河內越式料理 (西洋菜南街)

营业中

休息中

呢一間位於旺角我哋嗌咗番茄蟹肉河粉 真係好抵讚分量十足佢嘅蕃茄湯係煲咗好耐 所以令到湯底好有味道 配上扎肉 同埋豆腐卜仲有芫荽同埋芽菜 好好食大約$68性比較高真係唔錯㗎推薦大家揀呢一款招牌美食至於錢財方面亦都嗌左豬頸肉 佢哋有秘製甜酸醬 一定要撈埋佢食 即叫即整非常脆口仲嗌咗飯 佢哋嘅飯都有唔同嘅類型 今次我哋嗌咗炸豬扒配上煎蛋 豬扒即叫即整10分大塊好好食好厚切 肉質鮮艷同埋炎炎夏日適合帶佢哋嘅嘢飲今次嗌椰汁珍多冰都幾大杯

今日放假去咗花園街shopping，行到勁攰勁肚餓，入咗間食越南嘢嘅餐廳，呢間其他地區都見過佢嘅分店，但從來未食過，就一於入去食下啦，咁啱撞正下午茶時間，個人覺得幾抵食。下午茶選擇多羅羅 ，真係好難揀，有湯河 檬粉 三文治 沙律 飯… 由於今日我實在太肚餓所以我揀咗食飯 嘢飲方面，除咗一般嘅港式飲品之外，亦都有提供沙冰 啤酒 仲有充滿越南特色飲品，例如椰汁紅豆冰珍多冰等等。主食：越式河內三寶飯 小食：春捲 飲品：龍眼冰龍眼冰超正 ，飲落真係透心，涼夠曬清甜， 仲有勁多新鮮龍眼果肉！！！餐廳職員推介我食春捲 ，全自家製作，正宗越南風味，外層炸到脆卜卜，非常香脆，餡料非常豐富。三寶飯有豬扒 雞翼同扎肉，完全滿足咗我呢個食肉獸嘅需要。 扎肉係凍食，口感好爽口 ，好彈牙。雞翼醃得好入味，即叫即炸，入口嘅時候就係熱辣辣，肉汁夠juicy。塊豬扒好厚 食落口超滿足，啖啖肉，肉質一啲都唔鞋口， 豬扒非常推介。環境都幾舒適㗎，座位與座位之間有一定嘅距離，唔會好逼，環境衛生乾淨，送餐速度快，整體感覺不錯，有下次！

🔺 河內越式料理 (西洋菜南街) (旺角)收工係屋企附近食埋先返去，突然想食撈檬，見到呢間環境唔差，d 位又闊落就入去舒舒服食餐飯～🔻極品牛三寶湯河粉($69)牛三寶有生牛肉，牛展，牛丸，平時係出面食碗越車粉都成舊水走唔甩，呢到$70就有碗三餸越南湯河tim, 呢到湯底濃郁之餘，食完又唔口渴，個湯好清唔油膩，餸既份量都唔少每樣3-4件到，同埋河粉唔會濕濕濕或者一夾就斷，唔錯。🔻順化豬肉卷撈檬（$62)第一次食豬肉卷，經炸過熱辣辣，入面好有肉汁，份量都唔少一碗有6條，食落香口有豬肉鮮味。另外食撈檬最緊要個汁，枱面已經放好晒調味料，你中意落幾多就落幾多（落還落唔好浪費😂），岩晒我勁中意食d 酸酸甜甜開胃野，尤其e+天氣咁熱，整返碗撈檬岩晒！🔻越式炸春卷(2件）（跟餐+$20)炸春卷外面香脆入面起足料，點埋個汁一齊食好好味，2件食晒都唔夠喉😂🔻椰果椰汁西米露(跟餐+$10)椰汁底唔係好甜岩岩好，再加埋椰果同西米露增加口感，好似食阻個甜品咁好滿足～🔻椰汁綠豆冰(跟餐+$10)同樣椰汁底，綠豆有口感唔會太淋身好好咬。

講起撈檬以前中學嗰陣都成日食㗎仲記得以前我中學嗰頭有個幾好味既撈檬今次經過旺角附近又想重拾下味道所以就入左去呢間河內料理～入面唔算好多位而且感覺都係平民生意有好多啱啱收左工既人係附近食而且一睇其實價錢都好合理唔貴近近地平平地想食少少越式嘢去飽肚就適合٩(´ε｀ ٩و～～～～～～～～～～～～～～～～～～～～♪ 越式香茅雞翼撈檬 $60 (8/10)雞翼有三大塊炸得好香脆有香茅味～而且撈檬份量都幾多㗎😚加埋酸酸甜甜既檬汁味道好開胃♪ 越式豬頸肉撈檬 $60 (8/10)呢一份既豬頸肉份量仲多啲喎而且依舊一樣配料好多同埋豐富撈檬令到豬頸肉冇咁油膩同埋清爽～♪ 越式炸春卷 +$20 (8.5/10)加左兩塊炸得恰到好處的春卷有雜菜同埋少少肉碎～都幾脆口！♪ 椰汁冰 & 椰汁三色冰 $20 (8/10)兩杯都幾多而且椰汁味道都夠濃呀～而且斑斕啫喱/紅豆/綠豆都比得幾多～飲落都有些許碎冰透心涼！

旺角西洋菜南街食肆林立競爭激烈所以都幾有質素保證試咗呢間 <河內越式料理>.我大概兩點幾坐低都仲有好多食客又keep住有人買外賣睇嚟生意都應該幾好..招牌越式豬扒飯 ($59) : 豬扒都幾大件，炸得香口，亦鎖得住肉汁，唔乾唔柴；隻蛋就煎耐咗少少..越式炸春卷 (追加小食一款，兩件 $20) : 包住嘅餡料份量好多，炸得夠脆，唔會好油..冰鎮凍奶茶 (set 加 $6) : 茶味超濃，啱我口味，好飲～完全唔使比啲冰溝淡咗..

太子呢一間越南小店，❤位置方便，而且服務態度都好好，簡單食一餐最好不過。順化牛肉煎蛋飯🐮除咗有牛肉之外，仲配上煎蛋，所以搭配更加營養豐富。牛肉嘅味道啱啱好有好香甜嘅牛肉味，配埋飯一齊食，🍚仲可以好飽肚。煎蛋仲有少少半流心，質感係我最鍾意嘅。小食叫咗佢嘅香茅豬扒，🐷份量都幾多，有4大塊。🔥應該係即叫即炸，所以食起身好香口，而且都有淡淡嘅香茅味。飲品叫咗椰果椰汁西米露，🥥q彈嘅椰果，更加有口感。

今日心血來潮好想食越南菜😚收工經過太子揾到哩間外賣😍😍順化牛肉煎蛋飯😜 個人覺得味道剛剛好，口味啱曬我既，牛肉也是用上肥牛，大大塊，好似有6-7塊，肉質嫩口😜煎蛋味道甜甜的，白飯再配上煎蛋，把蛋料流在白飯之中，再夾埋肥牛一起吒，相堂滋味呢😚😚另外再加了一碟小食，越式香矛豬扒，淡淡的檸檬香讓豬扒更入味，香味俱全的香茅豬扒配搭青檸魚露汁，酸酸甜甜的，令人更開胃🥰飲品嗌番杯青檸梳打，成餐飯好完美😚😚

東南亞都係我幾鍾意既菜式之一，今晚Happy Friday就約咗朋友嚟呢度食晚飯😊❤️順化蕃茄蟹肉扎肉湯檬 💰6️⃣4️⃣個湯底超級夠味！飲落酸酸地，加埋啲青檸汁同辣椒就係另一個層次😙蟹肉份量唔多但鮮味👍扎肉彈牙，檬粉吸晒個蕃茄湯底好好食😋⭐️越式咖喱牛腩飯 💰5️⃣9️⃣唔知係咪越式嘅關係所以比較稀🤔同平時食開嘅港式/泰式/日本咖喱好唔同～唔辣亦唔甜，無乜椰汁味，味道比較淡～牛腩唔算好淋但又唔韌，正常水準～❤️上湯焯田園蔬 💰1️⃣5️⃣健康均衡之選👍清淡唔味精，對我呢啲外食一族黎講係必備🫣❤️越式炸蝦餅(細) 💰2️⃣9️⃣好香脆，蝦餅肉質都算彈牙，加配黎講好抵食🙌🏻❤️椰汁三色冰 💰1️⃣0️⃣呢杯係朋友點嘅，椰汁味好重，佢話底下仲有啲紅豆，好特別😯😯❤熱蜜糖柑桔️💰5️⃣唔太甜亦唔太鹹，味道啱啱好👍 埋單每人先$90，好抵食🤭

青木瓜沙律🥗好大堆頭😂有青瓜絲、蘿蔔絲、青木瓜絲等…仲有蝦添呀😍最香口係有花生碎，撈左醬汁真係又健康又好味😋越式河內三寶飯🍚香茅雞翼、香茅豬扒、扎肉、越南嘢就更係必備架啦⋯⋯😂佢地整得唔錯，香茅味好食，豬扒又夠淋身，樣樣試齊好滿足🤩越式豬頸肉🐷豬頸肉邊位整到脆脆地，口感好好👍🏻鮮芒果西米露🥤真係好似食緊芒果西米露咁😂不過變左用飲管飲，好好飲呀⋯⋯椰果椰汁西米露🥤好多椰果係面，有得食又有得飲。

對鍾情越南菜嘅我，又係時間要食下越南粉啦，今次揀左去旺角河內越式料理食返餐。坐底order左極品牛三寶湯河粉、越式河內三寶飯，小食有越式燒豬頸肉，飲品就係龍眼冰同埋芒果西米露。極品牛三寶湯河粉分別有牛丸、生牛肉同牛展，手打牛丸夠彈力，生牛肉就好鮮味，牛展就好入味，牛味濃郁。配合越式配料及牙菜等連河粉食好有口感，最緊要湯底牛骨味覺鮮。越式河內三寶飯有香茅豬扒、燒雞翼及扎肉，豬扒香濃惹味，雞翼燒得外脆內嫩，扎肉就好有越式味道，加醬汁連飯食一流。越式燒豬頸肉既鮮嫩又香口，點埋甜酸醬食停吾到口。龍眼冰同埋芒果西米露就同樣清新又解渴。

夏日炎炎一個女仔其實真係唔想日日食公仔麵當然想試一些比較有質素嘅食物。香茅春卷兩隻炸得蔔蔔脆好好味香茅味道冇得彈。魚露雞扒煎蛋飯火燻出來的，並非快餐一般的燒雞，非常肉香嫩滑。最特別是他們有魚露的香味淡淡柚香。出邊食唔到。✨✨✨🙈滴漏咖啡法國風情!這種咖啡咖啡之香絕對是出色之作。田園生菜絕對是女生減肥最愛，健康又好食。而且分量夠。絕對v good越式青檸冰老細好細心特登 小冰，好適合女生飲用。衛生:*****服務:*****抵食:*****

其實一直以來都很喜歡越南傳統食品，尤其是他們一點點甜酸似啲味道，可謂相得益彰，恰到好處。its awesome!魚露雞扒煎蛋飯這款雞扒特別之處，是火燻出來的，好像一般的燒雞，非常肉香嫩滑。配上他們獨特的燒汁，做到色香味俱全。，令人垂涎三分，不亦樂乎。上湯田園生菜這款生菜獨特之處是非常之嫩口，即使是老人家也非常之容易入口，適合一家大細享用。越式青檸冰唔太甜好適合女士飲用，用來解暑就一流。餐廳地理位置鄰近地鐵站出口exit b, 走過來都不到十分鐘。😊

今個星期五有啲嘢做, 收工自己一個食晚飯, 自己獨獨食就要食得更加豐盛河內嘅嘢食又大份又好食, 最重要係可以以優惠價加配小食同嘢飲<越式河內三寶飯>追蹤開大食妹嘅朋友都知道大食妹係個小食怪, 主食就揀咗咩都有啲嘅越式河內三寶飯河內三寶分別係香茅豬扒、香茅雞翼同扎肉大食妹最鍾意佢嘅香茅豬扒, 肥美得黎又唔會太過油膩, 味道甜甜地, 超好食香茅雞翼同樣唔錯, 炸物都係熱辣辣即叫即炸嘅米飯再配搭甜豉油同埋蔥油簡直無得輸<越式炸春卷>小食就嗌左三寶裏面冇嘅越式炸春卷雖然得一條, 但係非常足料<龍眼水>最後飲返啖冰冰涼涼嘅龍眼水, 消暑解渴

夏日炎炎實在令人提唔起勁煮飯，同先生行完魚街索性買埋外賣返去做晚餐。餐廳食物選擇多，而且價錢抵食，門口有大大個餐牌，方便食客叫外賣。豬頸肉一客三至四件，香口彈牙而且唔油膩，味道亦唔錯。先生每次必食嘅極品牛三寶，湯底香濃而且配料豐富，有生牛肉、牛𦟌同牛丸，最欣賞佢嘅牛𦟌，唔會太過軟爛。天氣實在太熱所以我今次叫咗香茅豬扒撈檬，豬扒唔算厚但香茅味好濃，配搭酸甜爽口嘅撈檬解暑一流。粉麵加十蚊就有特飲，味道方面中規中矩，椰汁味道稍淡，但勝在甜度適中，清新解渴。呢間越式餐廳我哋已經幫襯過好多次，貪佢好味又抵食，仲可以平價追加小食同特飲，而且叫外賣起菜亦好快，係我哋嘅外賣首選！

河內越式料理今日去完尖沙咀行街當然就要過一過旺角又係搵吓嘢食啦，今次行到太子附近見到一間越南嘢好似好多人應該都唔錯決定去馬生熟牛肉湯河粉湯頭都幾濃🥳而且牛肉份量都幾多，配埋香葉同埋檸檬，絕對係一個越式風味嘅河粉香茅雞翼兩件雞翼，揸得卜卜脆好好味，香茅嘅味道非常之突出凍滴漏咖啡嚟到越南餐廳，點都會叫一個凍嘅滴漏咖啡，滴漏咖啡咖啡香👏加上煉奶底😛出色行開旺角太子終於都有間平民又好味嘅餐廳，抵推薦