橫綱

营业中

休息中

太座好久之前已點名一定要回來此處吃碗麵懷舊。自從十多年前吃過之後，她已沒有來很久了，說無論如何今晚一定要吃，就算要排隊等多久也在所不惜。小弟唯有捨命相陪...個多月前來吃過lunch，覺得用較相宜的價錢可以吃到這樣水準的ramen，已是很不錯了。是夜再來，不同的是上次下午來就不用等位，今次則在門口罸企了半個多小時...非常遺憾地，這次也是吃不到和風冷麵，心情已是涼了一大截。不過今次是專誠陪太座前來的，那就沒有多大所謂la...叫了一個自己比較不常叫的香葱拉麵。葱的份量的確十足，鹽味湯底勝在夠清，跟葱而吃確是頗匹配....太座的玉子拉麵也很不錯。蛋是頗溏心的，豚肉粒帶有點油脂，吃落口夠淰之餘亦有少許溶化感覺...麵條有少許咬口，不淰，已是合格之選了....餃子餡蒜粒還是下得不夠，港式貨色....雖則如此，滿足了太太的口福之慾及懷舊之情，已足夠....

我o係呢間舖附近半分鐘路程既地方返工咁岩今日得我一個睇完食評之後一到12點就衝過去喇~遲少少都要等位...叫左味玉拉麵，豬骨湯底小辣隻味蛋真係好正，軟綿綿咁D叉燒粒好過一塊塊D叉燒ar~雖然有幾粒好硬，但有幾粒半肥瘦好似入口即溶咁~見有套餐，加$14叫左個牛肉飯&野飲下次會加$18要鰻魚飯，因為我對面果pair夫婦叫左，個樣好吸引細細碗岩岩好~

以前很愛到銅鑼灣的拉麵橫丁, 每次亦會到同一間...可惜是我不記名字﹐只知是走到最後靠右的那間(其實靠左那間的烏冬也很美味啊~)。 那裡小店的湯底濃﹐溏心滷蛋(味付け卵)嫩滑入味﹐麵條亦夠口感...小吃如炸雞塊﹑煎餃子也做得很好...在整個橫丁關了後真的是很失落啊~ 之後就將感情投放落尖沙咀的Ramen Sapanchi﹐他除了拉麵做得可以外﹐咖喱飯也是不錯的算擇。但那裡亦在數個月前結業了...難道是我腳頭不好嗎?? T^T在忍無可忍的情況下我回歸到我小時候和爸媽光顧的店...「橫綱」。 已有多年沒回來了﹐沒變的是人龍還是很長。 由5:50排到6:55才有位子﹐ 我的拉麵癮只能用desperate來形容。 平常我可是挺著不book位不吃飯的principal來做人﹐最盡是會排半刻鐘就放棄﹐ 但今天我等到腰也發痛也要等!!Order如下1) 橫綱拉麵(醬油湯底)(2) 味玉拉麵配小鰻魚飯(dinner set)(3)玉泉忌廉(4) 煎餃子total: $126(1) 筍很香嫩﹐麵亦彈牙...叉燒ok啦...湯底麻麻﹐不夠香濃﹑沒啥特色。(2) 溏心滷蛋都夠入味﹐蛋白部份嫩度亦夠但蛋黃不夠

住咗油麻地十幾年, 久唔久會去呢到食下.細細個時真係好喜歡食大碗面, 覺得好大, 好好食, 又平以前有2間店舖(有間在彌敦道某大廈樓上), 呢間總仍然是最多人等(但唔及家陣人流), 因為好食好多. 招呼亦好好現在, 可能被太多傳媒訪問啦, 排隊排餐死(好彩一個人好易有位)服務態度唔係差, 不過同以前無得比, 有某位做咗好多年的女子麻麻地唔知點咁食物質素方面, 可能因為人流太多, 質素還很好, 不過比不上從前. 以前的日本師傅, 是不是已經離職了?我自己最愛香蔥拉面, 很好吃, 又貪佢最平.不過現在加了價(起碼4-6元!).生意好了, 已經沒有從前久唔久搞的優惠了. 少了一種街坊情懷.

"橫綱" 一間經營十多年0既日本拉麵店, 雖然亦食過多次, 但水準依然保持.喜歡呢度0既麵質, 彈牙爽滑. 呢晚我兩點了一個味玉拉麵及叉燒拉麵配一客細鰻魚飯.味玉拉麵主角當然係一隻半生熟溫泉蛋配叉燒粒, 我兩二人好喜愛半生熟蛋, 食左一半淨餘半隻有少少唔捨得食, 因為好好味, 但如果比熱湯浸得太耐個蛋黃心熟左又會哂左喎~ eheheh 所以細意品嚐. 而叉燒都係應為一片片既叉燒比較好食. 湯底不太濃又不太淡好啱我, 同時我亦好喜歡落好多芝麻碎, 因為芝麻香味加埋d 湯可帶起湯既味道寧舍好飲.鰻魚飯熱騰騰, 鰻魚好滑個汁既好味, 呢個飯都好吸引~仲有值得一提0既係, 當時我兩係坐bar枱的, 當師父提上拉麵比仕應, 再由仕應放係我地面前時. 碗裏面0既紫菜背住我地, 師父見狀, 即時將碗擰轉將碗裏0既紫菜向著我地, 由此可見一絲不苟, 專業可見一斑.

這一間是我暫時食過最好食的拉麵店, d 麵勁彈牙, 湯好味, 連餃子的皮也是薄薄的(棒餃子)那日我同老婆仔食了九洲拉麵, 咖喱牛肉拉麵, 棒餃子正如我老婆話同味千相比下, 橫綱真的好很好多, 麵質煙un, 豬骨湯底很濃很濃好很濃, 每一啖都感動了 唯一的問題就是大多人了, 次次去到都要等位, 所以老婆每次去油麻地等我放學時都攞籌,但等到我放學都成日over30張枱......常常都放棄了, 但落大雨攞位只需等10張左右豬骨湯底好濃味, 好食到喊, 但咖喱湯底太咸, 我的老婆大人不愛呀!

近日吃多了日式生冷食物，這次則來吃碗拉麵。趁時間只是六點幾，心想來吃過拉麵，再去看戲剛好。由排隊到入座，再到食物上臺，都要50分鐘，真的要預備好充裕時間才來呢。要了個醬油湯底的叉燒拉麵、豬骨湯底的九州屋台風拉麵和棒餃子。棒餃子先來，除了形狀幾特別是棒形之外，用料都幾足，沒有失望沒有驚喜的伴著醬汁吃，很快就幹掉一整碟，而拉麵也剛好送來。豬骨湯底的九州屋台風拉麵，豬骨湯底味道幾濃，女友說水準一般，不是特別好吃。我的醬油湯底的叉燒拉麵則非常好，可能我很喜歡這種有淡淡荀味的醬油湯底吧。這醬油湯底令人回味，不是太濃太油，每淡拉麵連湯吃實是一大樂事。麵質幾好，煮得不太淋。而叉燒又是另一驚喜，肥瘦適中，基本上每塊都有肥脂的，加上食落鬆化，是水準很好的日式叉燒了。這兒的拉麵，我幾喜歡。

前幾日見到呢道o食評幾好，同朋友去左試一試。大約五點十五分左右去到唔洗等(可能因為係平日)，叫左一個九州(豬骨)拉麵(原本想叫個海鮮鹽湯底，但佢話無......)和一個上面有蛋的拉麵(唔記得左叫咩名，有蛋有肉粒的)。個時店內都叫滿，我地坐係個「吧位」，見到o的師父係道煮野.......嘩~煮得好慢，好似唔憂做咁，我地差唔多等左20分鐘，見佢地煮左10碗麵左右......(唔怪得成日都要等位......)麵到了，看下去都算ok大碗，o的料同出面個o的一樣多。吃下去(我吃九州(豬骨)拉麵的)拉麵夠彈牙，很好；湯夠濃味，不過對我來說濃了點；叉燒普通，無意見。吃了朋友那碗麵的蛋，不錯，溏心蛋，朋友很喜歡。肉粒很「硬」，沒什麼味道，差!!吃完找數有八折，幾抵食。味道4分：拉麵和蛋很好，湯底幾ok，其他就....(如果有3.5分就好....)環境3分：室內都算企理，不過不失。服務2分：個師父個樣已經完全表露出唔憂做既情況....衛生3分：其實都唔錯，不過見到有個師父向地下撥走拉麵o的水.....抵食4分：價錢同出面個o的差唔多，不過3-6點有8折，幾抵~

今日（星期日中午）本來建議去石硤尾食魚旦粉，但朋友反建議去呢間麵店試吓，又好，就佢一次。點知領嘢。十二點九去到已經有＋幾人係門外候位。攞住張飛，61號，都知道要等吓。本來已經望見家鄉嗌到58號，點知叫冧巴嗰位小姐突然話要翻轉頭由49號再叫過，結果......由冇雨等到大雨，由大雨等到細雨，好狼狽。乜唔係過籌要再排過嘅咩？如果係咁，嗰位小姐一聲令下翻轉頭由尋日38號開始叫過咪出年都排唔到！？算！諗住Ｄ嘢好食就放過佢，點知......九州拉麵Ｄ海帶好腥，搞到成碗麵都好腥。香蔥拉麵醬油味湯底唔夠濃，麵身一般，唔係好似食評講咁彈牙。連清酒都冇其他行家咁有酒味......麵身及湯底都係中環札幌較好。

第一次去食個時真係覺得有d似係日本食既拉面(當然,日本個d真係正好多)唔知點解今次去..好似差左好多甘..首先..唔見左個日本人..心理作用下覺得無甘好食?第2..好鬼死熱..坐到成身汗..又迫..想快d食完就走?個面真係好似差左好多甘..搞到我唔係好想再去食..唯有等冬天再去...因為入到去真係熱到唔想食野..

上星期日, 諗住好耐無食過, 就建議男友,家姐同姐夫4人一起去食, 等位時間耐都知, 緊系諗定食咩先啦, 但比以前重要耐, 九點十到, 十點才到我哋, 無計, 想食嘛!! 坐底即叫, 好快有得食啦!, 點知, 湯好咸, 加咗滾水都好咸, D麵好硬, 直頭食到硬心, 味蛋就好好味, 飯團就嘛嘛地, D紫菜林咗要用力撕才食到點解水準降低咗咁多, 失望!!

我老公係Burger King，最鍾意食Burger!!我係佢個BB，最鍾意跟住佢四圍食!!!自從老公係日本番黎之後，就好懷念日本ge拉麵，所以就去左Openrice ge日本拉麵之冠—橫綱食拉麵喇。其實呢次係我地第2次黎食，第一次係一年前，果陣都未寫openrice。因為我實在太鍾意食日本ge溫泉蛋，所以我就點左味肉拉麵。而老公就點左叉燒拉麵再加$18 ge鰻魚飯仔。味肉拉麵：d蛋真係好好味!!!!不過跟埋ge叉燒肉粒我就都係覺得叉燒片會好食d~可能唔鍾意肉厚ge感覺~到老公喇。叉燒拉麵：其實算唔錯喇, 起碼拉面幾有質感, 叉燒份量都夠, 都好食. 但係比起日本, 湯底同面質都仲有改善既空間! (唔知點解香港既湯始終唔夠日本濃!)鰻魚飯仔：好味!! 唔知係咪因為好耐冇食過~個汁同鰻魚都唔錯!! 會再食!!老公想再食多一次的指數： 4/5 (食物其實OK架, 不過店太細, 坐得好迫)BB想再食多一次的指數：4/5(雖然比起日本ge拉麵都係差少少，不過係香港我覺得呢個價錢的確係高質數ge食物!!而暫時我都未係香港食到更好食ge拉麵!)

起碼15-20年前食過此小店一次，當時年紀還少，已經排長龍，不過大耐啦，唔知食咩！衣家大左，又成日經過呢間小店，不減當年大排長龍既場面，真係好野，香港有邊間店有咁既持久既號召力呢？好啦，話說回來，香港近排日日橫風橫雨，去左旺角睇戲，心諗，咁大雨唔洗排啦瓜！於我同小朋友一齊係旺角睇完戲就走去食呢間野啦！點知一樣要排…排左 20 分鐘，卒之有位，坐定定叫左﹕九州拉麵﹕豬骨湯底一流，無得頂，濃味得黎唔覺好重味精，味道好豐富，拉麵煙 un 度剛好！值得一讚叉燒夠厚身，有咬口又幾滑，正…清湯拉麵﹕清湯味不及豬骨湯底濃，但係同樣出色！材料同九州拉麵無大出入…粟米湯﹕好普通，唔特別好飲，畢竟唔係主打菜色！地方少，服務幾好，迫迫地但幾有氣氛！

八號風球都走去食晚上, 跟男朋友行完街,便一路沿著彌敦道走著走到這間橫綱 , 不是太多人等位SO就去左等, 等左大概20分鍾就有位la入到去,都好迫架d位, 好日本feel同男朋友每人點左2樣野- 橫綱拉面(辣湯底) $ 38-咖哩牛肉飯 (粟米湯) $ 38個粟米湯甜甜的,也不錯拉面, 開頭食普普通但愈食愈好吃都唔錯朋友的牛肉飯也不錯,d汁唔算好多,但都ok總講都唔錯既如果d位大d就好喇 !

之前成日係旺角行番屋企經過成日有人排隊 , 但又無諗過去食啵不過男朋友話D人話好食，於是就出發啦。我地睇完戲之後10點先去食 , 得一兩個人排隊 ,等左10分鐘倒就食得啦因為我ONLY中意食豬骨湯 , 就叫左味玉拉麵 , 真係好好味！個湯最正 , 可能我本身比較中意嗜鹹 , 食飽都係咁CHUR個湯！男朋友就叫左個麵豉湯既 , 不過我就唔係好中意 ,我估男友都唔太中意 ,因為佢係咁食我果碗 ... @@男友話呢度可以尋回日本之旅拉麵的味道添喎 !有下次的拉麵店 ! : D