影片
更多
2007-08-13
2 浏览
平常的我, 星期天未到三點都絕對不會離開張床的。可是一早約好到bc看電影, 又可恨早一小時去都買唔到飛, 令我無厘頭地一點多在油麻地冇野做。路經此拉麵店, 聞到好香的豬骨湯味, 又見到好恐怖的人龍, 最後都係為食大過天, 排埋一份。此店在安排入座方面做得唔錯, 如果有兩個吉位而下一個no是4位的話, 是絕不會先安排兩位入座的, 所以4個人去食係唔使等一世的! 淨係呢點在香港這個秒秒都係錢的地方係十分罕見!叫了九州拉麵及冷麵以及飯糰一客, 明太子飯糰竟然先來! 明太子鹹鮮的口感加上脆卜卜的紫菜, 味道是不錯的, 飯也不會太死實, 係飯稍嫌過腍身, 不過都叫做過到口癮。湯麵先來, 喝口湯, 唔... 很香很香的湯, 另要求師傅多加一殼蔥花, 是香上加香! 麵質很al dente, 很正, 正合我心意。配料也是一塌胡塗地大堆頭, 最值得加許的是那片日式叉燒, 我從來不懂欣賞此物的, 可是今天吃到的, 是軟熟多汁的, 在香港能吃到的日式叉燒中可算是數一數二了。那碗麵我是吃到碗底朝天! 很少吃到咁有水準的拉麵了!冷麵配料也十分多, 伴上芝麻醬, 沙拉醬, 也是十分正!天時暑熱吃一口冷麵, 其實都
叫了九州拉麵及冷麵以及飯糰一客, 明太子飯糰竟然先來! 明太子鹹鮮的口感加上脆卜卜的紫菜, 味道是不錯的, 飯也不會太死實, 係飯稍嫌過腍身, 不過都叫做過到口癮。湯麵先來, 喝口湯, 唔... 很香很香的湯, 另要求師傅多加一殼蔥花, 是香上加香! 麵質很al dente, 很正, 正合我心意。配料也是一塌胡塗地大堆頭, 最值得加許的是那片日式叉燒, 我從來不懂欣賞此物的, 可是今天吃到的, 是軟熟多汁的, 在香港能吃到的日式叉燒中可算是數一數二了。那碗麵我是吃到碗底朝天! 很少吃到咁有水準的拉麵了!
冷麵配料也十分多, 伴上芝麻醬, 沙拉醬, 也是十分正!天時暑熱吃一口冷麵, 其實都幾refreshing。這冷麵水準都十分高。
店家仲寫明對拉麵有任何要求都歡迎出聲, 在我隔壁那位男位那碗加底麵, 真係堆到山咁高架!
食到咁飽都只不過50元/位, 仲有咁高素質, 唔怪得咁多人排餐慒啦!
张贴