沙田友冰室 (已搬遷) 新店位置

今晚行過見到呢間既裝修幾特別，而且個名叫沙田友，俾人有一種懷舊茶餐廳感覺，好耐冇試過懷舊美食，一於入去坐低感受吓尋食一番，內裏裝修擺設好懷舊feel，俾人好舒服感覺睇吓有乜美食先，由於係夜晚所以早餐、下午茶冇得選擇，祗有套餐、常餐、米線和中式小菜選擇寄然冇得試d特別嘢，就叫個紅咖喱牛腩飯試吓先，睇吓水準點另外跟餐加$3叫左杯凍檸茶，大家要睇清楚熱飲和凍飲同樣加$3紅咖喱牛腩飯，睇賣相都幾吸引個紅咖喱都幾好味幾辣，不過d牛腩就普通左d，唔係半肥瘦，入口又唔夠腍，水準普通而且價錢好似比其他店貴一、兩蚊，我覺得呢間店係食裝修，可能有些美食我未發掘到

咁岩經過見到佢地麵包新鮮出爐為食既我忍唔住即刻整番個菠蘿包先啦😂😂菠蘿包個皮好脆麵包本人好軟熟又熱laklak點會唔好食呢🤤🤤佢唔只得菠蘿包仲有蛋撻，蝴蝶酥等等下次經過再食其他👍🏻

同男友早起，就行去石門睇下有咩食， 見到間沙田友裝修唔錯，而且都多人食，咁就入去試試佢。 男友叫左肉丁餐肉公仔面，我就叫左蕃茄牛肉湯通粉+炒蛋厚多士。 同一般茶餐廳一樣，冰飲加3蚊啦~味道方便，個set above average la~

大k出名貪威識食! 有唔少外國嘅朋友嚟到香港會都問我，在日本有日本菜；德國由德國菜；美國有美國菜；香港人有無香港特色菜?究竟有啲乜嘢係有 香港 代表性呢? 我答得好快 - 茶餐廳。 香港嘅茶餐廳出名快靚正! 選擇又多；最擅長用公仔麵做出唔同嘅菜式， 下至餐蛋麵上至炒公仔麵。 當然更加唔少得茶餐廳奶茶，菠蘿油同埋蛋撻。你揀沙田柚茶餐廳裝修好有香港本土文化特色。當然梗係幫襯番啲地區特色嘅小菜啦 -豬扒 炒公仔麵 炒公仔麵炒到乾身之餘，亦唔算太過油膩。 實在有大師級風範!

這天經過京瑞廣場覓食，從小到大都區住在沙田的自己，被一個餐廳的招牌吸引到我的注意，就是沙田友冰室，這應該是第一間屬於沙田的冰室吧。門外及內的裝飾十分吸睛，是仿照復古風，也有霓虹燈光設計，十分有趣，所以我便和朋友一起進去吃個簡單的下午茶。首先，我看到一樣十分特別的食物，就是斑斕味的蛋撻，便豪不猶豫地點了。而朋友點了一份咸牛蛋三文治充飢，並加了一杯凍阿華田一齊享用。班斕味的蛋撻十分特別，不是一般平時吃蛋撻的口感，而是軟軟的，有種流心的感覺，不錯吃斑斕味不是很重，也不會太甜。至於咸牛蛋三文治就還好，正常水平，如果士司麵包厚一點會更好。整體來說，這個下午茶吃得很開心，下次會去試一下他們的茶餐及下午茶餐。

朋友話呢間茶餐廳焗豬扒飯出名，加上見到佢裝修咁懷舊，試下喇整體望落餐廳都乾淨嘅，裝修幾得意懷舊，老人家或者遊客應該會更加鐘意。講番食物先，我先叫左個kaya味蛋撻，見到個樣咁綠應該好kaya,你錯了。。。食落同普通蛋撻差不多。。咁我洗咩咁貴食你一件蛋撻><至於個菠蘿油，都ok 嘅，皮面好脆口，雖然貴左少少都值嘅。主角焗豬扒飯買相同其他茶記差不多，但份量少左啲啲，豬扒唔好多心，唔係厚切。不過，食落都好味嘅，但個醬個人覺得咸左少少。

又屋企行過石門都10分鐘左右，今日試依間，豬軟骨和沙嗲牛早餐，開頭見隻隻蛋偏乾，都咬落又唔係，會有蛋汁既，包可以再跪多點！牛肉明顯比豬軟骨好味，沙嗲牛肉明顯有花生味，相比豬軟骨味道較淡，同埋肉質好鞋

身為茶記愛好者 一星期最小4餐 我發覺我比較寫得很小茶餐廳的食評 因爲食得茶記 都係快食 周不時唔記得影相..近這一年石門大大小小開咗超過三十間食市 有一半已上係茶記/快餐/食堂 style.今次就試下沙田友究竟有幾沙田!!先講裝修環境是有揼足本設計 雖然睇唔出同沙田有乜關係 但每張檯都有一個在沙田的街道牌..整體視覺ok 但座椅舒適度9流 驚死你座得耐唔走 又迫又硬請留意 午餐 ... “餐” 是不跟飲品的 要加錢 好有誤導成分 請問套餐解作什麼? 冇餐湯冇飲品秘制豬扒菜飯唔好睇 唔好食 冇味冇口感又乾又瘦 餐蛋飯賣相比較好啲 㕌切餐肉脆皮口感唔錯但$48!!! 整體來講 好難有藉口再食第二次 有太多其他更好選擇

第一次幫襯。見裝修幾有特色,加上區內的餐茶廳不太多,所以就去試下。我們點了兩個常餐。一個🐷扒公仔面,一個蕃茄濃湯通心粉。🐷扒煎得還可以,但湯底麻麻地。蕃茄濃湯通心粉就很令人失望。當餐廳本身沒有時間準備蕃茄濃湯,還不如不要把這個加進餐牌了。這蕃茄濃湯有點像蕃茄加水再加d蕃膏,不太有誠意。雖然牛肉還不算太少。建議減少menu的菜色,先做到基本,主打的菜色。要不很難吸引回頭客。畢竟石門的新餐廳愈開愈多了。

由細到大都鍾意食茶仔既我，又點會錯過呢間有懷舊裝修既冰室呢！ 沙茶牛肉公仔麵 - 沙茶醬香同惹味，唔係杰噠噠果隻；牛肉肉質同份量適中，無話la到淋晒；就算唔係出前一丁麵，麵質都ok，並唔係好流既炸麵。 香滑炒蛋 + 厚多士 - 炒蛋好滑 ，不過我覺得厚多士烘得唔夠挺身。 熱奶茶 - 好夠熱，但本身第一啖真係好失望，味道好似好奇怪咁，但飲到一半就唔同晒，可能我未搞勻d糖。下次要試下佢既公主蛋撻同王子麵包先得，我見都幾多人叫。

內容如題住附近，早一兩個月見佢八蚊隻蛋撻，十蚊隻波蘿包，好似好矜貴，加上啲裝修真係幾靚，又有特色，終於就貪得意去試左，叫左兩個飯，其中個雜扒飯等左好耐先至黎到，咁個飯嘅份量本身已經不多，仲要喺等嘅途中不停見到廚房係咁偷食再望下自己兜飯，件扒好似唔見左一大半咁，偷食都算啦，食完又唔見佢地有洗手緊接住又食下一碟，唔知係試味定太肚餓啦最終都係擒擒青，係咁扒晒兜飯就算數。埋單黎講，晚飯兩個人百零蚊算係咁，不過要食人口水尾，下次都係可免則免！！！

A cold day often makes people crave for mummy’s dishes. It was only 6 DC last night so i really wanna have some easy but heartwarming food. So I chose to go into this restaurant and it was a complete mistake. Despite that the decor was quite impressively “Hong Kong-ish”, its another story inside - almost none of the stewards inside are Hong Konger. They can’t even speak good Cantonese. I’m not trying to be a mean person here but that they don’t speak or understand good Cantonese made making orde

平時返工一早就要出門口，真沒有機會可以停下來吃個豐富的早餐先開工，所以到星期日的時候真的想歎個茶記早餐！今次友人就有個好介紹，去了沙田的石門去搵食啦！😊餐廳主打懷舊設計，十分之有特式呢！而且在內還有不少影相位！今次由於想吃茶就特式食物，當然要簡個常餐啦！！鮮茄濃湯牛肉公仔麵～湯底濃郁，而且還加了不少蕃茄肉在內，牛肉煮得十分嫩滑，有點口感！最後連湯都飲埋！黑松露炒蛋及多士～蛋炒得十分嫩及滑，加上蛋上面豐盛的黑松露，十分吸引！當然同樣有實際，充滿黑松露香氣！但如果將黑松露和蛋混合在一起，味道會更平均呢！$52 的常餐可算有點小貴，星期六日的話可能要等一等位！

Lunch時間經過見好多人們口等位，但因時間有限唔會刻意專登等，咁啱今日見無乜人排就入去食囉。價位比一般茶餐廳高，但原來係無加一架所以還可接受，而且食物水準都好，同事們也覺好味有特式，如豬扒菜飯，豬扒夠厚身好入味，個醬汁也甜甜地開胃，其他飯麵同常餐多好多選擇。不過今次想講係佢地個波蘿油好好味暖暖地夾住塊牛油半溶之間，外層嘅酥皮鬆化。平民美食首位，價錢一般人都負擔得起$10 咋！ 蛋撻仲有兩款酥皮同曲奇皮，味道都好味，日日新鮮出爐！

27/12/2017 店舖內外都有陣渠味。初時在門口等位以為其他地方傳來，但坐落後越坐越明顯，如同坐在渠邊食晏價錢方面與其他石門食店差不多。若跟其他茶餐廳比較，其他的會較抵和多樣化