沾仔記 (威靈頓街)

营业中

休息中

記得以前係中環返工，出去食真係好貴，要好味又好食一定大排長龍先有得食☹️ 其中一間我最鍾意食嘅就係沾仔記😋今次撞正下午茶時間去中環，見到沾仔記冇咩人就入去回味下昔日打工時光。平時多數叫三寶麵，個鯪魚球超大粒，勁好味抵食。不過今次唔係太肚餓，就叫咗牛肉雲吞麵😍 呢度嘅牛肉都好好味，牛肉好滑溜，雲吞啲蝦大大粒又爽口，麵煮得剛剛好，爽口彈牙😋 相隔一年冇食，水準依然，難怪咁多年都屹立不到💪🏻💪🏻

這天來到中環覓食，想吃清淡一些及快一些，於是鎖定了吃雲吞麵。碰巧路過這家麵店，門口貼著多張米芝蓮推薦的宣傳品，價錢也相宜 ，鋪面光潔整齊，於是便鎖定沾仔記醫肚仔。雲吞麵印象中我吃過最大的雲吞，比乒乓波再大一些，入面大約有兩三隻蝦和豬肉配料，口感比較實，滿滿的一口，只咬到三份之一，一碗有三大粒雲吞。與傳統大小的雲吞相比，這個大雲吞的鮮味比較遜色 ，可能要分幾口咬所致。鯪魚球麵兩大粒鯪魚球，吃落有驚喜，陳皮配搭恰到好處，陳皮香味輕輕帶出鯪魚球的鮮味，鯪魚球口感彈牙，沒有一般魚球的小魚骨。大地魚湯底比較清淡，麵質爽口彈牙。由於不吃牛肉，所以沒有試牛。總括而言是一個值得再去的地方。

上環雲集了許多老牌雲吞麵店，已經尋味了數間，暫時為止仍覺得未到吃驚艷的味道。今次就尋鮮味到沾仔記，因為實在有很多人推薦，賣點是如乒乓球大小的雲吞，價錢中規，份量適中。位置:處於市中心，在另一家雲吞麵世家對面，很容易找到。環境:店內相當寬敞，枱與枱之間有足夠的社交距離，可能是已經過了午飯時間，客人不多，所以我一個人也可以住卡座，裝潢富有中置特色，用木雕作裝飾，中間吊有一盞大燈籠，顯得雅致。餐牌非常簡單，只列出店內招牌的三種麵品或雙併麵，但列有英日文對照，可見有不少遊客光顧。雲吞麵包店$34首先是擺法正宗，其次是湯底顏色深，少韮黃，多蔥花，大地魚味道不重，味道平衡但不香。麵條略欠彈牙，較軟，沒有鹼水味。雲吞不能阿一口吃掉，有兩隻鮮蝦，鮮味十足，豬肉配料剛好，不會搶去蝦鮮味。整體來講，湯頭比不上麥記，麵欠爽，只有雲吞吃得最滿足。

沾仔記{大大件足料雲吞🍜🍜}#kong_girl_foodie出街食.呢一間係連續攞咗九年米芝蓮咁啱喺嗰度附近返工就試吓餐牌得一張而且款式得三款餸1️⃣雲吞2️⃣靚魚肉3️⃣牛肉餐牌仲有日文同英文，應該都算係遊客餐廳.❣️雲吞麵$34有三大舊雲吞！比起出面嗰啲大舊爽口彈牙👍🏻有蝦味👍🏻但係河粉就比較差，一嚟到就好乾，好散😢唔夠湯，河粉好似吸咗好耐水🤣我影咗兩張相就即刻食㗎啦🤣.❣️郊外油菜$17今日係腐乳通菜，味道正常，爽口唔會太淋.📝總結如果想食嘅朋友建議唔好食河粉🤣可以試吓佢嘅三寶，即係三道餸都有齊！.❣️食完俾分時間❣️🌟食物: 6.5/10🌟環境: 7/10🌟服務: 7/10🌟打卡: 6.5/10🌟推介: 6.5/10.📍 沾仔記中環威靈頓街98號地舖#香港 #香港美食 #美食分享 #香港吃貨 #hkfoodie #hkfood #hongkong #hkig #上環美食 #上環#中環 #米芝蓮 #沾仔記#雲吞麵

The highly prized booth seats were available. A cheeky grin washed across my face as the waitress showed me to my seat offering a perfect view of Wellington Street. I took the advice of the Michelin Inspectors and ordered the 3 topping noodle soup, anxious to dig in after my walk and Star Ferry ride from Mongkok.Bowl arrived, I dug into the assortment of treats atop the broth and noodles. Wow... the fish cake was the size of a golfball but as tender and bouncy as a sponge. Delicious. I'll admit

「沾仔記」開正在「麥奀記」對面，不知不覺已經接近二十年了。想當年，見到這間名不見經傳的街坊格局雲吞麵店，竟然膽大包天，在當時香港最出名的雲吞麵店對面開舖，實在佩服。清楚記得當年開舖不久，竟然將雲吞麵減價至 $10 一碗，釜底抽薪，而對面的「麥奀記」則已經要20多元一碗；絕對是經典對決，兩者各有捧場客。唔知什麼原因，可能一向鍾情「麥奀記」對於廣東雲吞麵傳統的堅持：雲吞細細粒、一啖一粒；全蛋銀絲幼麵只有一小箸，食到最後一條，麵條仍然爽韌。又可能對於「沾仔記」的乒乓波雲吞不存好感 ⋯⋯ 總之，一直到今天，從未試過光顧「沾仔記」。不過，估唔到「沾仔記」竟然可以憑乒乓波雲吞打出名堂，越做越出名；繼重新裝修店舖門面及內隴，甚至在中環開了分店。更加估唔到，「沾仔記」竟然可以由2012年開始，連續七年獲得「港澳版」《米芝蓮車胎人美食推介餐廳》名銜，竟然比起「麥奀記」更厲害，究竟什麼原因？今日決定一試味道。大約10年前左右翻新後，小店的裝修比開業時已經光鮮了很多，不過，仍然有一點殘舊感覺。店內員工雖然全部都是上了年紀的婆婆，不過竟然有一份待客熱誠，甚至可以用簡單英語與外籍客人溝通！細閱雜誌訪問的剪報，原

好有人情味的員工——沾仔記間鋪可以只是賣雲吞、魚球、牛肉，都可以維持到，就可想而知佢地呢D食物做得幾甘出色，真係係第二間真係完全食唔到啪既水準，成個snooker 咁大既手打魚球，又彈牙又爽口，兵乓球咁大的鮮蝦🦐雲吞手打鯪魚球——-足料魚肉味鮮甜，食到好有香蔥和菓皮香味😋👍鮮蝦雲吞——-皮薄足料🦐大大隻😋👍💕💑😘#沾仔記#🍜⋯⋯有爽口濃郁的大菱魚球味...再加彈牙的巨型鮮蝦雲吞味....仲有親切熱誠員工的人情味！👏🏻👍🏻總括來說就是好好味😋

沾仔記，在香港算是數一數二的！有很多旅客會推著行李箱來吃。餐廳小小一間，很有香港本土味道！來香港，一定要吃雲吞麵和鯪魚球麵！招牌鮮蝦雲吞麵—簡簡單單的，沒什麼擺盤，就只有雲吞和麵！可是這就是我喜歡的一點，不需要華麗的包裝，食物的味道才是重點！鮮蝦雲吞有3顆，很大一顆！麵很有彈性，可惜竟然沒有蔥花！老闆，我要很多蔥花，謝謝！鯪魚球麵—太大顆了吧！3顆巨型鯪魚球，很有嚼勁，味道也調得很棒。別看它們普普通通的，味道可是非常夠，湯頭鮮甜！

今日星期五約左同事一齊食飯，就落左中環揾食，同事提議食呢間米芝蓮麵店，排隊等左五分鐘就有位啦。呢間餐廳選擇唔多，主要係雲吞、鮮牛肉同埋鯪魚球，睇下你想食幾多款餸。我地就揀左三寶麵，咁可以一次過試哂最出名嘅三款餸，麵底呢我揀左河粉。鮮蝦雲吞大大粒，有蝦喺入面，新鮮好食；鮮牛肉無梳打粉味，唔錯；鯪魚球大大粒，好彈牛，小心有骨。配埋佢嘅辣椒油食非常好味，價錢好抵，份量ok，都只係$43！非常滿足！可以一試！

住係香港地咁耐，都無乜點食過地道美食，一日到黑都係掛住食日本野、日本野同日本野。今日心血來潮要食沾仔記。香港地道美食幾時都係平靚正。黎到餐牌都唔洗諗啦，黎一碗招牌餛吞麵同鯪魚肉麵：先睇舊鯪魚肉，大到.....唔識形容，有圖有真相，重要有兩大舊，咬開睇睇真係啖啖魚肉，無粉無剩架真心正。仲有餛吞，粒粒都有三兩隻蝦，又大舊。兩碗麵都係三十幾蚊好抵食。雖然個碗就細啲，但係估不到入面啲麵都幾多，食完飽飽啦。一定要搵日再黎食呀！

系附近上班，都會經常過來食個晏，今日都唔例外繼續點招牌雲吞麵，雲吞唔多只有三粒，不過每一粒都特別大粒，皮薄而且餡料特別多，食完三隻都有小小飽了，麵系彈牙爽口的，軟硬適中，湯底好鮮甜，野飲就叫左杯豆漿，豆漿唔會太甜，都系一如既往咁好食。

細個嘅時候好鍾意跟爹哋媽咪去食雲吞麵，好記得以前成日都會嚟中環呢間沾仔記，以前好似10幾蚊碗，而家已經加到$33碗（雖然都唔算貴）。叫左最出名既大大粒雲吞麵（$33）同鮮鯪魚球麵（$33），係就真係真係好大粒。一啖都咬唔曬 但係已經無左當年個種味道，大地魚湯唔夠濃，雲吞真係得返大同硬，蝦都已經無咁爽 反而鯪魚球麵仲keep到d水準，而且真係好大粒麵就值得一讚仍舊爽口彈牙，值得推介！今日唔使點等位都仲可以食下，如果要排隊就真係唔會考慮了

每當我一個人食lunch嫁話，我都好鐘意黎呢度食。因為我覺得係度食：平，靚，正!係呢頭仲有另一間好多人排隊既面舖，三x我覺得沾仔記既雲吞係好食好多嫁!佢入面好多蝦肉，撈左少少豬肉。我like!但呢度選擇唔多，得三種送。零魚球，牛肉同雲吞。睇你鐘唔鐘意呢三種送啦😁

入到舖頭會見到唔同年份既米芝蓮證書放滿咗一面牆，究竟沾仔記既魅力喺邊呢？雖然佢出名係「細蓉」，但我就反而鍾意嗌佢既鯪魚球麵。鯪魚球好似拳頭咁大粒，調味足夠，唔會腥。而麵就夠彈牙，一定要加少少醋，更加好味。雖然呢類麵店都係細細碗，但呢個魚球麵真係好飽肚！店內有好多唔同國籍既遊客，見到佢地都食得津津有味，開心呢樣咁有舊香港感覺既美食可以一路傳落去。而雖然間舖好好生意，但都依然坐得舒服，亦唔會一食完就趕客走既感覺：）老字號，希望一直維持水準啦！

呢間係香港出哂名既沾仔記，相信好多人都食過，我自己都食過好多次，今日就叫左一個雲吞鯪魚球麵 $46，同大家講下佢。雲吞 大大粒，蝦新鮮彈牙，豬肉都係新鮮貨，唔會梅梅爛爛咁，皮薄，好食。鯪魚球 拳頭咁大粒，真材實料，口感彈牙唔會死實實，我之前keep fit都會成日叫淨鯪魚球，健康得黎又有蛋白質。最後講下佢個湯同麵，個湯有好香既大地魚味，麵亦煮得好彈牙好爽口！所以一間老店可以做到咁耐，都一定有佢既原因。