河內越式料理 (西洋菜南街)

营业中

休息中

一段時間無食越南菜，呢日去開太子，經過呢間河內越式料理，見到午市套餐價錢相宜，客人又唔少，就入去試下！原先最想試蝦餅，不過12點幾去到已經無晒，唯有試下其他。極品牛三寶湯河粉($69)一碗有齊生牛肉，牛展及牛丸，啱晒鍾意樣樣都試吓嘅我。生牛肉剛剛熟，肉質嫩滑細緻。牛丸肉味算濃，清湯放咗香蔥，羅勒同青檸，更添風味！順化豬肉卷撈檬($62)未食過順化豬肉卷，原來有D似腸仔。撈檬上仲放咗甘筍絲、青瓜絲、芽菜及芫荽碎，澆滿酸酸甜甜嘅醬汁，消暑清新，非常醒胃！不過醬汁則略嫌鹹咗少少，如果酸甜度突出d就更好啦。越式香茅豬扒($23)豬扒肉質軟腍鬆化，醃得入味。越南滴漏咖啡(+$18)老公一見到有越南滴漏咖啡，即刻好有興趣！越南咖啡最大嘅特色，就係用煉奶代替牛奶去調味。我試飲咗一啖，越南咖啡同意大利咖啡嘅風味非常唔同，好特別，不過要留意煉奶唔好一下子落太多，如果唔係真係會好甜呢！椰汁三色冰(+$10)呢個係我最愛嘅特色飲品，已經好耐冇飲過，難得出街食飯，對自己好少少，放肆一下！呢排天氣熱，特別解渴消暑呀！

有消費券個個都即出購物，我地今日都出去買野，所以先食午餐醫肚，朋友點左湯河，我點左撈檬，仲加左小食同叫左飲品。周六中午真係多左人，不過都好快有位，味道好同埋價錢合理。河內生熟牛肉湯河粉 $64生牛肉好柔軟嫩滑，牛味香，入口無渣。熟牛肉較重牛味，厚切口感豐富，入口鬆化嫩腍，連少少筋位，帶點咬口。份量都夠大碗，個湯頭好夠味，牛味香又濃郁，而且唔膩，河粉掛汁，又滑又好味。越式豬頸肉撈檬 $60豬頸肉好爽彈，好香燒烤味，有脂肪香但唔膩，因為有撈檬酸甜醬汁，清新解油膩感。檬粉吸哂酸甜撈檬醬汁，爽口清新，仲好岩熱天食，加埋花生碎、青瓜絲、甘筍絲......加添爽脆口感。香茅雞翼 （2隻）$20熱辣辣岩岩炸起，好香脆可口，香茅味突出，雞翼多汁唔乾，如果再多2隻仲正。椰汁珍多冰 加$10椰汁好香滑，加埋滑溜粉條，好掛住呢個味同口感，越式滋味。凍咸檸7 加$10夠大杯，清甜爽口帶咸檸檬，喉嚨好舒服。

呢間越南嘢唔貴又好食，所以夜晚唔少人叫外賣🥡。我哋兩個人叫咗兩份主食、一份小食，一餐完全食唔晒。🔸越式三寶飯 $68三寶飯有豬扒、雞翼、扎肉。豬扒同雞翼都有好重香茅味，豬扒肉質軟腍好味。雞翼都好香好入味。🔸極品牛三寶河粉 $69湯同河粉分開放。三寶河有齊生牛肉、牛展、牛丸。湯底濃郁，牛肉味好重。河粉好滑，吸晒牛肉湯好惹味。🔸越式豬頸肉（細）$29叫主食可以優惠價加小食。燒得香又有重香茅味。🔸凍鹹檸七喜 +$10

因為疫情, 六點後冇得食晚飯. 所以嗰日大概五點就找餐廳食飯. 見到佢價錢都幾抵就諗住試吓. 入到去好快有位. 店員見到我攞住一袋嘢, 佢好好, 佢同我講可以擺喺另外個位側邊,等我可以坐得舒服啲. 我同我老公都叫咗個三寶飯, 一個冰鎮奶茶同埋凍檸茶. 個奶茶好香滑. 個飯好快到送到. 上邊有啲蔥油. 我老公問過Staff可唔可以要多啲. 個員工攞咗多一碟俾我哋, 仲同我哋講如果唔夠可以再問佢攞多啲. 個三寶飯上面啲雞翼好香脆, 豬扒都好鬆軟. 食到好滿足! 其實, 嘢食好唔好食都要睇吓環境同埋員工服務! 喺呢度嘅嘢食同出邊越南餐廳其實真係差唔多, 但係因為佢呢度服務真係好好(兩位男員工)! 所以喺我嘅印象嗰度加了不少分數!

旺角嘅河內越式料理，走親民嘅路線，主食$50就有交易！而家做緊外賣自取85折優惠，而且出餐頗有效率，認真抵食！河內生牛肉湯河粉 $56肥牛片以濃郁嘅牛肉湯浸熟，嫩滑到不得了！外賣跟齊香草、辣椒、柑桔等，折後50蚊都唔洗，呢個價錢有咁嘅質素，真係無得輸！香茅豬扒撈檬 $60厚身嘅豬扒咬起上嚟幾軟嫩，仲要好Juicy！撈檬汁酸中帶甜，真係好開胃！越式豬頸肉 $29烤至濃邊仲要有埋𠝹花，惹味十足！凍咸檸七喜 跟主食＋$10蜜糖柑桔冰 跟主食＋$10主食＋$10可配特飲，真係好抵玩！

最初食過河內越式料理尖咀分店就已經非常覺得幾抵食好味呢晚黎到太子分店嘗試外賣回家晚餐！價格維持$5x-$6x，有湯粉、撈檬同飯餐點左主食亦可已優惠價追加小食!店員都好客氣歡迎外賣客人坐低等待外賣總共點了2個主食，一個追加小食及兩杯飲品！三色冰 &芒果西米露詢問左湯粉外賣會分開裝，另外有袋仔入青檸及辣椒碎自由選擇極品牛三寶湯河 $69有牛肉、牛𦟌同牛丸，牛骨湯濃郁但唔覺得咸牛丸爆汁，河粉爽滑份量好多越式香茅豬扒撈檬$60撈檬醬汁自己食前一刻先加，喜愛呢間醬汁唔會過甜或過酸，豬扒醃得好惹味！檬粉爽彈吸汁越式豬頸肉 $29有4-5塊，調味跟豬扒的差不多！口感爽彈！

之前食過幾次河內越式料理覺得幾好食，原來下午茶仲抵食，今日早左放工未夠六點仲有下午茶，再加上而家外賣自取有八五折，真係超級抵。👍🏻越式河內三寶飯有齊三款小食，香茅雞翼、香茅豬扒、扎肉，一次過滿足三個口味，豬扒和雞翼外脆內軟，就算攞到返屋企食，豬扒和雞翼表面仍然香口，而且份量夠曬多，再加埋配菜，非常抵食。😋順化蝦餅撈蒙蝦餅夠晒大塊，又夠厚，表面炸得金黃香脆，裡面彈牙有咬口，再沾埋泰式醬汁，絕對推介，真係忍唔住要額外加點多一塊。🦐越式豬頸肉另一個小食點左越式豬頸肉，一盒有六大塊豬頸肉，每塊厚薄適中，沾埋酸甜醬，非常可口。🔥而且加$10就可以有特色飲品，椰汁紅豆冰及龍眼冰都係my favourite。👏🏻

價錢合理而有水準依排好想食越南嘢，拉埋屋企人去附近食, 雖然響旺角，但都幾闊落。生熟牛肉湯河粉$52 生牛肉大大片有三片, 一啲都唔鞋勁重牛肉香味! 熟牛肉有幾片似牛坑腩嘅牛肉，肉質夠軟，又唔痴牙，下午茶嚟講認真大碗，超多粉！蕃茄蟹肉扎肉湯河 $52我覺得無點錯嘅，蕃茄湯香濃得嚟又幾特別，味道同平時嘅有分別，更加惹味。 有一啲手撕蟹肉而且有少少咸香味，正！番茄湯又多，每條湯粉滿滿掛著美味嘅湯。越式豬頸肉 $28有大陣炭燒味的燒豬頸肉, 每片都夠淋又爽, 送湯河粉一流, $28又幾抵! 越式炸蝦餅＄28超級脆，肉質彈牙， 蝦味濃郁, 雖然有啲貴,但都叫值得試。椰汁珍多冰 （餐加$10）鮮芒果西米露 （餐加$10）依度食物質素算好(尤其是蕃茄蟹肉扎肉湯河）， 服務又好, 我地會再幫襯的！

而家晚市無堂食，為有放工買外賣返屋企慢慢食，河內越式料理外賣自取有八五折，之前lunch食過幾好食，一於今晚食尼間啦。😋極品牛三寶河粉喜歡食牛既我當然唔放過牛三寶，有牛丸、牛展、牛肉，一次滿足晒三款口味，牛丸唔會過份彈牙，食得出係人手打，牛肉大塊又嫩滑，而牛展一d都唔會有渣，各樣充滿鮮牛味。✨香茅豬扒撈檬豬扒鬆軟有口感，就算攞到返屋企食，豬扒表面仍然香口，而且份量夠曬多，絕對抵食。👍🏻酥香軟殼蟹原隻軟殼蟹炸得金黃香脆，外脆內軟，啖啖肉，對我尼d鐘意食蟹既懶人就啱曬。😎越式豬頸肉一盒有六大塊豬頸肉，每塊厚薄適中，沾埋酸甜醬，非常可口。🔥而且加$10就可以有特色飲品，椰汁珍多冰及芒果西米冰都有越色風味👏🏻

Ha Noi Vietnamese Cuisine was located at Sai Yeung Choi Street South, few minutes walk from Prince Edward MTR.They served pho, cold vermicelli, snacks, rice, curry and drinks etc. Iced longan was sweet and clear, with alot of longan in it. Longan was sweet and juicy. Deep fried shrimp cake was fried till chewy and juicy, huge in serving. Sweet and spicy sauce was provided to enhance the taste. Tomato, crab meat and Viet sausage pho - They separated the pho from the soup, so that the pho will not

之前都有來過這間河內越式料理堂食，但疫情關係，都是選擇外賣回家慢慢享用吧。他們的下午茶供應到六點鐘，剛好趕得到，價錢就更抵食。會安雞絲撈檬 ，$46 份量大大碗，大量雞絲配上炸蒜，蘿白絲，青瓜絲及花生碎，撈上魚露甜酸汁，十分開胃。越式河內三寶飯，$58就有豬扒，雞翼及扎肉，十分豐富，最鍾意他們的炸豬扒，醃得入味，肉質鬆軟，炸得不乾身，還會配上一些蔥油汁更惹味。另外可以追加小食，$28 越式豬頸肉，肥瘦均勻，食到淡淡香茅香。飲品選了清新醒胃的青檸梳打，很滿足的晚餐。

食茶記外賣食到悶，今日經過旺角呢間越南野，外賣有85折又幾吸引。叫左一飯一湯河加個小食同野飲，都係百鬆啲蚊，價錢幾抵食。.「順化豬肉卷湯河$62」湯河自動會分湯，湯底夠濃牛骨湯味，順化豬肉卷炸過既脆脆地幾好食。「越式河內三寶飯$68」三寶飯有雞翼、豬扒、札肉，抵食足料。.加配小食「越式豬頸肉$29」，$20幾蚊大大份，香茅味夠重。.最抵係加配特飲都係$10，凍青檸可樂$10同凍鹹檸七$10，解渴又餸飯👍🏼

偶然想食越南粉, 都會諗起依間, 有幾間分店, 水準穩定價錢又唔貴。除左生牛肉河之外, 最中意就係順化蕃茄蟹肉札肉湯檬, 蕃茄湯底勁濃郁, 跟埋既青檸同辣椒係亮點, 加埋落湯多左層次好味加倍。蟹肉雖然唔多, 但都食到蟹鮮味, 札肉豆卜索湯一流。順化牛肉煎蛋飯太陽蛋蛋汁拌飯夠香, 牛肉同洋蔥煮埋一齊好味肉質又唔老, 仲有d甜甜地既肉汁撈飯, 豉油都唔洗落呀。食越南野一定會叫香茅豬扒先開心, 肉質腍易咬, 煎得乾身香口, 好味!龍眼冰超多圓肉, 香甜清涼, 依排天氣熱左飲就岩哂! 仲有越南滴漏咖啡, 啡夠香濃, 拌勻煉奶又香又滑, 讚👍🏻

呢日中午同屋企人去咗旺角呢間越南餐廳去食lunch，餐廳嘅環境唔錯，幾舒適。打開餐牌，見到有好多平靚正嘅越南菜，好吸引。主食方面，我哋點咗番茄蟹頭膏扎肉湯檬同埋順化蕃茄牛腩飯。湯檬嘅湯底非常香濃，落足料，啱晒鍾意食蕃茄湯底嘅朋友，除咗個湯底正，啲料都好豐富，包括有豆卜、蟹肉同埋扎肉，配埋芫荽，好惹味。牛腩飯入邊嘅牛腩炆到好入味，而且口感軟腍。小食方面，我哋點左香茅雞翼同埋越食炸蝦餅。飲品方面，我哋點咗經典嘅越南滴漏咖啡同埋椰汁三色冰，唔錯！

又想食越南野又咁啱經過太子就去食河內啦依間越南小餐館有幾間分店好似越做越有規模應該有返咁上下實力首先要咗個越南三寶湯河又生牛肉牛丸同牛腩生牛肉有兩大片肉質淋牛丸經過炸，香口牛腩唔肥唔韌唔多筋三款牛都好有牛味湯河配有辣椒及青檸可以自己加自己最中意就係青檸汁加完個湯就更refreshing~另一款湯可要咗炸豬扒炸得香脆，肉都算鬆軟而且入味小食要咗個豬頸肉香口，爽口最欣賞佢嘅係冇咩肥肉食完都無肥膩感飲品方面要咗個個都推介嘅越南滴漏咖啡好飲！咖啡味香濃之外亦有越南咖啡獨特嘅奶油味香濃！