水門雞飯 (豉油街)

营业中

休息中

💛滿滿的東南亞風味，宜家喺旺角都感受到🌬新裝修好好坐，尤其有好多一人位，自己來食都唔會尷尬！水門三寶雞飯（$62）有齊海南雞、炸雞同埋雞雜，仲有好好食嘅油飯，一次過滿足你三個願望！另外都好鍾意佢哋嘅醬汁同湯。推介泰式腩仔（$48），唔會太肥之餘個汁仲好惹味✨仲燒得好香口！最後梗係要叫個芒果糯米飯同埋芒果冰！啲芒果超級甜呀🥭芒果冰唔會太甜，大大杯好解渴，沙冰幼細易入口。芒果糯米飯加入椰奶同埋脆粒，仲大大碟添！

𝙩𝙝𝙚𝙞𝙧 𝙨𝙞𝙜𝙣𝙖𝙩𝙪𝙧𝙚 𝙘𝙝𝙞𝙘𝙠𝙚𝙣 𝙧𝙞𝙘𝙚 𝙬𝙞𝙡𝙡 𝙣𝙚𝙫𝙚𝙧 𝙙𝙞𝙨𝙖𝙥𝙥𝙤𝙞𝙣𝙩 𝙮𝙤𝙪! 𝙩𝙝𝙚 𝙘𝙝𝙞𝙘𝙠𝙚𝙣 𝙞𝙨 𝙘𝙤𝙤𝙠𝙚𝙙 𝙟𝙪𝙨𝙩 𝙖𝙗𝙤𝙪𝙩 𝙧𝙞𝙜𝙝𝙩👌🏽 𝙥𝙞𝙚𝙘𝙚𝙨 𝙖𝙧𝙚 𝙡𝙚𝙖𝙣 𝙮𝙚𝙩 𝙩𝙚𝙣𝙙𝙚𝙧 𝙨𝙤𝙛𝙩. 𝙩𝙝𝙚 𝙜𝙖𝙧𝙡𝙞𝙘 𝙘𝙝𝙞𝙡𝙞 𝙨𝙤𝙮 𝙨𝙖𝙪𝙘𝙚 𝙙𝙤𝙚𝙨 𝙗𝙧𝙞𝙣𝙜 𝙤𝙪𝙩 𝙩𝙝𝙚 𝙛𝙡𝙖𝙫𝙤𝙧! 𝙛𝙤𝙤𝙙 𝙞𝙨 𝙤𝙫𝙚𝙧𝙖𝙡𝙡 𝙜𝙧𝙚𝙖𝙩 𝙬𝙞𝙩𝙝 𝙨𝙪𝙥𝙚𝙧 𝙛𝙧𝙞𝙚𝙣𝙙𝙡𝙮 𝙥𝙧𝙞𝙘𝙚𝙨. 𝙬𝙤𝙧𝙩𝙝 𝙖 𝙫𝙞𝙨𝙞𝙩 𝙛𝙤𝙧 𝙩𝙝𝙤𝙨𝙚 𝙬𝙝𝙤 𝙖𝙧𝙚 𝙤𝙣 𝙖 𝙩𝙞𝙜𝙝𝙩 𝙗𝙪𝙙𝙜𝙚𝙩 𝙨𝙞𝙣𝙘𝙚 𝙢𝙤𝙨𝙩 𝙤𝙛 𝙩𝙝𝙚 𝙙𝙞𝙨𝙝𝙚𝙨 𝙖𝙧𝙚 𝙪𝙣𝙙𝙚𝙧 $50😝.之前一直嫌尖沙咀果間太長龍一直都冇試過，今次經過旺角新鋪見人少少即刻入去試下，入面真係勁有泰國大排檔feel！雞件嫩滑，點埋辣椒蒜頭豉油食味道夠哂濃烈正宗，油飯份量偏少但可以免費叫多飯，跟飯既冬瓜湯清得黎好重胡椒味，$52蚊黎講超抵食😍 燒腩仔外皮脆卜卜內裡多汁，配埋泰式酸辣汁開胃之餘啲油脂融係口入面超正😭 另外仲叫左生菜包、沙嗲醬烤麵包同泰式奶茶，

聽講呢間好多人排隊，d friend 又話性價比高，咁就過來試下。排左一陣隊就可以入來，流程好快。餐廳好有泰國風味，金屬做既檯檯凳凳，叉同匙羹，仲有幅篤篤壁畫。餐廳名叫水門雞飯，當然要叫水門雞飯啦。雞 OK，飯有 d 油香，撈埋個汁就幾好味。50 幾蚊，性價比超高！個湯既味有 d 濃，應該係用浸雞既水，加 d 白胡椒同冬瓜煲既，送下口幾好。個牛肉同牛丸麵。佢哋個麵唔似船麵咁濃味，加埋 d脆脆同菜頭菜尾，幾有口感，又有層次。有幾塊牛肉同牛丸，牛丸味道特別，鍾意食濃味可以試下。叫左個芥蘭苗，今日個芥蘭唔係咁靚，幸好有個醬搭救，保持水準。食泰國野，無理由唔飲泰式奶茶，20 蚊杯，比起有 d 茶餐廳 20 收一杯熱檸水，性價比高得多。總結，性價比超高！

11:56 經過見到啲人排隊等開門，想起都係時候食晏， 就跟人排下隊啦，反正即入即有位。今日叫咗雙併飯$64跟湯及飲品（洛神花茶）講到水門雞飯，我最like嘅其實係個飯同點醬， 啲雞係滑嘅不過就不及粵式切雞咁有雞味，至於炸雞就基本嘢囉。

好一段時間冇食水門雞飯，今日喺旺角見到佢開咗間新分店，即刻入去試吓。今日同上次一樣叫咗個香辣肉碎沙律，泰式腩肉，泰式炒通菜，青東陰鮮魚湯粉。可惜今次結果是失望的，食完個口非常之乾肯定係加咗好多味精，個魚湯粉淡而無味。唔同分店食物質素都好唔同。

今日用114蚊係旺角買左個芒果糯米飯（$60）同海南雞飯（$54）。但雞肉同芒果糯米飯份量少到一個點，食到一半忍唔住上黎俾個負評 唔會再試下一次。😵😵😵😵

由於上次喺尖沙咀分店食過，太回味！行過旺角又見到佢啱啱準備開張，都幾多人喺門口排隊，所以都諗住買外賣返屋企食，同上次叫嘅都係差唔多，有水門雞飯（味道正常），又叫咗炒金邊粉「可能外賣關係返到去都黐埋晒），蝦膏炒雜菜「味道正常」，燒腩肉「太乾身同有啲硬，個皮完全咬唔爛,可能焗得太耐，仲有嗌咗雞腳，味道就唔錯，攞外賣嘅時候見到堂食都有燉湯，味道好似唔錯同賣相到好OK，有機會下次去堂食要試吓先！不過可能都係新開張所以等得到比較耐！