沙田友冰室 (已搬遷) 新店位置

一向都好鍾意食沙田友既蛋撻，即使攞到番屋企凍咗叮翻熱，蛋汁依然好香，撻皮亦好鬆脆。不過坐喺餐廳食飯就係第一次，皆因而家石門開咗新商場之後食野多咗好多選擇。言歸正傳，介紹下餐廳既裝修先，牆身用老香港做主題，我地坐個位隔離仲掛咗一幅細細既沙田區舊地圖。分別叫咗乾炒牛河同沙薑雞飯，乾炒牛河係即叫即炒，鑊氣十足，而且牛肉唔算un，河粉亦唔會好油。至於沙薑雞飯，一上碟見到係隻雞脾已經加咗唔少分，而且雞肉嫩滑，唔錯唔錯。