永年士多 (兆安廣場)

营业中

休息中

平時經過銅鑼灣見到永年士多門口排著長長既人龍，剛巧今日晚上經過比中午人流少，今日终於可以去潮聖，排一排隊果然係有原因的，絕對是正確的。店內環境清潔，裝修都令人感覺好舒適，店員態度亦非常友善有禮貌。一場o黎到，當然要叫大碗麵，配料有十樣，豬腸、魚蛋、鷄翼、 蘿蔔、豬皮、豬紅、雞翼尖、 紅腸、菜、魷魚，可以話乜都有d。啱晒啲心大心細，又有選擇困難症嘅人，例如我。最愛的豬腸夠入味，感覺新鮮乾淨，沒有異味。陳皮魚蛋彈牙清香，蘿白清甜。豬皮又爽又入味。抹茶紅豆冰 ($15) 有驚喜，真的很多紅豆！抹茶味亦都非常濃郁，但又不會太甜，可以一試。最後再追加多叫了鮮油多士，厚多士外脆內軟，微微烘燶，夾著鮮油，好快被我KO 了 ，下次一定再encore 。總括o黎講，永年士多日日大排長龍都係有原因既，值得一試。

之前係元朗大排長龍既永年士多 聽就聽得多 最近係銅鑼灣開分店先有機會試到 因為元朗太遠唔會特登去試!今次係收工之後去食 大概7點到到 好彩唔洗排隊 好快就有位!第一次黎試 一次過試哂唔同既餸😋😋 叫左豬皮 豬紅 豬腸 蘿蔔 咖哩魚蛋 雞翼 雞腳 一次過食哂咁多餸真係好滿足😋😋 最好味既係豬腸 炆得夠林 菜又好新鮮 無咩渣! 另外咖哩魚蛋都好入味 可以同外面既小食店媲美👍🏻 蘿蔔鮮甜無渣 又入味!本來想叫樽仔奶茶 但擔心夜晚訓唔到所以改左檸檬柚子茶 期待下次再黎試返!

車仔麵@永年士多 網址: https://s.openrice.com/QrbS03JS900 地址: 銅鑼灣謝斐道482號信諾環球保險中心地下7-9號舖 元朗車仔麵，估唔到連causeway bay 都有分店，住九龍入元朗好遠，而家係causeway bay 都食到主力食車仔麵，價錢約四十來50元一碗啦，我碗有溫泉蛋，人人食過大力推，流心富蛋香超級好味。再加是菜，蘿蔔，芝心丸同雞翼，雞翼夠腍又入味，芝心丸彈牙。一定要加個辣汁呀，精華所在，令成碗麵更惹味層次上升，連湯都喝得一消不剩。點多杯飲品，iced lemon tea sugar free以車仔麵來說，價錢味道都合理，同埋係銅鑼灣地點方便，永年支持者唔洗老遠入元朗了。

一個月總要食幾次車仔麵，百搭、咩餸都有嘅滿足係第二種食物俾唔到我嘅！今次聽老婆介紹去到老字號車仔麵永年，一嚟到就見到大碗麵呢個選擇，唔駛揀俾晒你，啱晒我呢啲懶人！聽講入面有十樣餸，我都無時間數，因為樣樣都好好味！首先湯底超甜又唔「漏」，清爽得嚟感覺到好足料！仲有少少藥材味道，真係無花無假！所以吸湯嘅豬肚真係好味到聞！而個豬腸一樣咁鮮甜，而且非常爽口！不過更值得一提係雞翼同雞翼尖，啲醃料可能同湯底係同一系列，都係清爽甜味為主，但煲雞肉仲係好嫩，好好味！車仔麵係百搭，咩餸都可以揀，有啲車仔麵就係湯還湯，餸還餸；但永年係做到系列感覺，雖然餸人人都叫唔同款，但原來可以做到口感味道好一致！勁呀！配埋杯樽仔奶茶勁香濃，呢啲先係香港滋味！

車仔麵一直以黎比人既感覺好似好污糟鋪頭裝修都唔會靚，周圍可能會油淋淋咁今日偶然間黎到呢間車仔麵店完全改寫左我呢種諗法差唔多八點都仲咁多人，信心既保證價錢係呢個地段黎講算中價而裝修同環境好舒服企理完全唔似車仔麵店點左碗幼麵，配料有炸魚皮、雞翼、時菜、枝竹球、流心蛋，辣度揀左細辣食麵最緊要係湯底而佢既湯底就好值得一讚香而不膩更重要係佢既辣汁又香又夠辣做到好好既吊味令人幾乎想將湯一飲而盡幼麵麵身都幾爽滑今次最大驚喜：枝竹球枝竹球索晒湯底既精華又香又濃而且口感好有層次極力推介見到有流心蛋呢個傳統車仔麵店一定見唔到既，就梗係要試試可以見到流心效果都做得唔錯不過比起日本拉麵店始終爭咁Ｄ，冇咁香但同車仔麵又估唔到咁夾呢份創新好值得欣賞炸魚皮好香脆，而且有好香既魚味雞翼好入味，每一啖都食到啖啖既滷水香而且已經滷到Ｄ肉同骨軟淋淋，一lun就lun到，正時菜都幾新鮮，可以見到好翠綠凍檸茶不過不失，茶底都算唔錯

讀大學嗰陣已經聽過住大西北嘅同學仔提起永年士多，可惜元朗真係太遠，一直都無機會食。終於永年都衝出元朗，進駐銅鑼灣，咁近我上fitness class 嘅地點，當然要嚟試一試！一入去就感受到同一般車仔麵店嘅唔一樣，永年嘅裝修簡約又乾淨企理！望住餐牌咁多種餸，樣樣都想試。不過男朋警告我唔好眼闊肚窄，所以我淨係叫咗三餸麵，油麵配牛筋，鳳爪同流心蛋(微辣)。呢三件餸最欣賞個牛筋，好入味，質感煙韌適中，全完係啖啖骨膠原！而家分量仲唔少，有成四五件！之前上網見到有人投訴流心蛋唔流心，幸好今次嘅蛋都好流心，比得上日本拉麵店嘅蛋！因為男朋友比較鍾意食啲雜不甩，所以就叫咗大碗麵，啲餸好豐富，有豬腸，豬紅，蘿蔔，魚蛋，雞翼，雞翼尖紅腸，魷魚同菜心！我哋一致都覺得蘿白同魚蛋係必食！蘿白完全無渣，仲要好甜好入味，而魚蛋係食得出陳皮同魚味，唔係一般嘅街邊貨。另外，男朋仔都讚豬大腸，洗得乾淨又炆得入味！我哋兩碗麵都加咗辣汁(微辣)，呢個辣汁係必加，加咗碗麵就惹味好多！飲品方面，我哋試咗抹茶紅豆冰，呢個都幾有驚喜！因為抹茶比我哋想像中濃，紅豆亦煮得淋又唔會太甜，兩樣都好夾。雖然比起其他車仔麵店，永年係貴少少，但計埋

和表姐約會完結後， 筆者本想坐車回到大西北去。但也許蛋糕的飽肚度有限，又是一波餓感來襲，思前想後決定吃飽再回家，剛好搜尋到附近有「永年士多」，就來一碗出名的車仔麵吧。其實「永年士多」總店是在元朗區，家住大西北的筆者卻一直沒有光顧。而這個第一次光顧竟然是獻給港島區的分店，也是有點可笑。相信店舖早已聞名中外，餐牌上中英對照，非常國際化。筆者也借機學習了不少車仔麵材料的英語，想不到吃碗麵也能增值自己。車仔麵最低消費是43元的三餸一麵，每個麵都附送青菜數株。記得雜誌曾報道過「永年士多」的秘製辣汁，所以筆者也點了細辣來一試這個聞名辣汁。車仔麵餸選擇太多，筆者唯有看着餐牌上的永年推介而點。豬腸經滷製，吃進口有滷水香。豬紅夾起未見散掉，口感滑溜，咬開後仍見入味。蘿蔔絕對是驚喜之作，值得推介。味道沒有苦澀，咬了一口，蘿蔔汁十分清甜，頗有鮮味。流心蛋蛋黃的蛋漿，拌麵吃也是不錯。另外也按個人喜好點了紫菜，曾經有人取笑筆者，吃車仔麵點紫菜是蝕本貨。但在「永年士多」便沒有了這個想法，因為紫菜份量實在非常多：若以鋪平一匙羹的份量來計，足足有7-8羹呢。紫菜爽身，沒有沙，而且非常索味。加了秘製辣汁的湯底惹味，能夠

《永年士多》 #食在銅鑼灣 #90sfoodieshare_銅鑼灣📍銅鑼灣謝斐道482號信諾環球保險中心地下7-9號舖-永年間唔中都會食下 平時排長龍lunch hour都唔夠時間食 今次晏左食lunch 2點零行到過去唔洗等位 正！🔹大碗麵 $67平時我都係嗌三餸麵 不過今日特別肚餓就試下大碗麵 有成十款配料 有d我都未食過包括：豬腸、雞翼、蘿蔔、豬紅、豬皮、雞翼尖、魷魚、紅腸、魚旦、菜芯頭4樣我平時都會都會食，但豬皮又幾有驚喜 淋得黎又夠味 仲有小小辣，應該會成為我嘅新寵！ 另外魷魚都幾爽口，比起大魚旦 我更加鐘意呢款 不過如果有辣魚蛋就更好。呢個份量真係超級多 相信一般男士食都夠飽 我就飽到郁唔到啦直頭🔹樽仔奶茶 $17/跟餐永年的茶底我一向都好鍾意 今次試埋佢的樽仔奶茶 果然有茶味亦夠滑 而且無冰唔會變淡 唔錯✏️通常我都係嗌中辣 不過未食過又唔太食得辣嘅可以由小辣試起～

元朗永年殺出咗市區有啲耐冇食永年 咁就去食懷念下佢嘅味道元朗總店去過 咁更加要試吓其他分店係咪一樣啦 開起啲旺區真係方便幾時想食都去到銅鑼灣分店嘅雖然舖頭細細 但感覺幾舒服 乾淨企理 鋪頭都幾光猛今日食嘅餸有豬皮、豬腸、韮菜餃、蘿白、溫泉蛋 配油麵（小辣）呢幾個餸入面有幾個係經典菜式 每次黎都會叫依幾個餸 再三回味下車仔麵跟油麵係絕配係正宗車仔麵😋豬皮 吸哂湯嘅精華而且仲爽爽地豬腸滷得好入味 軟棉棉 洗得好乾淨冇騷味韮菜餃足料 菜肉比例各佔一半蘿蔔鮮甜 冇渣 仲要夠淋身溫泉蛋個蛋汁仲流緊出黎 正另外個湯底唔錯 清清甜甜 加埋啲永年招牌辣汁更加惹味 令我愈食愈開胃😋🤤另外仲加左支樽裝奶茶香滑 茶同奶嘅比例岩岩好 有奶嘅滑 同茶嘅香濃而且甜度岩岩好

今日同男朋友去咗銅鑼灣行街，因為時間唔係好多，見到有間車仔麵，就諗住入去快食一下😁三餸一麵$43，銅鑼灣黎講唔算貴，餸菜選擇都幾多，辣嘅程度都有得揀👍男朋友叫咗個大碗面，大碗面有10個餸都只係$67，好抵食😊買完之後就等叫號，好快，幾分鐘就到😁三餸叫咗芝士腸，韭菜餃同蟹子丸，佢每碗麵都跟左幾條菜。韭菜餃入面好足料好多韭菜，吸左啲湯幾好味😊不得不提佢個辣汁真係好好食，又香又辣，建議如果食得辣嘅朋友真係要試吓。佢個辣汁應該真係招牌，佢有得另外加$8要一碟辣汁👍👍之後係男朋友嘅大碗面，好少地方有得食嘅陳皮魚蛋，實的的嘅魚蛋入晒味，特別有香港特色🥳豬腸洗得好乾淨，完全沒有臭味食車仔麵梗係要配返杯凍飲啦，叫咗杯椰汁紅豆冰，甜甜地配辣辣地嘅車仔麵都幾夾，夏天飲就更加正

星期六約咗媽咪食lunch，之前同同事喺銅鑼灣食過永年覺得唔錯，呢日一於帶媽咪試下，食車仔麵既方便又快捷，總有幾款餸啱心水嘅👍🏻聽同事講永年嚟自元朗，佢由讀書食到而家，自從搬出咗元朗就少食咗好多，但而家尖沙咀同銅鑼灣都有分店，想食就easy好多。裝修簡約，光線充足，望落乾淨企理。✨三餸米粉豬血，牛筋，魚皮餃，米粉- 豬血好滑好入味，每次嚟都一定要點！- 牛筋炆得好軟腍，入口鬆化亦不失彈性。- 魚皮餃外皮爽口，浸咗佢個湯特別好食。- 湯底唔油膩，濃味得嚟略帶清甜。✨聚十寶大碗河粉叫個聚十寶同媽咪share，等佢可以試多幾款餸😋十寶入面有啲咩 : 豬腸，豬紅，豬皮，魚旦，蘿蔔，雞翼，雞翼尖，魷魚，紅腸，菜我想講！呢到真係每一款餸都好入味好好食！特別係豬腸！處理得乾淨唔會騷，滷得入味！豬皮，雞翼，雞翼尖同樣處理乾淨，冇毛，食落好香滷水味得黎帶點甜。魚旦係細細粒彈牙陳皮魚旦。蘿蔔大大舊，清甜又冇渣！魷魚爽脆！✨斑蘭咖央多士多士外層烘得金黃脆脆，內裡保持軟熟，口感綿綿，斑蘭咖央醬甜度適中好味！✨熱檸茶荼底夠濃又唔澀！

永年士多係元朗人年一定食過既車仔麵。估唔到竟然衝出元朗,而家連銅鑼灣都有分店!!!今日都係行過先知原來銅鑼灣有,所以二話不說就決定入去試下haha~ 入面唔算太大,坐既地方比一般車仔麵檔舒服~而且十分光猛,十分欣賞佢地既電子餐牌,非常清晰,亦都一睇就見倒佢地出名既小食~一場黎到,梗係要試下佢地出名既食送。最出名既豬腸果然係名名不虛傳,口感方而非常香口,而且沒有原本豬腸的臭味,反而有一陣陣豬脂肪的香味,十分邪惡~👍🏻 至於其他食送則只係不過不失,😐😐😐性價比也沒有豬腸那麼高,😐😐😐但也吃得出是用心經營的,不會給客人吃一些爛貨。😆 另一樣值得欣賞係個紅豆奶茶, 奶茶與紅豆真是perfect match!因為永年士多的奶茶不是太甜,所以配上紅豆的甜和豆香,令到整杯飲品也很好味。

平時很少去食車仔麵，因為Honey 唔好車仔麵，佢寧願去食日本拉麵或雲南米線，都唔會陪我去食車仔麵。今晚好難得佢撇甩我，咁我就可以去食喇。一個人去咗銅鑼灣，都知呢間好旺場，不過，我都唔介意排隊食。排隊期間，仲可以睇住個大mon上面個菜單，爭取時間諗定食咩，到落單買飛時唔使嘥時間。買完飛就等叫number，同埋去搵位。客人實在很多，一位難求。等咗三四分鐘就有嘢食。服務員見可搵唔到位就幫我叫其他客人執開啲嘢讓番個位出來，真係好好人，好感動。【凍柚子檸水】天氣轉熱了，行街行得兩行都會出汗，來一杯冰凍柚子檸水，真係及時雨。檸檬底夠清新，柚子帶有甘甜味，這個配搭幾唔錯，加上有碎冰，飲起上嚟可以咬下，非常爽快!【大碗麵】難得來食車仔麵，所以貪心少少，來一碗有十款餸的【大碗麵】。麵底要了粗麵，要了少辣。啲秘製辣汁真係唔講得笑，少辣都已經好辣，不過呢個辣度係難不到我，只感到非常惹味。食嘅時候，好似玩尋寶遊戲咁，食極啲餸都仲有，豬腸、魚蛋、豬紅、豬皮、蘿蔔、雞翼尖、雞翼、魷魚、紅腸、菜芯不停地出現。十樣餸要來個打分的話，我會俾豬腸最高分，入味，腍、爽，正! 魚蛋、豬紅、蘿蔔都唔錯，至於魷魚就失色一點，雖

簇新的裝修，排到出街的人龍，自己本身唔好車仔面，但D朋友成日講起永年，知道佢出名係奶茶，好多人專登楂車入元朗食，咁啱在老銅開左，忍唔住都去食返碗。五餸一米 $59，米粉都幾好食，算軟身，米粉吸收左湯味，食落唔會好齋。韮菜餃的餃皮接口位亦唔特別硬，做得好🖒；韮菜好香，加埋尐調左味的肉，好食！紫菜爽口得嚟又唔會食橡筋咁，吸左湯味，都唔錯。雞翼唔算好特別，中規中矩。冬菇都算炆得夠腍，size 亦啱啱好，一啖一隻，一份有4隻，價格合理。貢丸好好食😍😍，咬開有肉汁、有冬菇味，口感又夠彈牙，全碗最 like 呢樣腐乳生菜 $25，生菜爽口，腐乳夠味夠多，食到最後一片都仲有醬可以點。抹菜紅豆冰，跟餐加$15，綠茶味夠濃，紅豆份量亦唔少，味道不錯。車仔麵有宇冶飲，算係突破 🖒在銅鑼灣，茶記隨時都7、80蚊，好多時仲要唔好食；永年呢有$43連飲品的套餐，對普羅大眾打工仔嚟講，真係福音，功德無量！

聽講元朗有間好出名既車仔麵，今日路過銅鑼灣先到開咗分店，終於試到啦🤩呢度係自助形式，一入門口就係收銀，先落單，等叫號再去取餐因為好肚餓，點咗5個餸，諗住試多啲吖嘛揀咗豬紅，蘿蔔、流心蛋、冬菇、墨丸 加米粉見到餐廳招牌推介辣汁，明明本身唔食辣但都叫咗個微辣試試落單個時本來想叫凍奶茶，但店員推介我可以試樽仔奶茶估唔到呢度都係樽仔奶茶，即刻改點呢個試一試!!講返野食先好耐無食過豬紅，呢度既豬紅好入味好味，係必點之選!!蘿蔔，無筋，偏甜，愛超甜蘿蔔既呢度啱你流心蛋 我好後期先食，本來仲驚食個時已經無咗流心效果，估唔到仲有流心，好味!冬菇 呢度既冬菇除咗入味，分量都唔小，唔係比蚊型咁細個啲你墨丸 唔會得粉，有咬口，但相對其他餸欠缺特色呢度辣汁算係香辣，平時唔係好食辣既我點微辣)(覺得都幾辣，但勁香，下次食都要點辣! 總體呢講，呢間係高質車仔麵，再次黎要再試其他餸