河內越式料理 (西洋菜南街)

营业中

休息中

好耐無食越南菜啦~今日去咗旺角行街買衫，經過西洋菜南街，見到呢間河內越式料理，晚市時間坐滿人，一於試下先！香茅豬扒撈檬香茅豬扒夠厚身，口感鬆化又軟腍，啖啖肉好有咬口，而且肉汁豐富!撈檬味道酸酸甜甜，清新爽口。順化豬肉卷撈檬豬肉卷咸香惹味，卷裹成條型狀，口感層次豐富～檬粉Q彈爽滑，唔錯。越式炸春卷炸得金黃酥脆，外皮夠薄又香脆，食落唔油膩，餡料好豐富！椰汁紅豆冰奶香濃郁，紅豆煮到起沙，口感綿細。椰汁珍多冰椰漿味道香濃，珍多冰質感爽滑，飲落好清甜～

今日放工買左八半旺角睇戲，有d趕快快趣搵個地方食飯，諗起依間d越南野夠平民又幾好食，小店黎講坐得都算舒服，就整個快靚正晚餐啦～順化豬肉卷撈檬 $62豬肉卷咸咸香香幾好配檬粉食，重點之一當然係個撈檬汁啦！酸may may，微微甜，微微辣，食落真係寧舍開胃！好岩依個咁鬼熱既天氣食。順化牛肉煎蛋飯 $59個飯埋到黎都聞到好香，牛肉醃得入味，醬油味突出，加上洋蔥增添味道，配上燶邊蛋，簡單美味。越式香茅豬扒 $23食越式國香茅豬扒一定要出場，依個豬扒口感剛剛好，易咬唔韌，好味。香茅雞翼 $20岩岩整起外皮香脆，幾惹味～越式青檸冰$10好fresh, 有透心涼感覺。熱情果冰 $10酸酸地好開胃解膩，食完咁多野飲落去幾舒服。

前幾日去開旺角，就決定叫下午茶返屋企食啦，結果竟然有驚喜😍😍😍😍😍😍😍😍😍😍豬頸肉超級惹味，加埋醬汁，令人食極唔停口🤣🤣🤣🤣🤣🤣🤣🤣🤣🤣🤣🤣🤣🤣牛肉湯河，牛肉湯好濃郁，而且牛肉份量都好多，抵食之選😍😍😍😍😍😍😍😍😍😍😍撈檬酸酸甜甜超級開胃，夏天食透心涼😋😋😋😋😋😋😋😋😋😋飲品同樣好有誠意😋😋😋😋😋😋😋😋😋😋😋😋😋😋😋😋😋😋😋😋😋😋😋😋

老公投訴話我好耐冇陪佢食越南菜，今日路經旺角，就喺河內越式料理買外賣返屋企慰勞下佢。佢最鍾意食火車頭牛肉粉系列，而我就揀咗比較精選啲嘅河內牛腩片湯河粉，值得一讚嘅係佢嘅湯底好香濃但唔係過鹹，算係幾正宗。而且仲有勁多牛腩，以呢個價錢嚟講算係相當抵食。另外就揀咗順化豬肉卷撈檬，仲會配一大份魚露。豬肉卷充滿香料味，而且份量都相當多。因為魚露夠晒多，所以食起上嚟既清新又清爽。主食仲可以優惠價選購小食，越式豬頸肉雖然係小食，但份量一啲都唔少，亦唔會燒得太乾身，性價比非常高。越式炸蝦餅肉質好彈牙，味道亦唔錯，點埋甜酸醬簡直係絕配。加$10仲有特飲，揀咗珍多冰同青檸梳打，兩杯都真材實料夠哂味。

今天放工經過呢間好多人食嘅越南菜，未夠七點已經全部都滿座。😍極品牛三寶河粉（$69) 有三款牛，其中牛丸彈牙爽口，湯底濃郁，檬粉份量好多。另外越式春卷撈檬（$60）春卷大大條好香口，比平時食嘅更惹味！另外叫了豬頸肉（$29），咁嘅價錢有咁多塊，好抵食。越式青檸冰（$10）加少少錢就有得飲特色嘢飲～如果係叫一般凍檸茶凍檸水更加抵，只係要$5就有～堂食座位都要坐得好舒服，夏天最緊要就係冷氣夠涼🤣🤣

今日買越南菜外賣返屋企做晚餐夏天熱辣辣，揀越南菜 簡簡單單唔重負擔就最好。旺角西洋菜街河內越式料理，位置方便而且性價比高，簡單做晚餐，唔貴又抵食。-順化豬肉捲撈檬豬肉捲燒得香口，咬落去豬肉夠彈牙， 肉汁仲要爆出嚟豬油 嘅香撈埋落檬粉度加埋酸甜嘅 撈檬汁夏天食清新開胃-順化蕃茄牛腩飯番茄牛腩飯酸酸咪咪，牛腩煮得入味有蕃茄嘅 清新 亦都有牛腩嘅肉味撈飯 超一流-越式炸蝦餅 跟餐可以加 配小食炸蝦餅即叫即炸，外面酥脆入面蝦肉爽口彈牙。-另外仲叫咗兩杯越南飲品椰汁三色冰 ， 冰凍清涼椰果椰汁西米露， 超多西米露， 仲有椰果粒粒，大愛。

話說近排朋友減緊肥 但佢又約我食飯 咁我同佢都OpenRice 左好耐 睇下邊度會有d低脂肪低卡路里又小油既野同佢食呢 同佢睇睇下發現原來越南野d撈檬真係比較健康 咁就約左佢一齊食越南野🇻🇳一入到去職員就即刻上茶拎餐牌埋黎 佢杯茶係有d類似玄米茶既味🍵 清清地又有解油膩嘅既感覺另外見到職員係收完檯既時候 會拎支消毒噴霧噴張檯同埋抹 呢樣野係呢d時勢都幾重要👍🏻💜順化蕃茄蟹肉扎肉湯檬 $64拎到上黎見到個湯都幾濃 個湯飲落去係有少少好似西式龍蝦湯既感覺 番茄味甜亦有蟹既鮮味💜會安雞絲撈檬 $56今晚重點就當然係呢個低脂低卡路里既撈檬啦 雞絲份量都多 撈勻之後唔會話食唔到雞肉 撈檬個汁酸酸地夠開胃 唯獨有小量檬粉痴住 不過唔太影響💜越式豬頸肉（細）$29豬頸肉肉質爽彈 豬頸肉既邊亦烤得幾好脆脆地 點埋個酸甜醬就更加好食💜青檸梳打 +$10青檸梳打唔會好重糖漿既甜酸味 加上佢比客人自己倒落杯個罐玉泉梳打水真係越南野黎💜椰汁冰 +$10椰汁味道好重 又夠大杯 加$10有得飲真係抵

越式河粉放假帶兩個仔去太子花園街河內越式料理, 食生果越南真味嘅晚餐。 店裏面嘅裝簡潔, 感覺乾淨衛生, 唔好睇佢鋪仔細細, 坐得都幾舒服。餐牌主打多款越式小食, 湯河, 撈檬, 飯等等,價錢都好經濟實惠。河內生熟牛肉湯河🍜生牛肉好柔軟, 好嫩滑, 好香牛肉味。熟牛肉 就重牛肉味, 厚切口感豐富, 入口鬆化, 又嫩又淋, 連啲筋位咬落去都爽。😋生牛肉河粉份量大大碗🍜嘅生牛肉河粉, 牛肉味香濃, 湯底清甜, 配埋佢嘅辣椒🌶️, 鮮甜得嚟又有辣辣地, 幾惹味, 飲咗幾啖, 一啲都唔覺得有味精。香茅豬扒湯河豬扒🥩一塊大大件, 上枱嘅時候仲要熱辣辣, 又唔會太油, 冇味精。 豬扒一定要配湯河, 仲有越南風味嘅湯底🍜, 先係絕配😋越式炸蝦餅蝦餅🦐炸到金黃香脆, 又有口感, 非常彈牙, 蝦味鮮濃, 配埋個泰式甜酸醬一齊食, 口味更佳! 👍🏻越式豬頸肉豬頸肉煎得好香脆, 好有燒烤風味, 好爽彈, 有脂肪香味但又唔油膩。 配埋佢嘅酸辣🌶️醬, 有清新解油嘅感覺。青檸梳打🍹食親越南嘢泰國嘢都會叫杯青檸梳打飲 , 新鮮青檸加梳打水, 好爽! 👍🏻舖名: 河內越式料理(西洋菜南街)地址: 旺角西洋菜南街20

尼輪天氣炎熱，放左工買外賣返屋企睇住電視開住冷氣可以慢慢享受🍻👍🏻😋今晚想食越南野🍜就去左河內越式料理買外賣🍲順化蝦餅撈檬$52非常厚既炸蝦餅🍤外脆肉質彈牙好好味😋香脆而不油膩非常好🍖而檬粉撈埋酸醋清新開胃，啱曬而家敢熱既天氣 ✨生熟牛肉湯河粉$52越南餐廳最重要係Pho好食，河內越式料理既河內湯粉十分有質素🍜而且湯底一流👍🏻😋牛肉同牛腩片既份量夠多🍗口感豐富🐮河粉同湯分開，攞到返屋企都唔會冧✨越式豬頸肉$28下午茶可以優惠價加配小食🌯輕份量既豬頸肉都有六大片🍖每片肥瘦適中🐽沾泰式甜酸醬好味。👍🏻下午茶餐只需加$10就有一杯特色飯品🥤龍眼冰夠甜，多龍眼肉🍒三色冰充滿椰汁，三款配料有咬口😋性價比高🧋✨

今日早放工仲可以買下午茶返屋企食，河內越式料理，平時食晏都會食，食物份量夠多，質素又好，而家下午茶時段仲抵。👍🏻😋越式河內三寶飯$58有香茅豬扒、香茅雞翼、扎肉，可以一次過品嘗三款美食，超級抵食🍻豬扒外脆肉嫩，啖啖肉好好味👍🏻雞翼肥大肉厚🐥而扎肉正常發揮✨生熟牛肉湯河粉$52越南餐廳最重要係Pho好食，尼間餐廳既Pho做得十分好，湯底一流👍🏻😋而且生熟牛肉份量多，口感豐富🐮河粉同湯分開，攞到返屋企都唔會冧✨越式炸蝦餅$28下午茶只需加$28話有大大塊炸蝦餅🍤外脆裡面彈牙🦐沾埋泰式醬一流。👍🏻最後重可以加$10就有一杯特色飯品🥤龍眼冰同三色冰都係非常唔錯🧋✨

放工經過西洋菜南街河內越式料理，嗌咗外賣返屋企食，記得係尖沙咀都食過，價錢親民，Order左一個香茅豬扒飯，出餐勁有效率，店員服務態度好好，另外追加左2隻雞翼！香茅豬扒醃得好入味，每啖入口附有陣陣香茅味，就算外賣攞到返屋企，豬扒同雞翼都仍然香口，豬扒厚身而且肉質軟腍Juicy，配上一些蔥油鼓汁更惹味，仲有隻流黃煎蛋，加埋配菜，真係勁正，雞翼外皮酥香而且滿滿香茅味，皮脆肉嫩又多汁，色香味俱全，成個晚餐好豐富滿足，份量夠曬多絕對抵食，外賣都keep到水準！

呢日黃昏時候喺旺角，同朋友一齊，大家都冇乜時間，想快快趣食碗麵，路過呢度，越南🇻🇳小店，可以食碗河粉又得、飯又得，咁就唔再諗啦，嗱嗱聲入去開餐😆我哋叫咗呢啲嘢😆- $69 嘅「極品牛🐂三寶湯河粉」：「極品牛🐂三寶」有牛肉、牛丸、牛𦟌，全部都幾好牛味😋；湯底濃郁仲有少少辣，大大碗，食得飽😋- $64 嘅「順化蕃茄🍅蟹肉🦀扎肉湯檬」：蕃茄🍅湯底都係味道濃郁😊；扎肉就梗係有越南🇻🇳風味啦😆- $20 嘅「香茅雞翼（2件）」：外皮脆脆哋，簡單幾好食😋- $10 嘅「椰汁🥥紅豆冰🫘」：唔係好甜，都幾多紅豆🫘，加埋椰汁🥥，凍冰冰幾好飲😋- $3 嘅「熱檸水🍋」：清熱消滯😆

「河内越式料理」在太子花園街的分店，嘆返裝修簡潔明亮，感覺乾淨衛生～餐廳主打越式湯粉、撈檬、飯類等等，價錢親民。順化蝦餅撈檬 $62 必試的蝦餅👍🏼外層炸得酥脆，內層彈牙滋味。順化蕃茄蟹肉扎肉湯檬$64蕃茄湯底濃郁，加上原粒的清香桔仔，酸酸甜甜非常開胃，配菜及麵的份量都相當豐富。越式炸春卷 $20 香脆可口，調味恰當。鮮芒果西米露 (+$10)真的是新鮮芒果製成，一杯飲品就可以滿足埋吃甜品的慾望。蜂蜜柚子梳打 (+10)梳打非常夠氣，不會過甜。

天氣熱唔想食咁重口味 想食啲清淡啲一諗就諗起越南生牛肉湯河❣️ 生牛肉湯河粉 $46份量都幾大碗🥩都好多 勁有牛肉香 唔知湯底係咪熬咗好耐呢 加埋配送嘅辣椒🌶️ 鮮甜得嚟有啲辣辣地好惹味 完全係可以當前菜餐湯咁飲❣️香茅豬扒撈檬 $48豬扒一大塊切成4份 一塊大概3 4啖左右 上枱嘅時候仲係熱辣辣 唔會太油膩太重味精 檬粉索埋啲酸辣汁 熱辣辣得嚟帶幾分清新🍋❣️ 越式炸蝦餅(細）$28份量唔細但食落好似冇乜味咁 食唔出🦐味或者任何海鮮味 但又唔會太粉 最後點泰式酸辣醬食埋佢❣️ 招牌越式三文治 $40超級無敵多🥒 扎肉細細塊 法包食落好香脆 包埋一齊食好厚好大份 未至於好正宗但都幾好食 之前食嗰啲芫荽勁多好彩呢間無啫

叫左兩碗撈檬粉牛丸撈檬春卷撈檬都幾足料呀👍🏼但個汁好似太多味精？🤔🤔皆因食完好口渴同埋有一陣鹹既味道停留口腔好耐～外賣出街食 難免有味精問題不過調味控制方面可以拿捏得更好🤏🤏