永年士多 (兆安廣場)

营业中

休息中

呢個好似係我第一次係openrice開嘅post。因爲真係忍唔住想分享比大家。我記得幾年前特登由港島入元朗，就係想試下B仔同永年，但見到永年排哂隊，無反一頭半個鐘都唔洗旨意食，所以當時無食到......直到今日適逢單身狗的日子，就決定去試下，都幾多人食但好彩唔洗排隊。43蚊3餸加粉麵叫咗菜芯＋韮菜餃＋蟹籽丸米粉，唔辣啲菜芯好硬，不過預咗；韮菜餃，係灣仔碼頭，又預咗。個湯底OK ge, 完。等我差不多食哂嘅時候，得反細半碗，就發現咗一樣唔係食物嘅野 （可能係食得）即係昆蟲，仲要唔係蚊唔係蟻果種。難怪我覺得個湯底ok可能好補🤔食完之後，覺得我不如比同樣價錢去食同區嘅榮x，果邊好過呢度大概20倍。不過咁，可能純粹因爲我無點佢嘅招牌餸啦，謝謝各位。

今日同友人黎到cwb 平時我係元朗就成日去食 友人就比較少 所以難得佢開到出港島區 我地就試試佢格局同元朗差不多 雞翼係我每次ge首選見到門口sell緊綠茶紅豆冰 所以友人就決定一試 我就揀左個奶茶紅豆冰 食車仔麵配奶茶 我至愛友人想試下個班蘭咖央多士 所以就叫左個試等左5分鐘到 廚房有人叫number再過去拎 望到杯奶茶 色澤好深 入口茶底香濃 冰略微多 先食左個多士 凍左唔好食嘛 夠香脆 醬料塗得均勻 每啖都有咖央味🔹雞翼 冬菇 蟹子丸 糖心蛋 油麵 小辣 每次食親都叫辣 永年出名就係個辣汁 唔叫唔得呢小辣都已經非常辣 但一啖奶茶加啖麵就可以完美解辣 哈哈 因為個蛋放到最後先食 令佢無流心 叫蛋ge朋友要注意 應該要先食蛋 先品嚐到佢e糖心🔹紫菜 豬紅 韮菜餃 牛肚 粗麵 走辣朋友喜歡佢ge豬紅 爽口得黎帶點甜 粗麵份量多 吸哂湯的精華

繼元朗、尖沙咀後，永年士多終於係銅鑼灣開張喇！餐廳裝修乾淨企理，成個 look and feel 都比較年輕，唔怪得之咁多人食。價錢合理，款式都好多，實在係銅鑼灣鬧市裡一個平食嘅好選擇。我嗌咗三餸麵，分别有牛筋、芝心丸、流心蛋同烏冬 ($43)。估唔到份量有咁多，牛筋煙韌彈牙，芝心丸一咬就爆晒芝士汁，流心蛋都煮得恰到好處。烏冬爽滑彈牙，真係唔錯，難怪咁受歡迎。仲加咗錢嗌嘢飲熱柚子 ($15)最估唔到係車仔麵店有班蘭咖央多士 ($16)！點可以唔試下呢。班蘭咖央多士都做得幾岀色，班蘭咖央味道凸岀濃郁，二個人分享就剛剛好。

由元朗開到黎銅鑼灣 就知道大家對車仔麵的熱愛❤️ 平時係元朗久唔久就會去食下 今次同朋友出到銅鑼灣 又想食車仔麵 就去同我朋友試下水準是否依舊差唔多7點入到去 人流唔算多 見到menu同元朗一樣 出左新飲品紅豆綠茶冰朋友好想試 決定一人一杯 我就揀左奶茶紅豆冰 樽仔奶茶又想試 紅豆冰又想食 加埋一齊 一次過滿足我二個願望📍🔸紅豆綠茶冰 跟麵 加$15🔸奶茶紅豆冰奶茶味比較重手 所以會遮左紅豆味 但茶底不錯 略微冰多綠茶加紅豆係完美的配撘 淡淡的綠茶加紅豆🔸冬菇 雞翼 蟹子丸 糖心蛋 油麵 小辣🔸紫菜 豬紅 牛肚 韮菜餃 粗麵 🔸班蘭咖央多士雞翼有2隻 肉質滑嫩 糖心蛋 如果早d食 就會流心d 加左辣汁 完美刺激我的味蕾豬紅 爽口清爽 韮菜餃味道濃郁 紫菜加上辣汁 完美吸收精華 實在令我一口接一口班蘭咖央多士 上台後要襯熱食 如果唔係好快就凍左 多士夠口 吃落脆身 加埋班蘭咖央 啖啖的清香 不會太過甜膩

住過元朗嘅人都會知道永年士多有幾出名，聽到佢喺銅鑼灣開分店，就梗係去懷緬下過去啦去到門口，先要排隊買嘢食，堅係長龍，搵位坐又要花一啲時間，一個人食真係好凶險同X嫂一樣，出市區開分店換返個新潮啲嘅招牌餐牌都係新款嘅，唯一不變嘅車仔麵有嘅餸都有得選擇太多選擇一次過叫唔晒車仔麵點少得豬腸呀同事就叫咗另一鐵腳豬紅溫泉蛋真心唔講得笑，睇個樣已經唔需要多講唯一同過去有分別嘅係，新式嘅車仔麵店感覺上冇咁那渣面嘅，睇得出條豬腸煮得好靚又乾淨，仲要滷得好好味下次搵多幾個人嗌外賣，就唔使等到頸都長啦

聞名已久的永年士多最近於銅鑼灣開了分店，今日跟朋友經過，見店內客人不算多，決定入去試試🙂🍜烏冬（+$2）🍲牛肚+溏心蛋+時菜（菜心）🥘微辣💰$43（3餸1麵）以車仔麵來說，價錢略嫌有點貴🤨烏冬要另加$2，份量適中，但沒有咬口，也不煙韌😕至於配餸方面，牛肚口感彈牙，也夠入味👍🏻溏心蛋很出色，十分嫩滑，流心效果極佳，推薦‼️菜心不過不失🙂湯底方面則比較失色，味道不夠濃郁，即使加了秘製辣汁也沒甚麼特別，只嚐到辣味，微辣已經很辣很辣😖整體而言，沒特色可言，而且價格偏高，應該不會回頭了🙃

揚名已久車仔麵店 終於由元朗開到來尖沙咀、銅鑼灣區，是實力還是虛火，當然要親身試試。    由於之前幾晚經過都見到客人滿滿，所以這個星期六未夠六點就來到，先睇睇環境，Make Sure 有位坐，就決定食Early Dinner，可能是週未關係但客人也不小。 這裡沒有車仔麵紙，餐牌上已預設了三餸麵套餐 $43 加餸$9/款大碗麵套餐 $67 (包括十款餸) 客人先到收銀處點食物、取飛、等叫號碼、取食物，全自助形式。 只須等待幾分鐘已經有得食。 我點了三餸麵套餐另加兩款餸豬紅，牛筋，貢丸，紫菜，蘿蔔等湯底和麵是一麵車仔麵的靈魂，所以我會先呷一口湯，湯色清徹，甜而不嗆，喝過也不覺口喝。幼麵底，入口爽口有彈性 ， 是記憶裡的車仔麵味道。  六個餸加埋份量超多，直覺每味餸份量比一般車仔麵舖略多。 咁多款餸我至欣賞 、  前者入口順滑, 無散開；卜後者清甜鬆化。  套餐加 $15 必點 紅豆香甜軟糯， 奶茶茶味足， 略嫌奶不夠香滑， 重手小小就加分。大胃王男友點了 $67看到價錢無懷疑會覺得幾貴，不過共有十款餸， 一款麵底， 平均一個餸都只係$6.7 咁睇就感覺良好得多了。 十餸包括: 豬腸，

永年係元朗起家，已經聽唔少朋友介紹過，不過因為太遠，所以一直都冇機會食。但依家分店開到尖沙咀同銅鑼灣，要食真係方便好多，終於有機會試一試！未踏入店鋪之前，已經令我眼前一亮，以往車仔麵店比我嘅感覺係好舊衛生差，但呢度比我感覺係走新派路線，裝修好文青同埋小清新，坐得舒適，所以餐廳食客大多都係年青人。三餸一麵$43🍴麵底：幼麵🍴餸菜：流心蛋+牛筋+蘿白-湯底揀左微辣，味道濃郁，辣醬係自家制，辣味好獨特，愈食愈辣愈惹味!-麵條偏硬，有咬口，個人幾鐘意呢個質感😋😋-牛筋並非炆到好林既口感，係偏爽脆，同時夠入味，不過喜不喜歡就見人見志，但係我覺得幾好味😛-蘿白爽口兼且清甜無楂！必點👍🏻-流心蛋真係好滑溜，流心效果都好出色👍🏻🍞即制奶醬多士 $16烘得剛好，外脆內軟，配上奶醬多好好味😋 車仔麵黎講，永年味道不錯，環境闊落舒適，質素幾好，不過湯底與餸菜比較，個人認為餸菜較出色呢😆

同朋友行完花市，係銅記果頭覓食，朋友帶左黎食車仔麵店內好新淨，唔似平時食開車仔麵果種舊食麵店，好新式感覺光猛，都唔算太迫，除非格離搭枱既食客大份/大隻左少少，如果唔係就好似正常茶記一樣既坐位大細叫左三餸豬大腸、溫泉蛋、花枝丸原來都好多料下，最令我有驚喜既就係豬大腸咁考手功既單點送，竟然有成7, 8舊豬腸：軟淋，好入味，最緊要清潔得好乾淨，一碗有5、 6舊。溫泉蛋:真係好正，鐘意食流心蛋既真係要必點，唔係得半隻，而係一大隻，好滿足車仔麵配油麵係絶配不過我想試下配幼麵腩汁湯底好正，清清甜甜咁，一啖麵一啖湯食一流其實湯底正，配咩麵都會好食整體水準真係幾好另外點左個小食~~多到成碗都係，個汁好香好濃，飲落甜甜地，豬紅好實淨好好咬口，成碗都好食，量都幾多下個汁好正仲有點左個咖吔多士，咖吔醬好多，茶滿晒，多士烘左好脆，咖吔多味道其實真係無得輸港式餐廳必飲,凍檸茶，佢杯凍奶茶算係大杯茶味十足，味道岩岩好紅豆冰朋友點，佢話椰汁味好重，豆豆好淋，唔錯一句到尾，足料湯底又正價錢抵食，性價比超值食過之後，呢檔南仔麵真係有令我同朋友念念不忘

今日行銅鑼灣行到攰，經過見到有永年士多，之前係尖沙咀見到永年士多大排長龍了，而家開到銅鑼灣都有，就一於入去食先環境都幾靚，見到價格唔貴的車仔麵，叫了4餸，有冬菇、流心蛋、魷魚及紫菜，還窩心地附送幾條菜心。好健康配上彈牙有致的烏冬，濃濃的湯底散發著淡淡的麻油香，冬菇炆得入味且腍身，魷魚夠Q彈，紫菜配上濃香的湯底，啖啖入味爽口，流心蛋一開質感剛剛好，蛋液隨隨滑下。配上健康的檸水，大滿足了。以後銅鑼灣多個覓食好地方

今晩試了新開在銅鑼灣的人氣車仔麵永年士多，果然深受歡迎。以乾淨簡潔為主，與一般傳統車仔麵店截然不同。Menu 的食物選擇很多抹茶紅豆冰 ($15) 有驚喜，真的很多紅豆！抹茶味也很濃郁，又不會太甜，可以一試。常然要試車仔麵吧，我這個五餸的有魚皮、蘿蔔、 流心蛋、雞翼、 豬皮的油麵 ($59)。餸菜滿滿的，非常豐富。如果你也與我一樣喜歡流心蛋，就必定要試。油麵彈牙美味，我要了細辣的湯底，辣得過癮。最後還點了個新鮮爽口的菜心 ($20)

上次經過元朗永年果陣已經太飽，平日去尖沙咀又諗唔起食佢，今次既然開到銅鑼灣，我諗係時候俾個機會佢。回頭率：🌕🌕🌕🌗🌑環境：🌕🌕🌕🌑🌑服務：🌕🌕🌕🌑🌑份量：🌕🌕🌕🌗🌑味道：🌕🌕🌕🌗🌑價錢：HKD58/Pal【Summary】快餐店櫃檯落單，排隊快。必試紅豆冰，辣汁頗辣但惹味，粗麵爽脆，豬紅蘿蔔豬大腸好味。——————————————————————<豬紅蘿蔔溏心蛋，粗麵小辣> HKD43 😋<牛肚牛栢葉豬大腸，粗麵中辣> HKD43 😋湯底👉🏻清甜粗麵👉🏻扁身偏硬爽，食落有啲似壽桃牌鮑魚麵辣汁👉🏻小辣都頗辣，但好惹味，中辣略嫌蓋過湯底嘅清甜豬紅👉🏻甜甜地，好多舊蘿蔔👉🏻冇渣，好甜豬大腸👉🏻爽口，調味適中牛栢葉👉🏻 爽脆牛肚👉🏻唔錯，厚身卻唔會太難咬。腩汁味幾濃。溏心蛋👉🏻唯一差評🙃佢係流心，但唔係日式果種，蛋香味唔夠，甜味亦欠奉<紅豆冰> 跟餐+HKD15 😍係我心目中新香園嘅紅豆冰一直係難以超越嘅存在。中唔中意碎冰就因人而異，有人嫌棄碎冰好快融，會沖淡味道; 而我就偏愛碎冰可以咬，又可以快速幫紅豆降溫，喀嚓喀嚓凍得來好過癮。試過

今日雖然好凍仍然好想同屋企人食車仔麵。於是同自己父母去當係一個慶祝。😊😊秘制牛筋。富有豐富的滷水味,加上韭菜,簡直是享受。超級脆嘅炸魚皮。超好食嘅炸魚皮好食程度勁過核爆。嫲嫲食到笑口顏開。咖喱魷魚他們的咖喱好特別,適合鍾意食辣嘅人。魷魚好新鮮嫩口, 配上獨特的咖喱簡直好似飛一樣,好食。秘製豬軟骨骨應該超過12小時用唔同嘅滷水汁去慢慢烹調。而能夠做到骨肉分離,咬落去可以聽到樂樂聲。最好飲嘅當然係佢哋嘅秘制靚湯。😊

永年在元朗，對我們港島人很遙遠，每次去元朗都無時間吃。又懶得去尖咀試食，所以永年在港島開分店就好方便啦。今次星期五早少少到，之後lunch hour會多人，難找個舒適位坐。本人實在不喜歡坐bar stool吃飯，腳短無辦法。。。今天試咗豬皮魷魚魚蛋。豬皮係永年推介食品，好爽好味啊。湯底也好好，惹味夠濃，食完又唔會口渴。比我想像中好。辣汁我選了微辣，其實都好夠辣，真係唔食得辣嘅都係選不辣比較適合，坐我隔離嘅男士受不到那種辣，見佢食得比較辛苦。推介嘅豬腸等食品我就少食，所以唔試啦。另外食返普通餸，即係魚蛋魷魚。魚蛋就令人失望，選用嘅魚蛋就市面上最細粒又唔太好食那一種。魷魚普普通通啦，灣仔嘅車仔麵之家魷魚好食過永年。下次試吓推介嘅流心蛋

I was having dinner alone tonight and knowing that Wing Nin Noodle has opened an outlet in Causeway Bay, i decided to refresh my memory again. It was located at Cigna Tower, couple of minutes walk from Causeway Bay MTR.Their menu was simple and easy, offering 3 steps to order the noodle. We just need to choose the noodle type, ingredients and level of hot sauce. Besides that, they served side order, toast and drink etc. Matcha with red bean ice - This was one of their popular drinks and certainl