橫綱

营业中

休息中

呢間已經去左三年有多，每當熱天時可以食一口涼冰冰的冷麵，實在想大呼正斗！佢既冷麵的確係凍的...因好多時出去其他地方食冷麵d麵係唔涼...甚至有時係熱的...=.=!呢到我食開麻醬，加埋蛋仲好味！而冬天我會選擇食咖喱牛肉拉麵，味很濃，絕對唔會因為係湯麵而感覺太稀淋淋...正正...最唔好應該係等位...往往要等半個鐘以上！而且地方細細...座位很迫...沒有太好的服務！不過為左食一碗好麵...拎左張飛仔就走去行個圈又好...打個nds都好...無所謂啦~~

每次經過都見到好多人排隊,一直都想試吓. 今日一個人去即刻有位唔駛等.叫咗味玉拉麵: 先嚐一口湯底, 好濃郁但有點過鹹. 拉麵夠彈牙,但第一口有鹼水味(可能未入味既關係),浸咗一陣就冇. 豬肉粒好嚡口.溏心蛋最好味,蛋黃入口即溶,好香蛋味.

Haven't been back to this Ramen shop for at least 5 years, probably 7 or 8.Had the Shio Chasyu ramen. The soup base was actually slightly more Hong Kongnised than I'd imagined, as it had more brothy taste than salty taste, also the noodles were half away between Kyushu and Tokyo style ramen. Round, thick and right amount of chewiness.I enjoyed the non-rolled chasyus here as they were tender and fatty but not overly so. Not as good as Sapporo ramen near IFC (and heard they're opening a new one i

一直都好想試呢間日本拉麵....成日都好多人排隊...今日把心一橫~好啦排就排啦...嘩一排排左半個鐘有多....成30幾張飛....一入到去坐麵吧....見到2個師傅煮緊麵..都好有日本feel~心諗終於可以係香港食到咁正宗feel既日本野..正~不過order後發覺侍應十分嘈吵....可能係幾個女人既關係啦...坐係到1個鐘左右就傾足1個鐘...又大聲講大聲笑....好似去左荼餐廳d呀姐咁...日本拉麵檔係咪咁先有氣氛呢?食完野有個男侍應都幾好禮貌咁問我地仲要唔要d野..收完仲即刻加水俾我地...呢到加返小小分....唔錯唔錯..應該會再去...因為個九州拉麵真係好好味....湯底又夠濃...不過希望下次d侍應pro返d啦....

早幾日係哩度睇到話好好食黎試下.叫左個同店名一樣GE橫綱拉麵 + 細鰻魚飯橫綱拉麵 配醬油湯底, 個湯都幾好D拉麵都唔差, 有少少彈.加上 日本叉燒, 荀等等配菜.味道都幾好.唔錯唔錯.但係跟餐鰻魚飯唔係幾好.份量少唔重要, 但係D鰻魚同其他店無咩分別.....睇黎都係叮叮鰻魚.....要加$2X.00唔係幾抵總結係食拉麵幾好, 但其他就有待改善~~如果要排咁耐隊,(都等左成個鐘架=.=)只係為食碗拉麵, 對一D唔係 拉麵迷黎講. 吸引力大減.不過D拉麵都值得推介~~下次試唔同湯底

今日專登同老婆去試呢間拉麵小弟一直十分喜愛食拉麵而老婆就鍾情溏心蛋睇到有介紹呢間拉麵最出名味玉拉麵所以一於試一試啱啱碰著是下午四時許, 仲享受到八折優惠, 正!一試之下, ok喎!第一湯底正, 可能因為今日天氣少少涼熱熱燙的豬骨湯底顯得更好味之後試麵...幼麵, 更能索湯汁, 好!溏心蛋, 一如其他食評, 如日本食的好, 滿意!而其他配料, 如是整塊叉燒就更加好不過現在雖是肉粒, 味道亦佳, 只是如是整塊的話, 賣相更好整體而言, 是可返頭再食的拉麵

這間店的拉麪超好吃！難怪要等位～～～～～不過等了差不多半個鐘都值得！他們的麪又爽又滑，湯底超香濃，看那隻蛋！！！外面熟，內裡半生熟，太厲害了～除了這豬骨拉麪，咖喱牛肉拉麪都很受歡迎～

很久沒吃拉麵了，今天有機會，再去油麻地的橫綱。仍然很多人，還下微雨，但聞著漂香的湯味，很算不錯。分別點了 牛肉拉麵和叉燒拉麵，叉麵腍，配料多，很好，但牛肉拉麵比較普通了，只是普通肥牛，下次點別的好了。

事隔了一段時間沒來，男朋友恨食拉麵，當然要再來到訪！今次選擇了不太多人的下午時段到來，雖然坐的位置不是很理想，但兩個人沒所謂，快快點菜，因為知道製作需時，加上我們都很心急同為食～味玉拉麵：我點的是那個，其實上次來都是選那款，雖然想試其他但是溏心蛋太迷人就是再嘗嘗！豬骨湯的湯底很美味，麵很彈牙，而且配料很多，配上溏心蛋的香滑，當堂加分不少！香蔥拉麵：男朋友點的那個，份量很多，拉麵上放了很多很多蔥，埋得高高，單食那個已經飽了～所以沒有另叫餃子！之前睇蔡瀾嘆名菜－蔡生都有教食拉麵，先飲一口湯底，調節一下味蕾，就會發現湯底不太鹹，因為日本正宗拉麵都是偏鹹的～活學活用今次我有好好學習喲～下午茶時段原來還有８折的優惠！埋單時細問才知道！

老闆請客,我當然唔客氣,一坐低就叫個拉麵餐; 話"餐"其實只係拉麵加細碗飯及一罐汽水.九洲拉麵 - 第一次幫襯無乜idea,就叫個1號仔九洲拉麵. 賣相唔錯,特別係塊大紫菜在碗邊. 拉麵幾好食,夠彈牙夠煙韌; 湯底味濃得來又唔會太鹹. 配料有粟米粒,海帶,荷蘭豆,芽菜及日本魚片等,可惜主菜义燒唔掂囉... 等位時同事話义燒好食,不過真係麻麻; 雖然唔"肥"但幾乾同"鞋"口. 細碗飯則揀了鰻魚飯; 哈,出奇地鰻魚幾好食,新鮮燒成,幾香同"腍".加個牛肉小食同鰻魚小食; 牛肉小食只屬一般,食落我覺得無論外型與味道都同吉野家差唔多,而且"空口"食太鹹. 鰻魚小食一碟五塊,幾位同事都覺得此為是晚最好的食物.此外叫了個三文魚碎飯糰 - 飯糰太乾,三文魚碎太少,少到我根本食唔到三文魚味,而且似魚鬆多點... 這個一次就夠...可能之前太多好評令我有期望,依家食完反而覺得同我預期的有距離. 另外我都終於明白點解門口日日都勁多人等位,皆因裡面只得三張四人檯,一張面壁二人檯和約八個bar檯位... 如果連o甘細的地方都坐唔滿就"聽"執啦...唔敢講話等位係假象,食物都可以一試的,但唔值要係門口等一粒鐘囉

有時一樣食品好食與否,除本身品質外,環境和心情都是非常重要!!無光顧過橫綱的朋友,一定事先有兩個心理準備,克服了,才能食得安心,嘗出真味!第一是要等,在店外要等,入了店order完再等師博慢慢煮(可能要等兩三輪才到),在這裏等是必然的,不要被等這東西影響心情,引致食欲不振!!第二是地方淺窄,座得極迫!!這次叫了味玉拉麵,即溏心蛋加豬肉粒拉麵,溏心蛋軟、淋、滑、香,好正!!豬骨湯底味較濃,很夠味,麵一樣的彈牙,煙韌,上次無講那塊配菜的紫菜,很香很天然無加鹽,試下啦!!還有那樽即磨黑椒,很香!3:00pm-6:00pm,42蚊打8折,收33.6!!!

等了半小時便有位.進入店內, 原來店餔面積不大, 座位狹窄. 基本上, 一吃完便想快快離開.見只有味玉拉麵附有溏心蛋, 便要了一客. 老公叫了九州拉麵.麵質相當不錯, 很彈牙. 好好食! 但配料卻令人失望. 溏心蛋凍的, 味道又不夠. 只吃到蛋的柔軟, 但吃不到蛋的味道.味玉拉麵的肉粒, 非常硬, 不好吃. 九州拉麵內的叉燒也是硬的, 不好吃.麵及湯雖好味, 但各樣配料有待改善.

橫綱拉麵的品質超高,只收三四十蚊,仲要免加一;下午茶時段3:00-6:00,更打8折!!天呀!!這次下午茶來試了個义燒拉麵醬油汁,很好味,湯底味濃,麵是較幼的一種,彈牙爽口,义燒雖不夠淋,但肉味濃,其他配菜如青豆,粟米,菜,海帶,洋葱等,絕對是有畫龍點晴的效用,令這麵不論味道和色彩都豐富起來!這次是坐吧頭,觀看了全個煮麵過程,師父每一個過程都很用心,很小心地處理,如正在做一件藝術品般,每一個細微的步驟都不能忽略!!(如煮好的麵要先用力搖把水弄走,再用某上湯冲洗)雖然是等耐一點,也覺值得!!最後埋單33.6!!!天呀!!

放咗工同朋友去咗油麻地橫綱食晚飯,因為時間尚早,大約等咗十五分鐘就有位,我地今次坐bar枱,但一樣都係好迫。我叫咗橫綱拉麵(麵豉味), 朋友就叫九州拉麵, 仲叫咗碟餃子,等咗約10分鐘就到齊。首先我地大家亙相試試2碗湯底, 2碗湯底都好濃,唔錯...! 不過個湯嫌唔夠熱,朋友說好掛住日本的正宗拉麵, 佢話好味到暈....佢話真係行到出門口時真係暈暈地喎...真誇張。講返呢度D食物先, 食食下覺得個湯咸咗D囉,塊叉燒"鞋"咗D,麵質就唔錯....。食過甘多家日本拉麵, 這家巳算是比較接近正宗日本拉麵的了, 而價錢比其他要平,質素卻比他們好...唔怪得咁多人。

繼上次和兩位朋友前去之後今次和一位女性朋友去有了上次等位約45分鐘的經驗(6:30-7:15pm)今次再早了一點去，結果不用30min已經有位了大約是6:15等到6:40左右吧由於我和朋友均是細食的人所以叫了那兒的餐味玉拉麵+鰻魚飯餐，再多加了一個餃子由於我已經試過拉麵，所以我吃鰻魚飯為主鰻魚飯和餃子味道不錯，不過不算特別味玉拉麵的仍然十分好，值得一試平均值得等一小時的，還是那一句，早點去吧