永年士多 (兆安廣場)

营业中

休息中

中學時期，午餐總愛和同學外賣車仔麵，林林總總的餸菜，想吃甚麼點甚麼，又便宜又大碗。工作後，很少吃車仔麵，但每一次吃總會特別懷緬讀書日子。今天下班後路經謝斐道，看見永年士多，這間元朗老牌車仔麵店進駐港島最繁華熱鬧的地區，實力不容小覷！有別於一般車仔麵店，永年士多的銅鑼灣店裝潢走時尚簡約風，予人年輕、有活力之感，店內侍應也很年青。在收銀處落單付錢，然後取票等叫號。老公點了蘿蔔牛丸流心蛋粗麵，配抹茶紅豆冰。抹茶紅豆冰不會太甜，多紅豆，抹茶味也突出。我點了豬紅蘿蔔韭菜餃牛肚流心蛋油麵（微辣）。吃了第一塊豬紅，沒想到如此驚喜！非常入味，帶甜味，夠滑。蘿蔔用咖哩汁浸得完全入味，有咖哩得香，也有蘿蔔本身的清甜。牛肚用了草肚，炆得夠腍夠入味。流心蛋真的是流心！😂我看過其他食評有人吃過流心蛋是實心，幸好我和老公的流心蛋都沒有問題。還點了樽仔奶茶，不錯！

我等左咁耐銅鑼灣永年面店有得食啦, 我又一直唔得明去元朗食, 以前會特登坐成個鐘車去元朗永年, 仲要再排最少半個鐘架, 而家銅鑼灣有分店就方便好多啦..我緊係一定要叫返D招牌菜式, 我叫咗蘿蔔、時菜、豬腸、雞翼、豬紅、仲要食埋個幼面，正最緊要一定要叫佢既辣汁，永年啲餸配埋個辣汁真係冇得彈，但係食辣汁必然要配返個可口可樂我次次去永年都一定要食佢嘅蘿蔔，冇渣又超甜配辣汁真係冇得彈，豬腸冇臭味，仲要勁入滷水汁嘅味，雞翼又係用咗勁正嘅滷水味，呢個組合我相信我都食咗有十幾20次, 勁正

我今日行過銅鑼灣永年車仔麵, 立即就要入去食下。永年車仔麵,話時話都最少食左十幾年, 以前係元朗舊鋪時一放學就去食啦, 一星期要食返兩三次先開心, 我一定會叫雞翼架….因為返左工, 好耐冇食過永年, 佢而家開左分店仲有咁好機會一定要食返碗呀..一個唔小心就叫左6個送, 哈哈, 成為 $67再加杯凍奶茶我分享下我叫左咩送啦1) 魚旦—最愛豉油魚旦, 彈牙有魚味2) 豬腸—夠淋, 入味3) 時菜—人生都是要吃一點綠4) 雞翼—本身是愛吃雞翼, 再加埋佢個滷水, 正呀!!5) 雞翼尖---食得雞翼一定要食埋雞翼尖6) 豬紅---好正, 沒有任何血腥味, 好入味當然不得不提是永年的辣汁, 一定要加辣,唔食真係當冇食過永年呀..

永年士多由元朗開到尖沙咀再開到銅鑼灣，梗係有料到啦😉今次有就試左佢地好出名嘅辣汁嘅 ‘細辣’ 真係好好味架😋本身就係跟3餸嘅，不過我就好貪心咁揀咗5樣🤭餸我揀左豬紅同蘿蔔，兩樣都超入味，超好食呀，呢兩樣推介呀👍🏻👍🏻另外仲揀左雞翼，冬菇，生根呢d索湯索汁嘅嘢食🤤佢地個油麵都好好食，好彈牙，都係推介呀👍🏻仲試左個斑蘭咖央多士🍞，個斑蘭咖央幾特別，不過如果個多士脆d會好食d🤭佢地仲有冷泡茶飲☕️，健康d，唔錯👍🏻

相信永年士多這個大名在元朗區是無人不曉吧？在元朗區的小店做起，愈做愈出名，最近幾年更衝出新界，在尖沙咀和銅鑼灣的市區開設分店呢！有別於一般車仔麵店的不潔、淩亂，永年士多特別裝潢後整齊美觀，格調優雅，感覺就好像去了高級西餐廳一樣，但其實，我們只是吃一些平民美食——車仔麵而已！😆😆晚市時間都人頭湧湧，非常熱鬧，有點意外呢！還有一些特色的模型擺設，增添藝術感之餘，亦令人懷念永年士多昔日的老模樣！😃😃三餸車仔麵加抹茶紅豆冰約六十元！這個價錢在銅鑼灣區還可以接受吧！其實車仔麵的味道都是大同小異，小弟覺得還算保持到水準，反而一讚抹茶紅豆冰，甜度適中，紅豆夠多夠足料，是一般車仔麵店、快餐店很難調較到的水準呢！今次到訪反而令我想起了以前在元朗店時的種種味道和回憶！小弟曾經在元朗生活過一段日子，有段時間經常光顧永年的車仔麵，令我回味無窮呢😆😆👍🏻👍🏻

最近聽朋友講銅鑼灣都開咗永年士多，永年嘅車仔麵幾好食真係唔講都知。今日難得去銅鑼灣整甲，整前一定要去試試。好好彩下午去等咗唔係太耐，太走個時出面都排哂隊，所以大家去要就住時間，唔係都要等一陣。因為新開無幾耐，裝修好新淨，而且地方都舒適。大碗麵 $67因為成日心大心細，好多食物都想試，見到有個大碗麵，即係覺得啱哂貪心嘅我。入面有豬腸、豬皮、豬紅、蘿蔔、魚旦、雞翼、雞翼尖、紅腸、魷魚、時菜。真係應有盡有。個湯底令到材料入哂味，同埋如果鍾意食辣可以揀5個辣度，我揀咗微辣，剛剛好。飲品方面，跟麵+$17有一支，好好味嘅港式奶茶，超級大家要一試！🍽7/10🔎 永年士多 (銅鑼灣)銅鑼灣謝斐道482號信諾環球保險中心地下7-9號舖

成日聽人講永年士多嘅車仔麵好味, 但係元朗對我黎講實在太遠一直未有機會試😩見到銅鑼灣開左分店, 當然即刻去食! ❤️有咁多餸選擇, 樣樣都想食, 結果貪心又大食嘅我叫左5餸油麵, 湯底就要微辣, 少少辣又不失原味, 正👍🏻講下d 餸💁🏻‍♀️1️⃣豬紅 2️⃣蘿蔔必食推介‼️ 夠晒入味😋3️⃣流心蛋 成隻蛋, 大大隻❤️4️⃣山根 5️⃣豬腸同湯底個味好夾😌每樣餸嘅份量都好多, 勁滿足~~飲埋支冷泡茶, 幫助消化下, 剛剛好☺️

經過銅鑼灣信和附近、發現元朗老字號車仔麵開了新分店。 店鋪幾大、潔淨光猛、走小清新形象、一點也不擠迫、坐得舒服。叫了四餸- 墨丸、蘿蔔、牛栢葉和豬皮。幼麵頗爽滑、唔辣的湯底仍好濃好夠味。蘿蔔軟稔甘甜、牛栢葉好嫩和爽滑、超贊！！墨丸都像是人手打的、豬皮吸引了湯底好入味～另外見有特色樽仔苿梨綠茶和烏龍茶、都是自家製、我選了樽仔奶茶、茶味非常香濃且奶滑、好出色☺️試喝了一口友人點的菠蘿冰都好有清新菠蘿味、好正！

永年終於開左分店啦，以後唔洗去到元朗咁遠都食得到了🎉🎉仲要係銅鑼灣開，太就腳了！呢間分店幾大幾光猛，坐落唔會好迫，可能新開張既關係，呢日放工去食唔洗排隊已經食到✌🏻•🍜車仔麵（$43/三餸一麵，$8/加餸每份）點左雞翼、魚蛋、牛筋、芝士腸、流心蛋、時菜。麵就要油麵，細辣，個永年秘製辣汁好好味，為成碗麵畫龍點睛。我最鍾意佢既滷水雞翼同陳皮魚蛋，必點之選💯不過如果個流心蛋個蛋白部分都滷水埋就完美了💛唔係講笑，今次車仔麵味道甚至比我係元朗分店食過既更好味😳•🍵抹茶紅豆冰(跟餐$15）杯野飲顏色好靚，抹茶同紅豆好夾，下面有超多紅豆勁足料！飲落又唔會太甜❣

永年士多由元朗開到尖沙咀再開到銅鑼灣，梗係有料到啦😉今次有就試左佢地好出名嘅辣汁嘅 ‘細辣’ 真係好好味架😋餸我揀左豬紅同蘿蔔，兩樣都超入味，超好食呀，呢兩樣推介呀👍🏻👍🏻另外仲揀左雞翼，冬菇，生根呢d索湯索汁嘅嘢食🤤佢地個油麵都好好食，好彈牙，都係推介呀👍🏻仲試左個斑蘭咖央多士🍞，個斑蘭咖央幾特別，不過如果個多士脆d會好食d🤭佢地仲有冷泡茶飲☕️，健康d，唔錯👍🏻

永年士多的大名應該無人不識，它車仔麵的腩汁底可諦一絕，夠濃味辣勁十足，之前還只有元朗總店時都幫趁過幾次，但始終山長水遠，如果不是入開元朗都沒可能幫趁，現在連尖沙咀和銅鑼灣都有分店真是方便多了，今次出開銅鑼灣就即管試試永年銅鑼灣新店。＊＊＊＊＊＊＊＊＊＊＊＊＊銅鑼灣永年走年輕路線，店內都乾淨企理，平日晚上六點多已經見到人龍，人龍是點餐的，如果有兩個人或以上，可一個先找座位，另一個排隊點餐。玻璃門上例牌貼上永年的報紙雜誌訪問。點餐後，就等叫號碼取餐。如點樽裝飲料，可以在取餐處前面的雪櫃自取。三餸車仔麵($43)百物騰貴，這個價錢算合理，我點了我最愛的豬紅蘿蔔豬腸。秘製辣汁底共分五個辣度，我選了小辣，比一般坊間小辣較辣，約等於小辣和中辣之間，嗜辣的我覺得剛剛好，辣勁十足又不會吃得太辛苦，如果不太吃得辣，還可以選微辣。豬紅不會過腍，還帶點微彈。豬腸夠腍，驟眼看都洗得乾淨。蘿蔔夠腍沒有渣，非常吸味，正！咖央牛油多士($18)永年為了迎合年輕食客，現在還多了很多小吃和飲料選擇。這個咖央牛油多士幾香咖央味，雖然不能跟馬拉菜館比，但整體都可以接受。紅豆奶茶冰(跟餐加$15)紅豆奶茶冰茶味夠香濃，杯底都

車仔麵係香港最地道不過的特色食物，之前係元朗住咗1年，聽人講永年士多車仔麵好好食，但我每次在元朗見到大排長龍都唔敢進內，幸好今日出灣仔做野，做完野後路經銅鑼灣謝菲道見到永年士多，搞到即時心郁郁走入去食個車仔麵， 嚐一下我之前錯失嘅願望。在門口排隊入到 cashier 可點食物， 由order到取餐時間大約10分鐘左右，速度都算快。因為第一次食永年士多，每款餸菜都好吸引，最後決定點了米粉，牛根、 鳳爪、冬菇、蟹丸、流心蛋同時菜。聽朋友講辣都幾辣下唔講得少，所以就叫咗微辣， 嚐一嚐辣味就夠了。先呻一口湯，湯底甜甜地，微辣都幾辣同惹味，餸菜方面，冬菇，蘿蔔好入味， 鳳爪同牛根都好夠淋，正喎！蟹丸估唔到咁鮮甜和彈牙，流心蛋外面滑嘟嘟，裡面好流心，反而菜心有渣，比較老。其實今次叫嘅餸菜，特登點啲需要時間心機去處理嘅食物，呢啲都係車仔麵嘅靈魂！果然冇令我失望呢 ～配一樽奶茶，茶味夠濃，奶同茶比較平均，都滑口唔覺苦澀同鞋口，想不到連飲品質素都唔錯。再追加$16蚊叫了鮮油多士，厚多士外脆內軟，微微烘燶，夾著鮮油，好快被我KO 了 ，下次一定再encore 。

永年尖咀果間排長龍就見過好多次，今次終於黎到港島，開業大概幾個月後人龍都開始少了（銅鑼灣實在太多選擇）趁人少少決定一試。餐廳係連鎖快餐店形式：1）排隊落單俾錢；等叫號碼自己捧餐；3）坐低慢慢食。 銅鑼灣店有大柗（如果等到）都有高既細bar柗，腳短的我坐上去唔係好舒服仲要無鈎鈎掛袋！呢樣野就唔及日本餐細心啦⋯野食方面我叫左大腸豬紅溏心蛋米粉，湯底都幾清，本身以為會無乜味，但又ok喎，係蒜香味既清甜湯底，我揀既小辣都有pat辣醬係中間，辣度適中但屬於入口不辣吞落喉嚨就好辣果種！稍有不慎就會「嗆」到！不過係無後悔加辣的，會濃味好多餸方面：糖心蛋-不俗，雖然係店內星星推介食物但都係日版既蛋吸引d豬紅-夠入味，形狀都好靚唔會爛左或散收收；大腸-呢個一讚，因為乾淨得黎呢中間d肥膏都清埋，食得無罪疚感！最後但不是最後既就係飲品！跟餐加$17既樽仔奶茶係有d貴，但見好多人柗面都有支所以都跟餐一試：pre-pack奶茶黎講甜度剛剛好，茶味香濃 奶味又夠滑，係香港人既土炮奶茶質素！好好飲而且茶係堅濃，因本人飲完果晚訓唔著⋯（利申：我係飲普通咖啡都可以大教訓既人）下次咖敢夜晚飲了⋯有少少妹仔大過主人婆，但呢

依間車仔麵，喺元朗已經開咗好多年，之前起元朗食過一次，還記得要排很長很長的人龍，仲記得佢個滷水汁係比較與別不同，今次知情佢喺銅鑼灣開新分店，決定一再試試！今次好貪心咁叫咗好多車仔餸，包括佢嘅招牌菜：豬腸，豬紅，豬皮，同埋蘿蔔，滷水雞翼，陳皮魚蛋和流心蛋，因本人唔太食辣嘅關係所以叫咗個不辣，同埋最後叫咗個樽仔奶茶！招牌豬三寶唔使多講，一定推介，豬腸好入味有咬口，豬紅唔會散，豬皮爽口，陳皮魚蛋唔會過林，蘿蔔唔會有根，好入味，滷水雞翼都係佢得意之作，流心蛋就不能和日本拉麵店相比，不過如果用滷水浸過會更好！因為始終永年嘅滷水我覺得係幾好食！另外樽仔奶茶算係我飲過咁多間標榜類近之中既最好！值得一試！銅鑼灣已經有幾間經典嘅車仔麵店，要起銅鑼灣屹立不倒，的確要花一些心機和時間，相信依間過江龍必定起這裏佔有一席位！

是日星期六去銅鑼灣shopping，由銅鑼灣港鐵站C出口一出，轉個彎就見到鼎鼎大名永年士多，由元朗開到出銅鑼灣，好耐未食車仔麵，咁啱又未食lunch點都要食番個車仔麵充充電電後先有動力去shopping 。人龍依然長，不過都係排了5分鐘就可以落order, 唔知係唔係好耐冇食車仔麵，不禁瘋狂點了好多個餸。先點我最愛我油麵作麵底，必食之選豬腸、豬紅、魚蛋、雞翼、牛肚、流心蛋豬、時菜、蘿蔔及炸魚皮，加埋惹味的中辣汁，成碗麵非常豐富。至於味道呢，湯底清甜，辣味十足，加上款款都好夠味，好似豬腸多乾淨而且冇腥臭味， 鹵水味十足。蘿蔔好甜好入味， 雞翼肥美嫩滑冇得輸，炸魚片炸到好香脆，而且不會太油， 浸埋辣湯後味道夠惹味香口。流心蛋真係不得了，外表很光滑實淨，拆開內面非常流心，可清楚見到蛋黃水汪汪，好正。另外叫多一個鮮油多士，烘烤得外脆內軟，牛油大大塊，入口即熔，好好味。飲品必叫凍檸茶走甜，茶味夠香濃，檸檬好新鮮，呢個我係永年士多必叫嘅飲品。