橫綱

营业中

休息中

朋友話e間d 面好正宗日本面. 我又唔覺.好多人係門口等, d位肥d都坐唔到. 飯團反而最好食

好味啊!我幫襯左佢好多年，雖然成日都要排隊，但係都值得!仲記得有一次，我朋友叫左牛肉拉麵，不過，個麵黎錯左，黎左個九州拉麵，個侍應態度好唔在講，佢無收番個九州拉麵，仲加料，比番一個碟足分量既牛肉。(嘿嘿~從此就比佢俘虜左...kidding)我最中意食牛肉拉麵!總之，好味la~d湯底同拉麵都好!又唔貴!

經常排長龍o既食店,襯落大雨冇咩人入去試試.叫左個九洲拉麵,豬骨湯底超濃超正,冇味精,拉麵幼身而彈牙爽口,又係好正.叉燒有三大塊,肥瘦比例剛好,唔鞋口.配料除左一般o既芽菜,粟米,筍,昆布,蔥外,仲有一大塊乾身o既紫菜,荷蘭豆同埋酸薑絲,材料豐富之餘而誠意十足.坐係吧檯位,望住兩個師傅互相配合去做一碗拉麵,真係一種享受,碗麵都分外好味.而且服務仲非常好,有侍應幫你收遮添.

咁o既價錢兼唔收加一，最緊要係好食同分量足，香港真係冇乜有service o既食肆可以做得到。 是次跟男友來，除了必叫o既香蔥拉麵外，還試了它的咖喱拉麵，男友話有少少芝士香，好特別，跟食開o既日本咖喱有點不同，不過拉麵分量好似較細，臨走前，看見隔離叫了冷麵，好似幾得咁，下次一定要試(因為供應期有限)。

睇完戲行完街當然要食飯兩個人叫左九州拉麵,咖哩牛肉拉麵,雜菜小食,棒餃子九州拉麵～湯底味道同以往差唔多,仍然唔錯,今次叉燒既份量好似多左,但味道無以前咁好,麵仍然ok彈牙咖哩牛肉拉麵～d咖哩唔辣,帶少少甜味,薯仔同蘿蔔都炆得好淋,牛肉亦唔un,幾好味,拉麵都係ok彈牙雜菜小食～有齊粟米,筍,芽菜,酸薑,紫菜,荷蘭豆,份量幾多,咁都只係12蚊,比起平時就咁o係一碗麵淨加筍都要8蚊扺好多棒餃子～煎得好脆,但通病係好油,餡料味道普通,都係椰菜豬肉,ok咁啦服務ok好在無加一幾抵食

普通+ 好迫+service唔好講完

今日帶左兩隻百厭星<--我表妹同表弟...去食lunch...我地3人叫左2個拉麵同一個棒餃子, d 拉麵好正呀..超好味, 我表弟仲一個人食左成碗..而成日唔食野既表妹都食左一碗仔...正呀~~~

呢度既冷麵只有五月到十月先有得食到，仲記得上年第一次0黎呢度0岩0岩十一月喎...結果冇機會試到!!所以今次終於比我等到lu~~ 今次坐響bar度可以完完全全見到我碟冷麵既製作過程呀，真好呢..見住亞清水師傅好用心去整...由淥麵到將d麵再過冷河...甚至乎d配料粟米都會用冰水去過冷河，真係製作用心呀***見到自己碟冷麵終於上場後，再加埋d麻醬汁...簡直就係perfect啦!!

入到去，覺得好似無乜arm，叫左鰻魚飯同拉麵，水準just 一般，But 勁有日本feel，可以再去

同老公仔去食過兩次，都係咁好味，好有水準呀，湯底好正冇味精，ｄ麵又彈牙喎！我老公仔最喜愛幫我加埋側邊既七味粉同埋芝麻，真係一流呀，好開心呢～

同老公去食過兩次，都覺得十分不錯！^^

(豬嫂代筆)好似好耐無跟豬出來逛,今日我倆個去旺角。到醫肚時間,豬提議了油麻地橫綱。時間都差不唔八點,但門口都仍然有好多人在排隊,嘩!無計,排就排啦。不概等了十五至二十分鐘,好!終於有位!餐牌上的可選不多,豬點個牛肉拉麵(醬油湯底),而我就叫和風涼麵(有麻醬及甜酸醬兩種汁),另外加一客煎餃子。先來了個餃子,滴滴式式有六粒,味道都okay,有菜味而無豬肉陣嗅除。再來了豬的牛肉拉麵,湯底都幾好,大大碗,但牛肉略肥。最後到我的和風涼麵配甜酸醬汁,配料同出面舖食到的涼麵差不多,有火腿、蛋、青瓜絲、冬菇、芽菜等,但勝在有個甜酸醬汁。服務幾好,姐姐們好nice又勤力加水,好!埋單倆位$109,低!

本來橫綱有間分店係上樓舖之前我都經常幫襯,但自從果度摺左之後我就無再幫襯喇~因為地舖成日都排長龍終於有一日,我路經地舖,因當時又未到放工時間本人又未食午餐,集天時地利,當然就緊係去食好野啦入度去,又真係幾鬼細,以前上樓舖大好多依家d四人枱坐低係背脊對背脊,坐得好唔舒服因為我一個人所以坐吧枱叫左我每次一定食o既咖喱牛肉麵因為佢同出面d咖喱麵唔同,咖喱汁好濃同咖喱牛肉飯d汁一樣,牛肉就似牛腩~而且配料奇多,票米,筍,昆布,蔥~拉麵仲係好好食,不過唔知點解覺得好似唔同左~味道淡左~麵又好似無咁好咬口如果未食過o既,可能都覺得無乜野,都幾好食但如果同之前比較,係唔同左望下個日本師傅張相...原來已經換左人不過,我都會再去食o既,當然唔係o係食飯時間啦~因為果度太熱lu~~ 等完都無胃口

五月二日晚八點零去到，可能因為公眾假期，都真係幾多人，大約十人在門口等，不過等左十分鐘就有位，坐門口吧檯都幾熱，因為度門成日又開又關，但就好在可以見到師傅煮麵手勢，見到佢每碗麵都會落調味在碗底先落麵，我地叫左九州拉麵，好味，麵同湯都好正，冇味精，但塊叉燒就麻麻地，冇乜特別。另外叫左雞蛋肉碎飯，真係同圖片一樣係蛋碎加肉碎，睇落好似乾爭爭，但食落撈暈又幾好食喎，甜甜地咁，仲有碗麵士湯添。間舖頭仲好有日本FEEL 添!

平日經過都看見很多人光顧, 所以昨天下午茶時間也特地和一朋友去試試。本來打算點魚生, 但沒有供應。只好在有限的款式上作出選擇。菜譜上有沙律, 我本想點一客, 誰知老闆娘說菜譜出錯, 根本沒有這款菜。唉~最後只好點了一客鰻魚飯。水準很一般, 跟市面上供應的沒多大差別。地方比較擠迫, 茶喝完了也沒有人為你添。