殿 大喜屋

营业中

休息中

成幾年冇來過食大喜屋，原來分店也開了幾間，不是朋友帶我來呢殿大喜屋，我也不知道，而且我們去中午buffet,價錢每人三百蚊左右，尚算可接受，一入到去職員叫我們用手機落單，真是幾方便！原來除左order紙外，出面仲有好多食物可以任意食：有冷盤（沙律），各式各樣的飲料，甜品（蛋糕），種類多的水果，而我拎左幾轉熟食,咖哩魚蛋出乎預料之中的好味。過左十分鐘左右，食物陸續登場，我主打叫的都是熟食。其中燒物：芝麻雞翼，蝦，波羅，香芋丸等，燒得最為突出，味道醃得岩岩好。另外個壽司種類不多，但貴精不貴多，個蒲燒鰻魚壽司同皇帝蟹棒壽司好正，來回叫左幾轉。除此之外我仲食左幾轉雪糕，牌子有我最愛的movenpick，只食呢個都值回票價。最後服務不錯，食完即刻替我收回碟同落單後食物冇漏單，值得我下次再來食！

香港既日式放題開到成巷成市，數到數吾晒，今次食既係元祖日式放題品牌大喜屋旗下的殿-大喜屋日本料理。.餐廳大部分位置都設卡位，位置寛敞舒適，吾洗坐到背對背，迫住晒。.尼到落order 可以用電子方式落單，既環保，慳返吾少order 紙，又可以睇返自己叫過啲咩，一舉兩得。,落完order 等候期間可以出外面吧台拎野食，有冷食、熱食、飲品櫃、甜品櫃、沙律吧，款式多元化，想食咩飲咩，總有一款岩口味。.要回本當然要食刺身，尼到除左大路既刺身外，仲有其他放題餐廳少供應既海膽手卷，手卷即叫即製，海膽鮮味十足，食多幾輪都回返本👍🏻.中意食甜品既人士一定吾可以錯過尼個corner位， 有多款口味甜品，包括牛乳布甸，朱古力蛋糕，馬卡龍，仲有貴價movenpick、milktop、haagen dza 雪糕任食，見到都心心眼。特別推薦milktop沖繩海鹽雪糕，平時好少會食到，雪糕奶味濃厚,質地滑溜,配上帶少少咸的海鹽味，幾特別，食多少少都吾膩。

今日男朋友生日，我提早左一個星期訂咗午市放題，因為呢度有海膽嘅主題，我男朋友有最鍾意食海膽，所以我選擇左呢度呢度嘅放題好方便用手機Scan QR code就可以落餐，唔使喺度填一張張紙，環保又方便海膽手卷係出去自己拎即叫即做，好新鮮而且唔會有腥味另外知左佢嘅飲品種類都好多，有我最鍾意嘅韓國系列嘅飲品，蕃石榴汁、提子汁，仲有好適合食完一大堆野之後飲嘅解茶燒帆立貝都好值得一試，粒凡立貝放題來講都唔算細粒，而且加埋一啲沙律醬好惹味啲東風螺都好好食，因為佢係用洒煮，所以會有好濃郁嘅酒味同埋好適合做前菜好開胃甜品亦都係我嘅至愛，全部都細細件可以試到唔同嘅種類，芝士蛋糕同埋木糠布甸都係我嘅至愛

今日同朋友去咗殿大喜屋食lunch放題，之前都係食過大喜屋，今次就你間高級啲嘅！果然有驚喜海膽杯令到我哋好驚喜 海膽下面鋪滿着蟹子同三文！呢度嘅刺身好新鮮而且好厚身，食落去好正🥳三文魚同埋拖羅都係我覺得最值得推薦嘅，拖羅真係入口即溶❤️呢度有一個虎蝦配啤酒啫喱 好特別值得一試啫喱食落去會有酒味🙂花膠都好大舊 而且加埋啲汁好入味佢嘅天婦羅同埋吉列蠔 炸物來講都算唔錯 ，因為唔會食落去好多油牛舌都可以值得一試，咬落去唔會難咬😛鍾意食甜品嘅我哋，雖然已經食到好飽，但係佢嘅款式實在太吸引，而且細細件每款都可以試吓最開心嘅係雪糕有Häagen-Dazs同埋Movenpick,有士多啤梨同埋朱古力味，都係我最鍾意嘅味道，仲有一隻沖繩海鹽，好特別🥰

講起日式放題，大喜屋集團我相信香港人好多都食過！佢有好多種唔同級數的放題！想當年由第一間大喜屋開始食，樂天大喜屋，極尚大喜屋同殿大喜屋！每間嘅價錢都有分別嘅嗰間唔同，食物品種有少少分別！🤩🤩之前都有食過殿大喜屋😋但今次真係要寫一寫食評，佢價錢三百幾蚊印象中比一開嘅時候平左！當時仲係用紙嚟落單嘅，而今次呢就用QR code好方便👍🏼殿大喜屋有中拖羅刺身👍🏼非常鮮甜，放題食到係非常吸引！而且而家應該係做緊一個海膽嘅季節，所以有好多唔同海膽嘅食品，包括係海膽手卷同埋海膽海膽杯等等......好多唔同嘅選擇！以前會有海膽軍艦不過依家冇囉🤣海膽手卷係要出去排隊拎而家海膽嘅份量唔少唔會好似其他放題咁得少少😍殿大喜屋最特別嘅地方係佢有鐵板牛肉！呢個好好味！好重牛味！值得推介👍🏼👍🏼我哋食完再encore！貴價雪糕movenpick同Häagen-Dazs佢可以俾你任食😱😱😱呢一個係其他放題都絕對做唔到,所以殿喜屋好容易就可以返到本啊！

尖沙咀有幾間放題，今次試下呢間殿大喜屋睇下好唔好食特選時段優惠仲有85折👍🏻坐低無幾耐就拎野飲我第一次見放題有呢罐野飲落又幾清新魚生好新鮮，冰震三文魚，滑身又鮮味刺身蝦冇《梅》，好鮮燒鰻魚口感好滿足，味道亦岩岩好，唔會太咸肉質有少少彈牙😬芝麻雞翼都係脆到爆😬味道亦岩岩好，芝麻量又足夠炸生蠔都好好食，冇腥味芝士焗蝦都鮮味，唔會乾，芝士味可以再豐富d要排隊拎既海膽手卷海膽好鮮味好好味，一人最多拎2個估唔到仲有Haagen-dazs食，真係驚喜滿足一餐

今個星期終於可以同老婆去放放電好開心所以我哋中午去睇場戲然後過去尖沙咀食好出名嘅放題，點解咁出名？因為呢個放題全部都好新鮮好有質素嘅食品價錢都係貴平時放題少少所以好抵食🥳🥳叫做（殿）大喜屋🎉一去到你就見到好大個雪櫃好多飲品任君選擇花多眼亂仲要係任飲任拎🙊旁邊仲可以自己沖其他飲品......當我地坐低就有職員同我地講可以出去排隊攞海膽手卷咁我哋唔使諗啦就即刻出去拎啦😂海膽非常之新鮮好味😋每人食咗四卷🙊留返個肚食其他嘢，呢度重點仲要有新鮮嘅拖羅刺身👍🏻👍🏻我哋當然仲叫咗好多嘢啦例如天婦羅，炸雞翼都好正👍🏻壽司仲有好多款三文魚，牡丹蝦，油甘魚都係我最喜歡💕之後仲叫咗好多燒物同其他嘢真係多不勝數.......總括嚟講真係咩都有得食咩都有得飲🍹🍺正！

今日同男友講開話好耐無去食過buffet,男友就話依家去食個buffet每人為起最正正常常既都要五六百蚊一位,仲要食黎食去都係果d野,個性價比真係唔多高,所以男友話搵左間係尖沙咀"殿大喜屋"。依間比起其他既大喜屋更乾淨,坐位更闊落,個性價比簡直非常高。刺身:選擇種類繁多,有成十幾種咁多,而且非常新鮮,當中帶子,拖羅同北寄貝一定要試下。海膽祭(季節限定):鍾意食海膽既我撞正海膽祭,簡直prefect,當中海膽手卷同海膽松葉蟹一口飯,一定唔可以錯過。另外熟食有除左手點食物之外，而且大堂裡提供自助形式的食物，有飲料，水果，甜品，沙律，質素不錯！

今次是第二次食殿大喜屋, 對上一次已是接近3年前, 當時印象不錯, 最記得是可以食到多款貴價雪糕~食之前頗期待的, 整天只食了蘋果, 就是為了留肚食殿大喜屋今次比上次好的是, 不用在街邊排長長的隊, 直接就可以進店坐下了!另一個好是, 變得環保了點餐方法由以為的一大疊點餐紙變為掃QR code用手機下單!不但止環保, 其實對我們來說都更方面, 不用再在那大大疊的點餐紙中找~ 希望其他放題店快點效法啦~千層海膽杯 & 海膽蟹肉一口飯 ※ 推薦指數: 5/5超幸運的我們剛巧遇上海膽主題呢除了平常食到的海膽手卷, 更多了更特別的海膽菜式!千層海膽杯和海蟹肉一口飯除了有一大片鮮甜的海膽外, 更多了蟹肉飯和多種魚生的配搭, 絕對值得一試鱆紅魚薄切伴海膽醬油 ※ 推薦指數: 4.5/5鱆紅魚薄切很滑, 口感一流, 加上蔥花, 蘸一點海膽醬油已超好味!這個放題中少見的菜色, 一定要試呢~但海膽醬油的海膽味我覺得有點不足, 所以扣了0.5分~刺身拼盤 ※ 推薦指數: 4.5/5鮮甜, 不腥, 沒有漏單不知是心理作用還是真的來貨不同, 感覺好像比其他同集團的分店更新鮮呢!芝士燒開邊蝦 ※ 推薦指數: 5

之前同女朋友已經嚟過呢間殿大喜屋，難得女朋友鍾意食呢間嘅日本放題，於是乎再帶佢嚟食。刺身拼盤-食得日式放題，一坐低梗係要嗌刺身食先啦。先點左三文魚、赤貝、北寄貝、帶子等等刺身，食落新鮮又夠凍，所以忍唔住又嗌咗第二round。海膽手卷-呢一個係必食項目，雖然要自己出去排隊攞，so call叫限時限量食物，但其實我都攞咗三四轉都仲有。佢啲海膽份量大大份，一舊手卷有兩三大片嘅海膽，微微海水味，份外鮮甜，而且紫菜新鮮脆口，叫人忍唔住拎完又拎。三文魚腩壽司-三文魚腩油脂豐富， 配合微酸嘅壽司醋飯，真係配合得天衣無縫，微酸嘅醋中和三文魚嘅魚油，分外美味。蒲燒鰻魚-厚厚嘅鰻魚，肉質細嫩，配合醬燒汁，真係好食到停唔到口，叫完一碟又一碟。燒羊架-剛燒起嘅羊架即刻上枱，新鮮熱辣，羊架帶少少騷味就最好食，而且肉質林滑，諗返起都想再食。呢度除咗大量嘅甜品之外，仲提供多款嘅雪糕，有Movenpick, Häagen-Dazs仲有Milk Top畀你揀，我就唔識揀，唯有全部都食晒。

尖沙咀咁多間放題，今次就同朋友想食得好啲，所以就揀下晝嚟咗呢一間殿大喜屋。上網見到佢有好多海膽嘅壽司選擇，而且雪糕任食。枱與枱之間嘅空位都幾，大同朋友傾計大聲啲都冇問題，坐得都好舒服。佢都係以手機落單嘅咁樣會方便啲，而且亦都冇漏單嘅情況。海膽嘅份量好足，而且海膽手卷亦都係任食任拎，都唔會好腥，水準幾高。成日好想食花膠呢度都竟然有得食，花膠而且好厚身！壽司、卷物、燒物等等嘅水準都比平時其他放題餐廳食到嘅高！個人認為佢嘅花之戀做得幾出色。飯夠細舊，而且亦都包得好靚！最後我自己都忍唔住食咗兩杯雪糕！

對殿大喜屋不嬲都有期望所以今次同朋友過嚟食適逢今次海膽主題咁就可以一試，結果我覺得比想像中一半啊，因為之前試過吞拿魚主題同蟹嘅主題都好出色所以對佢今次嘅海膽主題都有啲期望結果海膽主題都係好多去咗熱誠亦比較少係刺身或者冷盤相，好似係帶唔到海膽本身個種鮮味出黎。因為我覺得食海膽一定係要食新鮮嘅咁就會有甜又好味配上紫菜蟹膏唔同嘅配搭咁又有更加鮮既效果。除咗海膽主題，其餘嗰啲都同平時冇乜分別，唔知係我食慣咗定係條停咗，好似冇咗一份驚喜同埋一份期待嘅感覺，可能下次要去食酒店自助餐先會滿足到我，或者過澳門食性價比高的自助餐。

光顧了很多次的殿大喜屋，但今次遇到態度惡劣的女侍應，以後都不會再光顧。光顧日期：2019年9月4日 枱號：33A女侍應在客人身後整理用完的碗碟，不小心打翻了豉油碟，豉油飛濺到我朋友的衣物上，又濺到鄰座客人的座位上，客人向女侍應反映，才後知後覺的拿出濕紙巾，叫客人自己抹，完全沒有道歉，還和其他同事嘻嘻哈哈。我的朋友告訴女侍應，豉油大範圍地弄污了她的衣物，然後女侍應僖皮笑臉說下次再來吃可找她給個優惠，朋友便問哪你叫什麼名字呢？女侍應示意看看她的心口，但她並無掛上名牌，接著就問朋友：你的衣服多少錢？我試下幫你R下啦！最後都是沒有道歉。一直都很喜歡這間放題店，食物質素高，但遇到這麼無禮的侍應後，非常失望。

今晚去了殿大喜放題，首先有位扎高馬尾的女侍應在本人身後打翻了豉油，其後本人及旁邊枱的客人的衣服上都沾上很多豉油漬。她當時只是說給濕紙巾我們，沒有表示任何歉意或道歉。其後她有幾位同事經過也只是說笑她打翻了東西，看似沒有把丟污客人衣服這回事放在眼內。之後在埋單的時候，本人問丟污的衣服怎樣辦，那位女侍應到最後都沒有道歉，她有說下次光顧再找她，她會替我找優惠，但是問她叫什麼名字好讓本人下次來找她時，她卻不肯說。她只不停重複下次找她。她是否認為我能在不知相隔多長時間後的光顧能在鋪面如此大的地方找到多位女侍應當中又有上班的她呢？最後她亦沒有說對不起。所以本人不會再光顧殿大喜了，因為他們沒有把客人放在心上。另外，沒有落單的食物一次又一次放到本人的枱上，來過的食物又會再上，叫人不知如何是好。無論食物再好吃，員工態度散漫，服務質素一般，都已經足夠令我放棄再選殿大喜食放題了。

我呢啲每個月至少食一次放題嘅人，今次就好豪氣咁樣食咗呢一間殿。大喜屋啦！12點去到餐廳嘅人都算幾多，好彩自己有book位！我朋友嗌緊嘢食嘅時候，我自己走咗出去睇吓啲乜嘢嘢食啦，有魚蛋、沙律吧之外，亦都有一啲好吸引嘅茄醬肉丸，所以我自己都夾左一舊嚟食，味道非常之好，而且唔會凍左！而呢一間放題亦都係手機落單嘅，種類多達10款，而且第二類仲要係全部都關於海膽嘅，中意食海膽嘅朋友一定要呢一間食下，自己食過都覺得好新鮮，而且份量好大份！食放題就梗係要食佢嘅刺身啦！呢度最正嘅佢有得食拖羅，好厚身，非常新鮮，喺其他放題都食唔到嘅質素！佢其他嘅壽司燒物等等，水準都做得唔錯，就算食十舊，都唔會覺得好飽，因為佢嘅飯做得比較細舊，呢個值得一讚！喺手機種類最後嘅一款係鐵板和牛，雖然自己好飽，自己都試左一試！最後最surprise嘅係佢嘅雪糕係任食嘅包括有乳酪味嘅Häagen-Dazs，自己都忍唔住食咗兩杯！