沾仔記 (威靈頓街)

营业中

休息中

之前聽人講過沾仔記好出名，咁岩經過就食個面當早餐。menu 原來選擇不多，可能貴精不貴多吧。平時多數食河粉，見講到咁出名，就食佢個招牌雲吞面。$28蚊以中環黎講都算親民，一碗三大粒雲吞，真係乒乓波咁大🙊未食過咁king size 既雲吞。咬落去啖啖蝦肉好彈牙,皮算薄同通透，不過豬肉就好似無乜，味道感覺有點單薄，我自己會鍾意帶點肉既雲吞多啲。麵質其實都幾有韌勁同爽彈，不過湯頭認真麻痳，鹼水味重，影響晒成個湯。我覺得好多小店既雲吞其實都比佢優勝。唯一取勝就係佢個乓乓size 幾吸睛同以中環既親切格價。如果能控制一下少點鹼水味，會更好吧🙂

走上中環長長的梯級， 友人帶路推薦食碗面，我點了一碗三寶碗，不要少看一碗面，份量可多了。有大大件新鮮製作的雲吞、鯪魚球及鮮牛肉，配合清甜的湯底，面質彈牙爽口。建議大家晤好掛住傾計，真係要快的食，先好味！冧晒會變得晤好食。

曾寫文細說平民雲吞麪歷史。今日經過中環，看到沾仔記和麥奀記對峙的街景，想起沾仔的勇闖中環記。楊展華無師自通，開展仔雲吞麪檔，被鄉音讀成沾仔記。在大角咀站穩陣腳後，勇闖中環到麥奀記對面挑戰。以大雲吞抗衡奀雲吞薄利多銷策略成功。我當年常來買三寶來加餸和食火鍋。建議大家可以試試。如首次嘗試，注意雲吞是乒乓球般大，蝦的比例大，即豬肉比例小。

今日約了第一間試婚紗的地方試裙, 店剛巧在半山扶手電梯旁, 預了鬆動時間但又不想吃得捧著肚子, 隨意找個吃麵的店作為簡單lunch吧. 在這個人流多的旅遊旺區, 基本上沒有分甚麼lunch hour, 大大小小的米g蓮食肆林立, for quick lunch也不管米不米g蓮, 快靚正便可！再快也要排一會, 香港最出名的「效率」就在排隊時體現了, 在queue中落order, 一坐低即刻送上食物. 還是熱騰騰的麵！ 雙拼：牛肉+雲呑麵,加多碟菜 H 牛肉易入口不韌, 雲呑好好味, d蝦好大隻好足料!還有點後悔應該只叫單拼吃雲呑麵, 而麵的口感也非常爽口, 鹼水味好適中, 比起平時其他雲呑麵鋪我覺得佢贏在店面企理, 水準不hea, 雲呑比普通的大粒. 但是有外面長龍的壓力令我快快倒了麵落肚快快埋單呢. 雖然店面勁忙, 但各員工良好的態度是值得來排隊吃的

這店入夜都很多人，看來亦很吸引遊客。油菜揀了菜心：新鮮，少少嫩，有幾棵近心位有些微渣。雲吞有三粒，挺大粒，蝦肉新鮮，不明白為何還要加胡椒；雲吞皮薄，有一點黏。麵：很爽，但越吃越大鹼水味，吃不下了..食完後，收碗碟的姐姐很有笑容地說多謝；收銀的姐姐卻板起面，我說“唔該”她也目無表情。很飽滿的雲吞

由於本人嘅契爺好鍾意食雲吞麵，所以今日下午我們去咗中環威靈頓街嘅「沾仔記」買外賣自取去畀契爺食！我們買咗碗他們嘅招牌雲吞麵，麵質非常爽口彈牙，而且相當幼身，雲吞嘅皮好嫩滑薄身，蝦肉相當爽甜彈牙，豬肉嘅份量唔會好多，所以唔會有好油膩嘅感覺，而且都幾大粒，湯底嘅味道好鮮甜！另外！值得一讚嘅係雖然我們祇係買咗一碗雲吞麵，但其中一位店員大姐嘅服務態度超親切有禮同笑容滿面咁不不斷同我們講話多謝晒，食過覺得好食嘅話，下次再嚟幫襯吖！

雲吞雖大，蝦仁夠爽，但無肉汁鮮甜味，雲吞的蝦同豬肉比例不均，只有零碎肉膠，連重要的肥豬肉都無，欠缺香氣，失真。湯底只為普通灼麵滾水，清湯都不如，無味。食兩啖已經想放棄。浪得虛名

今日同男朋友尋找他日的足跡，去番佢以前地獄公司附近食野！佢帶左我食呢間，我們都好鐘意食雲吞麵，一個字正，飽到上心口！無論係面、雲吞、鯪魚都好爽口，佢以大為賣點，大得黎依然keep到爽口，正！特別係舊鯪魚，我從未食過咁大粒，如果同隔離木台比，我個舊已經係細左，真心正！

獨自在中西區搵食總是恐怕太貴而且難找位如要求不太高會去中環心臟威靈頓街的沾仔28元有雲吞生面他們的葱極青綠當然也可叫牛肉或鯪魚球粉面實在非常經濟沾仔的雲吞很經典大只3只有大地魚肉沒肥肉精明熟客都食過回頭同貴價店用同級辣椒油 潮州式湯也放大地魚甜而不嗆，梘水面雖云梘水味但那煲梘水會把青菜泡得靚粗枝大葉28蚊又一午餐

我只能說這裡是中環的經典之作，是中環精華的代表。以前在這裡工作，午飯如果沒有任何念想就會徑直走到這裡。看到熟悉的阿姐，熟悉的環境，一點都是傳統中式的味道，面的選擇不多，不需要費腦。簡簡單單吃碗熱熱的面，非常暖心。阿姐也不會冷冷的對付，有時聽到她們有一句沒一句的聊天還蠻開心的。也許因為這裡經常有外國客人，她們也接觸多了，感染很多的樂天派，總之都是開開心心的樣子。味道不多說了，看到門口貼滿這幾年米其林指定精選，再看看這個價格，真的不要考慮太多。而且難得這裡是中外統一認可的口味。中環這樣經典的餐廳以前還有很多，可惜最近關了不少，比如民園餐廳，也是一位爽朗的大嬸開了多年的，很多人慕名而來。現在已無蹤跡。這次我們還買了沾仔記的辣椒醬，很辛辣的感覺，一碗面只需要小半勺，送給一位無辣不歡的朋友，味覺留下的也是記憶。

叫外賣，同姐姐講想要一包醋，佢叫我自己裝（語氣已經唔好老脾），咁可能真係要自己裝啦，咁我就自己裝返，同姐姐講，放左係度，幫我放埋落個袋度（已經唔該前唔該後），佢竟然答，佢唔幫人包外賣，叫我自己放落去，個刻已經忍唔住，問咁係咪要我自己包返，佢仲即刻擺出一副理所當然既樣，乜原來依家買外賣要自己包返？

坐都未坐定個侍應不停問我地食mud今日都係星期六如果係上班日我應該唔會想來食言歸正傳同老細一人叫左一樣我個撈就樣樣都大件最緊要熱辣辣d野食不過個鯪魚好似越食越咸頂唔順要叫野飲我老細d鯪魚都係不過都係好食最緊要快，熱，同好食。

話說今日落大雨，而公司棟Building又冇咩餐廳，Lunch既時候就想搵間餐廳有咁近得咁近，但求淋少陣雨，所以就簡左沾仔記喇 入到去鋪頭入面地方好大好寛，唔會坐得唔舒服，中上環食平價Lunch黎講好難得講完地方就到食物喇，係食雲吞麵之類既麵類重點係，超抵食呀，中上環食個Lunch竟然可以$28埋單我就叫左鮮鯪魚球麵，鯪魚球大大粒，絕對夠餸麵 雖然份量唔算大碗，但都算飽肚，放工前都冇人嗌肚餓同事就叫左撈麵，貌相一流，份量都好夠 係中上環食個Lunch都竟然可以$28埋單，仲唔係中上環打工仔Lunch抵食既選擇

本來想去另外一間搵野食嘅，不過果間店貌似已經執咗，唯有change啦。於是就變咗沾仔啦··· 菜單上面嘅種類好少，基本上就係行細SKU嘅standardized路線，一秒嘅時間就已經可以點完單。 招牌雲吞麺，有三大粒雲吞，麺都係無自己之前系其他地方食嘅咁彈牙，而且堿水味略重。 鯪魚球好大，一碗麺配兩粒。魚肉新鮮，齋食兩粒鯪魚球都已經夠飽啦

朋友點名話要食呢間，我都系對雲吞麵好有感情嘅人，兩個人一拍即合，中午休息就過嚟呢度。入面地方唔系好大，不過至少唔會一轉身撞倒人。搭檯系好正常嘅事，自己有檯就已經偷笑啦。凈雲吞老實講4粒真係唔夠食囖，畢竟一碗又唔系好平！不過雲吞都算大粒，入面嘅蝦肉ok完整。雲吞皮ok薄，幾滑嘅，不過我個人唔系好鐘意個湯底，因為實在系太咸啦，而且又唔好飲...講好食嘅人我真係唔識得欣賞···三寶至尊麺，睇落去好足料，鯪魚球同牛肉最好味。比雲吞要好味。至於腐乳通菜，叫咗走油，不過可能因為腐乳，所以都係有油...