殿 大喜屋

营业中

休息中

唔係我不孝，係母親大人居然係mother’s day當日有節目，搞到過幾日先可食飯補祝。老媽子鍾意食野但又唔食得多，見上次同同事食過過殿，所以同媽咪再來。又係同之前一樣，點過的食物都有來齊，上菜速度快，剌身又新鮮。食物bar咸甜點都夠多選擇，冷熱飲品酒類都齊全。媽咪同我最愛榴連波波，超好食。最後食埋個movenpick雪糕先走超完美。媽咪都好滿意。

又到食放題嘅時間啦，一直念念不忘都係呢間堪稱全港最強嘅放題殿大喜屋坐低左之後就可以瘋狂嗌嘢食啦，唔知幾時開始已經冇再用紙落單啦，而家係用電話Scan QR code落單嘅感覺上又環保好多，而且又冇咁易漏單，坐低左一陣就係可以攞手卷嘅時間，見到好多人都即刻行出去攞原來係勁大舊嘅海膽手卷，每次去攞都可以攞兩舊海膽絕對唔會手軟，大大嚿而且食完唔夠喉仲可以再攞添淨係呢個都已經回晒本啦，跟住仲有超正嘅刺身呢度放題係唯一有拖羅食嘅地方，仲有新鮮嘅嘅油甘魚，帶子等等全部都好好食。壽司方面都有好多唔同嘅選擇，我就食咗最正嘅火焰壽司，呢個左口魚裙邊真係好正啊熟食方面就有呢個主打嘅薄燒和牛，真係入口即溶啊當然唔少得就係好多種類嘅串燒啦好好味嘅牛舌同埋好抵食嘅大蝦仲有好多唔同嘅炸物都好好食，竟然仲有呢個鮑魚花膠添真係好高質架食到飽飽唔好唔記得食甜品啦，竟然有呢個日本版嘅雪糕，每樣都食左幾杯

嚟呢間食放題，當然最特別就係Haagen Dazs同movenpick 嘅雪糕。至於其他食物，就同其他放題差唔多。對比上次，今次多左個芝士燒半邊蝦，對於平時懶得剝蝦嘅我，當然係一種福音。但唔知點解芝士同蝦肉係分開，可能係分開整再放上去。至於最重要嘅刺身，質素都能夠維持，食落去幾新鮮，但甜蝦上面仍然有少少冰粒，但唔影響味道。另外海膽杯同手卷嘅海膽就麻麻地，話哂係放題，當然唔能夠要求質素好高，但食落去無咩味，有d失望

細胃子一向都貴精不貴多，所以對放題類不嬲唔會太雀躍🤫相反另一半就鍾意咩都試d，所以放題、自助餐係佢最愛。而大喜屋集團一向係我放題嘅首選，所以襯住520呢日就食佢嘅最愛黎tum下佢高興啦😹黃金蟹膏伴松葉蟹壽司，嚴格來講呢個配搭有d似迷你丼，賣相精緻，啖啖肉鮮甜可口✌🏻千層海膽杯小巧得黎有內涵！海膽鮮味加埋爆汁三文魚籽，非常足料🤤刺身拼盤絕對係放題唔少得嘅必點項目，完全無懼近排成日傳出日本魚生含菌嘅消息，拖羅、松葉蟹腳、北寄貝、螺肉等，仲一連嗌咗兩round😏海膽手卷完全係回本必食，侍應超好人，會提醒客人岀去排隊，海膽非常足量，相信如果喺出面食，一條手卷已經要$50🤫值得盛讚嘅係除咗日式料理👍🏻之餘，佢嘅熟食都好有驚喜！其中原隻鮑魚花膠黃金翅，真係有塊又厚又大嘅花膠扒，醬汁調味令整體味道提升。鹽燒青花魚你平時唔鍾意食魚嘅我，叫咗兩條🥳，佢燒得好香而且冇骨啖啖肉，即叫即製所以熱辣辣上枱，調味亦都啱啱好！大魚大肉梗係要叫番啲菜嚟平衡下啦，瑤柱竹笙扒西蘭花🥦亦都有驚喜！牛油燒翠玉瓜笑得清甜惹味，椰子🥥雞湯香濃美味，就好似一碗足料嘅住家湯咁夠晒滋補🤤講到滋補又點可以唔叫木瓜椰汁燉紅棗雪耳丫，呢度甜

女朋友本身唔係咁鍾意食放題，但有朋友介紹呢間殿大喜屋話有驚喜，於是女朋友半推半就咁就陪我一齊食。一入到去見到地方比起一般嘅放題寬躺，而且座位空間都好大，我哋兩個人安排左坐一張四人枱，唔似一般放題咁擺多兩碟嘢食就冇晒位。呢度嘅放題係自己掃描QR code，然後落單，咁就唔使下下都要叫侍應幫手，既簡單又快捷。原隻鮑魚花膠黃金魚翅-其實依家食放題除咗日式野，仲有好多中式燉湯之類嘅美食。呢度嘅鮑魚花膠亦做得十分出色，我同女朋友都忍唔住各食咗一碗。夾起花膠上嚟大大塊，食落充滿膠質，仲有隻鮑魚仔， 十分滿足。刺身拼盤-刺身來講都幾新鮮，難得嘅係呢度仲有拖羅食，唔怪之得朋友咁推介呢間啦。海膽手卷-雖然話係限時供應，但係我自己都拎左三轉，每件都有大大份海膽，新鮮甜美，食過你就明白點解我會拎左幾次。😋海鹽燒左口魚邊壽司-出面食都唔平架，所以嚟到放題點都要食。左口魚邊最好就係要炙燒，因為豐富既魚油燒左之後滲透落飯到，分外惹味。蒲燒鰻魚-唔好以為放題佢就會細細舊，呢度嘅鰻魚不單止肉厚大件，火候控制出色，嫩滑好味。和牛薄燒-沒有太多嘅調味料，反而食得出肉本身嘅味道，剛好五成熟左右，鮮嫩多汁。鹽燒牛舌-薄身彈牙

肚餓朋友問我想食咩我話想食燒肉啦壽司啦生果啦蛋糕啦咁冇一樣想放棄於是就去咗放題放題一係唔食 一係就食好啲寧願俾多幾十蚊質素好啲殿的確好多人但勝在地方真係好大唔洗點等就入得去出面自助吧淨係熱盤都起碼行三轉先試得哂前菜刺身同壽司店質素差唔多而且居然有得任嗌中拖羅油份好香好甘嗌4舊都夠回本牡丹蝦晶瑩通透熱食都煮得有心機而且無論刺身定熟食選擇都極多每款一啖都夠飽最感動係有得任食movenpick等平時買都要幾十蚊盒嘅雪糕口味都好齊甜品櫃其中一格要唻多次先食得哂

今天同朋友黎左呢間殿大喜屋，book左時間，一到就有位。點餐唔洗用紙，係用電話掃qr code，所以大家可以自己點自己要嘅，唔洗share睇又驚叫左啲人地唔食嘅，又環保又方便。啲野食好快就黎，同fd傾計傾左冇幾句就到。刺身都幾新鮮，正常味道，甜蝦就麻麻地，但個拖羅就好有油花，不錯！好開心佢有炸榴連，因為我真係好鐘意食，脆卜卜有流心榴連蓉。最好食係佢會即場包海膽同加洲手卷，雖然我淨係食左海膽手卷，但佢啲海膽好新鮮好甜，好食過平時起其他餐廳食好多。卷物唔會太大粒 中意佢夠精緻可以食多幾粒其他野食都係正常水準，因為我地好快食飽左，所以試唔到好多，但佢啲食物、飲品、甜品嘅種類都算ok多。環境乾淨唔算嘈吵，係個同朋友聚會嘅好地方，下次都會選擇再揀呢間食。Ps. 佢燒菠蘿燒得幾好😂其實都唔係貴 三百幾蚊任食海膽 都好既

大喜屋其他分店都試過，但一直都未試最貴的殿大喜屋。難得約到班朋友，今次就試下！星期三晚，所以唔滿座。點單用電話，夠哂環保。坐低即刻點咗盤刺身，刺身選擇多，外面少見的拖羅肥美，回本必點。刺身杯，外表精美，有創意，但味道...都係叫返刺身好過海膽手卷，即叫即製，紫菜好脆，好多海膽，但冇咩味。和牛薄燒，呢個好好食，牛味好重，再點埋汁，正鮑魚花膠煲，花膠厚身，黏口，鮑魚爽口，但味道唔重，得個咬。清酒，朋友認為唔錯私心推介椰子雞湯，好足料，幾飽都要飲多碗。其他都係一般放題的食物，就唔詳細講啦。總括而言，殿大喜屋算偏貴的放題，食物種類同味道都唔錯，但試一次就可以，下次都係揀返其他大喜屋。

都有一段時間冇食放題，同朋友慶祝生日所以就諗住食餐放題可以慢慢食同埋傾吓計，依間餐廳之前都食過幾次覺得嘢食都幾好而且坐得好舒服啲位同埋服務都好好刺身方面我哋叫咗好多款，而我自己最鍾意嘅就係帶子、油甘魚、甜蝦，其他嘅刺身都好新鮮而且上菜嘅速度亦都好快，大概5分鐘就已經有嘢食另外CP值好高嘅嘢食就係即包嘅手卷，海膽手卷應該係大部份人嘅首選，海膽嘅份量好多而且食落去好新鮮，超正，我自己都食咗兩至三次壽司方面我自己就最鍾意食火焰壽司，叫咗火焰左口魚裙邊、火焰三文魚腩壽司，依幾款嘅壽司亦都好吸引仲有一啲海膽杯都好正，我哋就揀咗一個海膽杯黎試吓，入面有好多配料，三文魚子、海膽、魚子醬食落去都好豐富熟食方面我哋就叫咗薄燒和牛，炸物我哋叫咗炸蠔、芝士年糕同埋一啲串燒，熟食都好正啊最後甜品仲有無限嘅haggen daz同埋milk top嘢飲款式都有好多款，汽水果汁茶同埋熱飲都有得選擇所以呢一間放題屬於殿堂級真係一啲都冇講錯

環境一般，座位偏窄(好似一張一人檯兩份坐既感覺)。食物方面真係好一般，唔值得呢個價錢，如果200內我還可以接受。唯一討好就係有H雪糕食同埋服務都OK。總結來講，呢間可以試一次，但第二次大家可以去左第一次後才考慮。

聞說殿大喜屋喺眾多放題之中算係有水準嘅一間今日去到 果然座無虛席食物同其他大喜屋一樣落單嗌嘅係用手機app落而出面亦有自助吧選擇極豐富出面任拎嘅瑞士雞翼浸得非常入味甚至比單點嘅日式雞翼更勝一籌刺身同壽司選擇多份量好在每一樣都係細細舊咁先可以試哂成個menu羊架出奇香嫩放題平時好易遇到啲過肥過瘦過老嘅羊架食完會滯又唔好味但呢間件件水準都高同穩定👍🏿👍🏿👍🏿天婦羅外脆內嫩蝦肉多汁 🦐甜品有各款雪糕Movenpick Haagen Dazs Milk Top食多幾盒已經回本抵👍🏿

今天來到位於尖沙咀的殿大喜屋，甫進門已感受到『殿』的奢華，地方寬敞，裝璜亦甚為有特色，不像一般放題陰陰沉沉的色調，枱與枱之間有距離，不易受其他客人打擾，甚有酒店自助餐的舒適感。先說刺身，款式頗多，甚至有一般放題很少提供的赤貝，而吞拿魚刺身則大方提供拖羅而非紅肉赤身，其他蝦類、三文魚、油甘魚等都新鮮甜美，質素甚高。燒物和炸物都有不少選擇，例如羊架、牛舌、芝麻雞翼、芝士年糕、天婦羅等等，個人推薦牛舌，入味又有口感。另有一鐵板和牛亦是必食之選，和牛肉質好，牛味濃。殿大喜屋另有一大賣點——海膽手卷，鮮甜的海膽沒有異味，有回甘，且即叫即做下紫菜保持乾脆，任食海膽簡直回本！最後甜品和飲品亦有大量選擇，清酒梅酒任飲、精緻甜品填滿兩個櫃，甚至有Milktop,MovenPick等名牌雪糕。整體極度滿意！

原本覺得lunch set幾抵，$60-80可以有少少沙律甜品食下先成日去食！點知今日去，真係cheap左好多，首先藥膳雞腳湯由滿滿的雞腳變到要撈先有，個主餐13：17落單13：36都未黎，員工又懶懶閒唔幫手跟進，但係咁想收你d沙律碟，想攞黎擺下骨唧，都好困難！主餐一如概往都只係一般般！好！食個甜品，三個人攞左三杯咖哩凍同西米糕，即時有個阿姐黎話唔包！下？之前食都有架喎，佢話係呀，有d人攞到一大碟食成三四個我地咪蝕哂本？話三粒雪米糍就係甜品之後將枱面所有甜品收走哂！！連匙都收埋！好係好鬼cheap，頭先跟餐唔見你咁快？？食到趕頭趕命，真係唔想俾服務費！食你少少甜品唧，都唔捨得！ok，唔明白佢地生意有幾艱難，但唔會再做到我生意，無下次

因為慶祝生日，同朋友食日式放題，大擦一番😊食放題第一時間諗起就係大喜屋😋可能因為今日平日， 加上book左 9:00 個場，入座時候都好快👍🏻 依家落單唔係寫紙喇，要用wechat 掃個qr code,但如果冇wechat, 就要特登download 個apps, 有點不方便。飲品櫃有好多選擇，亦都有清酒，梅酒，紅酒，白酒， 配搭唔同食物🥂 小朋友都可以揀汽水果汁，想健康d嘅人可以飲茶👍🏻首先當然食個刺身拼盤先啦🦐選擇都算多，生蝦，帶子，拖羅，三文魚都唔錯，厚切，幾肥美。另外仲有串燒， 值得一讚既係燒脆肉瓜同牛舌， 菠蘿亦都好香甜🍍仲有一啲熟食，薄燒和牛，仲有唔同粥品，熱湯，不過今次因為好早截單，所以就冇機會試了。最後甜品方面有好多種嘅雪糕，仲要係Haagen dazs 同dreyers' ,另外雪米池 北海道海鹽雪糕都好好食😋😋如果想食木糠蛋糕，奶凍 呢類甜品都有啊👍🏻

一幫朋友聚會選擇食咩晚飯，大多數人都會選擇自助餐、打邊爐同放題。因為選擇多，又可以自己揀自己想食既，唔需要遷呢個果個咁。今次我有朋友生日，我地決定去殿大喜屋食放題，呢次係我第二次食呢間餐廳，今次再去食發現食物質素提高左，令人有驚喜。首先，當大家坐底叫左一啲刺身或其他野食既時候，等待個陣可以去食一啲預先煮好左既食品區揀自己鐘意既食物，佢種類選擇都幾多，有咖哩魚蛋、章魚丸、芝士白汁焗雞肉丸、炒烏冬同薯格等等。食物方面好夠熱同新鮮，章魚丸同薯格依舊保持到脆食，值得一讚！刺身方面，同平時食既放題選擇差不多，甜蝦、拖羅、三文魚等等，不過唔好以為咁就普通，餐廳既刺身全部都係厚切，所以都幾抵食架。順帶一提，餐廳會定時提供海膽手卷俾客人拎，不過記得留意幾時出，要排隊等候。熟食方面，可供選擇既太多，向大家講下我最愛食既係炸蝦、燒牛舌、鹽燒雞翼、燒菠蘿、芝麻雞翼、芝士波、吉品鮑汁燴花膠、紫心香芋丸，以上都係好高水準既食物，大家去到可以食下。另外仲有一個新既食物向大家介紹一下，和牛薄燒！肉質鮮嫩，食落口感唔會覺得好老，有豐富既肉汁，絕對係大家去到必食嘅食物。飲品方面，喜歡飲酒既朋友可以留意下，餐廳會提供清酒