永順食店 (已結業)

講咗好耐終於食到呢度嘅沙嗲牛肉麵佢嘅沙嗲牛肉麵的確係濃味啲再夾埋我最鍾意食嘅福麵(人人都鍾意食出前一丁多啲, 偏偏我鍾意食福麵)再加上每朝早嘅咖啡我今日揀咗齋啡, 呢度嘅齋啡係比較偏苦但係正正就係我鍾意嘅苦💕💕我仲見到人哋食炸豬扒好似好吸引呀下次再嚟試吓佢嘅炸豬扒

周日11點幾去到，唔駛等即入座 lucky 一人一個豬扒麵，再加一份火煺奄列＆一份西多士，加飲品，已經放到成張枱full 晒。炸豬扒果真係幾好 個炸漿做得好好，夠薄脆，一d油益味都冇，調味又唔會太咸。而朋友推薦嘅沙爹汁都好得少少辣，夠惹味西多士不過不失，始終佢炸野嘅火喉掌握得好，點會失手吖我個人對奄列冇咩興趣，skip 左。熱奶茶叫左少奶，中規中矩la。朋友就好like佢杯凍檸茶話每次食完都會買多杯 外賣拎走值得一讚嘅係鋪頭好乾淨，侍應姐姐嘅態度又一流 我地叫嘅每樣野都要求多多，少冰少奶又加呢樣加果樣 姐姐都marked得好清楚，仲會repeated order, 包保冇錯漏，好掂 全程有講有笑，禮貌滿分離間時見到出面排晒隊，都有成二十幾人 果時先12點幾，心諗好彩我地早左黎食啫，唔係都要排埋一份

住左喺屯元天幾年都無潮聖過呢間元朗名物🤦🏻‍♀️之前睇IG啲相已經比佢勁濃嘅湯底吸引左，今日放假得閒一於無懼風雨去試試佢🥶去之前已經做好要排隊嘅心理準備，但去到都淨係排左15分鐘姐👌🏻🥜沙爹牛肉出前一丁 ($29)呢碗沙爹牛真係唔可以睇少，絕對唔係平時茶記嘅級數🆙睇相嘅色水都知佢唔惹少，味道重口嘅程度就好似每一啖都成樽花生醬隊落口🧡牛肉肉質嫩滑有口感😍一定就唔係咩靚牛，但至少佢無被生粉醃到無哂口感一pat嘢咁💯亦都醃到入哂味，處理得幾好👍🏻一丁就淥得好彈牙，食到最後都無稔🤪🥜西多士 ($14)14蚊嘅西多士真係罕有到🙇🏻‍♀️仲要咁好味真係一人食一份都唔過分😂首先係嚟到嗰陣熱辣辣，一定係啱啱整起🔥麵包係薄吐司，質感鬆軟，配埋一啲都無慳過嘅濃厚花生醬，真係除左好正之外都講唔到其他嘢😂💯btw西多可以加埋火腿㗎‼️🥜奶茶紅豆冰 ($17) & 熱奶茶 ($15)凍奶茶16蚊，奶茶紅豆冰先17蚊唔係唔嗌嘛😏奶茶都無令我地失望😋無叫少甜都甜度適中，茶味香濃👍🏻奶同茶嘅比例都啱啱好🧡而紅豆都煮到起沙但帶少少口感，絕對有令成杯奶茶昇華到🌟🌟一定要嚟試！元朗名物真係唔係浪得虛名🌝回頭率極高，好味又抵食🥶不

沙嗲牛肉米線：沙嗲味非常之濃厚，有少少辣，但我唔食得都覺得可以食！沙嗲味冇得彈，是此店最出名的食物！可惜我唔應該叫米線，米線過硬，沒有熟透，可能師傅唔夠時間煮！係咪應該叫公仔麵會好啲？！熱奶茶：非常正，茶味夠濃，奶夠滑，我真係好耐冇飲過咁正嘅奶茶！奶茶比例非常好！我會再光顧，因為杯奶茶！😍😍總括而言：餐廳好好生意，中午時間幾乎沒有空枱，我食完之後看見店外有10幾個人排隊，餐廳的確有過人之處！評分：8/10

呢間位於元朗專食蟹黃麵嘅小店...已經屹立元朗好多年....由我中學時期食到而家...以前比較簡陋一啲....近年佢哋誠意翻新...地方闊落左...環境亦都好咗少少可惜佢哋唔跟餐....一定要散叫....但係呢度最出名係食豬扒同雞翼我叫咗一個非常豐富嘅豬扒魚片蟹黃麵淨係睇見塊豬扒已經夠足料🥰🥰🥰呢塊豬扒大大塊而且好厚肉真係唔知點解...自己喺屋企煮嘅蟹黃麵都冇呢間餐廳咁好食總係發覺自己屋企煮嗰啲會比較淡味一啲...而呢間餐廳嘅蟹黃麵就會濃味一啲....今餐都食得好飽...成為$47

不得不說假日呢間永順食店好多人排隊呀🤣個個都黎食沙嗲牛肉麵🤤炸豬扒米粉$22炸豬扒讚👍🏻炸粉超薄同脆口，外脆內嫩，值得一試至於米粉就正常，湯底加上炸蒜，好香，唔會太咸，食完都無好口渴，証明味精唔多🤣沙嗲牛肉蟹皇麵$31沙嗲汁濃郁，帶點點微辣，牛肉嫩滑，十分不錯👍🏻不過我個人覺得撰返出前一丁公仔麵會好食啲😆仲可以平2蚊😜芝士流心蛋豬扒治熱辣辣既雞蛋，炸豬扒，芝士，用麵包夾埋一齊食，簡直無得彈🤤不過真心幾飽肚下，建議細食既搵人share一齊食會好啲!如果食重口味既，個人覺得加泰式辣醬或者沙律醬同茄汁會更野味😋😋😋

之前係Instagram見到永順食店嘅濃郁沙嗲牛麵就被佢吸引左襯住weekend拉埋朋友仔入元朗食未到永順食店, 已經見到佢長長嘅人龍啦<沙嗲牛肉出前一丁>大食妹嗌左經典嘅沙嗲牛肉出前一丁沙嗲汁幾濃郁, 有淡淡嘅花生香, 入口少少辣, 咸味為主出前一丁超掛汁, 果然沙嗲牛就係要配出前一丁<豬扒>另外, 我地仲嗌左同樣熱門嘅炸豬扒豬扒好有肉地, 而且係鮮炸嘅, 咬落脆卜卜但係大食妹唔太鍾意呢種炸法, 而且豬扒調味都唔係咁夠

系元朗返工，早起當然要搵早餐食。有人介紹去食沙嗲牛肉麵。去左呢間試下。朝早去無咩人，仲諗住好多人。新裝修，環境舒適，叫左個沙嗲牛肉麵$29。夠味有沙嗲花生醬味。值得推介試下。叫杯野飲$16凍檸茶。加埋食個早餐$45。價錢略貴。

限聚令2人一檯，d職員亂咁嚟，兩個人去，問你分開一人坐一張搭檯得唔得，唔得就出門口等陣，一眼望埋去好多檯都一個人，咁點解唔叫d一個人嚟嘅坐一檯？佢檯中間都有板隔住架啦唔緊要，咁我喺出面等，佢不停放d一個人嘅入去都算，好喇，有張吉檯喇，邊個嚟先又唔睇又唔問，又叫之後嚟嘅入去，出聲同佢講又問返第二檯客點，態度好似我無啦啦要打人尖咁，無嘢呀嘛沙嗲牛肉麵正常，流心蛋牛治幾好，但係杯咖啡極難飲，個啡底好似中藥味咁...

永順最近重新裝修，地方大左又坐得舒服咗！疫情下亦都係全場爆滿！今次就食永順最出名就係沙嗲牛肉麵加一杯熱奶茶。-沙嗲牛肉蟹黃麵（5/5）永順嘅沙嗲牛肉係全世界最好食嘅！！佢嘅牛肉唔係出面雪藏牛嘅味道，而係有牛味同埋彈牙😍 係鮮滑牛！沙嗲汁好濃郁，有花生味道，非常掛麵。建議一定要加錢轉蟹黃麵，比出前一丁彈牙同掛汁。-熱奶茶（4/5）熱奶茶亦都係我暫時飲過既排行榜頭三位！但今次飲好似比裝修之前個茶味少咗😟以往飲完個口都仍然會有奶茶嘅茶香停留好耐，可能個茶膽已經唔同咗。 不過仍然都會推薦比大家，比起出面茶餐廳飲嘅仍然都係好幾倍！-小貼士： 如果唔鍾意食牛肉你可以叫其他餸，例如炸雞扒，亦都可以叫佢加沙嗲醬！

新形象new face lift this restaurant, I peronsonally think more positive than negative, new environment same location make you easy find it out, more comfortable but less traditional feeling. regarding food quality, they can keep unchange, please be awared that the spicy one in my photo is my most favourite one. color in red, oily but delicious. regarding piggy chop, deep fried one, it is the main clause, keep the quality ...ah.. and also keep the price! only HKD38 can buy a milk tea, noodle and the

有好多朋友都推介呢一間嘅沙嗲牛肉麵，今日就終於嚟到呢度試一試！第一次嚟到呢度，梗係食佢最出名嘅沙嗲牛肉麵，今次加咗$4轉左蟹王麵，另外仲加咗$12要一個炸豬扒，埋單一個面加塊炸豬扒$43😊😊個沙嗲牛睇相都非常濃郁，成個湯底都起晒沙，仲食到有少少一粒粒嘅花生碎。牛肉係雖然係薄切，但係都有好多塊，食到最尾都仲有牛肉，份量一啲都唔孤寒，同埋牛肉都處理得好嫩滑。另外個面都掛到湯，所以每一啖都充滿濃郁嘅沙嗲味😍

每個星期日起身都會諗食乜好食乜好😉 上星期朋友介紹我去食呢間永順牛肉麵話係全元朗最好食我梗係唔會錯過喇❤️不過見到大排長龍我就放棄咗今個星期又去想睇下多唔多人，點知都係一樣排長龍！不過我冇放棄最終都係去排隊排咗大約20分鐘， 我哋有得食啦 我哋梗係唔會錯過最出名嘅沙爹牛肉麵啦，呢度有福麵 蟹王麵同埋出前一丁， 亦都有新竹米粉， 最後我哋選擇咗蟹王麵同埋米粉，呢度嘅沙嗲牛肉有好濃沃嘅沙爹味，仲有花生醬感覺好惹味，小小辣加埋佢本身自製嘅辣椒油好刺激牛肉亦都好有鮮牛肉味同埋好淋，唔會覺得實，本人評分100分滿分有80分, 叫咗一般茶走同埋凍檸茶 呢度都有紅豆冰奶茶雞翼同埋平時有得食嘅奶醬多不過今次冇食，因為食太飽下次會再嚟，朋友好介紹

好耐冇試過嘅地道港式公仔麵。好有香港傳統茶餐廳style，最正我覺得係個沙嗲醬真係好好食。今次選擇咗配福字麵因為好耐冇食過，福字麵都係選擇正宗福字麵，唔似一啲餐廳，就算叫出前一丁都係用埋啲cheap面或者大陸面， 又或者係一大包果種散裝面。而且豬扒亦都非常出色， 肉質非常鬆軟， 調味亦都非常好 ，夠入味， 有煎同炸可以比你簡， 選擇左煎因為想避免太多油。雖然要排隊而且排隊嘅環境唔係太好 但係總算時間唔係太長裏面嘅位亦都夠多所以等得唔算耐

前幾日同親戚行山後，去到元朗搵嘢食，上網見到有人介紹呢間永順食店，我哋就黎試吓，普通沙嗲牛麵或者米粉$27 ，如果係出前一丁就$29，我地當然揀咗出前一丁啦，絕配之後仲有幾多碟豬扒雞翼一放低碗沙嗲牛麵就見到好濃濃的，個湯都好正，配埋杯凍檸茶一流，豬扒都唔錯的我覺得順路都可以去一試，但又唔使特別去食