,之前有幾餐生日飯都係小妹提議幾個地方比大家揀既,但因今次本來話唔出現既我又出現,所以去邊間食都係友人預先決定左喇!主菜:叫左個六人餐同二人餐,雖然係八人份量,但都夠我地食喇,不過個人認為呢處既出品只屬一般,可能撞岩啦!這夜既湯款係蓮藕湯~飲落唔鹹,似乎味精唔係太重手,唔錯!梅菜扣肉~個扣肉似乎未夠火候,未得鬆軟,肥腩部份好似未迫晒D油出黎,唔係太怕食肥野既我都唔係幾頂得順,不過梅菜同埋個汁就好惹味,用黎撈飯真係一流.菠蘿咕嚕肉~同食友出親去食飯都必備既菜式,耳濡目染下,這夜也來一碟,雖然個汁做得幾好,但肉方面就差了點,太淋身,唔得脆口,唔得唔得.蟹肉扒豆苗~面層白色既唔錯,唔會太杰,但個豆苗似乎老左小小,可能已過左時令了.粟米班塊~個汁就無理由會做得唔好既,所以不用多說,但個班塊又唔得脆,食味打左好大折扣.招牌鹽焗雞~黎呢度食,多多少少都係因為呢味鎮店之寶,不過今次佢真係老貓燒鬚,皆因一致認為濃淡味做得好好,但雞肉太靱,搞到好多舊都咬唔開,如果真係以致

今晚接完老公放工之後就去左食啦~7點幾去到...佢話要搭的話就即刻有位,咁咪好啦~快d有得食仲好啦~點知係張12人ge分成4part...哈~都好搞野下喎~酒樓feel的呀~我地叫左$148 ge 2人餐..青紅蘿蔔湯--飲落好似重左d味精喎~鹽焗雞--都唔差...不過點解同阿媽焗果d唔係好同喎~佢放左香料~如果加埋沙薑就太鹹啦~蟹肉扒豆苗--都唔錯呀~有蟹肉ga~仲有蟹殼ga..食果時小心d啦~冇咩野ge~梅菜扣肉--都幾好~d肉都稔..d都多ga~suggest 2個人叫一碗飯就ok啦~總括都幾好ge..但食完之後好口渴...我諗同味精有關~service就普普通通啦~共食左$183

今晚黎左食飯order左一個$148既二人餐有粉葛豬肉湯,蟹肉扒豆苗,酥炸鮮奶同招牌鹽焗雞粉葛豬肉湯～好大煲，好夠料有味，飲左三大碗蟹肉扒豆苗（少油）～叫佢少油，真係少油，好清，面頭有好多蟹肉，但食得多兩啖覺得好鹹，一定要撈飯食酥炸鮮奶～個皮好脆，奶餡幾滑，鹹鹹地點砂糖好食，但因為始終係甜品，太早上搞到凍晒先食，無一上檯熱辣辣時食咁正招牌鹽焗雞～真係幾肥，但暖暖地幾夠沙薑味，ok咁啦，但唔覺得係招牌菜囉$148兩個人食真係食唔晒，真係好抵，我諗三個人食都得如果包埋飯會更好！加飯加茶芥同埋加一都只係$189p.s.侍應自動自覺換碟同加水,又主動用座套cover人客既褸,又幾有禮貌!唔知係咪同時間有關呢? 我今日係六點幾去架!

今日去幫襯依間分店`一坐低之後發現將枱布好污糟就叫侍應換,點知個侍應問我地食小菜定係食碟頭飯,因為如果是後者就吾會換枱布唉!今時今日重有咁野態度,真系奇怪, 跟住食食下野重係你隔離掃地, 重聽到有其他客人投訴侍應的服務態度差, 食物質素又麻麻, 由其是所謂出名的鹽焗雞,又鞋又老又靱, 真係希望D負責人實Ｄquality, 唔好做壞招牌呀! 唔該!

昨天與五個朋友到旺角泉章居一聚,叫個六人餐,鹽焗雞一只----又滑又有雞味---正！其他四個梅菜扣肉-----必食之選--次次都咁有水準,單是梅葉便可吃掉2碗飯,如果有人話佢太肥,咁佢對食扣肉一點都不懂,不如叫其他算了,不要浪費碟扣肉,因扣肉一定是半肥瘦的才是最正的。玉鮑雞絲扒豆苗----唔知玉鮑係乜東東,但吃落有D像鮑魚,味道也可以.炆三鮮-------也是必吃的例牌菜,這味是個人口味,本人極之欣賞三鮮之味道----又吃掉一碗飯.最後叫了個酥炸鮮奶-----不是本人之喜好,不過大棚人吃飯要就下其他人,哈出奇地又唔錯的一味,鮮奶炸得外脆內滑,值得一吃.例湯是青紅蘿蔔湯,送的冇評價,只是覺得味精不多,因我吃味精多是會頭痛的.六個人吃了八個白飯,合共$473,平均78元一位,很低食,招呼就真係冇乜,人手唔係好足夠,希望可以改善啦,就很理想啦.今時今日要有埋服務先至叫成功呀！