權發飯店 (已結業)

上星期有數天假期, 同太太四圍逛順便巡o下舖做o下Market Visit, 去到筲箕灣, 又「華仔」, 又「百記」仲有間「街保」添, 大有斬獲, 係時間反省反省, 返去同班人民大隊砌好D零捌年o既大計喇...行o下行o下都差唔多晚飯時間, 一早已聽聞筲箕灣有間好正既小炒飯店『權發』, 便去試試, 在東大街的『權發』就在地鐵站附近, 不難找......飯店沒有豪華裝修, 店內四週都貼滿各款小菜推介, 價錢都好大眾化, 款式仲非常多, 兩枝公叫o左"枝竹羊腩煲" 九十八蚊附送唐生菜; "豉椒味菜炒豬大腸" 五十八蚊..... 招牌菜"魚蝦蟹海鮮泡飯" 七十八蚊。嘩! D菜上䒷 時大嚇一驚, 份量非常大, 泡飯是用老火湯煲上, 大大煲足夠四至六人份量, 用料新鮮, 有一整條石斑魚肦 , 大花甲五隻, 基圍蝦五隻, 唔係好大隻但好多膏o既蟹一隻, 加埋好多鮮魷魚, 肉碎, 好好味o既海鮮湯......兩個人好努力才消滅o左煲泡飯仝碟豬大腸, 結果煲加大碼羊腩唯有打包。D伙記阿叔仲好好服務, 絕不比大酒樓差, 仲免茶免加一, 埋單都係二百多蚊......讚!http://hk.myblog.y