永年士多 (兆安廣場)

营业中

休息中

平時係銅鑼灣翻part time都係食下快餐就算，今日同事話想試下食永年士多既車仔麵，就1230即刻出去食，怕要等得耐😂😂❤️5餸車仔麵 $61價錢唔算平，算係貴價版既車仔麵。湯底飲落去冇死咸冇味精，仲有d甜甜地既味。呢度既辣醬不可睇小，超辣！但幾過癮！麵底要左河粉，份量正常。見到有平時車仔麵冇既流心蛋就即叫，蛋本身冇味所以一定要連埋D湯一起食，幾特別豬紅份量多，唔散唔臭，好食！豬腸清得超乾淨，冇陣臭味，小小肥，幾好咬口魚蛋係陳皮魚蛋，索哂d辣湯，勁辣🙈豆卜唔係空心個款，係扁身個隻，同樣吸湯😆❤️咖咉班蘭多士 $16d醬超多，偏甜味，ok值得一試。❤️抹茶紅豆冰 $15抹茶控必點！好夠甘味，紅豆又超多，估唔到食車仔麵可以飲到甘高質既飲品🤣

車仔麵嚟講，呢間車仔麵店係我最中意既！今日喺銅鑼灣附近收工就順便去回味下。我叫左一個五餸面，有蘿蔔、雞翼、豆卜、芝士腸同牛肚。因為覺得米粉易索汁先食到個湯底，而且我都叫左個中辣湯底。食得辣嘢當然要叫凍飲，咁我就叫左個菠蘿冰。個賣相好靚，聞落去就聞到浸辣味，啲餸都好大份好足。我覺得最好味係個牛肚同蘿蔔，啲辣汁索哂入去真係好過癮，我就唔係太食得辣，中辣對我嚟講都接受到，所以唔太食得辣又想試佢地個秘製辣汁嘅可以叫小辣或者微辣。個菠蘿冰都好幫得手，用黎解辣真係一流。唔太餓嘅叫三餸都已經飽飽，不過我就貪心小小想試多幾個餸，整體嚟講永年士多都有7分8分。

由元朗店我就一直是永年的粉絲，這車仔麵餐廳無論晝夜都排長龍，原因1: 用料佳，原因2: CP值高這晚9點來到銅鑼灣分店，人龍終於散去，不過店內仍坐了不少人，而加班過後的我，點了一個五餸麵$43+8+8=$59粗麵+牛筋，豬腸，蘿蔔，枝竹，流心蛋熱好立克一杯$12湯底點了微辣，雖然不好吃辣，但永年的辣汁是必試品，雖然並不是什麼驚世駭俗，但卻是非常出色的湯麵點綴，不怕吃辣值得一試啊！粗麵的麵質非常彈牙，亦不帶一絲碱水味，麵量不少。另外，牛筋爽脆不油，豬腸彈牙無羶味，蘿蔔清甜無渣，枝竹層數多口感豐富，流心蛋不像日式拉麵店有醃製，但流心效果極佳，不輸任何一家拉麵店。與其說是廚藝，不如說是用料好，因為無渣的蘿蔔，爽彈的豬腸等等都不能單靠「煮」達到，但這裡三餸只收你$43，在銅鑼灣鬧市，這價錢完全是抗通脹！好立克也夠濃亦無明顯麥糊精沉底現象，值得加許！對食有要求，又荷包緊絀的你，不妨一試。這裡的伙記也相當勤快有禮，不像一般茶餐廳，完全不用擔心被趕走～

朋友要去銅鑼灣上堂, 係佢上堂前陪佢食個晚餐等佢可以熬到落堂~😂😂 咁岩佢上堂果度既對面就係永年, 我地決定直接過去覓食!😎個環境好光猛, 好乾淨! 6點幾都已經好多人!我叫左雞翼, 魷魚, 流心蛋, 炸魚皮, 豆卜加幼麵, 再叫多杯熱好立克個湯底幾清甜, 加埋個小辣, 好岩我口味!😋炸魚皮都幾大塊, 好脆好香口👍🏻雞翼好飽滿, 好入味!食親車仔麵都好鐘意叫魷魚, 佢地既魷魚爽口彈牙☺流心蛋好嫩好流心, 正!豆卜吸收成個辣湯汁, 好食!😍幼麵質感都唔錯熱好立克, 幾鐘意佢個杯, 幾靚😆

​牛筋蘿蔔流心蛋三餸一麵+咖央多士($61)☀️.早排見銅鑼灣新開咗間車仔麵，睇落乾淨企理，今日咁啱經過就入去一試🏄🏻‍♀️.蘿蔔一食驚為天人，喺其他地方從未食過咁入味嘅蘿蔔，係有心思之作。單係蘿蔔我會比滿分💯😳.可惜其他嘢就好平平無奇，流心蛋： 確實係流心，但係無味嘅；咖央多士：完全唔脆，相信自己整都會好食過佢😓.是日random quote：Don't get so busy making a living that you forget to make a life.(Dolly Parton)⛄️.🎯FF獨家評分：7.5/10 (還好🐵)

之前細個喺元朗嘅時候已經有試過 難得佢而家喺銅鑼灣開咗新分店 今日趁放飯一於就去試吓同以前有冇分別🙈依家餐廳都裝修得幾靚 感覺幾舒服大大個餐單 一路排隊一路可以諗食咩👍🏻如果睇得唔清楚都會又個細餐牌 俾大家慢慢睇😏而我就叫咗個粗麵加 炸魚片 魚蛋 豬紅 豬腸同埋枝竹波另外仲叫左杯紅豆冰🤤🤤🤤首先梗係要講下餐廳最出名嘅豬腸啦！豬腸入味得來又唔會太肥膩 平時食豬腸最怕就係唔乾淨 但呢到每一件佢都整得好乾淨🤤👍🏻之後第二個餸就係魚蛋呢度佢哋用咗陳皮魚蛋 有咬口得來中有震震嘅陳皮香味 鍾意食嘅朋友可以一試😏豬紅亦都幾出色 唔會話一咬就散開晒 而且連埋個湯底一齊仲好食而枝竹波亦都好入味 但略嫌油膩左少少 最後走到佢個麵底 今次我叫咗粗麵食起上嚟都幾彈牙 唔會話浸到淋曬 另外值得一提嘅係佢個湯底 湯頭幾香甜 另外仲有微辣所以加埋同啲面一齊食幾配搭🙈 最後食咁多嘢梗係要叫番杯野飲中和下啦🥰紅豆冰真係無得輸 呢度嘅紅豆冰用咗碎冰 有得咬之餘亦唔會阻住我食下面嘅紅豆👍🏻👍🏻而且份量都幾大杯幾抵飲🤤呢到平時放飯平平地食個晏都唔錯😂

襯住今日係銅鑼灣收工就約埋個朋友一齊去食飯聚吓☺朋友提議去食簡簡單單又一餐嘅車仔麵店舖環境幾光猛乾淨, 同過往的其實車仔麵檔給我的印象很不同, 又坐得舒適, 感覺很不錯!一嚟就叫咗個班蘭咖央$16上試吓先, 幾好食, 如果再熱啲就更加好!朋友就揀咗個大碗麵配凍檸茶(跟餐), 而我就揀五餸麵配紅豆奶茶冰(跟餐)! 大碗都有十個餸(豬腸,豬皮,豬紅,蘿蔔,魚旦,雞翼, 雞翼尖,紅腸,魷魚,時菜)朋友分享咗豬腸,豬皮,蘿蔔比我食, 豬腸處理得幾乾淨,豬皮同蘿蔔夠晒味, 蘿蔔好腍覺得有少少咖哩味而我就揀咗雞翼尖, 豬紅,魷魚, 流心蛋, 枝竹球再配油麵雞翼尖同豬紅都入晒味, 特別是豬紅有啲楜椒粉辣很好味😋 枝竹球口感就係好多層枝竹疊在一咬咁樣, 食到中段先發現我遺忘了的流心蛋, 當時有啲擔心會唔會唔再流心, 好彩依然好流心❤紅豆奶茶冰賣相很不錯, 甜度適中,茶味都夠! 下次要食時要試吓佢哋嘅辣先😆

💰Cost: $43 (3餸1麺)#Taste 🤤: 3/5#Services 👨🏼‍🍳: 5/5#Atmosphere 🌾: 4/5食麵最緊要突出麵嘅湯底,但永年湯底未能做到無咩特別，而且餸嘅份量又唔算特別多。試咗咖央多士(💰$16)，完全唔係新加坡/馬來西亞個時食嘅味道 其實哩類型嘅麵店好難係香港島立足其實永年都有好嘅地方要讚（只係不在食物上…) : 地方乾淨企理!地方淺窄，設計一定有特登花心思。雖然算有善用好位置，但都仲係有D迫

是日返工收早，變相提早要食晚餐。經過銅鑼灣見到呢間永年士多覺得好眼熟，加上我太中意飲港式奶茶，見到佢個樽仔奶茶就入去坐低喇。我坐左高台，對住人來人往街道，台底如果有掛勾會方便掛袋喇。Order左碗５餸車仔粗麵，小辣，有牛丸、牛栢葉、牛根、枝竹球、炸魚皮，加樽仔奶茶。個汁都幾好味，而粗麵麵質幾好，食落不覺太硬太淋。配料方面，如果炸魚皮另上係會好Ｄ既，因為浸住好快就淋喇。枝竹球第一次食，有豆味而且咬落入面係好滑。至於牛丸、牛栢葉、牛根都正常啦。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

今日經過銅鑼灣，醒起新開左間車仔麵，係元朗好出名，但太遠了，依家近近地就可以食喇。先點單，選位，之後取餐。我乜都想試下，所以點左大碗麵$67，米粉剛好，不會太飽。少辣原來都好辣，下次叫微辣好了，不過真係好惹味。大碗麵有十款餸，豬腸、豬皮、豬紅、蘿蔔、魚旦、雞翼、雞翼尖、紅腸、魷魚、時菜，超豐富！份量好多！豬腸、豬皮、豬紅好入味；紅腸不會薄薄的，有口感；蘿白淋身，好甜；菜心好新鮮，係我喜歡的，脆卜卜。另外仲加叫左杯凍柚子檸水，凍柚子蜜飲得多，有兩片檸檬就好少見，加左之後又幾好喎，個樣又靚d，又多左一層味道。

放工經過銅鑼灣食晚餐，好想食車仔麵，於是嚟咗由元朗開到出嚟銅鑼咗灣嘅永年。入到正門就向收銀員落order, 我揀咗五款餸配油麵，五款餸包括：車仔麵必點嘅蘿蔔、雞翼、芝心丸、流心蛋及墨魚丸。 門口落完單就可以隨便揀位，店內裝修整潔舒適，不像一般侷促車仔麵店。坐低等職員叫號碼，等了大約5分鐘就可以拎食物，車仔麵加送一堆菜心，感覺好健康。先講講我最愛嘅蘿蔔，多汁又甜又入味，超正，而且份量多，有六舊，每舊都好美味。兩隻雞翼：滷水入味，配合車仔麵湯浸住都唔會食唔到滷水味，推介！流心蛋好正，睇到漏出蛋黃都好治癒，我和友人分享了一半。芝心丸及墨魚丸水準不過不失。值得加分是車仔麵湯底，濃而不勁味精，配油麵真係好正，今次忘記叫辣汁，下次一定要加小辣。

星期六晚同朋友shopping完去左永年士多食車仔麵。店內好新淨好光猛，坐得舒服。叫完野食等左陣間就有喇！香噴噴嘅車仔麵非常大碗之餘，餸嘅份量都好多。湯底好濃好香，烏冬好彈牙。菜心好嫩，再夾埋個湯底非常開胃，魚蛋非常彈牙，仲有好多粒，好抵食。鍾意食流心蛋嘅真係要點黎試下，大大一隻，咬開一半D蛋汁流出來，好滿足。豬紅粒粒都大大粒，口感軟嫩同有香甜味。蟹籽丸入面料好足，好好味。菠蘿冰係推介飲品，冰涼透心，味道非常好，仲有大大粒菠蘿肉。朋友食嘅車仔麵同抹茶紅豆冰，睇落好正咁！呢間車仔麵店真係食過咁多間黎講數一數二嘅必食推介，會再次黎幫襯！

今日和朋友到銅鑼灣走走經過這一間車仔麵檔 人山人海的樣子就去試試了拿了餐牌看一下 價錢是合理的 普通三個餸$43起有非常多不同餸菜的選擇 自己叫了烏冬 餸菜叫了流心蛋 魚皮餃 韭菜餃 冬菇和蘿蔔 飲品則叫了抹茶紅豆朋友叫了油麵 餸菜叫了豬紅 豆卜 貢丸 時菜 飲品即叫了菠蘿冰流心蛋好正 我用筷子將蛋劈開一半 蛋黃汁不斷流出來 和烏冬一起吃 蘿蔔非常入味 無渣鮮甜 韭菜餃 入面餡料很多 同時亦試了朋友的豬紅 非常好吃 完全不會覺得腥 豆卜滿滿的吸滿了秘製醬汁 每一啖都很好吃菠蘿冰非常足料 有很多菠蘿做底 每人埋單大概70幾蚊 性價比極高 我覺得這間小店嘅每樣餸菜都煮得好有心機 每樣都食得出落咗好多心思去做值得大家經過銅鑼灣時一試嘅餐廳

「永年士多」一個以士多為名，卻是賣香港獨有的車仔麵，真是很特別的組合。這間在元朗很出名的車仔麵，在大半年前衝出元朗，在尖沙咀開了分店，再於半年前在銅鑼灣開設了另一分店，之前在元朗，因為太遠，所以未能一試，今天路過銅鑼灣，決定一試。店內是先買票，後取食物，收銀櫃檯上面有個大的電子牌，方便客人點餐。我要了雞翼、大腸、時菜、蘿蔔配幼麵加特製辣汁，飲品是凍鴛鴦。凍鴛鴦，咖啡和奶茶，味道配合剛剛好，算是一杯出色的凍鴛鴦。雞翼、大腸、時菜、蘿蔔配幼麵：雞翼炆得入味又不會鹹。大腸沒有羶臭味，帶點嚼勁，脂肪肥美。時菜是菜芯，份量不算。蘿蔔清甜又腍身。魚皮餃，外皮夠彈牙，饀料豐富。幼麵有蛋味而彈牙。特製辣汁，辣度不少，只點了少辣，已經足夠。

Originated from Yuen Long, this popular cart noodles spot has been expanding to the hot areas in Hong Kong. It’s their second shop outside of Yuen long and this time they decided to open at Causeway Bay. it’s actually my second time visiting this restaurant; last time was their TST outlet. As we can see, it’s more cozy and spacious here compared to the Kowloon one. we ordered their kayan toast which I didn’t have the chance to try it last time. It was very delicious with the correct amount of ja