影片
更多
2010-02-01
98 浏览
31-1-2010過了忙到嘔的上星期, 星期日終於可以同屋企人食餐飯, 今次落樓下食潮州嘢. 跟食友大隊 (http://www.openrice.com/restaurant/commentdetail.htm?commentid=1943305) 嚟嗰次食了唔少手功及「宴會」菜色, 不過今次一行只得 5 人, 還是 order 簡單一點的餸菜好了.凍蟹 (兩隻): 肉地幾好, 肉質亦實, 鮮甜度亦不錯; 仲好多膏 (!!), 食落軟滑甘香又唔膩, 就咁食已好好食, 完全唔使蘸白醋汁, 滿足. 川椒雞: 雞柳較腍滑, 胡椒汁亦夠香, 幾惹味; 川椒葉就較濕腍. 其實川椒葉屬穩陣之選, 呢度的亦穩穩陣陣, 收貨吧.鹵水併盤: 有豬頭肉, 腩肉, 墨魚, 豬大腸及豆腐, 獨欠「鵝嘢」 鹵水汁夠味, 不過好似無上次嚟的咁香濃, 有少少失望呢 豬頭肉賣相質感都似豬耳, 不過就更韌又黐住點軟骨, 食落帶點脆卜卜; 腩肉瘦多過肥, 不過瘦肉幾鬆化, 還不錯; 墨魚切成一條條 (cf.「一塊塊」), 食落軟熟帶點清甜, 幾好食; 豬大腸好肥, 味道幾「臊」, 食落軟腍, 我還是較喜
過了忙到嘔的上星期, 星期日終於可以同屋企人食餐飯, 今次落樓下食潮州嘢. 跟食友大隊 (http://www.openrice.com/restaurant/commentdetail.htm?commentid=1943305) 嚟嗰次食了唔少手功及「宴會」菜色, 不過今次一行只得 5 人, 還是 order 簡單一點的餸菜好了.
凍蟹 (兩隻): 肉地幾好, 肉質亦實, 鮮甜度亦不錯; 仲好多膏 (!!), 食落軟滑甘香又唔膩, 就咁食已好好食, 完全唔使蘸白醋汁, 滿足.
川椒雞: 雞柳較腍滑, 胡椒汁亦夠香, 幾惹味; 川椒葉就較濕腍. 其實川椒葉屬穩陣之選, 呢度的亦穩穩陣陣, 收貨吧.
鹵水併盤: 有豬頭肉, 腩肉, 墨魚, 豬大腸及豆腐, 獨欠「鵝嘢」 鹵水汁夠味, 不過好似無上次嚟的咁香濃, 有少少失望呢 豬頭肉賣相質感都似豬耳, 不過就更韌又黐住點軟骨, 食落帶點脆卜卜; 腩肉瘦多過肥, 不過瘦肉幾鬆化, 還不錯; 墨魚切成一條條 (cf.「一塊塊」), 食落軟熟帶點清甜, 幾好食; 豬大腸好肥, 味道幾「臊」, 食落軟腍, 我還是較喜歡多一點咬口的; 豆腐夠滑, 幾入味, 都幾好食.
鹵水鵝片: 鵝片唔算香, 唔啱 season? 不過食落仍然夠腍又幾嫩滑, 算係咁吧.
方魚炒芥蘭賣相平凡得我連相都費事影, 但簡簡單單清清哋, 又幾好食: 芥蘭好嫩, 無澀味, 炒得香, 食落清甜爽脆, 配上大地魚乾 (?) 的「烤」香, 好食.
鮮蝦炒魚麵: 魚麵彈牙又不失軟熟, 魚味一般, 配上芹菜, 蝦仁, 芽菜 etc, 咬口十足, 就咁食味道清清哋, 都 ok; 而我就主力食另 request 的辣椒油, 不過其實唔算炒得好香, 還是粉嶺間肉丸豬手店 (http://www.openrice.com/restaurant/commentdetail.htm?commentid=1987934) 的出品好.
椒鹽珍珠蠔: 蠔烙食得多, 炸珍珠蠔反而第一次食... 蠔仔算幾肥美, 味道鮮嫩, 不過做得好濕吓, 椒鹽味又唔多覺, 似「炒」蠔仔多過「椒鹽」喎
唔知幾錢埋單, 還是秋天再嚟食鵝肝鵝肉鵝腸吧.
张贴
