橫綱

营业中

休息中

某晚因為朋友推介去左油麻地一間叫做「橫綱」既日本拉店佢一早話明要等，一去到又已經人山人海（間野好細的）但我地冇諗過係等一個鐘囉等位冇野做就上網啦，都見到openrice好似好評如潮，咁就等下啦由八點等到九點，由唔肚餓等到肚餓，心諗咁咩都好食啦入到去叫左「味玉拉」同「九州唔知咩拉的」，想加味玉（溏心蛋）但佢又話唔夠蛋冇得加............食完我覺得真係等個味玉可以一試但個湯底又咸，D又有少少皂水味，我覺得唔係太好食囉一樣價錢我覺得味千好食D，而且仲唔使等咁耐，又坐得舒服D

今天約了一位和我一樣愛吃的朋友吃午餐事前大家也上OPENRICE作資料搜集相討午餐地點，最後選了這間由朋友推薦而大家也從沒試過也很想試的橫綱 Yokozuna拉麵店。看了OPENRRICE的相片環境也很像日本地道拉麵店加上看到各食家好評如今潮相當吸引我，原來此店在香港有超過十二年歷史。我們一點多鐘到達時門外巳坐滿了等候的人，我們也等了30-45分鐘約十多張飛。我們點了各食家推介的味玉拉麵、橫綱拉麵 和餃子，這裡的價錢也非常合理。和傳統的日本拉麵店一樣開放式的廚房。我們在等候時可看到師傅烹煮的過程，看到師傅每次淥麵後會把每條麵條放進口中試味試出麵條的度是否理想。待應的服務態度有禮不時主動走過來斟水。看到部份食家說落單至送麵到面前，約需時二十分鐘，這天我們的送麵時間應該也不需二十分鐘很快便有得吃了。好味到不得了，我們點了這兩個味玉拉麵、橫綱拉麵 SHARE，太好吃了掛住吃麵剛才先發現忘了影餃子。chopstick:餃子也非常好吃皮薄餡多。吃了一小碗這個食家推介這個必吃味玉拉麵，出名在溏心蛋餐牌上註名是選用北 海道一級無菌雞蛋，從來不喜歡吃烚蛋的我也試了半隻，吃起來蛋白和蛋黃又軟又香蛋黃

好多次都想幫襯此店，但每次都是晚上時間，每次門口都排長龍，所以每次都放棄，今日下午同公司同事去油麻地做嘢，做完嘢同事話肚餓要魚蛋粉，我話不如去食拉麵，同事話好。去到不用等有位，叫在味玉拉麵和叉燒拉麵(幸辣底)，等咗十幾分鐘麵來到，同事話佢碗叉燒拉麵好味，但湯底不夠辣，如果辣啲會好味啲，我碗味玉拉麵用豬骨湯底超好味，湯底夠濃，拉麵口感好。今次同事話佢請，埋單時收銀話下午時段有八拆，今次真係又平又好味。

點了橫綱拉麵和咖哩牛肉拉麵,一客牛肉小食咖哩和牛肉小食是叮熱的想不出和波仔有咩分別煮湯過程覺得太求其沒誠意之作,賣單$102

這天我和朋友趁該店的下午茶時段再次光顧，這店多年來都是不太寬敞，而且店舖長期人頭湧湧，所以搭枱食麵經常發生。我們甫一坐下就分別點了味玉拉麵及招牌橫綱拉麵。首先說這個橫綱拉麵，大家可以選擇醬油、豆豉或辣味湯底，而我們就選擇了最傳統的醬油湯底，看看其烹調的效果。醬油湯底味道比較濃，醬油味配合拉麵時也不會搶味，而且淨飲也不太口渴，這是值得一讚的。雖然味道能保持，不過湯底可能因為用料不同，觀感上湯底不及以往般清澈，這點需要改善。而在麵質方面，這裡製作的拉麵一向都保持比較平均的水準，麵條不會過軟，入口有很好的彈性而且夠煙韌，加上份量也不少，所以不用加大也相當之飽肚。而在肉料方面，橫綱拉麵的叉燒的質感就比較軟，而味道不是太鹹，所以整體味道都相當一致。至於另一碗味玉拉麵，同樣都是以叉燒為主要肉料（不過就變成叉燒粒），但是湯底方面卻採用了豬骨湯底。這個湯底感覺就與醬油湯底截然不同，首先它採用豬骨長時間熬製，所以湯底本身比較多油，而豬骨味道也比較濃烈，吃起來自然比較惹味。而更值得一提是這個拉麵包括了一隻溏心蛋，這個溏心蛋的製作也是相當出色，咬下去時有的水汪汪感覺，包括了蛋白和蛋黃的部分，令整味麵食的變化

今日唔知點解會黎左呢到開飯時辰尚早,所以人唔多,入去果時座上只有一半的人客,同時有2-6pm的8折優惠,所以就入左去試試睇一睇個牌,心裡有數知道叫咩,叫左一個咖哩牛肉拉麵,同一個味玉拉麵先講前者,咖哩味ok,有薯仔同蘿蔔,同牛肉粒薯仔同蘿蔔都幾難有問題,所以無咩好講,重點係d牛肉,d牛肉可能係腩位,但出奇地瘦,有種置身於街邊車仔麵檔食緊既低質素牛腩的感覺而味玉拉麵係我女朋友食我都分左佢半隻蛋,溏心蛋真係唔錯,但唔知點解蛋心係凍既,同我眼見佢d叉燒粒係異常咁肥,連我平時唔多怕食肥肥地既肉既人,食一粒都要咬一半肥油出黎先食得落,但兩碗拉麵都有可取之處拉麵食唔到簡水味,值得一讚,咖哩湯底味道適中,豬骨湯底未有嘗試,因此不作評論,拉麵亦出乎意料的彈牙,因為外表望落去好似好淋咁,整體黎講,有8折既時候都係食得過既,咁既價錢,有咁既質素,而份量亦都足夠所以俾個ok佢啦題外話,食緊果時,望到前面枱個男客人坐係到果時露左一大條股"那"出黎,有d影響食慾唔知下次可唔可以叫d店員幫佢幽返高條褲

Haven't go to this shop for almost one and half year. But the taste still very good. Arrive at 6:30pm. Need to wait almost 30min for available seats. Price range around $32-$48 for a bowl of noodle.Order one egg noodle and one yokozuna noodle. I recommend to choose the noodle with "Pork Bone" soup. It is more tasty.I think the only Japanese Noodle shop can compare with this one is the one in one of the basement TST East. But it is more expensive.

久仰此店的大名，決定今晚和女朋友走去試試，點了很多人推介的味玉拉麵及九州拉麵。先談九州拉麵，味濃而偏鹹，夠正宗的，但就是覺得正宗得來又唔太特別好食那一着先吹脹，相片內有半隻溏心蛋是因為我女友分給我的，稍後再談，而麵條的韌性也不強，鹼水味倒也吃不出，大概是濃濃的豬骨湯遮蓋了吧，豬骨湯是蠻香的，且在湯面已見到是有油份的，很好，而配菜也是很普通的日本魚蛋、粟米、海帶、荷蘭豆、芽菜及蔥花等，上述的普通不過，不着墨太多了，反之那叉燒，真的忍不住要評評了，因為都真的是幾差，肉太瘦不甘香之外，其肉質本身也是很‘孩口’的，唯一的好處就是份量夠多，記憶中至少是有三片的，在不加叉燒的拉麵來說是多的了，普通的日式拉麵店只會給你一片起，兩片止。首先不好意思是沒有提供味玉拉麵的相片，其湯底及配料基本同上，唯一不同的有兩點。第一是它有的是碎叉燒，而不是一片片的，但如出一轍，也是很‘孩口’的，不用多談；第二的不同就是其主角溏心蛋了，此物相信是本餐最好的一件物事了，除了師傅溫度控制得恰到好處下，使雞蛋能煮成超棒的溏心蛋外，那蛋也有雞蛋香及夾帶豬骨湯的味道，好吃。但整體感覺只可以是合格吧。吃畢這兩碗拉麵，不太滿足，唯有

女友話在網上發現這間拉麵店好掂,在openrice的評語都好好.於是在29/01/09去試一試,19:00好多人,等左成粒鍾.有得食啦!味玉拉麵-->個湯底好咸,麵係彈牙,但竟然比我食倒有鹼水味,失敗香蔥拉麵-->個湯底超超超咸,咸到我女友說不能吃下去.燒雞串----->呢串野就真係到位啦,可能呢間野係食串燒並唔係食拉麵嘅.總括黎講:以四十幾蚊碗拉麵,去食味千好過,如果願意比七十以上咁就去康龍食啦. 人地d湯底係濃唔係咸.

近星期去了兩次橫綱，我唔太食日本野，最怕食魚生壽司烏冬，拉面係唯一我最愛吃的日本菜，所以去左呢間試。星期六去排隊排到傻，排左廿十分鐘(相對呢間舖的平均排隊時間唔多)，終於有得食。第一次傻傻的叫左一個餐一個面，男友同我兩個飽到暈。叫左味玉拉面同九洲xx拉面，兩者都係豬骨湯，豬骨湯底好唔錯，鍾意佢面夠爽，配菜好食，價錢都唔算貴。另加一個咖喱飯，日本甜咖喱，幾好食，不過我prefer東南亞的香料重的咖喱。星期一再去食tea，人少左好多，仲可以睇住師傅煮面，幾開心。今日食醬油底叉燒面，無豬骨湯咁好，不過都ok，超多叉燒，同男友兩個人一碗面一個小食已飽，仲有八折，每人廿零蚊落樓，好抵。

之前試過這裡的九州拉麵（豬骨湯底）和味玉拉麵，今次和男友試了叉燒拉麵（豆醬湯底）、清湯拉麵（海鮮鹽味湯底）。叉燒拉麵－很多叉燒，不過叉燒太肥，像在吃肥牛腩一樣，不過味道還算不錯。可惜豆醬湯底，豆醬味太濃，不夠香。清湯拉麵－也是叉燒做配菜，海鮮鹽味湯底只是呷上一口的話，算是相當不錯，鹹度也很適合做湯底，可惜不配這個拉麵。餃子－因為太普通而沒有拍照，味道也只可以用普通來形容。總結，還是味玉、拉麵和豬骨湯底最捧。所以我想九州拉麵加味玉一定是最強的組合。

經常路過都見門前聚集很多人等入座，便打消吃的念頭，今天約四時許，見無人等位，便入去一試，安排了坐麵吧，正好讓我沿途目睹製作過程。點了一碗九州屋台風拉麵，由落單至送麵到面前，約需時二十分鐘。首先廚師會一字排開五隻大碗，(每次都是五碗)，按照人客的喜愛放甚麼湯底，大多是醬油、濃縮豬骨湯之類，過一會才放一大殼熱水將其開淡成湯，麵約煮數分鐘，然後將載有麵的篩一個疊一個，將滾水從上淋一次過“熱”河，再用力逐個 fing 走水份，才放麵入湯碗內，用筷子加以修飾，後加各種材料、裝飾，才送到客人面前。先喝一啖湯，有很濃香的豬骨湯味，味道略嫌鹹了些少，麵上放有明太子一堆，即蟹子，日式叉燒數片，一些幼紅薑絲，及一些像雪菜般的物體，還有一大塊紫菜放碗邊，麵質很彈牙，叉燒像是鹵豬肉，味道不錯，檯旁放有多種調味料可供選擇，我加了七味粉和芝麻，更添香味。若要在門外等入座，之後又要等二十分鐘才有碗麵吃，我自問沒有這般能耐。走時見門外站滿了人，幸好早來一步，否則不知何日才結這一「麵」之緣。

最愛"味玉拉麵"特別係果啲蛋，好味！但只係Ben-san煮果啲好食！果四眼哥哥煮果啲真係唔得，好鬼求其，冇heart，啲麵煮到"林"哂，重成日打"黑次"，好影響食慾！不過最衰都係安排坐位果個姐姐，外邊天寒地凍，成Q日留住啲位唔放人入去！人哋等咁耐為咗食碗麵暖肚姐，你心地差都唔好影響間麵店做生意吖，你知唔知做拉麵店最重要係物呀？快出快入做多幾個客嗎！！

很多人都有寫過此店的食物及介紹, 不作詳述..現在經濟不好, 其實在找到一間美味的店舖後, 不妨選個好時段你就可以付出小一點, 但吃出相同味道。以橫店為例吃拉面 + 小碗飯套餐午市花約 40-50元 ..但人太多又要等位晚市來吃, 同樣套餐變成 60-70元, 人流同樣多雖然做會員之後, 等候時間可以變積分換野食, 但最實際都係下午約二時半至三時半去, 吃個晏一點的下午最後推介下...以前在日本吃過不少拉面... 橫店都幾正宗, 湯濃面彈...不過其實佢既日式咖哩仲好味...最衰佢個餐唔可以大飯細面, 只可以大面細飯~~

同老公睇完早場11:30醒起有間拉麵o係廟街間廟對面好多人排隊, 想試好耐,今次有機會啦11:55去到未開門, 12:00 開門我地係第一個客, 坐左5分鐘d位已經坐得七七八八叫左醬油湯底香蔥拉麵(普通麵) $42 , 麻油味湯底濃,好多蔥不過肉少左D, 麵軟硬適中唔糊口,亦比味千無咁油, 麵有粗幼及普通3種選擇老公叫左咖哩牛肉飯, $38 真係好一般姐, 超市一包包咖哩好味好多, 拉麵店都係叫返招牌既拉麵安全d餃子$23 皮薄餡多, 有d薑味, 不過油多左d 店舖雖然細左d, 不過都叫乾淨企理, 最開心可以睇住師傅煮自己碗麵既過程味道幾好, 物有所值, 仲要唔加一, 經濟唔好, 唔加一係令我地會再去既一大動力