權發飯店 (已結業)

星期六同屋企人一齊去呢間食晚飯叫咗呢幾款餸1. 粟米斑塊2. 荔芋香酥鴨3. 脆皮炸大腸4. 美極煎大蝦5. 豉汁帶子蒸豆腐6. 濃魚湯海味雜菜煲味道是不錯的，而且都幾大碟只不過...服務差咗少少話說我地 6 點 3 入座，點完菜 6 點 5 左右，6 點 8 左右上菜7 點 3 我地食得七七八八 (但未食完)，侍應見我地停哂手，就想收我地啲嘢食我地當然即時叫停佢雖然我知佢地係想做多輪生意，但都唔駛咁趕嘛...我地都有俾錢0架...想慢慢食，享下天倫樂啫做生意都要顧下客人0既感受0架...

話說2星期前奶奶家仍在裝修,要到外面晚膳.見咁耐都未去過呢間,咪試下囉!點知4個人無位訂,姑仔早成粒鐘去到等,共等了差不多個半鐘,坐係廁所門口張凳仲無得挨添叫左4個...蒜香雞 - 淨係睇到D蝦片...雞皮唔熱仲唔脆,有無攪錯呀!!! 魚香茄子煲 - 肥淋淋,我都唔算怕油既人,佢差不多D茄子比油浸住海鮮什菜煲 - 比較正常脆玉瓜炒駝鳥肉 - 炒到"干爭爭"同偏鹹還有...有個伙記送錯碟蒸蛋,未放上已告訴他"不是我們的!",點知佢"黑面"兼"蔑嘴蔑舌"???乜野服務態度呀???平又點?要好食至得嫁!唔會再去!

果皮烝泥鯭($75)、竽泥鴨半隻($78)、魚翅湯烝大蜆($88)，老實講味道不算極好味，大蜆好靭有沙而且比較喊，竽泥鴨很膩，數件己飽肚，泥鯭很新鮮，果皮很香，可是在這個通脹年代，星期日晚餐大件夾底食的食物館買少見少，埋單$250，食到飽一飽，差不多食唔哂，服務和清潔都是街坊式，大呼小叫少不免，算係咁了。

權發都係自己想試的飯店, 今次終於同大食師傅試左. 九點幾去到, 全場爆滿, 爭d要搭檯.1) 上湯杞子豬膶浸莧菜 - 豬膶剛熟, 保持爽脆, 無腥味, 非常唔錯. 但個莧菜就幾老下.2) 蜜汁煎金蠔 - 鄉下妹, 第一次食金蠔咋. 聽朋友講金蠔係介乎蠔c同生蠔之間. 外表略脆, 入面軟糯, 都幾好食. 不過比我揀, 我likey生蠔多d. 個人口味而巳.3) 川芎百芷魚頭窩 - 有個火住, 幾好. 魚頭滑溜多膠, 無腥味. 湯底勁重藥材味, 好苦下, 唔係人人受到, 但我鐘意!4) 家鄉魚卜煲 - 魚卜勁多, 食極都仲有. 但唔夠惹味, 亦唔係全部新鮮貨.5) 椒鹽鮮魷 - 粉厚, 比較韌, 無鮮味, 好唔掂.6) 西施炒雪蛤 - 即變版賽螃蟹, 炒得幾嫩滑, 唔會太油, 都唔錯.7) 3支青島感覺上權發絕對係大件夾抵食, 服務亦非常好, 叔叔哥哥嬸嬸都好nice, 但食物質素唔算好突出. 雖然係咁, 大家都食得好開心. 無他, 我同師傅胃口夾, 口味相近, 佢揀d酒又arm飲, 梗係點都盡興啦!下次試邊間呢?

上星期五同左D朋友上去食飯,我地嗌左8個餸,我覺得共中有3樣都煮得相當好食,冬瓜盅 - 夠晒多材料,D湯唔會好重味精.沙爹金菇肥牛粉絲煲 - 個沙爹汁夠濃而唔會太辣.炸鮮奶拼蒜香骨 - 幾得意,又幾好食,其他食店都好少見有咁樣嘅組合.

朋友o係網上睇到呢間o野o既評語好似幾好咁, 所以就趁住其中一位朋友生日就黎試下 o 唔 ok. 一行五人叫左1. 魚蝦蟹海鮮泡飯: 個飯其實就好似潮州o既蠔仔粥咁, 個湯底好似. 泡飯有勁多海鮮, 有花甲, 蝦, 帶子, 魚肉, 蟹, 鮮魷魚, 肉碎咁, 好足料又好食. 佢d 海鮮並唔係差架, 仲好新鮮同好大隻 tim, 蟹都唔會淨係得腳, 有埋蟹身連膏, 唔會似出面有d 食店會放d 丁屎咁細粒o既雪藏o野 lor. 2. 潮州蟹肉翅: 翅有多到瀉o既蟹肉, 都一樣係新鮮架, 大大隻冬菇, 都唔講佢入面多唔多翅o勒, 200 幾蚊你想有幾多翅先, 但齋講個翅o既味道同多蟹肉, 我都覺得係超值. 3. 琵琶豆腐: 一送上黎, 真係大大碟, 味道好好, 魚肉都新鮮, 唔會腥, 好食. 4. 蒜香雞: 呢個似為會好好食, 因為睇其他食評好多都有讚呢樣餸. 但蝦片唔脆, 隻雞o既皮都唔脆, 肉好o鞋, 似乎係炸得過左籠喎, 所以對呢樣有d 失望喇. 5. 黃金大蝦球: 好奇怪會有菜o係底, 我 expect 個蝦會係乾身架嘛, 但唔係 lor, 有汁o既 ?? 黃金蝦d 黃金應該係蒸得唔夠

之前都有幫襯過, 感覺唔差. 昨天(5月4日) 中午放工已經兩點幾, 兩個人上到去叫了一個滑蛋牛肉飯同雞肉伊麵, 點了不久即送來例湯, 剛渴完即有個侍應問D野到齊未, 要唔要加野, 我就答佢我地剛剛才點了菜, 跟著見個侍應逐檯去問, 之後就叫人埋單, 當時有四, 五檯人, 過了不久, 我們點的飯來了, 味道比上次差, 牛肉除左個鹹字, 並無鮮味, 相反個伊麵就極淡. 食至中途, 個侍應埋黎叫我比錢埋單, 我當時好唔高興咁問佢, 甚麼事要個客食緊野時叫埋單, 佢答要埋數, 難道間鋪下午3點就打烊? 一間咁無禮貌既食店, 以後都唔會再去

上星期有數天假期, 同太太四圍逛順便巡o下舖做o下Market Visit, 去到筲箕灣, 又「華仔」, 又「百記」仲有間「街保」添, 大有斬獲, 係時間反省反省, 返去同班人民大隊砌好D零捌年o既大計喇...行o下行o下都差唔多晚飯時間, 一早已聽聞筲箕灣有間好正既小炒飯店『權發』, 便去試試, 在東大街的『權發』就在地鐵站附近, 不難找......飯店沒有豪華裝修, 店內四週都貼滿各款小菜推介, 價錢都好大眾化, 款式仲非常多, 兩枝公叫o左"枝竹羊腩煲" 九十八蚊附送唐生菜; "豉椒味菜炒豬大腸" 五十八蚊..... 招牌菜"魚蝦蟹海鮮泡飯" 七十八蚊。嘩! D菜上䒷 時大嚇一驚, 份量非常大, 泡飯是用老火湯煲上, 大大煲足夠四至六人份量, 用料新鮮, 有一整條石斑魚肦 , 大花甲五隻, 基圍蝦五隻, 唔係好大隻但好多膏o既蟹一隻, 加埋好多鮮魷魚, 肉碎, 好好味o既海鮮湯......兩個人好努力才消滅o左煲泡飯仝碟豬大腸, 結果煲加大碼羊腩唯有打包。D伙記阿叔仲好好服務, 絕不比大酒樓差, 仲免茶免加一, 埋單都係二百多蚊......讚!http://hk.myblog.y

Haven't been there for a long time....Inside is very tight.....down-to-earth...Prices are low before refurbishment....don't know ...now...but yeah....魚頭煲.....my favorite!!!!!

同事巧立明目，雙十節晚飯，因為之前已經想試試權發~~~ ，雖然是星期三，.已訂位19:30，但都要等到19:50才有位，同事話都算OK~~~ 不過這裏食飯真的有點嘈~~~蒜香雞(皮脆肉嫰，有脆蝦片送~~~)炸蟹鉗(8隻起~~~ 熱辣辣~~~ 不過不夠彈牙~~~)薑葱蠔(好大隻，又夠味~~~ )蒜蓉豆苗(好大碟~~~ 菜嫰~~~)杞子豬膶波菜(豬膶好味~~ 湯稍鹹~~~)蜜汁燒鱔(好味~~~ 如果稍為脆少少就更好~~~)燒汁銀雪魚(雖然賣相差少少，但好好味~~~)黃金大蝦球(鹹蛋黃汁好好味，大大隻蝦，如蝦可以再爽少少就滿分~~~)豆腐生菜魚雲湯(湯料也大大碟，有湯有餸，魚雲也好好味~~~)糯米飯(正!!!)汽水+ 糖水(送)11位用–每位HK$79* 最可惜是沒有芒果布丁(據負責人話:因為不是芒果出產的月份，芒果酸，所以唔賣~~~)* 最驚人是碟碟清~~~ 連湯渣也清~~~

6點左右去到已經要等位, 好在都只係等了二十分鐘左右. 地方就幾細, 所以坐得都幾辛苦. 侍應服務都算ok, 勝在一叫即應, 反應夠快.東瓜盅: 每一枱都有叫, 水準應唔會差. 有好多蝦蟹, 料好足, 不俗.椒鹽九肚魚: 好大碟呀! 炸粉就厚左少少, 不過都幾好味.魚香茄子煲: 正常味道, 冇乜特別腐乳通菜: OK, 又係正常味道.霸皇雞: 肉質算滑, 不過雞味唔夠.

一個字：正！再多個字：平！再三個字：抵！缺點：(1)少人唔好黎，實食唔哂！(2)weekend 食6點個round好啦，好多人！

星期五晚，要等位架，等咗一陣啦。免茶芥及加一，但坐得唔係咁舒服，同埋太多人等喇，我哋食完都"拿拿林"走。金牌蒜香雞半隻$78 - 估唔到原來有蝦片送，好脆，雞皮炸得香脆，雞肉又嫰滑砵酒焗生蠔煲$98 - 蠔大大隻，但醬汁略鹹濃魚湯什菜煲$55 - 真係有濃既魚湯味，有幾隻鮮魷，粉絲及什菜等最終都食唔晒要打包隻雞走。

八碟餸當中，相中幾味最鍾意：－－(1) 蒜香雞：皮脆肉滑，香口美味！(2) 芝士大蝦伊麵底：大蝦好新鮮，剛剛熟；不過略嫌芝士汁多o左ＤＤ，令伊麵食落‘林’O左Ｄ。(3) 鮑汁竹筒飯：汁多飯軟，好入味。(4) 炸蟹鉗：全晚我至愛，本身鍾意食蟹，仲要佢炸都熱騰騰，又多蟹肉，正！(5) 芒果布丁：大大碟$38咋！超抵！其餘：椒鹽勝子；蒜蓉炒莧菜；乾榣柱蛋炒飯八碟餸，碟碟份量驚人，都係五佰幾蚊，認真抵呀！

我住ＳＫＷ，所以經常去食，因為太抵了，雖然係坐得唔舒服，又好嘈，不過勝在抵食，次次都打包走......如果想坐得舒服，又好氣氛，要談心，就不震來這裡了，呢度絕對不是食裝修,食環境，係一個上樓大排檔！！