永年士多 (寶城洋樓)

营业中

休息中

永年簡直係元朗市嘅一個傳奇。佢賣嘅只係好普通嘅車仔麵，但係慕名而來嘅人絡繹不絕，未到十二點半開門營業時間，舖外已經大排長龍。我同我啲同事貪過癮，上星期五走去排隊，睇吓呢度啲車仔麵有乜特別。我叫咗豬腸、冬菇、韮菜餃配油麵小辣，連埋嘢飲一共廿五蚊。豬腸毫無疑問係幾香，因為啲腸夠肥，不過呢啲唔係間舖嘅功勞，只要揀料好，任何人都可以煮得好食。油麵浸得太淋，筷子一夾就斷。值得一提嘅係佢啲辣醬，真係好辣，筆者都食得吓辣，但少少份量已經食到我滿頭大汗，唔食得辣嘅咪呈英雄。整體嚟講又係一間得益於人云亦云嘅食肆。