橫綱

营业中

休息中

知道呢間麵店都有非常之耐的日子, 出名多人要排隊, 但我和祁生一次都未食過喎! 今日襯住"莫拉非"岩岩走, 斷估應該無乜人會去食麵, 所以就和祁生12:15出門口, 向油麻地出發, 食麵去喇!! 落雨最好的交通工具係搭地鐵, 去到麵店門口見到無人排隊好開心, 拿拿聲拎張"飛"仔, 唔駛10分鐘就可以入座喇~ 當時都係12:45啦~ 今次食D乜....煎餃子 - 無乜驚喜, 味道OK, 但餃子餡唔係太熱, 大約有8成熱啦, 可接受!九州拉麵加味蛋 - 祁生食九州拉麵, 因他太愛豬骨湯底, 叉燒唔錯, 豬骨湯.....都OK, 唔係好....驚喜啦, 我本人比較喜愛另一間的豬骨湯底喇~牛肉拉麵加味蛋(麵豉湯底) - 牛肉係肥牛唔錯, 麵的份量好多, 係我失策應該落單時叫"細麵"....麵豉湯底好有豆香, 我幾鐘意喎。雜菜小食 - 有芽菜, 荷蘭豆, 粟米, 筍和紅薑絲少少, 如果可以落少D麻油我會非常之感謝~ 雜菜的醋汁調得幾好~飯團 - 三文魚碎和吞拿魚碎, 紫菜好大塊, 但飯有點散, 餡亦較少, 真係食"飯"團啦, $18一客有2件, 仲可以食到2種味, 都叫唔錯啦~~值得一提係"味蛋

7點幾黎到…好多人呀!!!要等十幾張TICKET了!E度好似專係設計FOR 人等位咁呀…冇咩車…成條街可以等…睇住D人出出入入…就過左9個字…可以食喇!!!數下…原來得24個位左右…全FULL 喇!!!叫左:味玉拉麵糖心旦呀…好似想流但又滑滑下咁~係個口裡’當當’下…有D細細肉粒…可以連麵食…個麵彈牙…可以一啖一’住’麵…友人係咁SAY 個湯好味…SURE喇…有D黑椒粒…惹味!肉粒雞旦飯係唔使點咬的一個飯呀…個人喜愛分番開2個味黎食…E度好多SAUCE 架…個芝麻好得意…可以磨碎曬…加左就香好多了!!!雖然全滿座…但係店員都唔係咁BUSY 呀…事關大家叫左野就密密食了~大家亦是密密坐…好似JP個D店!就是為了食個好麵!

3.7.09放學岩岩好係下午茶時間之前一早諗定係呢度食拉面但2人都唔算係好餓, 所以只係share左個味玉拉面, 加一個餃子4點左右去到都唔洗點等位, 因為咁岩有人走左只係等執台望入去其實係都得好少位, 但就坐滿晒人入面唔算係好乾淨, 同埋暗暗地咁我地同1男1女搭台, 佢地好似等得好唔耐煩咁佢地吹左成2,3次先有, 但個師博繼續好思思然咁煮面我地個餃子好快就有, 一共有6隻個樣都幾靚, 唔似係超平個d急凍餃子再煎熟食落入面都幾有肉汁, d菜係椰菜黎, 幾好味的味埋d味會好味d, 就咁食就有d淡咁跟住等拉面都有一段時間, 望住對面猛話好食好食, 都幾期待上枱時聽到佢話"地獄拉面", 真係嚇左一嚇, 望真d好彩唔係試左個蛋先, 入面係流心, 而且係有甜味, 勁好味跟住飲下d湯, 係就係好濃, 但係我覺得過咸左d肉粒就比較硬.... d面同平時食有d唔同, 少少韌, 呢隻feel都ok要講service呢度就真係冇乜, 想問佢拎2個碗都等好耐同埋d水飲完係冇人斟的, 直到走都冇人得閒咁員工得一個, 見佢執野落單都冇停手, 都唔忍心叫佢斟水了食完好快就走了, 8折左都平左唔少, 期唔中食係ok

諗住咁多人食, 應該都好有日本既味道, 但係佢既味精實在太多啦~~~~~~頂唔順~service 唔錯, feel 都唔錯, 同日本一樣......不過真係迫左d ~~~~

６月３０日與友人相約食飯，當時我在旺角，友人正於觀塘前來，想起此店風評向來不俗，便前往一試。友人於７：２５抵達取了２４號票，但當時只輪到４號而門外等候者眾，部份已站於馬路之上，於是我們走到旁邊７－１１前等候。８：０５友人向侍應查問輪候情況，當時只輪到１６號，也是說３０分鐘只過了１２枱客，但還有８枱客才到我們，而門外人群並未減少，於是我們在７－１１那邊繼續等。８：１５我們想時間差不多，便走到橫綱門口等及再查問輪候進度，當時Head Waitress, Ms. T.Joyce 告訴我下一枱是３４號，短短１０分鐘已跳了１７枱客，因為其中有１０枱客沒有等已走了，於是我告訴對方我們的號碼是２４號，但對方說我們沒有等，走了便需重新輪候，我向對方解釋因門外人多已完全阻塞道路，還有人站在馬路上等，非常危險，所以我們在７－１１那邊等並不是走了，而且其間亦間歇過來查詢輪候進度。但對方堅持過了便過了，而且她說橫綱的揚聲器很響亮，聽不到是不可能。其實彌敦道上來往的交通也是很吵耳的，我們確實是聽不到，否則也不會不時過來問進度，可惜對方跟本不予理會。我對這是否餐廳定立的政策很懷疑，因我知道老闆山本先生是日本人，日

與男友6點多在尖沙咀看完戲，便行去油麻地食這間好久沒吃過的拉麵店，黃金時間，依舊要排隊，大概等了半個小時左右，終於有位啦！點了味玉拉麵和地獄拉麵各一，好快就有得食，味道依然好味，男友一向不愛香港的拉麵店，因為覺得d麵永遠整得太 "琳" ，無咬口，但他這次改觀了，連湯、連麵，所有材料通通吃光，哈~ 真得太好味呢！第一次吃味玉拉麵的小雞蛋，糖心的，超讚！排耐d都抵呀！！

經朋友介紹，黎橫綱 試試等位等左唔係好耐，不過好逼，坐得唔舒服野食方面只係不過不失，麵質都算OK彈牙，湯底都算濃味，不過冇想像中咁好!我點既係牛油拉麵加叉燒，一般.....朋友個個味玉拉麵，佢話幾好食Wor.不過環境同服務都一般。

上星期2同姐姐等緊上堂時, 同她男友一齊去到橫綱 Yokozuna到食拉麵, 之前已經食過一次, 不過上一次我吃的咖哩湯底(烏冬定拉麵?)實在是太濃郁了...吃到一半已經吃不下..所以感覺不太好.....而今次我叫味玉拉麵...我叫的 : 味玉拉麵 ($44)配料有...一隻蛋, 芽菜, 肉粒, 波菜(的物體...不肯定), 麵的份量很多, 吃了2/3已經吃不下...但味道很好, 湯...有點快涼....姐姐叫的 : 冷麵 ($48)好食, 有麻醬同酸汁(?)選擇, 服務員take order時2隻醬都比我地~真好! 味道不錯, 麵夠凍~姐男友叫的 : 叉燒拉麵 ($40)叉燒厚薄適中, 正常坐的是bar台位置, 看到師傅的手藝, 吃得特別開心, 會再去食, 不過要過一段時間, 因為我覺得始終是比較濃郁的湯拉麵, 吃太多會厭惡的...p.s.最唔開心就係等位...不過今次早去, 唔洗十分鐘就入到去...上次..等左一個鐘...等到我唔想食....., 如果下次都要等咁耐....我會再下次先黎過~(價錢不知道有沒有記錯呢..)

大熱天時真係咩都唔想食, 所以黎咗依喥食個冷麵,依喥既冷麵都算我係香港食既最好味同埋價錢超值架啦,四十幾蚊既價錢, 食到咁多料既冷麵的確唔錯,今次係我第二次黎依喥食, 經過上一次既經驗等左差唔多45mins,所以今次早啲黎, 上次六點半要我排45mins,今次我五點半黎到, 只係要等20mins, 所以黎依喥食麵, 一定要早, 如果唔係唔知要排幾耐呀,anyway, 排幾耐都好, 我都一定會再黎架~~~因為太正啦~~~

上星期同frd黎試呢間拉面8點黎到, 等左個幾鐘先有得食....勁熱勁肚餓我地一人叫左一個橫綱同味玉拉面再加餃子同雞串等左一陣, 終於有得食一飲個湯......好濃....但愈飲愈咸.........我的味玉拉面的蛋好好食, 但始終唔夠日本的滑, 但hk真係少見拉面裡的肉粒好硬,不好食朋友的湯一樣是咸...而餃子的皮薄, 好好食而雞串就一般, 醬汁的味道亦是偏咸....好快食完便埋單,每人60, 都幾平但故事未完之後個口好乾.......要不停飲水可想而知......個拉面湯底點解會咁濃,而且咁咸........

以四十幾元左右的湯麵來講絕對超值日，它比中環的元祖拉麵可以平分秋色。但餃子就一般啦！因我15年前係柴灣的新翠商埸食過自家製的日式餃子，它的味道現在仍未回味返。我建議橫綱可以夏天時，用凍綠茶伴湯麵，它可以化掉部份油膩感會更加好!!!!

整體質素有下降之感!!!The noodle is too salty.The floor is dirty and wet. The toilet is smelly.Employees eating and joking within the sight and earshot of customers.It seems the Japanese sifus have left. All I saw were some youngsters acting like apprentices~~~lack of typical Japanese professionalism.Will not visit again within one year.

以為6點來到就唔洗排隊?錯啦, 仲係錯晒.因3-6pm 係happy hour (酒吧就有happy hour姐, 食拉麵都有, 我都係第一次見!!!!)係有8折既, 所以仍要排隊!不過都係幾個字.出面三十幾度, 都幾惡頂~一坐下, 之前對住門口的menu 已睇了好多次, 背得出咁滯, 即叫野!豬豬女友要味玉拉麵, 主要想食蛋;我叫了基本的义燒拉麵, 加我最愛的麵豉湯底!另外加個煎餃子先.都要等一陣才有得食.落d芝麻, 好香~d 麵比想像中幼; 但幾好食, 好彈牙;我的湯底, 真的好好味, 夠晒濃, 夠晒味.!另d义燒比較厚身, 也比較少肥, 似港式的多d!豬豬女友的蛋果然冇令佢失望, 睇相都知正啦.豬骨湯都好濃味, 但仍不夠我的麵豉湯底好味~豬豬女友則堅持佢的湯底好味d, 仲一飲而盡....餃子6隻, 都幾正宗, 廿幾蚊, ok 噃.服務很好. 好主動加水等, 一讚.平靚正, 唔怪得排晒隊!

昨天終於不需要等1粒鐘, 因為我是下午四點去, 原來下午茶時段(3:00-6:00pm)全部一律八折.我點了個横綱拉麵豆醬湯底+我至愛"味蛋".豆醬湯底(麵豉)比豬骨湯底好味很多, 豬骨湯底~太肥及太漏..... 豆醬湯底~湯底很濃, 拉麵真是很一流, 以三四十蚊價錢, 食到麵質爽口彈牙, 十分抵我至愛的味蛋 ~ 是剛剛好的溫泉蛋+浸了醬汁..... 正.........

好耐好耐無寫食評了~ 其實我就日日上來睇下大家有d咩好介紹，但就懶啦... 但試左d好野食之後，今次終於忍唔住要寫一寫啦~今日同媽咪搵完成日幫我地整靚靚既「姬詩」之後，難得我媽咪又肯同我呢隻搵食傻鬼，由旺角行黎長龍麵店度排隊食拉麵~ 到達時已有6-7個在等緊...... 都已經差不多4點架啦......我地一邊等，一邊睇下個menu，20分鐘左右，終於到我地喇~ yeah~~成日咩都未食既我order左個套餐呀 味玉拉麵(中辣)+鰻魚細飯+可樂 $ 60﹕等左好耐......最先到既係>>>可樂!!!kakaka~~ 跟住係 味玉拉麵(中辣)，嘩~ 隻溏心蛋真係好靚喎 不過.....點解好似少左d野咁既﹖﹖但一時又醒唔起...... 未食之前，第一時間分左半隻蛋俾媽咪，跟住我就先嚐一啖湯~ 唔~~ 好味呀!!! 中辣果然有d料到，唔錯唔錯~ 隻蛋都幾好味 d麵都唔差喎 但我最欣賞既都係個湯底 真係好好好「正」~~ 當我沈醉係湯+麵之際，突然係我面前既師傅放下一小碗叉燒粒俾我，啊!!! 係呀!!! 頭先我碗麵就係欠左d叉燒粒啦~ then，我立即倒埋碗粒粒叉