橫綱

营业中

休息中

橫綱是我食日本拉麵的第一選擇，因為十多年來都從未失望。可惜人太多，每次都要等。上星期試過新出的橫滨咖哩拉麵，非常惹味﹗除了橫綱拉麵外，又多一款傑作。另外，發現尖沙咀厚福街出現橫綱。一問老闆之下，原來是剛開業的分店，地方大些。日後可不必等太久了﹗

呢間拉麵店真係成日都排長龍，昨晚跟男友差不多晚上十時來到，但都要等成十五分鐘。最喜歡坐吧，可以睇住師傅整，香蔥拉麵真係好好味，又多，吃一碗已經好飽。其他小食選擇雖然少，但味道不錯啊！

每次來食拉麵，都好滿足夠熱，夠快，夠大碗，夠好味冇味精，食完唔會口涸排長龍都要等到食到為此！！地方係細d，但好似日本地道拉麵檔，可以見到老闆制作美味的拉麵！

星期天難得有一個清幽既午睡, 醒來時已幾晚上九時, 肚子餓了一半, 可惜昨晚宿醉胃部仍有點不適, 突然想念起中華冷麵, 相信酸酸甜甜o既味度可以叫醒仍在半醉的胃大哥.兩口子去到麵店門前, 已幾近十點, 麵店內仍然十分多人, 幸好不用等位, 先叫來一個棒餃子(見圖), 外表3分似pancake, 7分似腸粉, 皮薄而軟表面又煎得甘香, 感覺上類似煎羅漢齋腸粉. 似乎傳統煎餃會討好一點.再來一個新出品的燒三文魚碎飯團, 飯團身暖暖的, 三文魚碎味道輕清, 跟旁邊香料十分味道合帊. 食完一個飽肚的飯團, 心中一沉, 還有三個麵食未到. 細咖哩飯終於黍到, 比想像中大, 咖哩唔算好香, 亦唔算辣, 食落去幾舒服而且汁料十足, 飯底亦唔錯只係牛肉偏刃左小小. 咖哩飯後接著係主角中華冷麵, 飽左7成既肚皮, 面對中華冷麵仍可以在五分鐘內食完, 容易入口o既冷麵配上酸甜的痳醬, 一醒脾胃~遲來的叉燒小食, 比想像中重味, 如果配上湯麵, 白飯或啤酒會十分可口, 可惜佢珊珊來遲, 麵飯類早己吃清光, 齋食重味叉燒卻又不太討好.本已為眼闊肚窄的一餐, 一下子竟又掃清光, 肚子飽著九成半, 慢慢散步回

夏日炎炎, 連晚上都好熱, 兩個人由旺角行去油痳地時經過一間日本麵店, 門口有幾個人等位, 好奇一望原來係橫綱~ 反正兩口子正去搵食, 正好入去一試~ 係門口等左十分鐘左右, 有兩個bar台位, 面對廚房爐頭位都幾熱, 不過見兩位師傅真係好認真咁工作, 第一輪先點香蔥拉麵, 燒雞串燒, 煎餃, 啤酒和波子汽水, 燒雞串燒先到, 燒汁十分香, 表面還有一層沙律醬, 雞肉亦燒得唔錯, 不過似乎醬料味強了一點. 煎餃一般, 唔係好突出, 最後香蔥拉麵, 拉麵麵質好有口感, 但醬油湯味濃左小小. 係食麵期間見到其中一位師傅, 不時會抽一兩條麵條, 試試口感十分認真~意猶未盡, 再叫第二輪, 中華冷麵同埋牛肉小食, 坐係bar 台睇住兩位師傅合作泡製冷麵, 麵條上碟, 兩個人好純熟咁一齊將7-8種菜料砌上, 真係好合拍, 兩個不用一分鐘更砌好上台, 一食落去好冰涼, 麵質同樣有口感, 加上痳油香味~ 正~ 我地兩個人同樣亦係五分鐘之內將一碟冷麵, 化整為零~ 另外牛肉小食, 牛肉切得好薄身, 好有牛肉味~ 店舖環境好細, 坐位有小小迫, 服務一般, 埋單約$160, 已水準來說係幾抵食

以前去過上樓o個間橫綱試過咖喱牛肉拉麵，味道麻麻又唔夠熱，所以印象麻麻.而家油麻地得番地鋪呢間,尋晚去開broadway睇戲,突然想食冷麵,二話不說就黎左呢度成九點黎到都要等位，好彩都唔係等好耐，一坐低男友叫了九洲拉麵+細牛肉飯+凍檸茶set,我就梗係叫夏天先有得供應(5-10月)既冷麵啦，可以揀甜酸汁／麻醬牛肉飯先黎，細細碗，味道十足日式超巿買到既速食咖喱牛肉，味道當然可以預期地普通啦，衰在唔夠熱.跟住黎拉麵,呢個就熱騰騰，有三片瘦叉燒，粟米，荀，紫菜等等，賣相都幾討好，食落麵淋左少少，湯既味道唔知點解覺得好似一丁隻豬骨湯麵，睇怕味精都唔少. 以四十幾蚊呢個價位黎講,算係有水準啦,一定好過味千別府之流最期待既冷麵終於上場，原來都幾大碟下，配料雖然都不外乎係蛋絲、青瓜絲、火腿絲、蕃茄、粟米、蟹肉（冇錯，係一舊蟹腳既肉，唔係超巿蟹柳），比較特別係有甜甜的冬菇絲，而最驚喜係有少少mustard放邊，配埋甜酸汁原來味道好夾，麵條唔會過淋有咬口，加上夠凍，食落好開胃，正！夏日推介~埋單$110,以質素黎講都幾抵食.係衰在地方真係好細，坐得唔係太舒服. 不過以我所見,都有唔少日本人幫襯!

差不多年多沒有到此店, 今日經過, 趁著沒有人排隊就走進店裡. 我一向最喜歡這店的清湯底, 而且麵亦很有咬口. 但今次卻有點失望.我們二人點了, 1) 九州拉麵, 2) 清湯底拉麵, 3) 棒餃子. 令人失望的是, 麵條是比以前的幼, 不彈牙, 我的清湯底拉麵, 湯不夠熱, 沒有以前的那麼香. 棒餃子煎得很像樣, 但餡料一般.水準是下降了.

橫綱是偶最早接觸的日式拉麵店，此店有一樣特色，就是店外長年排著等食的客人，這裡有個不成文規矩－吃完便要閃，也就是說你沒有機會在店內打躉，有點像日本的小規模經營的拉麵店。偶甚欣賞日式拉麵店的設計，她們的特點就是多用半開放式設計，客人可以邊吃邊看師匠煮拉麵的情況。在橫綱，客人除了欣賞到煮麵的整個流程，甚至連師匠烤小食也可以窺探到，偶最怕拉麵在廚房做好再端出來，除了令人覺得不夠專業外，更擔心內裡的衛生狀況，這裡嘛，連廚子坳屁屁的動作也可看到，吃到的都是「安心麵」彈性吃飯時間是偶主張的，所以每次都是揀飯市過後來，自然唔洗逼、又唔洗爭囉！麵的選擇蠻多的，除了一般的鹽味（他們說是海鮮，這容後再談）、豬骨湯麵外，還有冷麵，午市有套餐，沒記錯的話是四十元左右，配一款小食與飲品．．．第一次來的時候是點了豬骨湯拉麵，已是數年前的事，味道已忘的一乾二淨，後來都是點海鮮湯拉麵，想是頭一次吃豬骨湯，吃不慣，所以下意識的點海鮮湯吧？這裡的海鮮湯其實是鹽湯，每次都只喝到純純的鹽味；拉麵的賣相還可以，麵與配料亦算合格，要提的就是叉燒，落在湯麵的叉燒是未經火槍燒過的，沒口感之餘亦帶有蘇味，反而配冷麵的叉燒，燒過後，味道

味道正宗、吃完不太口渴、價錢公道、唔收加一等都是我認為他為首選拉麵店的原因!吃拉麵主要的都是麵，其他配料都只不過是陪襯，所以香葱拉麵($36)是個好選擇！棋綱拉麵($37)也不錯！拉麵可加$5或$7加配其他配料，又可免費地要求加葱和大麵！同級的拉麵店橫綱絕對是首選！不過略嫌冷氣不足!

今天下午去食了~除了那個照燒雞扒飯比較好吃外拉麵好像普普通通沒什麼特別湯底幾好飲~但唔係好熱~

我四月十一日(星期日) 下午一枝公搵食﹐12:25到達橫綱﹐可能早兼一個人﹐立刻有位(bar 位)。無所謂啦﹐唔使等仲想點﹖打開menu,有約十款拉面揀﹐價錢由$37-$45不等(唔加一)。其他小食有飯團﹐餃子﹐牛肉小食等。午餐或晚餐可以叫一個面﹐加$14-$17要多個細飯。份量夠一個大人及一個小童喫。我最後要左橫綱拉面﹐面豉醬湯。十分鐘到碗面到﹐有兩片乂燒﹐荀﹐紫菜﹐芽菜...... 好豐富。味道無九州湯底濃﹐但都好味。食食下己見5-6人在出面排隊。唔講得笑。$36埋單﹐抵﹗

橫綱係好抵食的拉麵店之一, 九州拉麵的豬骨湯底比起大部份的拉麵店好好多, 所以到開飯時間多數要係門外等位.喜歡它可以隨自己喜好更改配料的份量, 如加香荵, 燒, 牛肉, 多湯, 少湯, 多麵或少麵, 這不是太多拉麵店可做到. 其他食物如咖哩牛肉粒飯, 煎餃子也不錯.最重要的係價錢合理兼不需加一, 又時心思思都會老遠走食拉麵.

係呢度食到既拉麵，真係有日本既風味，麵靚料又足，絕無欺場，同間拉麵連鎖店冇得比！

我都係鍾意上樓舖分店多o的，覺得總店較為逼！可能覺得味千太過倒模式（話哂連鎖店），坐係橫鋼bar檯睇住架仔煮麵幾好feel o架！我就幾鍾意食佢o的飯糰，套餐梗係抵食啦！湯底都唔錯，食麵果陣記住“o殊”得大聲o的喎！其實橫綱不斷加新野，不竟出面多左好多競爭，但還是鍾意最原始o既橫綱。我就冇將佢同日本果o的比較，因為都唔記得日本果o的係乜味，同埋本身係一個冇乜錢o既香港人唔可以成日飛去日本試拉麵；純粹坐係bar檯“o殊”得好大聲咁食食食地道香港日式拉麵而已～

本人前排到過此間店,發現有我至愛既冷面食, 佢仲有兩款汁(酸甜汁及麻將汁)哇!<br />一試之下,不得了, 真的很好味! 完全好過味千的百倍丫!! 而其他的如咖哩都好入味!<br />值得推介!! 唯一就係個店舖真係迫左d羅~~<br />