正宗上海生煎皇 (已結業)

之前在旺角深水埗都在午市時段吃過a+b套餐，生煎包包底脆口，肉汁夠；幾款湯麵和拌麵也不錯。住港島南區的我，得知登龍街有新店開張，便來個簡單晚餐。這邊的菜式跟上述2間有所不同，原本想試試雪菜肉絲炒粉皮的，但實在太喜歡這家的担担麵了！帶少辣，肉碎帶甜味，湯底香濃，稠稀適中，麵質掛湯是這店云云湯麵之中最愛再來6隻紅油抄手（$33），跟媽媽share，等了好15分鐘有多，麵都差不多吃完，跟店員追單後才端上。前題這圖顏色沒有加上任何filter，是實際顏色。紅油呢？？？一吃，並沒有辣味，反而有花生醬味！⋯⋯這並非一般不同煮法的問題吧！回想起來，這醬的味可像担担麵的醬底！從來未吃過這樣子、這味道的「紅油抄手」的！並不是說難食，雲吞的肉餡其實也就不俗，但想吃紅油抄手的，就不要點這個了！輕輕一提，店長（？）很有禮。然而店內可能座位不多，我稍稍停手，店員便迅速走過來問我是否不要了😂😂

今日突然好想食上海野，又係銅鑼灣，就黎左呢間都頗出名的上海食店。食上海野，一定要點我最中意食的小籠包，一客有四隻，即叫即蒸，一落單不夠幾分鐘即刻送上，在上面咬開飲一飲湯汁，味道好鮮甜，好味！招牌生煎包果然是招牌菜，加埋湯汁食唔乾身又唔油膩，仲要入面大大舊肉。芝士小籠包，第一啖咬已經食到芝士味，幾創新同幾好食！主餐係四川担担面，一上菜已經嗅到陣香味，分量好多好抵食！如果有埋花生一定仲好食👍🏼食咁多肉當然要健康啲叫一碟油菜啦，好新鮮。

在上海吃過<小楊生煎>後念念不忘，但最近也沒機會到上海，終於忍不住要找間上海店，止一止生煎包的癮！生煎包果然沒有令我失望，比<小楊>個子小一點，一次過吃幾個也不覺得膩，肉汁飽滿度，皮嘅厚薄度亦攞高分，唯獨是包底嘅甘脆狀態不夠，略嫌有點硬。回鍋肉菜飯亦很不錯，最後加埋炸醬麵，甜甜鹹鹹的肉醬伴青瓜絲，正好中和了煎包回鍋肉的肥膩感覺如果可以在鋪頭門面加隻大鐵鑊，可以睇到一隻隻生煎包被煎至脆卜卜的過程，那就perfect 喇！

之前試過旺角分店的生煎包，可能放咗一段時間微温，所以味道同肉汁發揮唔到最好。今日嚟到銅鑼灣試多次，外賣左八粒生煎包做二人下午茶，點知其中有兩粒係未熟既，裏面嘅碎豬肉同埋包內層都係生既。。。（見圖）其實食物好唔好食都係其次。。。熟唔熟先至係排第一。。。希望下次師傅小心啲；拎走左都唔知返唔返轉頭話返佢知另外六粒熟既，新鮮岀爐，不錯；有肉汁，外層有脆口；外賣有優惠口痕又想不到吃什麼可以再食。另外小事一則，就係留左單。

本身心心念念去食餃子，結果個間餐廳無開。🤦🏻‍♀️所以選擇來食生煎包，我哋眼大肚窄，叫咗好多，好彩最後食得曬😂。主角生煎包，無令我哋失望，皮薄湯多店員仲會溫馨提示我哋小心燙。枱面都有簡單教學。小籠包都唔錯，但一定要趁熱食，湯汁好味。不過其他小食就有點令人失望。上海菜飯其實唔錯，不過紅燒肉太過偏甜，可能尼個係上海菜特色，唔啱我哋口味。蒜泥白肉，我覺得最唔抵食嘅一道。單面頭個五六塊肉片，下面全係青瓜，盛惠HK$35。味道亦不算突出，甚至我覺得有啲賣廿幾蚊，切到勁薄個啲味道仲好。口水雞一開始食落味道都唔錯，有種上海改川菜嘅風味。不過再食就會有少少苦澀嘅酒味。可能係啲雞肉有用酒醃過。但最失望都係尼道紅油抄手。首先睇樣已經唔算係“紅油”，可以改叫“豉油”。另外啲抄手皮好厚，全部粘埋一齊。有咿似個啲煮完擺咗好耐之後嘅麵一樣，糊埋一堆。雖然尼啲唔係店內主打，但一道餸就可以令成個印象分都扣曬。希望係提供好味嘅主食之餘，係其他小食方面都可以有進步。👍🏻

生煎包皮太硬！菜飯易很難食！大家不要上當！見到🍎凍介紹來試試，點知根本無水準，未試過食甘難食的菜飯！🍎凍是收錢打廣告嗎？誤導社會大眾！簡直用差來形容！各位看圖就知有幾差！

去左銅鑼灣行街，到左午飯時間就好自然咁去登龍街搵野食醫肚。登龍街真係集合左世界各地嘅餐廳咁，總有一間啱你口味。今日我地想食中國野，一於試下呢間最近名氣幾大ga 星級上海食店啦。套餐好抵食，仲送野飲！上海生煎包，肉甜多汁！好夠熱添，真係要小心熱到個嘴炸醬撈麵，麵質彈牙，肉燥炸醬勁香口，加番少少青瓜絲去中和番炸醬ga，真係好好味，食唔停口！另外一個套餐叫四季豆回鍋肉菜飯，個回鍋肉好惹味，又唔辣，送飯一流！抵食又好味！會再幫襯！👍🏼👍🏼

聽就聽得多，睇電視睇到睇過，今日正正行開嗰頭經過見到有間上海店咁就入去試吓，入到去先知原來係呢間。Menu上邊嘢食都算多，不過一場黎到，梗係要試吓出名嘅生煎包同小籠包，另外叫咗個炸排骨上海麵同埋一個回鍋肉加菜飯，另加兩杯豆漿。生煎包面淋底脆，肉汁一流，唯獨是size細左少少，不過少食多滋味！小籠包係比生煎包出色，皮薄餡靚，我老婆話好食過香港好多間小籠包店，重好食過上海好多鋪頭，一定要試！炸排骨上海麵，麵就冇乜特別，但個炸排骨就幾好食，揸得夠淋夠入味。最後個回鍋肉菜飯，做得幾好，唔太油唔太辣，啲肉肥瘦適中，配埋個菜飯好夾!!冇影相，但一定會再返去試其他菜式。

今晚去左銅鑼灣，食晚入左登籠街睇下有乜食，帶住個非本地人士，呢間正宗上海生煎皇好似幾地道，就帶佢入去食。招呼都不錯，菜單選擇都好多，最後我食左炸醬伴面$42，都吾錯，喜歡佢嘅面，又滑又彈牙又有咬口，炸醬都好多，份量又夠，食到幾飽。再一齊食左川州無骨鳳爪$31，好惹味，辣辣地，最正係無骨，啖啖肉，好耐冇食，吾錯。仲有韭菜豬肉水餃，六隻先$29，即嗌即整，熱辣辣大大粒又好足料，一咬好香嘅韭菜味，食吾出有味精，好食得嚟又有媽媽自己包嘅住家感覺。整體又平又好食，吾洗加一，朋友都讚，幾好。

時常經過登龍街上海生煎皇嘅門口都會見到有人龍排隊入去食嘢，我諗啲食物應該有一定的水準。咁啱今天經過見冇乜人排隊，而且見門口掛住個餐牌價錢吾貴，所以入咗去食午餐。上海生煎包賣相麻麻地，唔夠脹卜卜，包面同時灑上黑白芝麻有別其他店舖，幾特別，識落熱辣辣，包底脆脆地，餡料一般，但肉汁豐富，幾好味，不愧為鎮店之寶。上海厚切炸豬扒湯麵， 四喜烤夫，豆漿豬扒夠厚又唔肥，肉質嫩滑，醃得入味。上海麵煙靭度適中，唔會過諗，但略嫌湯太少。烤夫好惹味，但略為甜了些少，欣賞烹調時落了紅棗，所以食落好有紅棗嘅香甜味。豆漿幾香濃，唔會好淡，而且又夠大杯。整體而言，這個午餐尚算滿意。

星期六的中午去到銅鑼灣想食lunch，周圍都好多人，揀咗登龍街的正宗上海生煎皇，有幾個人在排隊，不過唔駛等好耐就有位了～ 店舖雖小，但坐位唔算狹窄，亦坐得舒適。我哋兩個人食，叫咗招牌的上海生煎包（2個），灌湯小籠包（4個），銀牙炒鱔糊加菜飯，上海炸排骨湯麵，酸辣湯～ 上菜速度好快～ 首先來的是酸辣湯～略嫌份量少，只有一個燉盅的size，不過味道真的不錯，酸辣度十足，但不會嗆喉，非常開胃，配料有肉絲，木耳絲等，也算豐富。上海生煎包稱得上「生煎皇」，生煎包果然不錯👍餐廳貼心地提供了食生煎包的「生煎四步曲」，我都有好認真咁跟住嗰四個步驟咁做，哈哈～ 首先欣賞一下山煎包，然後咬開頂部，再大力吹涼生煎包，然後品嚐肉汁，最後開懷大吃～ 生煎包充滿肉汁，而且鮮味非常，內裏的肉鮮嫩淋滑，生煎包的底部煎得很脆，而不會像其他店的煎得過硬，又不會煎得過份焦黑，恰到好處～ 好味👍🏻灌湯小籠包灌湯小籠包亦是另一推介美食😋皮真的超薄！但亦不會很容易穿～ 配上薑絲和醋，一啖放入口，內裏充滿鮮甜的肉汁，肉亦是很鮮嫰，十萬個滿足～ 銀芽炒鱔糊加菜飯賣相不錯，隔離枱的遊客一見到就問係咩，跟著要點～ 鱔的份量足夠，肉質嫩淋

識得呢間生煎包主要都係因為明星效應，一路想試睇下係咪咁惦，最近終於到黎到銅鑼灣登龍街開分店，lunch行過要等四五個位所以無等，夜晚七點再黎就唔駛等門口有大大個menu餐廳大約有二十個位，平日夜晚都坐滿人枱面有圖教客人點食生煎包生煎包係必點，$18/2個好多汁，一咬開就流哂出黎，啲汁好熱，所以要細細啖咬開吹下先，個包熱辣辣好好食四川擔擔麵，$43擔擔麵唔算好辣但夠香夠麻，花生同肉碎都好多，女仔食份量夠飽土匪雞翼菜飯，$39雞翼煎得香口，香料夠入味呢間生煎包價錢抵味道又幾好，之後都會再黎

星期日行過登龍街見開了一間新的上海生煎包店，街外可以見到廚房師傅做嘢，寧捨吸引，見到生煎包，好似幾好味。坐低用點心紙點菜，十幾廿元一款，好平吓。仲有卡通建議客人點食包，先欣賞然後吹吹佢，涼些先食得，從來未想過咁樣食法。$18兩個生煎包，煎至個底很脆，包內灌了湯，包薄肉多，正呀！仲食咗上海炸排骨湯麵，只賣$46，仲以為排骨會有炸漿包住，原來無，原汁原味，味道甜甜地，大件夠厚，好食。值得一提個辣椒醬，帶甜所以唔係勁辣，好味呀！呢間抵食又好食，唔怪得咁多人。

每次經過登籠街，總會被大大鑊生煎包所吸！上OpenRice 搜尋結果好多好評！今日就黎試新嘢！在每張檯面上貼有生煎包既食法👍除左招牌生煎包，亦有供應好多特色上海菜式。上海生煎包（兩個）$18生煎包底部煎到金黃香脆，咬一啖！好熱！好多汁！肉質鮮美！記得要跟足貼士去食呀，太心急會燙傷嘴啊！口水雞$48 口水雞係我最愛既雞比位置，味道、肉質唔錯，稍嫌辣油醬汁唔夠。酸辣湯$24酸辣湯配料豐富，味道加辣應該更加好味！

一向很喜歡食上海野，上堂前去咗登龍街新開的正宗上海生煎皇食個晚餐。下午五點幾鐘，人流未開始多，不用等位就可入座。點咗蟹粉小籠包（2個）、生煎包（2個）、紅油抄手（6隻）及一杯豆漿。生煎包新鮮熱辣，皮脆餡多，又多汁。食生煎包當然配返杯凍豆漿，非常解渴。蟹粉小籠包即叫即蒸，小龍包皮簿餡多，很濃蟹粉味。紅油抄手份量多而且大大粒，外型有點似雲吞，餡料係豬肉，辣辣地，味道不錯。呢度吾加一，而且上菜快，下次上堂前再來食過。