沙田新強記燒鵝海鮮酒家

营业中

休息中

大圍火車站一出🏮🪞必定會見到這古色古香的門口和牌匾應該係好傳統既中式酒樓 別具特色唔係淨係同同長老食飯先去酒樓㗎我同班朋友仔都中意去酒樓 夠地道貼地麻甩 又好食馳名金牌乳鴿 一開四都唔會站好細隻肉質鮮嫩多汁 外皮香脆唔會好油膩你想再濃味點可以點淮鹽 我就覺得夠味 沙田新強記雞粥 擺哂成個名落去都知係呢到signature 叫左個例牌 估唔到咁大兜兩個人食 每人食左5碗入好多雞肉 雞油味好香粥好綿好滑好入味應該係必點名菜 我見台台都有

細細個就黎食乳鴿同沙田雞粥充滿童年回憶今日再次重遊舊地尋回昔日傳統風味.《古法羊腩煲》$368勁多舊羊腩 堆積如山🤤每舊炆到入晒味 離晒骨 夠哂軟腍驚騷既朋友都食得 因為佢做到冇乜羊騷味真係好足料啊 仲有馬蹄、冬菇、枝竹附送埋一大碟生菜🥬可以打邊爐咁食腐乳加埋檸檬草 勁有誠意.《金牌燒乳鴿》從以前嘅風味一樣 一啲都冇變招牌乳鴿 係必食的 $58隻外皮金黃香脆 內裏保持肉汁.《南瓜西米露》食完晚飯仲有糖水送 好窩心一絲絲南瓜絲🎃一粒粒西米露 唔會好甜 有椰奶香

同朋友👫一齊喺大圍站附近，要搵地方食晚餐🍚，朋友話既然嚟到呢區所以想食燒乳鴿🦆，咁我即刻喺人肉電腦💻裏面搜尋一下，搵到呢間，行過去都唔使2分鐘，咁就嗱嗱聲帶朋友過去開餐😆- $118 嘅「古法香妃雞(半隻)」：「香妃雞」雞肉好滑又好雞味😋，雞皮仲滑又充滿雞油香😋，朋友同我都忍唔住食咗幾塊雞皮😆- $58 嘅「金牌燒乳鴿」：乳鴿皮脆脆哋，乳鴿肉肉嫩多汁，真係做到皮脆肉嫩，幾好食😋- $108 嘅「金銀蛋時蔬」：時蔬係菠菜，「金銀蛋」煮法幾惹味，仲好大碟😆食完仲送咗兩碗糖水，揀咗「椰汁🥥紫米露」，又係幾好食😋

堂食限制放寬，心態也放鬆，胃部不能放鬆，必須提供美食🤭大圍站上天橋過去就到，5分鐘不用，地理位置方便👍名字有燒鵝，但因為最近身體較上火，不宜吃相對濕熱的鵝，唯有點隻乳鴿食食🤤金塊燒乳鴿可自選切件/原隻食，為方便計，當然件上啦……大大隻，咬落Juicy得黎又脆口！蜜汁叉燒王(例) 賣相掂汁底掂肉質掂100分滿分，我會比90分，冇咗果10分係因為想日日食😂但不容許沙田新強記雞粥招牌菜之一，湯底夠綿，份量約6細碗，仲有大量雞件及香蔥可以一路飲一路食免費紅豆沙足料足豆足果皮，不會稀稀的，食埋糖水，剛好完美作結！參考餐牌：

😎既然嚟到大圍，😏搏下彩數去試吓新強記，睇吓有冇位。全場爆滿，不過好彩等咗唔使5分鐘就有位啦。我哋三個人，經理好好，問我哋有張 方形枱，比較細張啲坐唔坐。😅唔想等,我哋梗係坐啦。一場嚟到，點都要試吓新強記燒鵝王。加個杏汁燉白肺湯（八個人飲都夠）椒鹽脆豆腐椒鹽九肚魚 再加多隻金牌燒乳鴿三個人來講，其實都好多🤣🤣雖然全場爆滿，但係上菜速度快，都好好食，員工都好有禮貌招呼周到。好彩我哋早一步到，坐低之後，門口企咗好多人等位。

沙田新強記雞粥🐔一人份都用鍋上 唔會咁易凍晒 夠體貼 讚!! 粥底好夠味 估唔到雞件都好多嚿 果日涼涼哋 食完即刻暖笠笠沙田新強記燒鵝皇🦢例牌以為得幾嚿 點知都幾大份 胸、背、脾都有 入口有淡淡嘅鵝香 啲皮仲好脆身𠻹配埋梅子醬食 真係好夾懷舊糯米包🍚媽咪鍾意嘅點心之一 而家好少地方有喇 一籠3件 件件都脹卜卜 皮薄 餡料嘅糯米軟硬適中 鮮蝦腸🦐腸粉好滑浖 比平時嘅腸粉有咬口 鮮蝦夠爽口食食吓見到隔籬有兩位老友記 好滋味咁食乳鴿 好似好正咁 呀媽話下次嚟要試吓🤭

⭐️沙田新強記燒鵝海鮮酒家⭐️📍: 大圍積運街2-8號海福花園47-50號地舖⏰:8:00am-3:45pm; 5:30pm – 11:00pm三號風球夜晚都係唔周圍去，近近地同屋企人去大圍食中菜，大圍呢間新強記都有好多年歷史，最出名係佢地既燒鵝，仲有多款特色小菜唔知點揀好，索性叫個小菜套餐，一次過試哂新強記既名物啦招牌燒鵝乳鴿雞粥小菜套餐 ($588)🌟招牌新強記雞粥一定要試下新強記既招牌雞粥，雞件份量好多，肉質嫩滑。而粥煮得非常綿密，加上雞油變得好香口🌟新強記燒鵝皇 (例)上枱時已經聞到好香鵝油味，鵝皮色澤亮麗，薄身脆口，肉質嫩滑細緻，又充滿肉汁，送飯一流🌟金牌燒乳鴿 (兩隻)我同屋企人都好鐘意食乳鴿，外皮燒到香脆，點埋淮鹽同醬汁更加好食🌟椒鹽鮮魷出去食中菜當然要揀啲平時係屋企少煮既菜式，我地就揀左椒鹽鮮魷，香脆可口亦好彈牙，超正🌟沙嗲牛肉炒菜心牛肉片好大塊而且好入味，同菜心一齊炒，呢個組合無得輸呀#香港美食 #平民美食 #沙田 #沙田美食 #香港 #美食 #hkfood #hkfoodie #openrice #hkfoodblogger #hkfoodies #foodshare

11月頭又係忙碌既一個月份，又到年尾特別多野做，知道屋企人鐘意食中菜，今晚一於揀間好食既慰勞佢地，朋友推介我地試下呢間大圍既新強記食中菜，餐廳樓底好高，空間感十足，裝修方面以傳統酒家做藍本，唔會覺得好舊，估唔到平日都坐滿人，質素應該都唔錯，我地揀左佢地既招牌小菜套餐，超豐富招牌燒鵝乳鴿雞粥小菜套餐 ($588)新強記燒鵝皇 (例)燒鵝超香，鵝皮好香脆，肉質嫩滑，見到表面有光澤就知油脂豐富啦，偶爾邪惡一次唔怕啦金牌燒乳鴿 (兩隻)套餐包左兩隻燒乳鴿，每隻切好四件唔洗爭，我就當然食最嫩既乳鴿髀啦，啖啖肉超正，記得趁熱食呀招牌新強記雞粥成日聽人講沙田雞粥就聽得多，今次第一次食，粥底好綿滑又足料，好多雞件，爸爸食到讚不絕口椒鹽鮮魷另外兩款小菜我地就揀左椒鹽鮮魷，炸漿夠薄身，魷魚超彈牙，香口小食我地最愛沙嗲牛肉炒菜心食左咁多肉要揀返個菜，今晚就試下佢地既沙嗲牛肉炒菜心，牛肉片份量超多，絕不欺場，菜心煮到剛剛好唔會有渣

This is a very traditional tea house that reminds me of the old timesThe food portion is bigger than those modern tea houses and quality was OKI was a bit disappointed with the deep fried pigeon as the skin was not crispy...The congee with chicken was nice though

今日去找朋友聚舊他帶我去食沙田雞粥，這間新強記燒鵝海鮮酒家歷史悠久，很多傳統名菜也可以吃到。內裡裝修格局用上木色系列，牆壁有掛畫很有特色。來到就當然吃招牌菜式啦！套餐款式都有幾款選擇，我們就點了「招牌燒鵝乳鴿雞粥小菜套餐」，這個套餐剛好有齊燒鵝、乳鴿和雞粥。「招牌燒鵝乳鴿雞粥小菜套餐」包括有～～～ 新強記燒鵝皇（例） 金牌燒乳鴿（兩隻） 招牌新強記雞粥（例） 椒鹽鮮魷 沙嗲牛肉炒菜心新強記燒鵝皇例牌份量也很多，燒鵝皮脆肉嫩，脆皮下不會有太多肥膏，肉質嫩而多汁配上酸梅醬一起吃很開胃。金牌燒乳鴿乳鴿燒得香噴噴，火候燒得恰到好處，皮脆卜卜非常甘香，乳鴿肉很嫩滑鮮甜。招牌新強記雞粥雞粥粥底很綿滑，雞件不會過老仍然鮮甜肉嫩，吃每啖雞粥都有雞油香味很滿足。椒鹽鮮魷椒鹽鮮魷炸得很香脆，魷魚鮮甜又彈牙啖啖肉。沙嗲牛肉炒菜心沙嗲牛肉炒得剛好不會過韌，牛肉很厚身沙嗲醬夠惹味，菜心新鮮爽甜兩者配搭很夾。

位於大圍的新強記，最出名的就是燒乳鴿和雞粥，所以我們一定會叫這兩款食物。這間酒樓已開業多年，酒樓內有一幅桂林山水的風景畫，點心種類多，而且大件。我們約11時半落單，但等了半小時才有點心，傳菜員說要慢工出細貨，我們叫了香蔥煎薄餅，和煎苧絲，薄餅煎得剛剛好，入口香脆，煎苧絲一點不油膩。接著便是乳鴿，它燒得不過火，皮脆肉嫩多汁，即使一人一隻也可以吃掉，雞粥我們是叫例牌的，但也有一大湯碗，我們四人平均每人可以吃到兩碗多，而且雞肉多，鹹菜胡椒豬肚湯是一個鍋，內有很多腐竹，湯味濃郁，豬肚稔，每人也吃到兩碗，我們還吃了韮菜豬紅和燒腩仔，也很好味，不會太鹹。這一餐我們全吃清光，而且非常滿足，還笑說可以再約在此吃晚飯。

有朋友試過話新強記幾好食（仲keep到喎），仲好強調乳鴿好正，咁就去試下啦，搭火車望到呢個餐館好多年，終於都有機會試試！未至於好好食，只能夠講合格……唔知係咪星期三晚跑馬既關係……😅d雞粥真係咸到一個點，我已經食得好重味，仲要有飲啤酒都覺得佢超重手……燒鵝微暖，皮都燒得幾靚，肉唔韌，微微肉汁，味/豉油偏咸。炸乳鴿上枱仲暖，不過一定要襯熱食，佢係用好細隻既乳鴿，所以肉嫩皮薄有少少肉汁，味道正常幾好。生炒骨個炸漿好厚/炸得少少過龍，個外皮好硬，都食唔到唔講個味！超咸雞粥雞件夠味好食，但係個粥咸到可以送啤酒咁濟………唉！！！金銀蛋浸時蔬，炒飯，正正常常。椒鹽豆腐熱，夠味，好食。唔知係咪我唔好彩，正常食套餐，應該日日都整好穩陣至岩，7點去食又唔算好多人，眼望又算多客。飲左7支啤酒，人頭3百幾。

以前去大圍踩單車 成日都經過新強記舊式酒家 燒鵝乳鴿雞粥 係佢地既招牌菜 朋友忽發奇想 想食中菜 於是就揀左呢間老字號酒家位置好方便 大圍MTR一出5分鐘就到門外掛左一排紅燈籠 木招牌大大隻字印住新強記內外裝修都好懷舊 充斥住一種舊香港情懷位置之間都寬敞 比一般酒樓有空間侍應服務好好 不時換碟加水 讚🥰食物選擇幾多 有小菜 亦有唔同既SETS 好實惠份量又多 仲有糖水送 食到好飽呀😋下次想食埋佢個燒鵝🥰💥乳鴿BB乳鴿 1開4 皮好薄又燒得香脆 肉質嫩滑好有油香點埋淮鹽更加香口惹味 好正😎💥雞粥 (位)最近天氣轉涼 點個雞粥暖下新鮮滾熱辣既雞粥 用鍋上粥底軟綿 滿是雞汁香味 帶點淡淡酒香雞肉份量都好足 而且好嫩滑加左薑絲既粥亦更加暖胃😝💥椒鹽海蝦🦐熱辣辣 香口又邪惡 海蝦大大粒 份量多外脆內軟 配埋D辣椒粉 好惹味🥰💥菠蘿生炒骨又係炸既 經典家常菜開胃之選個醬汁酸酸甜甜 仲有菠蘿同三色椒😌排骨炸得好脆 真係一流😋💥紅豆沙 綠豆沙仲有糖水送 好正宗既味道紅豆沙有陳皮味 綠豆沙有臭草味好滿足☺️☺️

一家四口一齊去食飯，因為爸媽都話想食燒鵝燒乳鴿，所以去左大圍好出名既新強記晚餐。新強記係歷史悠久燒鵝老字號，門口有大紅燈籠高高掛，仲有一大隻強記鵝歡迎大家入去食飯。餐廳超級大間，好中國風，一睇個外形同內籠就感覺到勁有古色古香feel，連碟都係古中國畫，靚！我地散叫，無選到套餐。新強記燒鵝皇（例）$170係鵝脾位，very good！鵝肉連住一啲肥膏同骨所以嫩滑。鵝味濃，沾醬食更美味。金牌燒乳鴿 $58叫左2隻，每人食半隻。乳鴿雖小但我覺得算係多肉食，好香好香，要襯熱食！椒鹽九肚魚 $108咸咸地好好味，個炸皮薄脆，魚肉超軟滑，香口度十足。香桃咕嚕肉 $128酸酸甜甜好開胃，即刻叫左白飯一齊食。咕嚕肉啖啖肉，食得出係即叫即做，絕對唔會係出面其他餐廳翻炸再翻炸既肉乾。紅豆沙甜品係送既，凡進餐都每人一碗中式糖水，全家都選擇左紅豆沙。紅豆沙個糖水係水狀，紅豆粒粒分明。我鍾意呢款紅豆沙，一啲都唔稀，濃紅豆味，仲食到陳皮味，食紅豆時有得咬下有口感。

新強記為一老字號海鮮酒家，喺大圍火車站附近，都算交通方便，12:00入到酒家已9成坐滿，裝修簡單，所以價錢都好平，當中不小懷舊點心，例如：鮮豬潤燒賣、百花釀魚肚、古法燒腩卷、懷舊糯米包、肉骨茶小籠包等等以燒鵝為名，每枱都見到有叫燒味、燒鵝，所以我都試吓馳名既燒鵝、乳鴿同燒腩仔 😀燒鵝鵝皮香脆, 有油花, 肥而不膩, 🐷燒腩仔香脆, 惹味可口, 乳鴿肉多汁鬆軟、外層好脆👍🏻點心方面都叫咗不小，最驚喜係鮮豬潤燒賣，大大粒勁多蝦，非常滿足，芝麻卷🤣，巳經喺酒樓賣小見小，真心懷念，今日過足癮，食個痛快😁