殿 大喜屋

营业中

休息中

環境，服務，都滿意要讚既海膽、拖羅手卷，唔似其他方放題咁得少少，份量恰當，而且紫菜係脆既拖羅，第一盤既size就適中，之後就好細件而且顏色無第一盤咁，有d瘀色，反而泰式生蝦有d驚喜

一定要book位！超多人！食物款式多不勝數，樣樣嗌啲都食唔晒刺身款式多，夠新鮮嗌咁多黎咁多，所以食到咁多先好嗌👌🏼連熟食都係好出色！海膽手卷必食啊！佢要出去排隊攞，不過唔洗急住排隊拎，多多都有呀！食到你唔食佢都仲有貨！除左menu上有得order嘅野之外，出面都有好多沙律，冷盤，甜品，飲品......

可能疫情影響.即慶訂位都有.18:10入場得幾個客壽司.份糧較粒左刺身.有點細件.辣酒花螺就差了.佢唔係白色果重而係啡色.煮得耐.影響晒肉質👉🏻👈🏻拖羅係任食.旦真係細塊左👉🏻👈🏻質素唔差入口即溶👍🏻燒雞翼.唔錯入味薄燒牛肉.滑口好味😋最估唔到係佢有一個酸菜麻辣滑魚塊.味道👍🏻👍🏻👍🏻好.雖然魚既質素就魚柳來.旦個味道救左成個👍🏻飲品.啤酒.梅酒.清酒.汽水.茶...任飲種類不少👍🏻羅宋湯.夠料夠味糖水.冰糖雪梨雪耳👍🏻好好味雪糕種類唔錯🥰😍有M字頭朱古力同士多啤梨🍓味要讚一讚.坐位好舒服🥰😍希望疫情過後會更好.尼次合格左右👉🏻👈🏻

可能係有疫情~我記得之前去過book左位都要等陣先有得入座~但今次完全唔洗等，特價時段入座率一半都無~講返野食先~ 食物都唔錯既~都keep到水準！飲品有幾個大雪櫃選擇！雪糕都有好多唔同既選擇！不過魚生就略略切得細件d, 不過可能係因為想俾客人試多d唔同既食物，所以都可以接受既~服務方面唔會因為我地坐得比較入面而叫唔到人~都唔錯！整體黎講都好滿意~都會再推介俾朋友~

香港要食大眾化日式放題，呢間絕對係數一數二。以呢個價錢性價比來講相當唔錯。呢間最特色之處就係有海膽手卷任食。另外刺身魚生壽司都新鮮好味，仲有大量特色fusion 小食主食俾你揀！串燒有牛舌，炸物有大蝦天婦羅，甜品仲有原隻燉木瓜！我哋兩個人得兩個胃，真係太多野想試～

想搵一間不會中伏的任食其實有些難，最近同朋友仔食過這間一d無失望，會番食指數甚高，他們的魚生、刺生非常新鮮，仲有貴的海膽及吞拿魚腩，非常正呀！即叫即做海膽手卷，紫菜唔會淋， 海膽非常甜美。仲可以用自己手機落單，非常方便。刺身來la,必食吞拿魚腩、帶子、蟹、仲有鮑魚仔。yummy!除了生野刺身壽司外,出面仲有熟食及可以order 其他熟食。仲有正正的和牛燒，入口即溶。連我最愛咖喱炒蟹都有！好鮮甜呀。燒鰻魚都係我最愛！絕對食得返本。新鮮的海膽飯。嘢飲方面，出邊有好多清酒、梅酒任飲。朋友之愛ice cream 都好多選擇。

呢間算係唔錯既放題。1. 冷氣夠大，空間夠大，唔會同隔離檯痴得太埋，空間感足夠。2. 上菜速度快。落單無幾耐已經上齊曬，非常好！3. 可以用手機scan QR code落單，同時多部手機一齊用都得，非常方便。4. 刺身新鮮，夠厚夠份量。5.甜蝦味道有D唔太好，不過無損雅致。6. 飲品種類夠多！7. 侍應態度非常好，有禮貌。8. 甜菠蘿好好食！

好耐冇食個放題🙈今日約左同朋友食個飯所以揀咗殿大喜屋試吓呢間放題都好適合唔鍾意食生野嘅我因為呢度除咗有沙律小食、港式熟食、甜品之外，仲有天婦羅炸物！而且仲有好多飲品同埋雪糕種類！食多兩杯雪糕都圍到本啦!男朋友最鍾意食嗰個酸菜魚鍋、仲落咗兩次order添啊！都咪話唔飽啊、咁多種類，樣樣食啲都飽到上心口😂個蒲燒鰻魚超出色，夠厚！食落口啖啖肉真係好正，最重要係唔腥！而且仲唔會乾、啲汁同個味好夠！😘真係超滿足！不過有少許漏單情況出現需要改善，同埋牛柳粒炒得耐好難咬，但係其他都做得好好👍🏼

臨近除夕，想放肆一下自己，食餐飽，揀左任食放題，已經差不多有成年無食過，最後決定來大喜屋集團旗下既殿大喜屋，諗住大喜屋集團以前食過都唔差，最貴係殿呢間，食物質素應該唔錯。不過可能我要求過高，今次用餐頗為失望。首先選擇唔多，無論刺身款式或熟食都少選擇第二食物質素一般第三稱不上有服務開頭先每款刺身叫幾件，試吓係咪新鮮岩食蟹腳—好喊甜蝦—第一碟都唔差，第二次來果碟，融雪得唔好！其他刺身一般壽司方面，比較有噱頭既係海膽壽司，無鮮味，好普通其他壽司上面既刺身好薄，完全食唔出刺身味道，壽司飯用紅醋，醋味太濃，連飯都唔好食其他熟食，一般，到後期已經唔想特登去影相，因為唔特別，味道亦只係放得入口，稱唔上好味唯一讚得過係飲品選擇多，甜品亦值得食價錢$328+10%因為食物好一般，好多都無再落單，呢個價錢，食物配不上。

在過去的六月，一向喜歡吃日本食物的我們，就挑選這間餐廳享用晚餐，食物款式多，除了有日式食物外，也有其他款式食物，又有雪糕吃。真是很棒唷。餐廳環境寬敞舒，座位舒服，職員服務熊度親切有禮。值得推介給朋友。

首先，我30/12去食既。喺open rice 訂位早鳥係$268（5:30~7:30）。去到櫃枱就話今日係$288，我問佢今日唔係假期前夕，又唔係星期4~日，點解會係$288，佢話公司set左今日係咁既價錢，咁我都唔再同佢理論。照食。其實如果冇呢個優惠既話，就唔好係open rice用呢個價比人book啦!!!啲野食味道係ok 既，但款式好少，連最基本既牛油什菌都冇，飲品同甜品款式都唔多，啤酒只有2款，hite同唔知咩啤。咁既價錢，有好多更好既選擇，最失望既係海胆手卷啲海胆係臭架!!!我想講夢工房百幾蚊都好過佢。唔會再去。

之前post過，想介紹俾朋友時，發現呢篇無左！好彩平時會打左係手機先，有記錄😟去到餐廳入面全場都好爆，walk in 嘅朋友要早少少黎啦~落完單之後就出去睇下自助飲品同熟食，類型真係好多：熟食有熱食凍食炸物沙律，飲品清酒啤酒汽水果汁好多選擇，而已都係中高價位嘅。隔離仲有生果同甜品櫃，真係你想食咩都可以滿足你，物有所值！首先上陣嘅係鮑魚花膠黃金翅，鮑魚同花膠嘅味道香濃，魚翅爽口彈牙，的確真材實料，冇諗過係放題都可以食到名貴海味！然後到茶碗蒸，蛋蒸得好嫩滑，入面有嗚門卷、粉絲同同雞絲，配上濃滑醬汁，令口感更豐富。再黎係刺身拉盤，有赤海蝦、甜蝦、赤貝、拖羅、三文魚、油甘魚、池魚、螺片，整體都好新鮮，冇腥味。尤其係甜蝦，又香又甜，又有少少痴住口腔嘅感覺，齒頰留鮮，好食！跟住係我最愛嘅鹽燒左口魚邊壽司同燒和牛壽司，和牛有少少火炙餘溫，左口魚入口即融，濃郁味道同壽司飯非常夾，正！海膽手卷有大大份海膽係面，淨係睇已經係視覺享受，味道更加唔使講，係濃郁鮮甜海膽香味。手卷大小剛好兩啖食得哂，唔會太飽，推薦食多幾次。鐵板和牛經過加入蒜頭後鐵板快炒，風味十足又有火候，熱辣辣幾好味~之後輪到燒物炸物，鹽燒牛舌

忽然想食放題，近來社會氣氛環境不是太好，所以好多時之前成日排隊嘅餐廳，而家都即日可以book到位，今日就試吓平時成日排晒隊既，大吉屋好多人都好熟悉，分左幾間不同的名，食物有小小變化，但今次第一次到殿，價錢相對貴小小當然期望會高點，門口位置有自助區，有飲品櫃，沙律凍食區，水果甜味區，和海膽手卷即包區。海膽手卷值得讚，有海膽味新鮮係比較Cream，我個人喜歡，即包即食紫菜非常脆👍🏻熟食區，有小朋友非常鍾意嘅咖喱魚蛋，脆薯格，滷水雞翼，估唔到個滷水雞翼味道都幾唔錯可以，另外有蒸魚同肉就無試另外電話點單基本上同其他大喜屋分別不大，刺身有帶子👍🏻赤背，拖羅都算新鮮，長腳蟹一隻腳分開幾段上，當幾分好神奇。有一個魚嘅薄切個醬汁一般。熟食:吉列蠔有驚喜，粉漿薄蠔大粒又不硬天婦羅冇乜特別正常👍🏻可能今日食嘅食物都係熱熱地，唔係做定好耐的感覺，所以質素都接受。博燒牛味道OK，鐵板芝士蝦好味，清酒煮蜆值得推介啲蜆非常大隻，花甲粥個味有啲怪怪地，所以無食到，椰子雞湯正常，反而咖喱炒蟹非常失望因為之前食過一街之隔的極上大喜屋，咖喱炒蟹非常好味，當然明白唔同廚師煮出嚟嘅味道未必一樣，但係極上大喜屋的咖喱炒蟹味道非

通常我們一班球友，打波比賽後我們都會相約去共進午餐今天我們就在尖沙咀附近的日本餐廳進行我們的午餐，這間日本餐廳的放題款式很多刺身壽司炸物各式各樣選擇甚多，在這裏我們必點的刺身拼盤是非常新鮮而且款式又多，還有就是天婦羅也鬆脆無比另外這裏的路端燒也是不錯雖然是短短的一個午餐我們感覺到好像連晚餐也食不下去。

平時好少評論，真喺忍無可忍！ 仔仔生日諗住搵間質素好嘅放題慶祝，首先系OpenRice嘅評論見到系高質素嘅放題，所以就揀咗殿！點知即刻嗱嘢！我哋嚟嘅時候人唔多，點左啲刺身同評論D相差好遠，評論都系呃人嘅，根本兩個樣。1、三文魚刺身：來到系暗紅色，已經覺得怪怪地，而且仲有塊粉紅色嘅皮黐住，喺元氣食開嘅刺身都唔會有咁嘅粉紅色皮，而且塊皮又硬，根本咬唔入。2、甜蝦刺身：來到已經，覺得唔新鮮，D肉白曬曬咬落完全冇甜味。3、松葉蟹腳：攞到嚟又梅又咸，食咗一隻已經食唔到啦，實在太咸，我想問老闆咁咸，邊個會食呢？ 從來冇食過咁難食嘅刺身，所有刺身都唔新鮮，仲要成300蚊，反正我已經系好肚餓嘅，但都食唔到野。 故事未完㗎，返到屋企瞓到半夜，仔仔嘔到成床都喺，差啲連我都想嘔埋一份，唔怪得仔仔成晚都訓唔好，真系非常難忘嘅生日！咁嘅價錢咁嘅質素邊個會再嚟呢？