殿 大喜屋

营业中

休息中

平時好少評論，真喺忍無可忍！ 仔仔生日諗住搵間質素好嘅放題慶祝，首先系OpenRice嘅評論見到系高質素嘅放題，所以就揀咗殿！點知即刻嗱嘢！我哋嚟嘅時候人唔多，點左啲刺身同評論D相差好遠，評論都系呃人嘅，根本兩個樣。1、三文魚刺身：來到系暗紅色，已經覺得怪怪地，而且仲有塊粉紅色嘅皮黐住，喺元氣食開嘅刺身都唔會有咁嘅粉紅色皮，而且塊皮又硬，根本咬唔入。2、甜蝦刺身：來到已經，覺得唔新鮮，D肉白曬曬咬落完全冇甜味。3、松葉蟹腳：攞到嚟又梅又咸，食咗一隻已經食唔到啦，實在太咸，我想問老闆咁咸，邊個會食呢？ 從來冇食過咁難食嘅刺身，所有刺身都唔新鮮，仲要成300蚊，反正我已經系好肚餓嘅，但都食唔到野。 故事未完㗎，返到屋企瞓到半夜，仔仔嘔到成床都喺，差啲連我都想嘔埋一份，唔怪得仔仔成晚都訓唔好，真系非常難忘嘅生日！咁嘅價錢咁嘅質素邊個會再嚟呢？

同朋友敘舊或者慶祝生日一般都會去食放題貪佢坐得舒服又坐得耐但係過往食放題嘅感覺比我都一般不嬲聽講過殿 大喜屋係放題界嘅頂級結果冇令我失望冷盤推介 - 刺身，壽司，手卷樣樣高水準講到必食既一定係拖羅刺身 好新鮮 油脂分布平均 厚切平時係出面食一片都幾十蚊唔捨得食 呢度竟然係可以任食而且質素好好其次我覺得出色嘅係甜蝦 雖然佢冇牡丹蝦咁正但係都非常新鮮照收貨海膽一口飯 唔似得外面，大大嚿飯配一小片海膽 呢度嘅比例係啱啱好 食得多都唔會覺得飯太多燒物推介 - 饅魚燒得好香而且鰻魚好厚肉 啖啖肉 值得一讚係雪糕款式非常多 竟然連Mike top都有 仲要係海鹽焦糖味

同好朋友約埋一齊放假，黎到好多好評的殿大喜屋食午餐放題！是食過的放題中較高質的一間，食物選擇很多，用手機掃QR code點野食好方便，我同朋友都係自己點自己的份，最怕浪費！海膽鮮甜美味，必食！刺身壽司款式很多，也很新鮮！燒鰻魚和鐵板和牛都非常美味，其他燒蝦，燒牛舌，燒菠蘿，燒翠玉瓜都水準之上！甜品都有唔少款式，一定要點海燕窩燉木瓜，我地每人點左2次，其他cake類款式多但唔特別～難得杯裝雪糕是任取的！

人大左，我就少食左自助餐，因為食唔多，唔想浪費。但今年生日，我點都要豪一次!堅持來食放題，而既然好耐先有機會食一次，索性就食最好那一間啦。今天因為地鐵停左，巴士又沒，遊客又少，所以得好少客...變左食物都好快可以上齊。按照食自助餐的攻略,當然一開始食左刺身及海鮮先，然後肉類，最後甜品。拖羅 - d人話出便會貴d, 所以必點，唔難食，但又唔覺好好食，ok la. 帶子 - 勁細粒，所以無乜口感。因為趙一兩下就趙完。薄切紅章魚 - 呢個配埋佢專有的醬，好味。榴蓮炸彈 - 呢個我encore左4次咖喱蟹 - 蟹肉少，不過個汁好吃，如果可以熱返d，更好.羊鞍 - 連我唔喜歡羊味的，都覺得好吃overall 幾好食，不過真係老啦，未圍到本 已經飽到七彩

之前同朋友食個一次，第一次食放題，真心覺得唔錯！今次同男朋友去，男朋友第一眼見到環境，就好幾好喎地方幾大幾舒服坐得！佢最中意食刺身，刺身真心係ok，幾衛生，熟食物都比較多，叫左幾個，我同佢都唔係好食熟野，所以對於你地黎講就麻麻🙈甜品種類都比較多仲有我最中意tiramisu同木糠布甸，Overall都都唔錯👍🏻

成幾年冇來過食大喜屋，原來分店也開了幾間，不是朋友帶我來呢殿大喜屋，我也不知道，而且我們去中午buffet,價錢每人三百蚊左右，尚算可接受，一入到去職員叫我們用手機落單，真是幾方便！原來除左order紙外，出面仲有好多食物可以任意食：有冷盤（沙律），各式各樣的飲料，甜品（蛋糕），種類多的水果，而我拎左幾轉熟食,咖哩魚蛋出乎預料之中的好味。過左十分鐘左右，食物陸續登場，我主打叫的都是熟食。其中燒物：芝麻雞翼，蝦，波羅，香芋丸等，燒得最為突出，味道醃得岩岩好。另外個壽司種類不多，但貴精不貴多，個蒲燒鰻魚壽司同皇帝蟹棒壽司好正，來回叫左幾轉。除此之外我仲食左幾轉雪糕，牌子有我最愛的movenpick，只食呢個都值回票價。最後服務不錯，食完即刻替我收回碟同落單後食物冇漏單，值得我下次再來食！

食放題噶好去處！超多種類好多揀擇，可以直接QR code落單，上菜又快，五使等好耐。個人推薦赤蝦，夠新鮮口感又好，仲有帶子，基本都系高質素。可以叫一個燒鳳梨開開胃，食完可以整一個哈根達斯，正啊！

又到咗定期嘅為食舊同事聚會，對我哋來講，放題一定係最抵食今次幫襯最愛嘅殿大喜屋，由我哋仲喺尖沙咀返工果陣開始，已經係忠實fans刺身在放題的地位是重中之重，最緊要新鮮，每次來都唔會失望，三文魚，北寄貝，帆立貝，甜蝦非常肥美海膽一口飯海膽鮮甜又唔腥，配蟹肉定蟹籽都咁正!牛油果軟殼蟹卷，無論去邊都要揀，鐵膽加左牛油果口感即刻提升一個層次!火灸壽司的油脂香真係冇得彈。放題竟然有花膠食都好足料，滿滿的骨膠原，女仔唔可以錯過!當然都要食下蔬菜，燒秋葵表面香口，內裡黏口，正!本日最推薦創意壽司，外形精美，打咭一流!茶碗蒸都很不錯。池魚刺身，薄薄一片，爽口鮮甜每次都吃3杯才罷手的haagendazs雪糕，今次有yogurt口味，非常清新!

總體而言，呢度係一間體面且裝飾典雅的日本餐廳，可激發所有人的胃口！對於呢個位置，佢靠近地鐵站。從地鐵站出嚟後，我們只需要步行約五分鐘。以高品質的食物，服務和環境，算係一個公平的價格。這個地方很大，裝修很好。舒適的環境為您提供享受晚餐的絕佳氛圍。 熱食也很正！我哋要咗兩個羊架，好香孜然味，火候控制啱啱好，唔會韌,亦都無羊嘅酥味！👍🏻另外，吉列壕亦都好香口，炸到熱辣辣，炸粉唔厚，一咬落去有好多肉汁，正呀！仲要咗個芝士焗帶子，個蛋黃醬加埋芝士好夾，食落好香！除左落單叫嘅熟食之外，仲有一個熱食位，提供咗唔同嘅美食，包括炒烏冬、薯格、咖哩魚蛋等等！呢度竟然有埋中式老火湯，滿足唒唔同年齡層嘅客人！值得一提嘅係相信大家食放題嘅時候都試過漏單，但呢度完全無呢回事，用qrcode落單，又快又方便！工作人員都非常友善。當我哋需要幫助，佢哋會很快做出回應。他地都很有禮貌同友善！面帶微笑服務每個人！

殿。放題3人行早前去左尖沙咀放題，食好小小，去左殿。大喜屋日本料理，每人＄328，9點15分後入座，可享85折優惠，加一服務費就原價乘。裝修幾靚，金金銀銀咁，感覺都OK。用手機落單，麵方便！野食選擇都OK多，壽司，刺身，鍋物，燒物都齊全。任食區，沙律，湯，甜品，野飲，熱食都有，有埋SAKE飲。用電話ORDER完都算快上，不過較貴既，拖羅果D上菜就比較慢，分量都吾算太多。我覺得拖羅，鰻魚，羊架都好食，都叫左2，3轉。牛肉粒就好一般，肉好UN，好難咬，吾好食。芝士焗蝦都吾錯。甜蝦一般。花膠小棠菜一般。真心好食抵食都係拖羅！埋單連加一，＄933，每人＄311，都OK，如果時間酮再食耐點更好！

It is overall a decent and elegantly decorated Japanese restaurant that whets everybody's appetite! For the location, it is Very close to the MTR station. We just need to walk for about five minutes after getting out from the station. Serving with the high quality of food, services and environment, I believed that it is a fair price. The place is big and decorated nicely. The cozy environment provides a wonderful atmosphere for enjoying the dinner. The sushi is yummy, we are served in a fast an

It’s really a long time not having Japanese style! I know that there is a fabulous restaurant in Tsim Sha Tsui where Japanese buffet is served. Not surprisingly, once you get there, you are already amazed! The decoration is good, it is completely the same quality of the hotel buffet. It is not the same as the ordinary restaurant. Although the price is a little bit high, but it is worth!Of course, there are a lot of foods too. I like sushi series and the sashimi the most! All the sushi is neat an

同狐狸仔慶生日，朋友介紹話呢間高質放題，我就帶狐狸仔黎試，狐狸仔食完都話掂！！刺身夠新鮮，魚肉厚肉有咬口，蝦爽口彈牙，仲有好多特式壽司 >>>九點好似開始有海膽卷，無偷工減料，勁足料，好似有五塊海膽鋪系面，我仲比左啲狐狸仔，海膽入口即溶。炸雞翼同芝士年糕。芝士焗蠔，裡面藏帶一堆沙律醬，味道好濃，我個人就一般啦。薄燒牛都真系好薄下，要趁熱食！！唔系會有少少韌。芝士蝦呢個正！芝士厚，啖啖蝦肉。牛舌非常彈牙！！再叫！！

真係好耐無食日式放題啦！知道大喜屋有間最靚嘅殿大喜屋好正，顧名思義，就係殿堂級嘅享受！果然，一入到去，就已經夠唒驚訝！呢度嘅裝修好靚，完全係酒店buffet嘅質素，同普通餐廳唔一樣，價錢雖然係放題嚟講偏貴，但真係物有所值！首先，講下飲品先，呢度嘅選擇非常之多，梗有一款啱你飲！有唔同嘅樽裝飲品，十分方便，仲有林林種種嘅特色罐裝飲品！係日式放題唔少得嘅梗係清酒，呢度有兩款可以揀！估唔到嘅係連咖啡都有！咖啡飲落好滑，好香！當然仲有好多唔同嘅食物，食物種類都好多！我最鐘意就係炙燒系列嘅壽司同埋刺身！壽司全部都整得細細舊，唔會食到好飽，試唔到其他嘢！炙燒三文魚係最好味，三文魚入口即溶，但燒過嘅三文魚嘅油甘味更香，配埋個醬汁，真係一流！刺身都好新鮮，種類都好多，全部都好肥美！

之前食過大喜屋放題，已經覺得性價比好高！殿 大喜屋係我心目中屬於高階版，啱啱出糧所以決定對自己好啲，不過食完之後相信呢度會係我之後食放題嘅首選👍🏻海膽手卷絕對係回本必食，海膽非常足量而且新鮮，夠凍係非常重要，小巧得黎有內涵🤫刺身拼盤又係唔少得嘅必點項目，三文魚、拖羅、松葉蟹腳、北寄貝、螺肉等，一連嗌咗三round，上菜快，同樣地夠凍食材好新鮮😏熟食同樣有驚喜！，鹽燒青花魚燒得好香而且冇骨啖啖肉，即叫即製熱辣辣上枱，調味亦都啱啱好，鹽燒調味令整體味道提升，加啲檸檬汁冇得彈😝放題點止大魚大肉呢？我地都有點蔬菜嚟平衡下😏 牛油燒翠玉瓜燒得清甜惹味，晤會死咸，片瓜保留着原始嘅juicy味美！再黎一客家的味道->椰子雞湯😙 一碗足料嘅住家湯夠晒滋補👍🏻要數最最最驚喜嘅一定係有齊三大品牌嘅雪糕🍦。而且哈根達斯仲要係一啲市面上剛推出嘅新味道，有誠意！殿。大喜屋應該係我暫時食過最滿意嘅放題，食物種類好有驚喜，完全估佢唔到，水準拍得住唔少酒店星級嘅自助餐，但價錢相對抵食相宜好多，絕對係窮人稿賞自己嘅恩物🥳