沙田友冰室 (已搬遷) 新店位置

今日有的事約左朋友入黎做完野就緊係揾個地方醫肚啦見到呢間門面幾好甘又多選擇就入左去了首先有是日例湯先係佛手瓜煲豬骨出街食飯飲例湯最怕好重味精呢碗湯好味之餘個晚無口渴我叫左個薄西冷扒腸仔飯配蒜蓉汁首先要讚下好多汁先送飯一流塊西冷都唔係好薄而且有牛味幾林最後我係有食哂架朋友仔叫左個常餐A有黑松露炒蛋架加埋食配合得天衣無縫個蛋熟度適中，有蛋香多士熱辣辣新鮮，滿意再黎常餐入面有豬潤米朋友話湯底食左唔口渴好味而且你睇下的豬潤唔會偷工減料係厚切架口感一流呢杯係我叫既檸蜜叫左少冰真係有少到（有的少左同無少都係甘多）所以要讚下朋友仔個杯係菠蘿冰有粒粒菠蘿又係清杯先走

今天與太太來到沙田，見到充滿香港風味的裝修的沙田友冰室，門外及內的裝飾十分可愛，是仿照舊香港，也有霓虹燈光管，門外及內的裝飾十分吸睛，是仿照復古風，也有霓虹燈光設計，十分有趣，跟朋友來打卡影相也不錯，裡面環境都好大，仲即刻有位。要了個常餐---秘製豬扒公仔面黑鬆露炒滑蛋厚多士($52)，滑蛋望落夠吸引，黑鬆露炒蛋既滑嫩，而且蛋汁也很香。黑鬆露味也很濃! 豬扒份量都好大，是我愛的有骨豬扒，而且唔會油膩，多士都有烘熱過，上面有薄薄的熱牛油,烘的香脆,配蛋一流! 焗豬扒薑飯($68)。一上檯就見到熱騰騰的，豬扒和芝士鋪滿整格焗飯面,茄膏也下得不輕手，每一口也食到豬扒和飯，更有驚喜的是飯底確實有薑粒，我平常不愛吃薑,可是這樣配搭很好吃，推介!飲品方面我門另外點了一杯紅豆冰($12)和波羅冰($12)。也是茶餐廳必點之選! 紅豆冰必點，十分透心涼，單飲淡奶，沒有甚麼味道，但把紅豆拌入去時，便愈飲愈甜滑，完全感受到紅豆的香味。菠蘿爽脆， 沒有浸罐頭菠蘿果種假甜味

我一直都好鍾意食茶記， 而今啱我屋企附近開咗一間好新嘅茶記，仲好有懷舊風味。入到去環境都好大，仲即刻有位坐。首先，嗌左個秘製豬扒公仔面黑松露炒滑蛋厚多士，常餐一直都係我去茶記最鐘意食，公仔面同豬扒份量都好大，而家唔會太油，而黑松露炒蛋既黑松露味都好濃，而且蛋汁都好滑同嫩。而多士都有烘熱過，真係真心唔錯。另外嗌左叉燒炒滑蛋，叉燒肉唔會好肥，而滑蛋同叉燒係perfect match ，加上份量唔少，友都話幾鐘意呢道菜。最尾叫左個咕嚕肉，酸酸甜甜既味證明一啲都無馬虎，不過真係要配飯先係最夾，啖啖肉感覺，加上酸甜味令人食指大開。呢間茶記真心好食，好開心開係屋企附近。

路過呢頭，順便食晚餐，見呢間睇落幾有懷舊特色既茶餐廳，於是嚐下裝修睇落似新式茶餐廳，同時仲播住啲舊歌張枱似足麻雀枱，都真係第一次見我特別鍾意食沙嗲牛麵，覺得呢樣先係茶餐廳既靈魂，所以點左個常餐沙嗲牛肉麵配黑松露醬炒蛋同厚多士湯底味道濃郁，厚多士烘得幾好，而黑松靈炒蛋真係幾特別，少係茶餐廳見到，不過黑松露都幾夾到炒蛋，可以一試個中湯都幾足料，同埋唔係味精湯味，唔錯仲有點左京都醬豬軟骨飯，因為個餐牌寫侜招牌拿手菜式嘛豬軟骨煮得好焾，汁用黎餸飯都幾好，飯身淋啲會更好野飲少不了茶餐廳既經典野紅豆冰同菠蘿冰兩杯既份量都幾有誠意，幾多菠蘿唔錯！下次跌過都可以再嚐過

久唔久都會黎石門返工，見呢間冰室開左兩三個月，一直都未有機會試下。難得呢日比開工時間早左到，機會終於黎喇門口大字招牌寫住沙田友三個字極之搶眼，感覺好有親切感。一般冰室都係裝修簡陋燈光慘白，但呢度既裝修睇得出好花心思，好有以前上海灘既懷舊風味。 時間尚早餐廳裡面已經坐左2/3人，好多都係街坊裝一家大細黎食，成日覺得一間餐廳好唔好食睇有幾多住附近既人真心會幫襯就知。一坐低即刻有碗例湯送到，每日供應送完即止咖～好貼心既清暑冬瓜豬骨湯，飲落好清甜無味精味，仲裝左好多冬瓜唔通知我中意食好少見金銀蛋莧菜會用煲仔上，保持熱辣辣，唔會食到一半凍哂。不同於外面食開既，鹹蛋無先煮熟，而係類似蛋花既整法，食起黎嫩好多亦無咁鹹仲落左好多乾蒜、菇同肉碎，香口好多，好好送飯～沙拉骨醬料調配得恰到好處，酸酸甜甜好惹味，加埋沙律醬好開胃。肉質鬆軟一咬就開。因為喉嚨唔舒服所以嗌左杯熱菜蜜，落足料，唔會淡而無味。非常滿足既一餐，可惜今日時間已晚，餐廳出名既出爐麵包同蛋撻早已賣哂，無緣一試

冰室，算係茶餐廳前身。該餐廳裝潢刻意選擇一些D舊香港元素。但，不知為何畀我感覺上好似在異鄉開咗間以香港為主題的餐廳，稱不上懷舊。桌子好趣致，用咗港人喜歡的麻雀枱。D伙計收工之後可以直接開枱了😂。嗌咗份常餐！講真，這秘製豬扒味道果然唔錯，将已經由多種材料加香料腌製而成的豬扒放入油鑊炸，松松脆脆。麵，雖然是公仔麵，汤底卻不是公仔麵的味精湯包料。至於是用什麼做湯底，我就吃不出來😅！黑松露炒滑蛋，普通卻又唔簡單。火路控制同技巧好重要，因為好易老身。唯一，不足就是多士了。牛油過少，而且多士稍硬，應該是之前做好的。走時，想試下蛋挞，聽講是請老師傅出山。但已經售罄可惜了，看排隊人龍應該唔差。整體OK，本次消費HKD55，價格稍貴。（滑蛋有好多種，加牛奶，加忌廉。亦可原味。熱鍋冷油，倒入打好的蛋漿即刻熄火，不時開火立即熄火。炒時由底一層一層的往上叠，直至蛋漿熟。炒的時候切忌將蛋底反轉炒上面）

又是石門？因為工作關係，這幾個星期都要出入石門。既然如此，不如嘗試不同食肆，以供Open Rice 及眾飯友參考。「沙田友」不在沙田地鐡站附近，而是在石門京瑞廣場一期地下。原本我對茶記興趣不大，不過上星期午飯時間見其門口有人龍，今天便與同事試試。入到餐廳，見到佢有獨特的懷舊設計，顔色舒服，座位間隔亦算寬敞，地下乾淨，比一般茶記好。侍仔製服有特色，檯面亦印有東南西北，令人聯想到麻雀枱👍🏻👍🏻👍🏻，妙！還有，它有一口號「老友有情 懷舊有理」，很有意思。如大部份茶記一樣，它提供很多選擇，亦有常餐及中式小菜，今日午饍的小菜是咸蛋蒸肉餅及梅菜蒸鯇魚。看了一輪餐牌，望望四週，見很多人都食常餐，我便叫了一客蕃茄牛肉意粉常餐（A3)，同事則選了S3 秘制豬排菜飯。先論我的常餐，味道比預期好。首先蕃茄牛肉湯意粉，它有大大粒的鮮茄，牛肉軟而不靱，湯底清甜，好味。黑松露炒蛋多士，多士烤得十分之香脆，炒蛋亦滑溜，同屬佳品😋。同事的豬排飯配有例湯，今天是青紅蘿蔔煲豬骨湯，看似很足料，試了2啖，好有老火湯的淳，兼無味精。我以為茶記老火湯必定是味精之作，這個湯完全不是。而炸豬排亦看似肉質鬆軟，面有一層薄炸粉，並不厚

正所謂香港地變得好快，最後一次嚟石門已經係四年前，都係因為工作關係先會嚟到呢度～以前呢度乜都冇@@ 今次嚟到發現呢度開咗新商場，都幾大吓，多咗好多餐廳，喺度住嘅居民終於都有口福喇～餐廳嘅種類好多，而最多就係大眾化嘅茶餐廳。呢間沙田友冰室喺正石門站b出口外面，所以嗰陣就入咗去裝修用咗老香港mix沙田做主題，麻雀枱上食飯、碧綠色牆、叉燒炒公仔麵 $50麵質彈牙，唔會太咸沙爹金菇牛肉煲 $78沙爹汁同平時茶餐廳嗰啲好似唔同，呢款冇咁濃味，比較健康另外仲加咗好多青椒去整會附送白飯，唔夠可以再添是日靚湯足料，碗碗都有提供湯渣紅豆冰 $12

第一次去沙田友食早餐裝修幾靚，坐位都多叫左個☀️金牌豬軟骨早餐 配炒滑蛋同多士☀️$38豬軟骨完全冇味，軟骨硬到食唔到🙅‍♀️湯底似京醬味，都係好淡🙅‍♀️炒滑蛋OK，但份量好少🤦🏼‍♀️多士都一般熱奶茶就幾滑，好飲👍🏻總括而言好失望，以後都唔會再去喇

其實石門開咗好多間食肆，要喺呢區突圍而出除咗食物要夠特別，仲要有heart!喺石門已經食左好幾間，冇乜特別好食，直至今日去咗沙田友茶餐廳，覺得食物真係過得去，所以寫少少食評！今日叫咗秘製蔥油雞扒飯，焗豬扒飯，再加個班蘭蛋撻，再整杯熱奶茶和茶走。豬扒飯食落一搬，白飯做底，仲以為焗飯會好熱，真係有些失望！反而個秘製蔥油雞扒飯就幾突出，雞扒炸得好香口，亦都幾juicy，只係個飯底麻麻地！第一次食班蘭蛋撻，覺得唔錯，不過就甜左少少，但係勝在夠熱，坐喺度都唔夠45分鐘，已經出爐兩盤蛋撻，睇嚟好多人幫襯，不過要$10一件，性價比一般般！我會試多次！

到石門工作，經過慢長的車程，肚子已經餓得咕嚕咕嚕叫，幸好石門現在開了不少餐廳 可以俾我食早餐2.0叫左個沙嗲牛麵 炒滑蛋 多士 加 熱咖啡，食飽飽便開工啦！沙嗲牛肉麵 沙嗲味極濃 湯汁不多 感覺8成都是沙嗲牛肉 撈一撈麵食入口 每一條麵都沾上了沙嗲汁，yummy!炒滑蛋一定放在厚多士上面食 好讓蛋汁被多士吸收 混合牛油 香味更會提升不過呢 都是一般茶餐廳質素，未有突出之處，店內裝潢便用了懷舊風格，貼滿一些舊廣告，桌子也像麻將🀄️

石門邨今時唔同往日，開左好多餐廳，而今日就食左沙田友冰室。打開餐牌，價錢都好合理。叫左幾個套餐，例湯意想不到的好飲，冬瓜豬骨湯，材料充足，湯飲落清甜而且味道好飲，絕對唔係味精湯。而且每個套餐都送大大碗白飯。叉燒炒蛋，蛋炒得滑，而且好香口，叉燒係半肥瘦叉燒，食落肥瘦適中。豉椒炒涼瓜，上枱時十分新鮮，熱辣辣，涼瓜甘而不苦，健康惹味之選，味道恰好，用來送白飯食都好惹味。通菜炒牛肉，通菜色菜夠青綠，牛肉亦不會炒得過老，用腐乳炒，令胃口大開。茄子斑腩煲，清淡但不會淡味，茄子入味，斑腩保持嫩滑，而且汁撈飯食一流。乾炒牛河夠鑊氣，河粉滑，牛肉鮮甜，而且夠大碟。不得不讚是奶茶夠濃味，而且飲落口感香甜滑溜，飲完有提神作用 。

石門有一間好嘢食啦覺得佢哋嘅常餐唔錯之餘佢哋嘅餸都好好食大家睇吓個環境都好有feel 㗎可以去影吓相睇吓都可以呢度係模仿左以前嘅茶餐廳嗰啲擺位都係好有特色而且可以見到啲字體都好復古所以呢個環境好值得打卡影相叉燒炒滑蛋我哋今次叫咗三個餸呢一個餸炒得好香好滑而且叉燒份量都好多好鮮甜仲會配一個湯同埋一個飯見到個蛋都係色澤好靚呢個豬骨湯都好好味材料超多每個湯入邊都有三個肉所以真係足曬料秘製豬扒公仔面黑松露炒滑蛋厚多士估唔到黑松露加蛋係咁好食鍾意佢嘅但係七成熟陣間食到🥚嘅原汁原味而且佢嘅多士亦都唔係只係搽上牛油再加會有煉奶所以食落去係超好食㗎鮮茄濃湯公仔麵入邊係有好多牛肉再加會有番茄🍅係入邊龍龍嘅蕃茄味增加左呢個通粉嘅味道再加上佢嘅蕃茄都好多係入邊㗎覺得佢嘅奶茶都係唔錯金菇牛肉煲超級多牛肉而且汁都係好香再加上有好多菜係入邊更加健康秘製菠蘿咕嚕肉可以見到佢嘅肉都係好多而且夠晒酸甜啱晒口味

懷舊餐廳一向多人奉場，今天終於唔駛等位，餐牌中皇牌食品不揀，棟了口水雞撈麵，可能呢款食品不屬於懷舊，雞肉質地ok,但撈麵冇乜汁。食品也算可以，不過雖然要環保，但基本一張紙巾也不供應，咁忘記帶紙巾的客人就可能開餐時要小心點。另外餐廳有播歌，希望可以播多些經典懷舊歌曲去襯托餐廳主題

一向都好鍾意食沙田友既蛋撻，即使攞到番屋企凍咗叮翻熱，蛋汁依然好香，撻皮亦好鬆脆。不過坐喺餐廳食飯就係第一次，皆因而家石門開咗新商場之後食野多咗好多選擇。言歸正傳，介紹下餐廳既裝修先，牆身用老香港做主題，我地坐個位隔離仲掛咗一幅細細既沙田區舊地圖。分別叫咗乾炒牛河同沙薑雞飯，乾炒牛河係即叫即炒，鑊氣十足，而且牛肉唔算un，河粉亦唔會好油。至於沙薑雞飯，一上碟見到係隻雞脾已經加咗唔少分，而且雞肉嫩滑，唔錯唔錯。