汕頭澄海老四菜館 (已結業)

我今日同老婆同老媽子到九龍城食潮州o野,就去老四食.我見價錢都算中上,應該唔差得去邊.我一個人先到,大約六點幾.一入到去冇人理我之餘,仲要我主動話比佢聽我三位.正常佢收得你十幾廿蚊一位茶錢應該有得揀飲咩茶....冇..靜係得一碟爛鬼花生,潮州咸菜仔都冇碟 .我地首先點左三個 - 九菜豬紅,鵝片拼鵝腸,川椒雞.第一碟到係川椒雞,個樣ok不過得好少都唔緊要,但一食...勁咸第二碟到係鵝片拼鵝腸,不過得鵝片.......落錯單...之後話比佢聽少左鵝腸,等左十幾廿分鐘先換返泥第三碟仲搞笑,九菜豬紅得幾條九菜(真係得幾條唔係吹水)..仲要D豬紅個心凍ge,之後叫佢換,佢竟然拿起個碗摸,咁即係話我唔arm呀?又等十幾鐘先換到,最搞笑係D豬紅冇味喎!最後埋單成$280蚊,我雖然係潮州人,但係都幫唔落,真係比乞衣都仲好D呀,之後唔夠飽,行落兩條街食台灣牛肉麵,正

31-1-2010過了忙到嘔的上星期, 星期日終於可以同屋企人食餐飯, 今次落樓下食潮州嘢. 跟食友大隊 (http://www.openrice.com/restaurant/commentdetail.htm?commentid=1943305) 嚟嗰次食了唔少手功及「宴會」菜色, 不過今次一行只得 5 人, 還是 order 簡單一點的餸菜好了.凍蟹 (兩隻): 肉地幾好, 肉質亦實, 鮮甜度亦不錯; 仲好多膏 (!!), 食落軟滑甘香又唔膩, 就咁食已好好食, 完全唔使蘸白醋汁, 滿足. 川椒雞: 雞柳較腍滑, 胡椒汁亦夠香, 幾惹味; 川椒葉就較濕腍. 其實川椒葉屬穩陣之選, 呢度的亦穩穩陣陣, 收貨吧.鹵水併盤: 有豬頭肉, 腩肉, 墨魚, 豬大腸及豆腐, 獨欠「鵝嘢」 鹵水汁夠味, 不過好似無上次嚟的咁香濃, 有少少失望呢 豬頭肉賣相質感都似豬耳, 不過就更韌又黐住點軟骨, 食落帶點脆卜卜; 腩肉瘦多過肥, 不過瘦肉幾鬆化, 還不錯; 墨魚切成一條條 (cf.「一塊塊」), 食落軟熟帶點清甜, 幾好食; 豬大腸好肥, 味道幾「臊」, 食落軟腍, 我還是較喜

訂了六點三十分的桌~太早的關係~我們是第一席~由於特別原因~我們能用$1300的價錢享用$3888的套餐~伙計的態度良好~一坐下先上一杯茶~大家都餓了~所以直接上菜!!! >w<馳名滷水鵝: 滷水汁惹味,鵝不會太肥,肉也嫩,沾醋吃剛好!酥炸蝦蚧枣: 味道鮮美,可惜不夠彈食,沾醬太甜,個人認為蚧比蝦好吃~碧綠川椒雞: 炸辣椒葉可口,去骨雞件肥美鮮嫩,連皮,愛皮人仕慎吃!花膠燴生翅: 生翅比想像中多,吃至最後也能一口一口的翅,加上芫茜,味道上了一個層次!香煎銀"魚倉"魚: 第一次看到比我臉還要大的倉魚,魚味十足!魚鰭煎得香脆香脆~骨頭酥得可以真接咬碎~煎魚的汁甜甜的~令魚肉更為惹味!蚧玉扒豆苗: 玻璃汁加上一絲絲蚧肉及草菇淋在不太新鲜的豆苗上...不值一提!潮式芥粒炒飯: 平凡的外表帶有水準以上的味道,炒過的咸肉,起沙的芋頭,粒粒的花生碎~產生了徵妙化學作用~家鄉炒麵線: 肉絲,蝦仁,芽菜,炒至乾身的麵線~我個人蠻欣賞的組合~馬蹄綠豆爽: 馬蹄爽甜,糖水太淡也太"傑",是一大敗筆!生果盤: 一大盤的新鮮菠蘿...食得痰也起了~總括來說~1300的話~這水準超班了~3888的

第一次去, 服務態度都算不錯又有代客泊車,係收錢的阿姐可能因為生意太好的關係，收錢都要.黑囗黑面.又無禮貌~鹵水鵝㊣D汁非常特別,肉又夠入味,好好味道蠔餅 - 好味又抵食蠔仔粥 - 好味,幾多蠔仔家鄉炸豆腐 - 外脆內滑胡椒味菜豬肚湯 - 清甜,火喉十足。

5/8(三) 7:30pm牛一將至,與家人慣例地來了頓早鳥生日飯.選址及菜式方面由我欽點.老早去電預訂了功夫菜荷包鱔$28件及金鯉蝦$12隻,其餘的菜色如下:豬腳凍$48,海哲頭,方魚炒芥蘭,蠔餅,韭菜粿$24半打,韭菜豬紅,胡椒鹹菜豬肚湯,干貝方魚肉碎粥,雜錦拼盤$120,金鯉蝦$12隻,荷包鱔$28件,鹹菜炒花枝,薑蔥焗魚頭$58,水晶包$5x最彆扭的是失準的豬腳凍;味道失真而淡口.韭菜粿亦然,粿皮欠彈性,糊口非常!水晶包亦不遑多讓,狼狼被打回頭.除此之外,各款菜式倒教人賞心悅目!水準高超,口感多樣化的金鯉蝦;嫩口且富金華火腿鹹香的荷包鱔;滑溜沒血腥的韭菜豬紅;肥美香口的薑蔥焗魚頭;湯頭清甜的干貝方魚肉碎粥;至於雜錦拼盤(蝦棗,蟹棗,鵝片及豆腐卷),嘗過樂口福的,這兒沒得比!一行十人花消$15xx,值回票價的實力潮館!

跟鄧sir再度到龍城吃潮菜。說過要和他吃盡龍城的潮食，自然是要坐言起行....時候尚早，店內仍是空無一人。侍者快快手手端來杯碟及筷子，服務算是挺勤快的。看看餐牌，見有一個二人套餐的，有湯有小菜也有白飯。雖然小菜的選擇只是些十分的大路的潮菜如蠔烙、鹵水拼等，但小弟總是覺得，越是簡單的就越是美味之前也不停說過，要是跟鄧sir吃飯，一大窩蠔仔粥是少不了的。但是日竟然沒叫，反而來了個胡椒豬肚湯，心想間中轉轉口味也不錯吧這裡做的鹹菜真的鹹得要命，是明符其實的"鹹菜"豬肚極爽且無異味，新鮮貨也；胡椒下得份量適中，不過份地辛辣；除了豬肚外連豬腸也有，吃進口也感覺不到有甚麼怪味，感覺是頗"粉"的。跟豬肚一樣，同屬鮮貨....沒有吃蠔仔粥，也總要叫份蠔烙吃吃吧。蠔仔雖夠肥夠大，烙的邊位也帶點焦脆，但卻嫌多油了些，而且不是用鴨蛋煎的，香氣總是差了點...餐裏頭包兩個小菜，另一份就蒸條烏頭試試。肉有極重泥味而且又不泛黄油，魚扣更是消失得無影無蹤肉質也極死實，劣品也就算下再多的檸檬絲及薑絲，也是於事無補的.....臨行前在門口的魚飯檔看見上次在創發吃過的英哥魚，記掛着它的美味真要找個機會來重温舊夢才行....

21/12(日) 8pm冬至前,早已與雙親飯聚.是晚到土瓜灣作面部護理後,跟阿梁到九龍城獵食.瞎逛了良久,無意間闖進了此店.屹立於九龍城數個年頭的"汕頭澄海老四菜館 "人流未算多;店內環境簡潔企理,當晚亦近滿座.經誠懇窩心的老闆介紹各款得手菜式後,點了滷水豬腳凍$48,青欖杏仁豬肺湯$28,煎蠔烙$48,潮州泡粥$28及栗子響螺煲加唐生菜$88.起首先奉上超卓餐前小食,爽滑辣魚皮.滷水豬腳凍--一片片晶瑩透徹的豬腳凍順滑得連夾之亦有困難;味道方面滷水香點到即止,質感爽透!青欖杏仁豬肺湯--豬肺湯濃香醇厚,喜出望外的是青欖跟杏仁豬肺挺搭調,味道相當討好!煎蠔烙--煎得尚可口的蠔烙油份稍重,慶幸蠔仔還鮮味.潮州泡粥--以門鱔,方魚,蝦仁,冬菇等豐盛材料製成的泡粥,粥底鮮度尤甚,材料亦毫不苟且,叫人讚嘆的佳品!栗子響螺煲加唐生菜--首嚐栗子炆響螺;本味不俗;原味頗強;免費墊底的唐生菜也飽索芡汁;唯師傅忘了下鹽,殷勤的老闆立時叫師傅再調製一下並代為打包.尾聲喝下數杯功夫茶解膩;令人回味無窮,不吃不可的一店!同場加映:和順老闆於席間狠狠地善用辭令"教導"其內子;面對食客卻溫馴如綿羊;果然是"潮"

狂風掃落葉地清掉宴席菜後，仗著人多終於能嚐即斬原隻滷水鵝，一開二，切好後撞以滷水，肉質較散叫更原汁原味。比較起清明鵝，肉質如身邊食友所言是比較粗韌，但厚肉而味濃就是重陽鵝特點，薄薄滷水香令鵝味變得圓潤，撿了件鵝胸，蘸些酸米醋汁提味，肉味夠但就要花多點牙力，怕韌的話鵝腩會是個幾好選擇。然後是滷水鵝肝，每檯壹隻（一百廿八元），份量足夠十二人分享，對於膽固醇大家是面不改容，圓盤轉一圈已清碟，是晚的滷水鵝肝略乾，吃了件芯位，滷水沖浸亦做不到如潮州村般入口即化效果，說真的只屬二、三線之作，看來滷水鵝肉、鵝頸才是店家手本名作。說到鵝頸，kkk兄果然識揀，拿起鵝頭吃得準準有味，由於僧多粥少，自能撿上一件鵝頸，由於活動多，肉質自然細嫩，加上滷味入骨，絕對是連骨亦不能錯過的滷鵝佳品。潮式燉荷包鱔，大鍋連湯上，十三件荷包鱔配砌精美，咸菜包著釀了鹹火腿的白鱔，鱔燉煮至粉糜，卻奇怪湯汁與火腿鹹鮮味未能融入當中，笑言湯才是箇中精華，至今仍未吃過一味水準能拍得住樂口福的梅醬荷包鱔。之後，來了押上自己名的老四秘製金鯉蝦，十幾隻金蝦一字排開，海蝦釀入芋泥以豬網油包著掛個薄漿來炸，炸得乾爽入口有爆（豬油）汁效果，蝦肉爽

《10．13重陽鵝團＠澄海老四》日期：10月13日（星期一）時間：7:30pm價錢：$230/位開瓶費：免收人數上：24人錦繡大伍併（豆腐卷．甜酸粿肉．花枝卷．蝦棗、發財卷）湯：鹹菜燉胡椒豬肚湯重陽鵝參吃：原隻五香汕頭滷水鵝．汕頭滷水鵝肝．香酥芋蓉鵝頸主菜：潮式燉荷包鱔．老四秘製金鯉蝦錦繡石榴雞球．紹菜卷春菜煲．家鄉蠔烙潮汕炒魚麵甜品：薑薯清心丸．反沙香芋又到吃鵝的季節，一年就只得清明同重陽兩造，清明已過，跟食友們談起重陽鵝，大家亦有興趣試試潮式滷水鵝，訂下日子及地點，就拉隊而來，試試以滷水鵝起家的澄海老四所賣的汕頭黑鬃鵝（或作獅頭鵝），又順手打幾味潮州小菜看看店家手勢。訂下幾味菜，又傾好開瓶事宜後，一行廿四位相熟食友就霸下了餐廳兩張大檯，當然亦唔少得紅、白佳釀，碰起杯吃些店方贈送的餐前小吃，期待的重陽鵝亦早已備好掛在「冷檔」了。鵝未上檯，大伙兒就展開螞蟻褸蜜糖攻勢，湧到大檯影下師傅準備好的獅頭鵝，原以為鵝重七斤左右，老闆李生就話起碼九～十一斤，看來真的壹鵝分兩檯都應該足夠了！但四百八十元壹隻鵝，是「賣身不賣首」的，要吃鵝頭連頸要再加多八十元，要吃就要徹頭徹尾的吃才夠原汁原味，八十元，

13-10-2008又再一行勁多人掃場, 今次食潮州菜, 0黎到我屋企附近! - 先0黎兩款冷盤小食: 海蜇頭夠爽脆, 配上生蒜粒及帶麻油香的醬汁, 幾惹味, 好食; 鯇魚皮賣相晶瑩剔透, 食落又滑又爽, 食唔停口!- 錦繡大肆併: 5 款都係炸物, 熱辣辣十分香口. 蝦棗十分彈牙, 蟹棗就較腍身, 不過兩樣都鮮味, 好食; 發財卷第一次食, 其實即係用腐皮卷住髮菜 (?), 質感好鬆化, 幾得意; 炸豆腐落了少量紅蘿蔔絲及疑似係冬菇的黑色0野, 幾有豆香, 但稍油膩; 細個食過的福建 style 粿肉係腐皮卷入豬肉, 肥豬肉碎, 馬蹄粒及冬菇粒 etc 油炸, 呢度的潮州 style 酸甜粿肉亦差不多, 不過就係「咕嚕版」, 賣相同咕嚕肉幾乎一樣之餘, d 汁亦「咕嚕」得很. 而蘸炸物的桔油質地幾稀, 不過夠香甜, 不錯.- 鹵水鵝: 為呢味而來, 當然唔會錯過... 皮滑肉嫩的鵝件, 索滿香得很的鹵水汁, 味道醇厚, 十分好食! 墊底的豆腐亦正, 又滑又入味. 我覺得呢度的鹵水比樂口福仲正, 值得試試!- 鹵水鵝肝: 煎 foie gras 就食得多, 呢個中式的

今日去九龍城一心想試食龍崗道 潮州合成甜品 的甜品, 但是父母反對"只吃甜品當一餐"所以唯有先到別處吃個半飽.選擇 "汕館" 的原因主要有兩個: 1) 窗戶貼滿了報紙專訪, 塑造了一個"此菜館值得推介"的假象.. 2) 因為看見蔡生跟大廚的合照 於是被假象騙了!!!我們一定四口要了一個二人的午市特價套餐 + 小菜一碟.套餐我們要了一個 五香雞軟骨, 干炒牛河. 小菜要了一個: xxx鴿子 五香雞軟骨: 這道菜最令人滿意, batter薄薄的, 雞骨硊口. 五香其實跟椒鹽差不多. 干炒牛河: 難食. 油膩無味無鍋味, 牛肉無味. 廚子忘了試味麼???!! 十萬個差. xxx鴿子: 鴿肉切成薄片然後炒, 上菜時明顯一片片的鴿肉*浮*在油上. 好油膩!!!! 味道不算出眾.很令人失望的一餐, 餐廳的牆上有大廚的亮照, 說是法國什麼什麼大廚, 又有另一個名號, 有點諷刺... 炒菜多油欠鍋氣, 又乏味. 好差!! 特價套餐以外的小菜又貴, 一碟大概$75~$90 如果水準如此, 倒不如去搶!!?

手頭上要辦的事辦的也差不多，看看錶已近兩點，平日路過也沒多少意欲來的，但見午市套餐選擇蠻合口味，見師傅未落場就匆忙霸位吃個簡餐。剛才眼大看過龍，以為是一人套餐，$76的套餐是二人份的，選擇頗多，小吃就揀了蝦、蟹棗，這樣的價錢亦不能要求有魚麵，於是了家鄉炒米粉。畢竟是做酒家菜的，服務招呼周到，老伙計亦落意介紹身後那巨型天狗翅的故仔，聽得累了，喝杯功夫茶，濃濃的，清清味蕾也不錯。蝦、蟹棗先來，伴著桔汁，朋友都不喜歡潮式軟腍的「棗」，自己卻是喜歡得緊，圓圓的，皮脆肉鬆，啖啖都是實在的蝦肉及蝦肉泥，馬蹄清爽及肥膏豐富了味道，感覺比彈本地牙蝦丸更真實。蟹棗以腐皮包卷著，口感亦很實在，然而大概好蟹難尋，淡淡的蟹鮮要靠甜中帶酸的桔汁題味，蝦棗、蟹棗也炸得乾爽不油，很好。後來的家鄉炒米粉的，賣相幾簡單的，炒得乾身亦夠香，醬汁味道恰到好處，米粉條條軟熟夠味，專挑些微焦的部份吃，微X的味道真好，撈埋韭菜同芽菜吃，吃個精光碟底卻不著油漬，很出色。趕著埋單，沒時間喝埋單味的功夫茶，連茶芥埋單亦要$100，當然滿意的服務，十餘塊的茶芥及服務費，亦收得合理。

訂左位七點半去食飯，點知差唔多八點先有位坐，咁都ok 啦都係等左一陣。五個人野食要左鵝片、五香豬手、蠔烙、鮮檸蒸鱔、豉椒鵝腸、南乳香酥骨、沙爹牛肉炒白菜仔、欖菜肉碎炒飯同埋炒魚麵仲有個糖水d 送幾好味呀不過多油左少少...可以接受既個鵝片好入味好淋真係幾好呀，其他野都很好到埋單o個時check 單，佢d 單係手寫既之後釘埋一疊，機打既單就咁寫價錢冇落菜名，check o個時發覺唔妥，佢加左隔離檯既其中一個送落我地度...結果成張單多左成兩百蚊，我地同個老闆娘講佢個態度仲好似話我地食左野唔認數咁，問返佢d 手寫單係邊個送又答得晦晦氣氣，結果就係呢樣野扣晒分咯。如果唔係覺得d 野幾好就俾喊面了各位下次食呢度記住check 單啊。

如果在龍城吃潮菜,"澄海老四"或會比較精致一點.適合一些覺得創發,南記很"那渣"的食客光顧.打鼓嶺老店已關門大吉,新店在九龍城龍崗道.幾人飯局,點回上次吃過的,最為保証,上次個個為血"虫甘"著迷,今次忘記了,不過,還有其他不錯的菜式.圖中的糯米大腸,外層的大腸皮夠煙齦,糯米味道亦佳,其他的鋰蝦,九肚烙,同石榴雞,全部仍保持到水準.鹵水系列就沒有那麼出色了.味道不夠濃厚.質感嫌薄,浪費大好質素的鵝片.三年又三年,AIR新碟仍舊令人窩心,不過沒有新沖擊,事隔三年再光顧的老四,水準依然,也同樣沒有驚喜.沒有創發那種"鑊鑊新鮮鑊鑊甘"的獨有感覺.

我前幾個星期去九龍城搵野食..間間都好多人..我見d間冇乜人咪入去囉..因為之前都食過.而家我曾經寫過d間既食評..評價不錯..so冇諗就入左去丫..我都唔記得叫左d咩丫..記得叫左豬肚湯..西蘭花抄xx..鵝片..其他唔記得丫..先講個湯..我第一啖飲完..真係想吐返出黎=.=..什麼湯黎的...豬肚湯落蕃茄.九唔搭八...再食鵝片..佢既招牌菜.但而家...不食也罷...另外個西蘭花=.=..我樓下屋川既酒樓都好味過佢丫抄得...埋單仲要六百..四個人食....so奉勸各位..係九龍城搵唔到野食..都唔好去d間..去德昌食碗旦河好過=.=