永年士多 (兆安廣場)

营业中

休息中

一向都鐘意食永年，平時多數喺元朗店食，今日來到銅鑼灣準備去旅行嘅用品，過哂下午茶都未食飯，餓到啊媽都唔認得，即刻狗衝入永年，佢地鋪頭位於謝斐道，鋪位幾大架，驟眼睇落有40幾個位，大玻璃窗設計，比較開揚，適合單人客人坐啦，我見D上班族放部電話喺窗邊煲劇，又好喎，高度視線啱啱好。其餘有D長枱、高枱，坐四至六人咁，都唔算話太逼狹。啊姐好勤快，基本上一有人走，就會收拾，幾企理menu都係一般車仔麵啦，麵可以揀粗/幼/油/米粉等，配料好多款，豬腸、豬皮、蘿白、雞翼、牛筋、牛肚，另外有小食類例如流心蛋、墨魚丸、炸豬皮等等，花多眼亂。三餸麵價錢係43，加一款8蚊。我就點番平時食關嘅三款餸，再加一份流心蛋，好滿足。而且最近喺大眾點評打卡同寫評價，可以show俾店員睇，換領一枝樽仔奶茶或者凍頂烏龍茶雞翼、魚蛋、蘿白、流心蛋幼麵：揀左細辣，啱啱好，惹味得來唔會太鹹或者太辣，唔係太濃味，但辣汁隱約幾過癮雞翼好入味，唔會好老，仲好腍。流心蛋好流心，時間啱啱好，一督開就流！魚蛋就係陳皮魚蛋，幾彈牙。蘿白超甜，又無渣！烏龍茶唔錯，好似冷泡茶咁，無乜糖份，茶濃。

琴日上完堂 去附近的餐飲食碗車仔麵，又ok喎！ 有意外收獲最鐘意係車仔麵的辣汁， 唔係是但俾d辣油你，而係真係調配過嘅， 同車仔麵味道好夾。我食大辣岩岩好。麵身我揀左油麵，油麵都幾吸汁，口感不錯，不會太稔。豬財清洗得好乾淨，又冇乜肥膏係入面，冇咁罪犯 鹵得幾入味流心蛋有流心效果， 如果係鹵過就好啦！餃子有兩隻，都算係皮薄餡多牛肚幾爽口又唔韌，而且都有幾塊大塊牛筋，偏稔的牛筋， 係我鐘意食的口感，同樣都夠入味。抹茶紅豆，紅豆有超過3份1 好綿好好食。抹茶甜度適中。雖然只賣車仔麵同數款小食， 但車仔麵都煮得幾用心希望keep住啦

同朋友夜晚行完街就去覓食，最後簡左好出名嘅永年士多店鋪地方雖小，但設計時尚依到係自己去收銀買野食先我叫左個烏冬+5個餸+1杯野飲，等左一陣就有得食有蘿蔔、時菜(菜心)、陳皮魚蛋、牛柏葉、韮菜餃烏冬彈牙，湯底十分夠味，咸咸甜甜蘿蔔好淋，好好食，吸左d湯底簡直一流菜心爽口鮮甜， 煮嘅時間剛剛好牛柏葉爽口，吸收左湯底變得十分惹味韮菜餃好足料，口感不錯抹茶紅豆冰大杯夠凍，抹茶味突出，而紅豆煮到軟硬岩岩好味道超正，抹茶同紅豆兩者味道平衡依碗暫停係我食過最好味既車仔麵全部叫個d都好好味

工作日早上到了銅鑼灣開工作會議,眨眼間又到了午餐時間,人非常多,都不知道去那裡吃一餐快捷便利的午餐,接著有位同事想快又好吃的就跟著她,我就毫不猶豫說好。她帶了我去一間永年車仔麵,人雖然多要排隊,但人流快來快去。我立刻點了一個牛栢葉,豬腸,魷魚,籮蔔,蟹籽丸配細辣河粉再加一杯熱柚子蜜。下單後朋友加了份咖央多士叫我試試。麵到了後吃了幾口,味道相當不錯,籮蔔很清甜,豬腸很肥,味道極濃,很好!還有要讚讚這個細辣的味道很惹味,再加上不膩的咖央多士,還有這杯足料柚子蜜,因坊間很多是很淡柚子蜜水。每當我吃到好吃的食物,我的心情就很放鬆,想不到一餐簡單的午餐有如此多驚喜,令我懷著愉快的心情去繼續下午的會議。

想吃永年車仔麵好耐，可惜，之前店舖在元朗，對我來説實在太遠啦！最近，發現它在銅鑼灣開了分店，於是，去銅鑼灣shopping ，順便吃碗期待己久的車仔麵✌🏻從未去過元朗總店，但覺得銅鑼灣店很光猛、乾淨企理，有別於其他車仔麵店😻店舖内的黑白畫內容很有香港特色🎉我點了菠蘿冰同五餸幼麵，五餸包括流心蛋、陳皮魚蛋、蘿蔔、貢丸及支竹球😋 雖然我不吃辣，不過，食車仔麵感覺有少少辣會好食d，所以，我選了微辣😋 陳皮魚蛋好有陳皮味，好好食！蘿蔔很鮮甜好入味，好吃👍🏻，貢丸結實好食😋 支竹球吸了湯底的辣汁，好吃😻😻😻，最估唔到幼麵都爽滑彈牙👏🏻👏🏻👏🏻滑滑流心蛋唔錯👏🏻👏🏻👏🏻菠蘿冰：好多菠蘿好足料！好飲🥰永年絕對成為我在銅鑼灣快食的好選擇😻😻😻

車仔麵包裝總是不衛生同感覺地方邋遢，但永年呢間比我感覺係干淨同有水準既車仔麵。細細個已經開始返學食，但依家竟然香港呢邊都有得食，十分方便港島人士放工後我就自己走黎試一試個車仔麵，非常期待，沒有任何理由不試試個大碗麵同加杯凍檸茶，另外再加一款多士。大碗麵入面，選擇了米粉，還有十樣餸，十分豐富。味道每樣食物都不差，有好甜又淋既蘿蔔；淋淋又干淨豬大腸；滑身甜甜的豬紅；好味鹵水味既雞翼同雞翼尖；同吸收曬美味湯底淋既豬皮；細細粒入味既魚蛋；好食既紅腸；淋淋既魷魚同埋嫩綠的菜心。再食埋米粉同甜甜入味湯底，那種小時候味道感覺都出曬黎，十分正今日有少少病，下次先食辣，加辣後更野味而凍檸茶都不錯，有茶味又不太酸既檸檬茶暫時是我最愛餐廳的檸茶之選之一。仲有暖暖既班蘭咖央多士，滿滿醬，同烘底既面包🥯製作成的多士，十分滋味坐位都舒服，細細間鋪位，比人干淨感覺。 我之後都會經常來幫襯食，衛生價位食物都很好👍

永年士多車仔麵，聽過好多人話好食，但知道開喺元朗就唔會專登去，🙈有日同朋友講開自己鐘意食車仔麵，佢同我講永年喺銅鑼灣開左，我地專登約埋一齊黎食呀！如果你都愛吃車仔麵，真係要黎試下啦！朋友點左大碗麵+樽仔奶茶我點左豆卜，枝竹球，豬腸，牛筋，流心蛋+紅豆奶茶冰首先我想講紅豆奶茶冰不得了，好好飲，茶味香濃，係粒粒既紅豆，好有咬口，當甜品都得👍🏻另外，車仔麵餸每款都有心機製作，特別推介豬腸，好林好入味，車仔麵餸有流心蛋選擇，真係好小見，蛋外形光滑，好吸引，一咬落去～wow～好流心好正呀！我一定會再返嚟試其他餸啊！

銅鑼灣永年車仔麵--每當我一想起車仔麵就會第一時間想起的車仔麵檔。對我本人來說就好像一些人品嚐過麻辣火鍋之後就從此難忘一樣。今次我又慣性來到這裡品嚐一下我的(照舊)餐單。豬紅,雞亦尖,山根,墨魚丸,豬皮細辣米粉,咖央多士加上樽仔奶茶。首先這五個配搭是我人生中最滿意的配搭,尤其是她們的墨魚丸和豬皮都是非常彈牙的,墨魚丸的墨魚味極濃,豬皮非常爽口,再加上細辣米粉,我也湯也喝了三份之二。另外再加上一口的,咖央多士,口感極佳,樽仔奶茶和平常茶餐廳的絲襪奶茶完全沒有分別。雖然用了短短二十分鐘完成這個午餐,但非常滿足

今日上完運動堂，同學們話銅鑼灣有間新開既車仔麵，我們便去了座落謝斐道新開的永年士多食晚餐。由於去到已經是晚上9點，人流不是太多，我們選了角落的四人枱坐下，我們看了一會餐牌，朋友就去收銀處付款落單，落單後，等待叫號碼，此餐廳是先付款後取食物。我點了大碗麵有十款餸以傳統配料為主，當中以蘿蔔、豬腸、豬皮及豬紅最為馳名，其餘有魚旦、雞翼、雞翼尖、紅腸、魷魚🦑及時菜。咖央多士，香脆。朋友選了三餸麵，炸魚皮、蘿蔔及紅腸。其中炸魚皮又脆又香。抹茶紅豆冰，入口溫醇回甘滋味，甜潤，又有抹茶🍵香味。大大粒紅豆，有少量熬得起沙，簡直是絕配。

今日中午去左永年士多銅鑼灣分店食個午餐！朋友早早之前食過，極力推介我去試下，今日經過見到條長長人龍，我排左30分鐘終於入到去啦！我叫左微辣湯底，入口辣度都唔輕！怕辣既朋友要小心啦！湯底香濃辣度突出，食食下都好惹味。我叫左牛丸、貢丸、雞翼。牛丸貢丸好彈牙，每次食車仔麵都必定會叫。雞翼香嫩，入口肉質滑溜，滷得好入味！麵類有米粉、粗麵、幼麵、河粉等等不同選擇，我叫左河粉，加多$2，河粉爽口唔會太碎，掛湯力高。另外叫左奶茶，奶味濃郁，茶味甘香，好滿足。

來到銅鑼灣覓食，一個人食飯打算試下呢間新開的車仔麵。🙈餐廳的環境裝修幾新淨，午餐時間都幾多人光顧。好少地方有得食流心蛋，一於決定試下。我叫左時菜、牛柏葉、雞翼、流心蛋配烏冬。雞翼煮得好入味，流心蛋半熟🤤不錯。而且烏冬的份量誠意十足，食完超級飽啊🤣🤣順便試左呢度既抹茶紅豆冰，綠茶和牛奶🥛味幾濃，最底層還有一些紅豆蓉，飲落都幾夾。.🏠永年士多 (銅鑼灣)銅鑼灣謝斐道482號信諾環球保險中心地下7-9號舖

原來銅鑼灣開左永年士多😍之前尖沙咀大排長龍已好想試雖然好多評論話愈來愈差但昨天一試湯底清甜辣汁辣得過癮配料比湯底更加出色豬大腸洗得好乾淨又無騷味豬紅和雞翼仲好甜吃不停口宜家買兩碗仲送菜心

好小出銅鑼灣，依家開左好多新食野地方，永年也是其中一間，知道係玩車仔面為主，好多野食揀實岩食就入去試下。咁大個燈牌，地點上好易認成個環境同一般車仔面唔同既一定是這裡超乾淨，什至有點綠菜主題,所以好好坐呀，同朋友食飯都可以傾下計。間野睇來都幾in.雖然唔知係咩Clossover 做promotion.但食車仔面仲可以有折。真係第一次見啦，你地有無呢個折扣 card??野食上很清晰就是ABC流心蛋豬皮魚蛋真心覺得有流心蛋好特別，仲要係好食既有朋友一早同我講左呢度出名吃辣真係食到先好挑戰呀， 真係好辣不過好好食。( 我食嘅係中辣已經辣到飛天啦)值得一提係車仔麵嘅靈魂豬皮。佢係特別有咬口嗰種啱曬我呀！座位上比較多如果趕時間食飯都值得來上菜都好快。

永年士多由元朗出名到響銅鑼灣開分店，身為香港人既我梗係要黎試下啦一入門已經係點餐收銀處，想食咩抬頭就有個超大電視Show比你睇！我有選擇困難症，所以要大碗麵就可以乜都唔洗諗。大碗麵 聚十寶於其中，包括豬腸；魚蛋；蘿蔔；豬紅；豬皮；雞翼；雞翼尖；魷魚；紅腸；菜。永年士多以自助形式，買野食；找座位；叫Number形式自取。車仔麵講求 快 靚 正，永年就做得到！ 岩岩搵到座位，轉頭就叫Number可以攞食了～賣相超吸引！如果細食既話可以單點幾款；個人推介有好幾款，其中魚蛋係必要！味睇魚蛋賣相麻麻，但係超超正，質感同味道一流，含有陳皮味既魚蛋，感覺昇華！另一款係豬紅！豬紅可以話係車仔麵不可或缺既一款食材，但豬紅要整得好味一d都唔容易；永年既豬紅入味之餘又有口感！雞翼都係我個人推介喔～估唔到豉油滷水雞翼都可以咁出色；雞翼唔瘦骨雞翼，漲漲又飽滿，入味又好味！車仔麵都可以做得咁出色，唔怪之得由元朗開分店出黎港島區啦，哈哈！

完全不似一間車仔麵店，裝潢時尚，唔知以為入了咖啡店又或甜品舖。按照步驟A, B, C落單，可坐定定等叫號碼，只兩三分鐘，方便又快。選了烏冬做麵底，餸料揀了五款，是山根，蘿蔔，冬菇，墨魚丸和魚餃。每款份量有三至四件，算多。山根，冬菇，蘿蔔夠入味。魚餃一口size ，方便食。墨魚丸有粒粒墨丸，幾彈牙。辣汁可按個人喜愛，由勁辣到微辣，甚至乎不辣清湯也可以。港式奶茶用了樽裝，時尚設計。茶味香濃滑溜，但稍為甜膩。