正九清湯腩 (群星大廈)

营业中

休息中

點了三寶河，內有牛腩，牛筋和牛肚。刻意沒有額外加錢轉崩沙腩，想試佢的正常牛腩質素. 碗河粉來到，牛腩很瘦，好硬實，完全唔鬆化，完全唔好食。牛筋和牛肚，正常質素。湯底真係好清，清到沒什麼味道，也沒有牛味。杯凍奶茶，感覺很澀及鞋口，唔太好飲。整個用餐體驗，感覺失望到完全冇心機影相😥😥。不會再回來了。附近會有更好的選擇。坐位有點迫，玻璃門長開，冷氣流失，店外二手煙吹入來，二手煙很臭。遲些再熱d, 應該會好熱。

我最近到觀塘正九清湯腩總店用膳，品嚐了他們家的清湯崩沙腩河和牛三寶河，真是讓我大開眼界。其中，牛河更是備受推崇，深得我心。牛河的肉汁非常鮮嫩，肉味十足，而且湯頭清澈美味，吃起來一點都不膩口。河粉的口感非常彈牙，配上肉汁和湯汁，味道更是美味無比。除此之外，觀塘正九清湯腩總店在下午茶時段還會贈送免費熱飲，凍飲只需加$3，非常實惠。整個用餐體驗非常愉快，店員服務也非常周到，令人感到非常舒適。總的來說，觀塘正九清湯腩總店的牛河絕對是一道不容錯過的美食，如果你正在尋找一家好吃的清湯腩河店，這絕對是一個不錯的選擇。

叫左個清湯牛腩河同牛三寶河粉，湯底超級咸，牛肉好老，河粉不好食，硬！好明顯係劣質產品！清湯腩河49不包食品，牛三寶河粉，牛肚還過得去，牛筋都算好，牛腩就好老，好難食！湯底超級無敵咸！

因為要由柴灣去九龍灣攞嘢，所以特登再去觀塘食佢，之前都食過呢間正九嘅排骨擔擔麵3，4次！ok好食排骨又多又外脆內軟，個麵又煙靭，個湯ok有少少辣，幾好食！咁今次去隔咗1個月，嘩，點解差咁遠，個排骨少咗3份2，仲要切粒，仲要得6,7粒（圖中係舊骨😅好似好大舊，開頭太肚餓,無影到)，啲豬扒粒仲要外燶內乾！湯又無乜好似撈麵咁，叫姐姐比啲湯，佢話以為我鐘意少啲湯，因為有人會少湯撈嚟食，（姐姐如果我要撈麵就會出聲啦，叫擔擔麵就要有湯㗎啦，唔好以為好唔好），個麵就普通，硬咗啲，無之前嗰啲煙靭，但我都食晒，因為都2:00我都未食過嘢，唔係好難食，係難食啫，又唔想嘥嘢，埋單有同姐姐反應話之前幾次嚟食係幾好，今次差咗好多，佢話唔好意思會留意返，但我短期內都唔會再去，觀塘咁多嘢食，試咗其他先，有緣再會😅

睇戲前喺觀塘覓食，見到呢間零負評嘅清湯腩店於是就黎試一試佢。趕得切下午茶時段堂食，跟餐送飲品，凍飲加3蚊。可惜本日崩沙腩同坑腩沽清，就叫左個清湯腩（半肥瘦）雲吞河同腐乳通菜。不得不提個湯頭真係世界級！由新鮮牛腩同牛骨熬製而成，飲落好清！加少許辣椒油更加出色！幼河粉亦好夾個湯，唔會碎唔鞋口！牛腩可以叫肥/瘦/半肥瘦亦可以照顧個人喜好非常好👍🏻唯一個菜肉雲吞冇乜特別，下次可以唔使叫。整體都非常出色，湯連粉好快清晒！

剛好經過 發現裏面高朋滿座 便也跟着進去湊湊熱鬧🤣🤣🤣每枱也有辣椒油、醋、胡椒粉、牙籤🫙辣椒油 則是普通的潮州辣椒油🌶️不會令人印象深刻那種〰️凍檸茶走甜 （跟餐 +$8）茶底不香濃 很稀的感覺🤣不過檸檬片給得很慷慨🍋 是不錯的解渴之選！而且晚上喝 也不會擔心茶太濃 晚上睡不著😆三併粉麵 🥢 $69牛筋、牛腩、雲吞米粉 多蔥🍜牛腩還可以選擇加錢升級至崩沙腩、沙腩等等 🫶🏻而我則選擇了最原本的牛腩〰️牛筋牛腩是正常的水平 不過份量真的非常多👅雲吞是店員推介的🤪 我才點來試一試裏面豬肉的份量很多 夾雜適量的蔬菜🥬有點上海雲吞的感覺 皮很薄〰️不是一般我們吃到的鮮蝦雲吞 🦐不過也是好吃的☺️湯底也是一般的清湯 不太能嚐到大地魚的味道夠熱！ 而且很欣賞店家將青蔥切得這麼細 感覺很有誠意🫡💛另外加配了店家推介的炸雞翼 $33 一客有4件 很大一隻耶！！每一隻都是脹卜卜 即叫即炸👅外層酥脆 炸粉很薄一層 面頭還撒上了胡椒粉吧 更香口！裏面的雞肉滑嫩多汁😝😝真的很好吃！-整體對這間粉麵店的觀感不錯☺️每位店員都非常親切 而且很友善 店員之間的感情也很好 😙整間店舖的氛圍 就像一個小家庭 合作無間在裏面吃的不僅僅

一到秋冬🍂就會想食牛腩河 可能因為係湯麵 食完暖笠笠好舒服😋 咁啱係觀塘附近見到哩間評價唔錯就入左去啦 地下有啲跣 大家如果去要小心啊❗️ 去到差唔多七點 本身想試沙崩腩 已經賣曬🥲 之後叫左普通牛腩同坑腩 好彩我地早啲到 之後已經冇曬河粉 牛腩都得返最後幾份 估唔到咁快賣曬 應該都幾受歡迎🥳✿ 清湯牛腩河 +雲吞 ✿ [$49+8]清湯飲落好舒服 好暖胃 啱曬淡口味嘅人 不過我就這樣落啲辣椒油啦 個人認為食牛腩河一定要落辣椒油🤣 牛腩可以揀半肥瘦 偏肥 偏瘦都得 揀左半肥瘦 啱啱好 肥瘦中間部分幾爽口😍 雲吞嘅餡係菜心同豬肉 幾有驚喜 菜心仲係爽脆 應該係新鮮雲吞😍✿ 清湯牛腩河 轉坑腩 ✿ [$49+8]河粉係幼身嘅 軟硬程度啱啱好 唔會一夾就斷值得一讚👍🏻 唔係間間做到 而且坑腩比普通牛腩更爽口同牛味濃啲 份量都幾多 細食嘅記得叫少麵⚠️ 整體表現唔錯 下次會再食😋✿ 油菜 菜心 ✿ [$19]可以揀蠔油同腩汁 份量可以多啲🫣★好食指數★：7.5/10★🈚️加一★

今晚放工搭巴士去到觀塘嘅時候突然醒起想食清湯腩即刻落車再行經凱匯上去正九 勁快一去到二話不說叫咗碗清湯崩沙腩河，仲加多兩粒墨魚丸，再整碟芥蘭，凍奶茶！幸福就係咁簡單！賣相一如概往吸引 湯底顏色夠清 牛腩又靚又多即刻飲一啖湯暖下胃先清澈既顏色但味道鮮甜而且夠咸 今日俾得唔夠多湯，所以我叫店員俾多碗湯啊，佢哋都好樂意！崩沙腩上下都有層根膜 有咬口 肥瘦適中 肉質林滑河粉夠薄身，條條分明滿分既清湯牛腩河墨丸彈牙真材實料

今晚唔太肚餓，想食下清清地嘅粉麵類, 記起公司附近有間正九清湯腩，於是收工就約埋同事去幫襯下囉。同事叫左清湯牛筋河粉，我就點左清湯牛腩米線🍜，加$8轉坑腩，大家交換左餸，咁就變左雙併☺️。坑腩牛味重肉質軟淋，柔韌又有嚼勁，側面的筋膜咬落有油香，很好味😋，清湯清而不膩， 同事說河粉很細滑可口。我另+$4配了咖哩汁，將米線加入變左咖哩撈米線，好夠味但唔覺得辣，小朋友都啱食☺️。+$8有菜心烚得熟度剛剛好，而凍飲每杯只須 +$8，真係好抵啊😜。

同朋友喺瑞和街體育館打完波，好多觀塘波友都好鍾意食呢間，但我就第一次跟波友嚟食。真係好好食，好有質素，難怪咁受波友歡迎！😍仲要食物種類都好多。👍🏻清湯牛腩河拼雲吞 ($57)牛腩有得叫半肥瘦，全肥全瘦，我就叫左半肥瘦。牛腩好爽口，好腍，半肥瘦就更加正。😋河粉質感好好，好爽。最鍾意係佢個清湯底，好夠味，係出面食我要落好多醬料，呢庿完全唔使落任何醬料都好正。😍高質！另外個雲吞係勁大粒，+$8就有好2粒好大粒雲吞，好好食。😋口水雞飯 ($54)雞好滑，雞味突出。口水雞醬都好入味好香，最重要係麻辣味夠出，好過癮！🤩整體都係好高質，無諗過咁好食👍🏻腐乳通菜 ($19)通菜好爽口，脆卜卜。腐乳味好濃，超好食！🤩仲要份量都足，唔錯。凍奶茶 (跟餐+$8)茶味濃，奶味香，甜度適中，奶茶fans絕對可以過黎一戰。😋凍檸茶 (跟餐+$8)茶底濃郁，唔錯！

第一次食呢間清湯腩，估唔到又幾好食喎我哋嗌咗兩碗麵，再加一個菜，食到勁飽勁滿足呢個炸排骨擔擔面同出邊有少少唔同，個面底唔會杰身，我另外再加左兩粒牛丸👍👍排骨勁酥脆，超級推介 另外嗌咗咖喱牛腩河牛腩份量都頗多，而且口感軟硬適中我哋仲落咗一個菜，本身有芥蘭生菜我哋揀咗菜心。菜心都好香甜經濟實惠，食到勁飽都係每人60幾蚊👍同埋佢哋keep住人客都好多，基本上啲人呢頭食完轉頭又有客人坐低不過勝在啲客都係好快食完就走如果唔係一定大排長龍

清湯腩真係有一種魔力，有時喺街尾已經聞到街頭嘅清湯腩，嗰種清香卻又濃郁嘅味道，搞到明明唔肚餓都想停低整番碗。今日仲誇張，搭車經過觀塘，腦裏面突然諗起正九清湯腩，見仲有時間，就早幾個站落車，嘆碗正九清湯腩嘅清湯坑腩河先！炸魚皮魚皮非常香脆，完全無由億味，如果浸埋清湯一齊食，就有另一種風味。清湯坑腩河坑腩可以揀肥瘦程度，最正當然係半肥瘦啦！坑腩嘅肉味香濃，加上中間嘅筋膜，肉質軟腍卻又帶有口感。但其實最正係個河粉，河粉滑溜之餘，仲吸收晒坑腩嘅精華，加上湯底嗰種清香卻又濃郁嘅味道，真係好好味。五香牛展擔擔麵擔擔麵可以揀辣同唔辣，但略嫌麵底有少少鹼水味。至於五香牛展好淋好香，入晒味。

正九清湯腩 (群星大廈)今日同朋友都突然諗起清湯腩嘅味道，就去左觀塘正九清湯腩食飯。牛三寶河: 佢哋最岀名係清湯腩，當然要點。店員力推既牛三寶河有 牛腩，牛肚，牛筋，3款都牛味濃又夠腍加埋彈牙爽口配清湯，一流。牛腩肥肉比較多，不過咬落去油膩感唔會太重，比出面牛腩大嚿完整:牛肚爽口香味撲鼻， 河粉大碗份量足夠。真係無比享受咖哩: 加$4 大大豌咖哩汁，咖哩味濃但吾太辣，啱晒我既口味，一定要加阿.炸魚皮：大大啲卜卜脆好好味價錢性價比高，餐廳最方便的地方就是鄰近地鐵站，路程只需要五分鐘左右。好有驚喜，好滿意既清湯牛腩河一定會再黎#kaygorfoodie #hkig #hkfoodie #foodiehk #hkigers #hkfoodblog #hkfoodblogger #hkcatering #hkboy #followforfollowback #likeforlikes #like #instalike #likesforlike #likeforfollow #likelike #liketime #likelikelike #likes

今日放工嚟咗觀塘，行經聞到陣陣牛腩香味，於是入咗正九嚟番碗高質清湯腩🥰崩沙腩河粉好好食，崩沙腩口感好唔錯，脂肪同肉嘅比例配搭得好好，有香味十足，配搭埋嫩滑嘅河粉，加埋兩粒雲吞，滋味滿瀉🤩爽腩幼麵都好好食，幼麵爽口，口感好Q彈，配搭埋少少紅醋更爽口；爽腩超級好食，好有咬口，同普通牛腩同崩沙腩又有另外一種風味，正啊😚仲叫咗碟腐乳通菜，通菜新鮮爽口，而且望落非常翠綠，好有質素，配搭埋鹹香腐乳滋味更甚😍凍奶茶同凍檸茶都係正常發揮，好飲☺️

今天落雨濕濕又轉凉先要到觀塘交收文件。正當過紅綠燈時看見正九清湯腩(觀塘)，急不及待避雨又好醫五臟廟又好，入店舖憩吓先，我曾經在油麻地也品嚐這間分店牛腩美味😋😋今次適逢路過也來一嚐。店舖細細，裝潢很簡潔，女店員也很有禮貌，剛剛好下午茶時段消費滿$40以上有熱飲👏👏午餐還未吃，和朋友食餐勁!1.清湯牛腩(up grand +$8)轉崩沙腩米粉~崩沙腩肉質有層次帶有筋、肉、油花，口感鬆軟帶油花味口感極為豐富，加上濃郁牛湯味湯底🥰🥰2.清湯牛三寶(牛腩、牛筋、牛肚)~牛腩軟滑牛味濃郁沒有牛羶味。牛筋燜稔入味口感淡嫩不腻，而且含有豐富骨膠原，養顏美食。牛肚爽脆嫩口，有少少嚼頭3.牛丸麵~牛丸牛肉味香濃，爽口彈牙這餐吃了很多牛……牛🐂🐂