橫綱

营业中

休息中

每次經過都見到好多人今日見得閒d, 所以等下以為等一陣,點知由八點三等到差唔多九點半至有得食…又熱又累叫左橫綱拉麵, d麵幾彈牙, 軟硬度適中d醬油湯底都唔錯,但唔可以稱得上係好好至於九州拉麵, 試完個湯底, 都幾鹹下, 影響晒成個麵其實係度食真係幾抵, 埋單唔使$100但入面d枱好細, 坐得好唔舒服不過侍應服務幾好不停幫你加水但要係咁熱既天氣下等咁耐,我相信我唔會黎除非唔使等位就會黎喇~

如果去過日本食拉麵的朋友都應該好清楚, 香港係好難搵到一間同日本一樣水準的拉麵館, 不過橫綱係可以值得推介一下. 我認為佢地煮出黎嘅拉麵同埋湯底差唔多有7-8成嘅日本水準. 始外, 係香港真係好難搵到一間平民化的好食拉麵館.. 橫綱一碗麵大約$40-50左右, 材料充足, 我認為價錢絕對合理. 不過始處環境比較狹窄, 絕對唔會係坐得好舒服的. 即叫即整的關係, 等待都需時大約5分鐘. 有試過漏單添. 叉燒拉麵, 保持一貫水準. 啲拉麵唔淋, 唔硬, 軟度啱啱好. 湯底是清湯, 我相信應該冇味精, 食完後水都可以唔使飲太多. 不過叉燒就有點點鹹, 一碗大約有6片. 味蛋絕對一定要試. $7一隻, 個蛋黄好好好~~~金黃. 個溏心入口即溶化, 滲出啖啖香味, 真係一流 . 就算唔食蛋的朋友友們, 如果有機會我都建議你地試一次.不過呢間餐館最麻煩的問題便是排隊, 早去就唔使等太耐. 如果7點先去到, 相信要等一個鐘. 大熱天時等咁耐, 入到去又坐得唔係咁舒服, 其實都幾難頂的.

對唔住，唔俾個喊你真係唔得。 都唔係第一次去食，因為呢度o既味玉蛋拉面吸引左我成家！今日一家4口又去食等位就預左嫁啦，好味嘛，自然多人！等等下，聽到位小姐叫：xx號飛，x生4位於是就成家起身，行去門口點知，之後佢又叫左2將桌，人地就入左，我地企多5分鐘，都未入得......問個(應該係老闆娘)最老個waitress，佢話：我地冇叫你張飛喎！唔係呀？我地4個人8隻耳都聽到嫁喎！都算啦，可能人地忙中有錯姐！之後有個四眼「公主」(另一個waitress)叫我地，問：有張桌有2個空位，入唔入住先？拿佢係話入唔入住先嫁！點解叫佢公主，睇落去就名。咁我同我妹妹就入左去先啦，坐係度等。後來，呢位「公主」就走黎問：你地要唔要叫左野食先。我同佢講：但係我爸爸媽媽未入黎喎。「公主」就話：下？入到黎都係分開坐嫁！之後仲成日駕臨觀賞我地，同俾面口我地兩個睇。終於，爸爸媽媽入到黎，問佢咁我地可唔可以坐返埋一齊。佢話：下？咁你會搞到我地其他客！呀姐姐，係你表達有問題，你問入唔入住先，唔係話分唔分開左喎？唔好搞到好似我地係麻煩客咁啦，好冇？如果一開始你問o既係：分開坐好唔好，我地話好，但入到黎要你安排返我地一齊就

1. 橫綱拉麵$45 ~ 選了豆醬湯及粗麵底, 喝幾口已有鹹的感覺,湯底咸味重過麵豉味. 碗內有2塊肉,配菜都幾多. 喜歡那麵條彎彎曲曲,又有蛋味. 加$5可以加大,麵條的確多了點,所以食一碗也很飽.2. 清湯拉麵$38 ~ 沒有什麼特別餸,只得兩片叉燒,麵條略硬了點,而湯底的確幾清淡. 加了$20要碗細牛肉飯,比想像中惡劣,牛肉很差,又乾又無味,碗飯有無汁醬.

o係廣華醫院探完老死個初生二千金之後,一行三人就過左黎橫綱食飯...可能係黃金時間,我地由7點3等到8點9先輪到我地入座,我自己就叫左個九州拉麵,鰻魚飯團同餃子食:1)九州拉麵 (湯底濃郁,拉麵有彈性,確實係非一般食店既拉麵可比,好食)2)鰻魚飯團 (暖粒粒,但可能鰻魚太少,完全食唔到鰻魚味,普普通通)3)餃子 (一口一件,外脆內軟夠肉汁,又係好食)綜合埋兩個朋友既評語,以價錢計水準確係超班,但值唔值得等個幾鐘則見仁見智喇~~

尋日黃生收五點, 諗左好耐都唔知食咩好....呀, 不如就社橫剛啦, 早早地, 冇咩人嘛.....等左唔夠兩分鐘.....就入左去喇, 仲要坐bar抬, 正!叫左兩個叉燒拉面, 要spicy湯底.....望住個鍾, 由五點九....去到六點......yeah, 終於有得食喇....好味啦個湯, 食完都唔係太口乾...不過點解得兩塊叉燒(今次好淋架)....又冇粟米...埋單收左$67.2, ....咁奇怪既.....原來有八折....唔記得左tim...唔怪得之得兩塊叉燒啦....

係日本食好好好好味GE拉麵之後，返到黎香港就搵下香港有冇D好好味GE拉麵食，於是就搵到左橫綱，咁多笑臉應該唔錯。先做足資搜查，最出名都係九洲拉面，味玉拉面，叉燒拉面，由於喵小姐同我都唔食蛋，所以就叫左九州同叉燒拉面九洲拉面, 味玉拉面 (7.25/10): 整體黎講算係咁，可能係日本D拉麵太好味，所以覺得係橫綱LEE間香港算出名GE拉麵店同日本ge拉面一比，水準真係差左幾個層次.....不過喵小姐話LEE間店GE拉面係香港算係好味，所以都俾個7.25分佢la! 睇黎要食好味拉麵，就一定要去日本。食完之後都算幾滿足咁就陪左喵小姐搭地鐵返屋企囉

今天放工後跟妹妹到橫綱去吃午飯~~去到差不多4點多，可能是時間關係~去到的時候不用等位便可入坐~~但是內裡能容納的客人真是十分有限,難怪這裡的食評大部份都說要輪候一段時間.而且內裏的環境有點狹窄~對坐的話真的會碰到頭~哈哈~~~叉燒拉麵：可能因為妹妹是客家人,平常吃很鹹~所以覺得這裡的湯底味道並不是太濃.不過相比大型連鎖集團味Ｘ拉麵那個吃後會令人十分口涸的味精湯,這裡的湯底算是略勝一籌.另外麵條方面也值得一讚,份量足！彈牙！但是叉燒卻略為普通.味玉拉麵：因為是這裡的招牌麵所以決定一試，一上枱見到碗中的溏心蛋便恨不得立即咬下去~超好食呀~加上拉麵爽口彈牙，麵中的肉粒也很美味只是有少少咸~牛肉小食：味道有點像吉野家的牛肉,肉汁香濃並帶少甜.另外配料竹筍也十分爽口

星期日黃昏,去了油麻地橫綱吃拉麵,店舖很小約有三十個座位,每次經過都見不少人在店外等位, 今次亦不例外,等了45分鐘才能入座,我點了牛肉拉麵配辣湯底,麵很彈牙.煎餃子一碟有六隻, 外皮煎得香脆, 內面充滿肉汁, 味道不錯家人分別點了九州拉麵與叉燒拉麵, 兩者的材料很相似.九州拉麵是用豬骨湯底, 入口不肥膩, 喝後都不覺口渴.這兒的拉麵每碗$3X-4X, 不用加一.以這水準是抵食, 不過等位時間就超出我平日可等待的範圍了.

今次用左1小時10分卒之食到啦之前黎過2次, 都因為等左超過1個鐘, 又好肚餓的情況下走了所以今天特登早d 黎, 大約 6點10分, 等到7點20分入去我和男友每人叫了一個麵, 他吃叉燒拉麵, 我的是咖喱牛肉咖喱牛肉拉麵果然名不虛傳, 很有日本風味, 而且整個湯底很熱很香, 麵也很彈牙男友不夠喉, 加多了一個鰻魚細飯, 我們還叫了雞肉串, 這個也是很惹味的小吃!

成日撘車經過見到門囗好多人..上黎op睇都ok多人讚好...星期六味去試下啦..7:50等到9:15..都幾耐架..好多人等等下走人...諗住好味等耐d冇所謂啦...有位啦..入到去..勁細..得24個位..我地兩個人坐係收銀前ga細檯到..ok迫,同後面個檯就快背貼背...(題外話:後面個檯勁慘,6個人迫係張4人檯到)嗌左1個味玉&九州拉麵..um..吾系好好食..(食過比佢好ga1間)雞肉串...似超市個隻急凍雞肉串ga味..同埋d沙律醬好怪..服務ok nice..ok平....but...冇下次/_\

跟友人去電影中心看戲後決定去這間久仰大名的拉面店都接近十時了, 還有很多人在排除等候.. 那時店員說要等20張枱!一邊跟友人聊天一邊等, 等了45分鐘終於可以入坐!看了菜牌後, 我叫了九州拉面! 上菜速度也算快! 整個拉面的賣相不錯, 很足料!!!個人覺得拉面的軟硬度適中, 我很喜歡!可是對湯底卻有點失望, 因為第一口已經有鹹的感覺在吃的過程中, 聽到店員不時訪問客人對食品的意見聽到有另外兩三位對湯底也有同樣的感覺---太鹹還有另外兩位客人要求清湯中和鹹味雖然如此, 但也不得不讚店員良好的服務態度在聽到客人的批評後仍然大方地向客人致歉, 又鼓勵客人多給予意見此外, 店員在聽到客人的意見後會立即跟進, 進行檢討, 藉得嘉許!

星期6:45PM好在不用排隊,我地叫了1. 監味海鮮拉面-湯底是好的, 不過好味精.個樣都OK的, 不過一食 "間"水味勁濃. 肉也好un.2. 味玉拉面- 只可以說是間水麵味. 味玉的smoke味很淡.其實都唔係好明為何甘多人會排隊wor.

聽聞在港穩首拉麵最多好評的橫綱已很久﹐但這次來光顧還是第一次。到達時已見到一班人群﹐青年男女﹐一家大細﹐帶著手抱嬰兒也有﹐小孩因等得太久嚷著要走反遭父母責罵﹐真的替小孩可憐。因反光的關係﹐在外等候的顧客很難清楚看到店內的情況﹐所以每人都是在聊天等候著自己的號碼。在等候中的40分鐘內﹐留意到零零聲聲在店內吃完的顧客都有步出店外﹐但店員遲遲還不叫號碼好讓在外等上很久的人到店內入座。於是本人進內一看﹐原來發覺他們是等店內有好幾張吉臺或兩三張卡位才叫顧客入內﹐好把在街外等候的顧客作做勢及免費宣傳。 店內還境不大﹐只能容立大概二十幾人﹐環境擠逼﹐如坐卡位的朋友同時與對面的顧客昂前吃麵﹐那就差不多會碰頭。因店內很細﹐服務員亦不會在多遠﹐所以能即時得到服務。是日叫了這店的人氣款式 – 九州拉麵及味玉拉面。九州拉麵 $47 – 這款拉麵只供豬骨湯底作湯底﹐主菜主要是四五片日本叉燒而配料包括有﹕荷蘭豆﹐昆布﹐筍﹐栗米及鳳鳴卷。 叉燒肉質不錯﹐不是太鞋口﹐配菜火喉剛好﹐荷蘭豆還很爽脆。湯底濃度剛好﹐沒有其他主打拉麵店那麼鹹﹐但這裡的麵質不太彈牙﹐反而有點黏在一起。味玉拉面 $42 – 溫泉蛋質素不錯﹐內軟

今日要過開粵聲買調音器,就順路去試下橫綱,見佢咁多好評,點知都係不外如是.講返d食物今次食九洲拉麵+味玉樣就幾靚,食落麻麻.拉麵彈就彈牙,不過無麥香,只有鹼水味,而且仲幾重下隻味玉咁都夠膽收成7蚊隻,食落只係一隻白煮蛋,又要無蛋香叉燒死實實,成舊煲完湯既豬肉咁,味道完全是同煲完湯既豬肉一樣豬骨湯無豬骨味就真係...orz