永年士多 (寶城洋樓)

营业中

休息中

其實麵包超人不用奇怪為何一直無人寫永年，理由很簡單，無人講已經平均要排三十分鐘，寫了食評，吸引更多人，可能要排一個鐘，識途老馬都不希望排餐死，不過好係應該公告天下！這裡很多食物味道都不錯，最喜歡吃豬腸，雞翼，豬紅，最不能錯過是它的辣汁，嗜辣者必定一食難忘，講起都想食。

永年既車仔麵真係好正,豬腸同魚旦好好味,係我既至愛.另外,腸粉都好正好滑,唔會漿住漿住咁.

味道係唔錯o既，都幾多人排隊。個人覺得依間車仔麵最大o既特色，唔係味道，唔係人龍，而係辣汁...　初時唔知依度o既辣汁咁辣，仲好威叫左大辣，於是食到就快喊咁，好狼狽丫...　不過依家夏天大熱天時，應該會少去食lu~　

好想講呢間車仔麵好耐. 但搵唔到有地方可以post,所以不了了之. 而家有人講就正. 由未搬入元朗區就食到而家搬入元朗區, 永年簡直是我在元朗食lunch的首選, 排隊都值.好味既有大腸,豬紅,雞翼&翼尖,蘿蔔,魚蛋,但最好味係佢d辣汁,辣到暈, 我咁食得辣,都係落中辣,辣中帶甘, 好好味,又唔貴.好多餸都係30有找, 飲埋野先係3x蚊.仲有哥哥仔好好人, 成日送d餸俾人試.唔食麵, 可以試車仔腸粉, d腸粉都好好味.想起就想食, 一於星期六就去.

之前一直都想讚呢間車仔麵,但因呢間車仔麵無系open rice register, 呢間車仔麵相當之厲害,下午3-4點仍見到一條長龍,必食系佢既蘿蔔同大腸,記住加埋佢既辣汁一齊食喎!

一間在元朗都幾出名的車仔麵，竟然沒有人post 過，真係幾奇怪。星期日約了朋友晚上去元朗食飯，見很久也沒有去永年了，當日就早d入去食返碗車仔麵。未到門口，已看到長長的人龍，辣椒女先去找位，而我就排隊等；差不多等了一小時才排到，真係想不到。我們叫了一碗(豬紅、魚蛋、蘿蔔、幼麵)和(豬腸、蘿蔔、豬皮、通菜、幼麵)。這裡的豬紅、豬腸、蘿蔔和豬皮都做得很出色，通菜也很新鮮，幼麵就比較一般。我就比較喜歡油麵，但因怕晚上食不下，所以...。這裡沒有什麼服務可言，環境又不大好，只有食物好味。