殿 大喜屋

营业中

休息中

細佬下個月要去外國培訓一段日子，今晚兩姊弟出街食餐好；細佬一向都鍾情任飲任食既日式放題，我地選擇左尖沙咀依間殿堂級放題。 -環境方面，地方果然夠「殿」，餐廳舒適寬敞，有好多大大小小的沙發卡位。而且餐單改用了QR code 落單，環保之餘又可以方便睇番自己order 了的食物，免重覆浪費。食物款式選擇多，外面還有沙律熟食自助區。-飲品選擇亦都冇得輸，除咗大雪櫃各式飲品，連酒精飲品如梅酒、凍熱清酒、紅白酒、鮮橙汁、咖啡茶熱茶等。同細佬傾心事，當然要飲酒暢談啦。-刺身賣相相當吸睛，每款刺身都整齊地在冰盤排列著，視覺及味覺都大滿足。 刺身款色選擇到多，例如拖羅、鮮帶子、赤貝、甜蝦等等。百吃不厭的刺身，賣相色澤鮮美。赤貝大片又爽甜；甜蝦有光澤透亮味甜。Encore 了幾round 呢。-壽司的款式亦有心思，例如：千層海膽杯；指定時段的海膽手卷，橘黃色的海膽鮮甜。另外黑松露油甘玫瑰、火炙左口魚也是最愛，魚香味濃。-炸物也很出色！食了好幾隻芝麻雞翼！即叫即製，皮脆得很！ 仲有大大塊香口薯格！-其他料理如：鮑魚花膠黃金翅有多麼大片的花膠！原粒鮑魚😍正！-最後甜品、雪糕種類選擇亦多不勝數，少數有放題店咁

星期三放工之後約咗個朋友去食放題，噉我哋食之前就係open rice度睇下有邊間好食啦，跟住就睇到有間尖沙咀嘅，噉見到佢嗰個環境唔錯，噉於是就去食下喇。一入到去裏邊個環境好大好寬敞嘅，噉因爲我哋早收工，六點幾收工，所以去到唔係話好多人嘅。但過咗一陣七點幾左右，哩間餐廳都坐到七七八八喇。我發覺香港人真係好鍾意食放題喎。星期三都咁多人嚟食。一入坐我哋點咗好多嘢啊，刺身，串燒，蝦，蟹等等。我覺得個串燒蝦比別家嘅放題大隻少少，我一點就點咗四串，全部食曬之後，再點多3串來食。另外我食左個雪糕啊，我唔記得左個牌子，但係我攞咗朱古力味，杯雪糕有雙重朱古力味，都幾特別。埋單300元左右啦。今日食咗一餐滿足嘅放題。

朋友推介這間吾錯就話下次帶我來，今日來到好早食六點未多人，我地坐下都位置好大又舒服，而這裡用QR CODE叫食物都幾方便又慳返不少紙張，叫完我就就出去拿熱食，飲品仲有紅白酒都多選擇。出面有熱食，冬菇夠厚身，魚蛋夠辣。細細杯的千層海膽杯原來入面都有不少料，有海膽之餘仲有魚腩蓉，啖啖鮮甜。海膽手卷和三文魚手卷，有限定時間可以出去取，今次每款要了一個，夠新鮮又好味，份量岩岩好。柚子胡椒和牛燒，蒜片不少夾牛肉一齊加醬汁好味道。之後叫了必叫的一口甜蕃薯吾太油不錯又脆口。 沒想到這裡有麻辣酸菜魚鍋，魚都幾嫩滑又夠辣。湯就要了海南椰子雞湯都幾清甜。蒲燒鰻魚勁厚肉。朋友都讚好的北海道燒帆立貝，醬汁好味而帆立貝都幾大粒。串燒海蝦，都幾新鮮。微溫的天婦羅蝦，南瓜，油份不多又脆口而且入面的食物都幾新鮮。最後我地再出去拿了甜品馬卡龍，咖啡凍，朱古力蛋糕，甜度適中而且都幾濃味好味道。食到中段開始多人差不多全滿座，好彩今日早到。

食物跟極尚大喜屋差不多 比極尚差左啲但係價錢就貴左啲 所以殿 大喜屋同極尚比係差左少少嘅 不過啲雪糕係高質 回到本🤙🏻9點3去都有優惠嘅 不過都唔係話好優惠 不過都值得一試

呢間放題以殿為名， 喻意食物都比一般放題高質，今次就陪一個幾年無食放題既朋友去嘆一下…刺身部分唔差，平時放題餐廳第一轉無論你點乜點幾多，都會先上一大盤刺身比你，呢間就好好，跟單出食物，甘就唔會浪費太多，都唔會比刺身食飽個胃先…三文魚，甜蝦，北寄貝都好新鮮，長腳蟹有滿滿既海水，所以比較咸海膽千層杯的確唔錯扇貝醬汁略多，但味道不錯，而且熱辣辣最正係呢個即整既海膽手卷，脆卜卜既紫菜 ，大大啖既海膽必定要食…烤物全部跟單數量熱辣辣上台，但略為過左火，燶得濟，所以無影相，唯獨燒菠蘿，鰻魚係正既仲有大量甜品，不同牌子嘅雪糕，飲品選擇多，紅白酒，梅酒清酒都有…服務生全程黑面無笑容，好似得罪佢甘…

看一室高貴的擺設和高樓底水晶吊燈，大家是否以為車媽媽在吃Fine Dining是嗎？ 但其實我這天是到我最愛的放題店殿 大喜屋日本料理吃晚餐，說到放題車媽媽幾乎吃勻港九新界的店子，皆因車爸爸天生有黑洞的胃口，所以吃放題是最佳的選擇！這兒收費為星期一至三(公眾假期前夕及當日除外）成人＄308、小童＄178(任吃兩小時)，其它日子也只是成人加多＄20位！ 大喜屋從來都是我吃放題的首選所有分店也品嚐過，見著它越開越多越發精彩，如這夜的殿大喜屋便是俱質素的放題店，餐廳內有自助區放有炆冬菇、炒烏冬、芝士番茄肉丸、瑞士雞翼、辣魚蛋、炸物和前菜等等！ 另外還有藥膳雞腳湯味道十分香濃亦好好味道不客錯過啊！ 另一邊廂有多款沙律、泡菜、漬物、水果、煙鴨胸等豐富自選前菜，最合我這些減肥人仕慢慢揀健康的食物！ 往前走有貼心的熱飲櫃！內有罐裝烏龍茶、菊花茶、咖啡，和紙包裝的檸檬茶、維他奶和竹蔗茅根！！不愛熱飲另有自助的果汁供應！ 再者更有龐大的雪櫃供應各式各樣的飲品！款式多得令人咋舌！！ 另有熱水、茶包、咖啡機，真係未吃先飲飽哈哈哈........ 而甜品生果等則放在衛

朋友生日專登同佢再佢喜歡的殿食放題，今日去到都吾少人已經食緊，當然即時叫野食再出去拿飲品和熱食啦，首先我們一齊去拿海膽手卷，都幾鮮甜又大片。牛油果軟殼蟹卷，牛油果都幾香細細件一口岩晒。我最愛的芥辣八爪魚軍艦，夠芥苿味又惹味，紫菜夠脆口。之前另外的壽司皇帝蟹棒和鰻魚，燒得不錯帶微溫。朋友最愛的海鹽燒左口魚邊壽司，少少咸再加魚香好味道。不久刺身盤就來到，赤貝，北海道帶子，赤蝦，甜蝦刺身，好鮮甜又新鮮，唔錯。出面都有唔同的食物，其中有款藥膳雞腳仲可以當湯，幾清點中藥香都幾特別。 燒物到了，川燒秋葵，帶微辣又香口，鹽燒雞翼和牛舌加上檸檬汁再惹味點又有肉汁。原來是熱的海燕窩椰汁燉木瓜，木瓜好甜而椰汁幾香又足料。和牛燒牛汁勁多好味再叫了一,次。當然仲有我最愛的溫室燒菠蘿，沒想到甜又多汁，最後食了五件添。食完咁多壽司就叫左碗熱嘢，牛肉湯烏冬，烏冬都幾滑，牛肉正常都可以，再加多個超甜甜粟米。最尾就食期間限定的甜品雪糕食飽飽離開。

復活節有四日假可以慢慢嘆，平時一直都好想食放題，但係到到都要等好耐位，今次就醒目啦，預先book定枱，橫掂第二日都唔使返工，食夜場都好方便，而且仲平啲添就算係夜場，都有好多人食，出面有飲品、前菜、小食、甜品同雪糕雪條都係自己拎呢度仲出咗電子落單系統，咁就可以既方便又環保而且仲可以減少漏單嘅情況添。係我哋等緊嘢食嘅時候，我哋就出去拎左少少飲品同小食食住等，過咗冇幾耐就開始呀有嘢食上喇呢度有我最愛食嘅油甘魚同拖羅，第一輪我哋叫咗少少睇下新唔新鮮先，刺身每一件都係厚切，好有口感而且非常新鮮，我最愛食嘅油甘魚就有好香魚油味，非常鮮甜。壽司方面我比較鍾意食火焰系列，款式選擇多，值得一讚嘅係呢度嘅壽司飯細細舊，咁就唔會非常飽肚又可以食到好多款唔同嘅壽司，我叫嘅呢四款都非常之好味，特別係火炙左口魚，有入口即溶嘅感覺，油香豐富，芝士帝王蟹壽司啖啖肉。我哋仲出去拎咗海膽手卷，製作一啲都唔馬虎，係即做，海膽非常之鮮甜而且非常之足料，口感非常幼滑。開始到咗食熟食嘅時候喇，我地點左燒雞翼同燒牛舌，雞翼燒得外脆內亂，仲可以保留肉汁，食之前加上少少檸檬汁，咁樣就會更加滋味燒牛舌外面有少少黑椒，識落有少少辣味都幾惹

好耐無食放題，對上一次係食極尚大喜屋，殿大喜屋因爲價錢比較貴所以一直都未嘗試，不過一直以黎都知評價唔錯，禁岩出完糧，就決定慰勞自己食好啲！相比一般嘅放題店，呢度環境好高雅、企理，而且唔會好逼狹，卡位闊落，坐得好舒適。呢間放題比較特別，大堂仲有自助沙津吧同小食吧，有薯格、炸餃、湯、蒸魚、扒菇，味道都幾好，可以食小小開定胃先🤣深圳好多餐廳已經採用手機落單，估唔到放題店都引入左呢個技術，好先進又方便！食物方面，有幾款自己特別鐘意，仲食左幾round添！卷物呢度嘅壽司都係細細件，唔使驚好快就食濟😀吉列炸蝦卷外面有芝士、沙津醬，包住香脆既吉列蝦，一啖過口感超豐富，好好味！而牛油果芝士卷都唔錯，中間係cream cheese，香滑濃郁。壽司壽司飯係微暖，個人更鐘意帶有少少熱度既壽司👍🏻皇帝蟹棒壽司真係好正！略略燒過所以食落更加香，配埋芝士同沙津醬真係一流！花之戀壽司上面仲有燕窩添，好高質！燒蝦咸焦香十足，食唔停！鐵板和牛和牛未熟透，食落十分juicy，而且牛味好濃，入口軟嫩，口感好好，表面更有蒜片，提昇層次🤤🤤椰子雞湯雞湯味道好清甜，唔會好油膩，而且細細碗湯但十分足料，仲有花膠添！蟹粥蟹粥唔係得粥

大喜屋集團既放題店只食過極尚大喜屋，印象中質素都唔錯，每次經過尖沙咀都見到大排長龍，而呢間殿大喜屋應該係極尚大喜屋嘅再upgrade版，食材再高貴少少，更加吸引我，於是就揀左黎呢度食放題。呢度嘅裝修真係有別於一般嘅放題店，好華麗、雅致，好似去左高級嘅中餐廳。而落單方面採用電子化形式，掃碼下單，呢個方法我幾欣賞，好方便又減少漏單問題👍🏻除左要自己落單嘅嘢食之外，大堂仲有自助沙律吧同埋小食吧，款式都幾多。小食吧仲有蒸魚同藥膳雞腳湯👍🏻更估唔到嘅事放題都有紅白酒同梅酒供應，感覺級數即時提升🥰！ 以下既食物都係個人好推薦。《刺身》基本嘅放題刺身都有齊，質素唔錯，都算新鮮，拖羅雖然唔及得單點禁高質，但油脂都好豐富，而且都有係口慢慢化開嘅感覺👍🏻《北海道帆立貝》帆立貝上有蟹子、芝士同千島醬，焗至金黃色，味道豐富好惹味，食左幾round!不過就比較漏。《蜜椒一口牛柳粒》呢個真係好好味，甜甜地又有黑椒香，而且牛柳粒好軟嫩入味，必食！《牛舌》超爽口又夠稔，放題都食到呢個質素真係好有驚喜，同好多出面嘅串燒店有得揮！encore再encore!《極品海鮮炒飯》無咩期望之下又係好有驚喜！炒得粒粒分明，飯粒

上次因為打風無機會食，終於今天周末假期約到親戚一齊晚上食放題，五點半開始，早在五點十分到達攞定飛入座，是日食兩小時有八五折優惠，算低食。原來無用紙仔落單，無紙化，用客人的手機微信落單，真係快捷方便，服務員工作效率非常高，話咁快手機落單不到十分鐘有得食。我們先點了刺身，期間各人都到出面攞飲品，有凍熱清酒、紅白酒，藥膳雞腳湯，清酒夠凍，湯夠熱，好多料、有龍眼肉丶鷄腳、紅棗、紀子等，好滋補益氣，味道淸甜。出面有其他飲料zero、茘枝玉露等。刺身帶子鮮甜、吞拿魚腩好夠凍肉質嫩滑、三文魚挪威來的可以放心食，鮮甜，油甘魚和池魚都好新鮮，無腥味，鮮嫩肥美，每次都點三次。花膠鮑魚好味，每客有兩件鮑魚，好容易飽，煙靱，有咬口，花蓮花膠好滑夠𣺉，又係好容易飽，吃過就算了，唔會Encore。熱食炸物、串燒如炸榴連，齒夾流香，炸吉列蠔，外皮酥脆，蠔肉好滑配秘製醬汁，好好味，真係一啲都唔馬虎。牛舌、秋葵串燒、燒波蘿都好味，串燒好處無咁油膩。蟹粥和咖哩蟹味道一般。推介海膽手卷，好甘香清甜，非常好味，唔腥，排隊每次攞兩件，手卷師傅好快手，十五分鐘好快清倉，再等下一輪。甜品有不同品牌的，吃了哈根牌茉莉花石榴紅梅味雪糕

殿大喜屋🍣日式放題.上年去殿大喜屋非常驚喜又滿意，所以心思思要再去😻首先當然要嗌刺身拼盤，拖羅、三文魚、松葉蟹腳、北寄貝、赤貝、帶子、油甘魚、池魚、甜蝦、赤海蝦😍😍😍一大盤刺身先滿足啊！上年最記得係拖羅，真心係大拖羅脂肪含量高而且入口即溶🤤可惜今次水準不大如前😭面頭幾件係睇得下，但食落已經知道唔肥美，而且用左掩眼法舖底底既質素好差！之後再淨係encore拖羅都係比啲一般貨色....出面排隊任拎既✨海膽手卷✨則無令人失望🤤依然出手好闊綽，入口甘甜，建議唔洗急住出去排因為再後期拎既海膽更加冰凍新鮮❗️.仲有挺有gimmick既千層海膽杯&鵝肝帶子香芒一口飯，水準正常勝在賣相唔錯！🉐柚子胡椒和牛&鹽燒三文魚腩壽司🍣就好食，滿有油香！有一款蒜麵豉炒虎蝦配啤酒啫喱🍤，賣相精緻整到中式高檔酒樓咁👍🏻吉品鮑汁燴花膠、天婦羅炸蝦等熟食不錯；黑椒蜜汁一口牛🐮黑椒汁惹味但係牛肉勁硬....🤔和牛薄燒賣相係ok以為薄切微紅好正，點知食落係零味道😂😂.最後甜品都多選擇，有各式細件蛋糕泡芙等等，不過小編主戰Haagen Dazs焦糖餅乾雪糕🍪同埋Movenpick朱古力雪糕🍫

尋晚同男友行完街途經殿既樓下，見佢唔多人排隊博下有無walk in，咁好彩比我地有位，而且7:30前閃人仲有85折，當然去食啦。野食選擇都幾多，起碼刺身有拖羅！！仲有我最愛既芥辣八爪魚軍艦，最開心有白酒同梅酒飲。總括兩個都捧住個肚仔走。

Been here twice before and guess what? Yes I’m back again!😂😂 Cuz this is the best quality all-you-can-eat restaurant at this price range👍🏻👍🏻And I prefer their hot dishes to their cold ones. Here are the things I order everytime I’m here:1. Fried cheese rice cakes: They’re seriously SO GOOD. Flowing cheesy rice cakes wrapped by crispy outer layer. So evil yet so delicious.2. Veggies pot: Mixed veggies tasted so good in the spicy broth. Very filling as well if you drink the broth too haha3. Cheese

素聞殿·大喜屋放題好評如潮，今日終於有機會前來「朝聖」！首先，餐廳選用微信/QR code下單，既方便又環保，值得一讚👍食物種類繁多，應有盡有。下單不久就有食物送到，非常有效率！刺身新鮮無雪藏味，更加無腥味。個人特別推介赤蝦，帶子，長腳蟹以及定時供應的海膽手卷。刺身鮮甜味美，味道令人念念不忘。除了刺身外，燒物、熟食質素也非常高。燒菠蘿酸酸甜甜，十分醒胃，令人食欲大增。芝士年糕濃而不膩。燒鰻魚，燒牛舌夠入味。酸辣魚鍋有點麻辣的感覺，口感過癮。除了餐單上的食物外，也有很多其他食物供客人自取。飲品、甜品櫃琳琅滿目，絕對能滿足不同口味的客人👍🏻 飲品種類都幾多，同其他放題一樣都係自取，我好中意呢罐特別版Hite，個罐又靚😍