影片
营业时间
今日营业
12:00 - 23:00
星期一至日
12:00 - 23:00
*Last order：22:30
以上资料只供参考，请与餐厅确认详情
相关文章
同朋友喺旺角打完波，想揾间抵食又好味嘅餐厅，所以我带咗朋友去食水门鸡饭。每人$120已经有齐鸡饭、小食、菜同饮品，泰国过江龙嚟讲绝对系抵食！⭐水门鸡饭⭐水门双拼炸鸡饭每次嚟呢间都一定点鸡饭，因为钟意佢油饭够香，鸡肉够滑，而个酱汁辣得好过瘾，除咗点鸡，用嚟捞饭都一样咁惹味。今次第一次试佢嘅炸鸡，啲鸡炸得唔会过哂火喉，外面几脆，而入面唔会干，仲有另一碟汁系配炸鸡。职员留意到啲汁食哂就会主动refill，服务态度几唔错。⭐泰式烧腩仔卖相望落有啲似猪颈肉，但其实系腩肉，不过同港式烧肉唔同，泰式系会烧到四边都脆。⭐香辣牛舌牛舌淋得嚟够入味，辣度刚刚好，送饭一流。⭐泰式炒通菜通菜份量都多，适合两个人share，呢碟有好多蒜蓉同面豉，所以炒得好香。⭐洛神花茶⭐冻泰式奶茶泰式奶茶茶味够浓，唔算太甜，同出名果间泰奶茶饮店差唔多。宜家晚市做紧优惠，可以优惠价追加小食同饮品，仲有个新出嘅A5和牛泰式船粉，下次嚟再试。
继续阅读
旺角水门鸡饭，经济海南鸡饭，肉质先嫩好味，鸡油饭好味，仲会送上一碗冬瓜汤，我超钟意玩冬瓜汤超好味，仲有其他小食都好吸引，天口热最好加多杯芒果沙冰或者菠萝沙冰，咁就perfect喇！
继续阅读
好耐冇食海南鸡饭，今日黎度旺角嘅水门鸡饭试下。下午荼时段都仲系人头涌涌。水门双拼鸡饭，有海南鸡同炸鸡，一次满足2个愿望。海南鸡非常嫩滑，炸鸡依然保留住肉汁，油饭粒粒都咁香。叫咗唔少小食串烧过下口瘾。依个烧腩仔好香口，介乎烧同炸中间，肥瘦均匀。串烧有鸡肉、猪肉、鱿鱼，仲有新推出嘅香草猪肉肠，每款嘅调味都非常搭配，而且烤得好入味，最中意鱿鱼，仲要系原只添。烤面包几搞笑叫咗黎试，配咗沙嗲酱，居然系外脆内软， 有惊喜。
继续阅读
今次带大家去咗一间超有泰国风情嘅餐厅🇹🇭✨ 晏昼时间嚟到，果然人气爆灯，要大排长龙，佢哋有午市套餐都好抵食。### **🐮🍜 牛肉汤牛丸生牛肉汤米｜双重牛肉の暴击！** 一上枱就俾个香气攻陷！汤底用牛骨去熬，浓郁得嚟带少少甜味，仲有香茅、柠檬叶嘅清香～🌿 生牛肉片粉嫩嫩，用热汤淋到半熟，嫩滑到入口即化！牛丸弹牙到可以打乒乓球🏓，咬落仲有肉汁爆出嚟～米粉索晒汤汁，酸辣度啱啱好，加埋豆芽、九层塔同青柠汁，清新又开胃！😍 **🌶️ 辣度小贴士**：店员会比辣椒粉，可以自己加适当嘅辣度！💃 ### **🧊🍹 冻龙眼水｜透心凉の甜蜜救赎** 食完辣嘢当然要饮返杯冻饮啦！呢杯龙眼水清甜到不得了～💛 居然有埋龙眼肉增加口感，饮落冰凉解辣，简直系泰国嘅夏日风情！❄️ 最正系甜度适中，唔会太腻，饮完成个人都refresh晒～ #泰国菜 #香港美食 #少女食评 #打卡餐厅 #酸辣控
继续阅读
今日去旺角行街，天气热想食啲开胃嘅菜式，于是就拣咗呢一间好多人推介嘅水门鸡饭去到嘅时候见到坐满晒人，证明呢间舖头唔会中伏坐低之后我哋就睇吓有咩啱心水既然呢间招牌菜系鸡饭，我哋点都要点返招牌水门鸡饭，加$10转鸡髀，价钱合理，另外见佢有新产品生酮系列，又几新奇我哋又点咗一个椰菜花鸡饭试吓另外点左串烧同脆炸鸡翼，饮品方面梗系要饮椰青啦smileheart QR code落单之后，出餐速度非常之快招牌水门鸡饭，分量好多，我哋已经叫咗少饭招牌菜水门鸡饭，果然冇令我失望，鸡肉非常之嫩滑，鸡皮好薄，中间完全唔会有肥油，食落完全冇罪恶咁，绝对系水准之作wow跟餐有一个汤，胡椒味好重，好啱我口味之后上嘅生酮系列，鸡嘅份量会比水门鸡饭餐少，但胜在店家落足咗心机比唔同嘅顾客提供更多选择like，相信一般嘅舖头都未必会有呢个用心，好值得欣赏，好适合OL同想健康啲嘅食客
我哋仲叫咗两串鸡肉一串猪肉，两款都腌得好入味，可以配沙嗲酱或者青瓜酸酱一齐食，两款酱料都好夹好惹味，啖啖肉好满足脆炸鸡翼，更加冇得顶，炸到外脆内嫩，食到停唔到口食串烧炸鸡翼点少得椰青清甜好味又唔贵，点到要嚟返一个仲有其他粉面类，下次嚟到要试吓先得
继续阅读