橫綱

营业中

休息中

我認為以這個價錢可以吃到這質素的拉麵, 真的很划算我最喜歡那隻蛋, 很滑推介玉子拉麵份量很大,女孩子吃不完那裡不能久坐, 吃完便要走,由於地方不多, 你會聽到同桌不認識的人每一句說話...

星期六!見時間早! 6點半! 諗住去睇下橫岡拉麵洗唔洗排!!雖然要等10張檯 好似好快! 但都要排左成45分鐘先入得!!一如平時!! 叫左X燒拉麵!! 加清湯!!水準KEEP 到!! 轉埋大麵!! 味道更佳!!聽到WAITESS 講D X燒轉左整法!! 可以入口即溶!!非常好食!!! 絕對值得一試再試!!女友叫左個九州味玉!! 又係好得!!!個湯濃得黎唔太油!!最後再加多個野菜!! 正!!呢間係咁多間拉麵店! 我食完之後唔會口乾!!所以排餐死去等都抵!!今次排隊時! 個WAITER 仲會拎D水比排耿既客飲!細心得黎又幾抵讚!!!! 平均100$ 一個人!! 都算抵!!不過唔好既地方係佢地環境真係細左小小!同埋好多人等位! 食完都唔好意思坐耐小小!!!

住左個頭咁耐都唔知有間食拉面咁出名有人介紹咪同屋企人去試下未到12點就排晒隊唔知佢係咪見到多人排所以1155就比人入去入面真係好細我地3個都差D無位 要加位先得我叫左清湯叉燒拉面 細佬叫清湯牛肉拉面 媽咪叫左豆醬橫綱拉面等左幾個字先有得食不過D叉燒真係好好食佢切得好薄 基本上唔洗點咬都食到落肚我本身就唔係幾鐘意食叉燒既不過見人介紹所以先試下D面就好似同平時食個D唔同不過都幾彈牙而牛肉拉面都幾好佢D牛肉切到超薄唔會話要咬得好辛苦先咬得開橫綱拉面都OK不過個人覺得豆醬湯好咸至於服務態度都幾好落完單會幫你CONFIRM一次先叫廚師整又會幫你加水 好有禮貌平時見到40幾蚊一碗面又無野飲既話都唔係幾想食因為都幾貴 不過呢間真係值=]

Date: Monday 13th sept 2010 10pmOrdered: 九州拉麵 $47 加味蛋 + 味玉拉麵 $42Taste: I had my 九州拉麵 which is number 1 on the menu. it smelt so good without even tasting it. i usually grind ALOT of white sesame on it to make it even more tastier!!!i notice there is a slight difference to the ramen since 4months ago when i have eaten it. Instead of beans they give you some other greens, and they give you a much generous amount of toppings. there is alot more sweetcorn, beansprouts, and greens!!! I LOVE THAT>

平日行過都見有一堆人O係度, 咁O岩要去油麻地, 就試一試呢間晚飯時間多人到爆, 等位要預左等好耐~約1hr後, 有位喇~入到去叫左個豬骨湯九州拉麵, 再加返一粒味玉等多大約30mins, 卒之有得食喇~~~味玉好味, 叉燒都唔錯, 豬骨湯底唔錯, 不過咸左少少~麵底重梘水味, 唔似一般日本餐廳食到o既麵底, 個人就唔太好d咁有梘水味o既麵~

係圓方行完街大約１０點１５分左右！我地去左油麻地【橫岡】食拉麵，泊左架車係正【橫岡】門口就即刻落大雨，去到好好彩冇人等位，一去到即刻有位坐唔駛等，幾好呀！可能果時都１０點半啦，距離打烊都係得返半個鐘，所以．．．親愛的叫左碗【咖哩牛肉拉麵】日式咖哩，相比其他拉麵店緊係好食好多。而我就叫左碗【牛肉拉麵 配醬油湯底】牛肉好彈牙，一ｄ雪藏味都冇，食物與配料攏放得好細緻，味道水準依然。我地另叫小食【煎餃子】餃子煎到岩岩好，唔太燶，又唔太硬，ｏｋａｙ啦！

去年跟同事來過一次，但沒甚印象，今天有事到油麻地，知道這裡出名多人排隊，順道再來一次。雖在星期日的一點左右，店外都有數人排隊，要等四張枱。進店後例牌都要搭枱。兩人點了︰香葱拉麵(辣湯底，加糖心蛋) - 麵太淋，湯底有點不倫不類，不知是甚麼味，亦不夠辣，香葱及糖心蛋還可以。香葱拉麵(醬油湯底) - 麵太淋，湯底太鹹亦缺醬油應有的香味。跟午餐的咖喱牛肉飯 - 用的是日本米，飯煮得不錯，咖喱汁就跟平時在日式超市買的真空包裝咖喱汁差唔多。餐茶凍咖啡 - 咖啡本身好酸，不知是即磨咖啡豆(如果係即磨不如用即開咖啡粉算數，降低成本)或是即沖咖啡，加了兩個UCC的CREAM亦掩蓋不了酸味！不明白為何長期有咁多人排隊！服務方面是中規中矩。雖然價錢頗便宜(以日式拉麵來計)，但因味道問題，我認為不算抵食！

呢間野出名就一直都知...每次經過都一定有好多人排隊但係咪真係咁好食呢???係油麻地返左工一年都一直冇心排隊去食佢...臨走之前終於立下決心試下佢係咩來頭當日我已經係放LUNCH早少少既時間去..但依然有幾位等緊...心諗好快姐..估唔到排第3都等左我半粒中先入到去...好在排隊期間,店員都好細心地端出冰水比我地係出面咁熱等位既人客入到入面..其實入面咁細...位都唔多幾個...我覺得呢個先至係真正咁多人排隊既原因囉~~可能D人見人多又食下...跟住就變到好似好出名咁....分別先後食左2次...試哂所有想試既野第一次,由於下午不想吃太飽同太貴,跟同事Share左一個餐...係咁既..佢一碗麵就要40-50蚊,但佢有set就係揀一款麵+18蚊可配迷你飯+餐飲 芝麻醬冷麵+味蛋$4x炎熱既夏天,我地揀左個冷麵...冷麵有梅子/芝麻醬味蛋就另加既~今次揀左芝麻醬,亦試左朋友既梅子醬...梅子醬酸酸甜甜..芝麻醬亦唔錯~唔係好稠..芝麻味重..與吉野家的相似.但個人比較喜歡吉野家的芝麻汁...比較似海蜇果d味~冷麵冇咩特別...2個人食一個set我覺得唔大食既都ok..味旦幾好食~~不過比起

我地七點幾去到，佢又冇得BOOK位，等左45分鐘但係佢地都好好，有攞D冷水出黎比我地飲。因為我有朋友話佢食拉麵淨係食橫綱，所以去食下。我地食左中辛的叉燒拉麵，和九州拉麵，同煎餃子。好好食呀真係。價錢同味千差不多， 但就好食過味千N倍！抵食又好食，我會再去的！

星期日下午一心諗住去食橫網....因為有朋友話好食之前等太耐又冇等下午兩點幾特左6/7張台一入到去就知出事點解出面會等咁耐...因為入面得個十幾廿個位 + 兩個師傅做慢慢做...一睇就知兩個都係港人亦冇去日本學廚既經驗廚房用品放野方法都得日本餐廳好足不過兩位師傅做野既手法就一d都唔日本再黎筷子唔係木筷子(冇乜原因..只係好小食拉麵唔用木筷子)一睇就見到d七味粉係refill既...再試唔係原裝野餃子黎先...一睇就知唔掂...因為係縮水版再睇有水...即係連煎餃子都唔識(未收乾水已經上碟)唔識煮都唔緊要...唔洗上埋d水比我(有可能d餃子自己出水)一食落...水汪汪...重有佢d餃子豉油...都係唔掂我叫左橫網麵豉女朋友就叫左九州拉麵先唔講d麵講下個餐牌有冇人發覺佢係冇麵豉湯既....佢有豆醬(soy-bean paste)我諗大家都知佢同麵豉一樣不過做乜鬼野唔用麵豉走去用豆醬都唔緊要...佢個餐牌又會有麵豉牛肉飯...個下先勁...點解唔用一齊用埋豆醬呢唔通有唔同....佢自先知啦咁.....重有就係門口玻璃上面d字第一行小左個年字....第二行都唔知點解會係原料係日本入既....唔

好似下位個位妹妹咁講真係做一次傻瓜好啦我由1830開始排, 排足7x多分鐘先入到去,真係等出煙不過佢d 侍應都ok我排隊時, 都拎過d 水出黎到客人飲,叫做細心同有heart啦講番d 食物~叫左一個味玉拉面同橫綱拉面+細曼魚飯味玉好好食~個湯係豬骨幾好~d 面都幾彈牙而橫綱就係豉油湯~都叫幾清~味都清淡個隻但都幾夠味而叉燒就太過冧. 個曼魚真係唔錯~好香口而又唔腥~整體黎講~野食係中上加埋個價錢係抵食啦但等待時間太長~我真係唔會再去食未試過加冬天加冇人我就會再諗下既

自從5年前跟朋友試過橫綱之後, 暫時在香港都找不到其他拉麵館可以取代它了.小弟一向對博多風味的拉麵情有獨鍾, 大概因為那個豬骨湯底吧.所以, 小弟每次來到這兒都不用再看那個餐牌了, 都是那個指定動作: "唔該..味玉拉麵, 加大, 要硬身麵...", 全因為那隻半熟的味玉蛋, 配上口感頗滑的豚肉粒, 夠彈夠爽的麵身, 以及那個特濃的豬骨湯底, 今次當然不會例外. (加大純粹是小弟的食量而已, 與份量無關, 請各位不用擔心!!)味玉蛋的感覺大概不用多說吧, 那種入口即溶的感覺很難在這裡用三兩個字來形容, 豚肉粒感覺都很滑, 沒有一般豬肉比較"鞋"的感覺, 而麵身也保持一貫很好的水準, 相比我在香港試過的拉麵店真的好得多呢.不過, 小弟亦因此有一個遺憾, 過份鍾情這個味玉拉麵, 卻令我不容易在橫綱品嚐其他款式的拉麵了.

食咗好多年的 ramen...但真係太多人喇 無心機line up..前排 Saturday afternoon 去晒相 見唔係好多人 就拎 ticket再去晒相 行番黎都要等多15 mins or more..ramen 係好食嘅... 咁多年都無失準再加埋 beer就係一個好lunch lu

就在小暑的晚上, 成為站在橫綱門外排隊的其中1人話說少爺提議吃日本菜, 只是學校附近沒有甚麼好選擇, 於是小妹9點半就去排隊等位, 待少爺10點放學就可以直接過來~ 原來並沒有想像中等得耐, 大約25分鐘就排到, 只是少爺未過到來, 不過只是過了1個號碼, 少爺出現時小妹馬上跟店員說就即刻有得入座~~~店子真的好細, 4人卡位要搭檯, 我們坐1邊而對面1邊是2個女生。 少爺翻了幾翻menu, 就選了橫綱拉麵(可自選的醬油湯底) 小妹就要味玉拉麵(指定豬骨湯底)。 2碗拉麵1同上桌, 其實小妹對豬骨湯底沒太大好感, 總會聯想到出前丁丁綠色包裝的豬骨湯麵味粉… 小妹先呷1口豬骨湯, 嗯很有味粉的感覺, 就撒嬌要跟少爺的醬油湯底拉麵對換 = P 醬油湯底開頭覺得幾好, 越飲越鹹而且好涸喉,,, 小妹對於湯麵食的湯底很重視因為小妹是愛連湯送麵的吃, 而少爺則將這要求只限用在日式拉麵。 但我們都對這兒的湯底大失所望。 拉麵也不好吃, 麵身很硬, 外面似是幼身1點的油點色澤偏黃 (當然不是油麵般油), 整碗是完完整整1個麵底, 1夾已經可以夾起整碗麵把碗清空.. 加上麵條很硬整碗麵纏在1起, 吃

昨天心血來潮想吃拉面 因要到旺角買2手碟 便看能否在油麻地找一所不錯拉面店 結果便選上了橫鋼這一家甫去到因是晚飯時間, 等的人很多, 一個人也要等15分鐘才能有位置店內裝修像在日劇看到的拉面店, 廚司被圍著食客在弄食物, 我坐著卡位內點了菜如下:煎餃子: 餃子沒有一夾就散的, 肉質鮮美九州拉面加味蛋 - 叉燒入味 味蛋夠糖心 拉面的蛋味不錯 那濃濃的豬骨湯底令我在吃完整碗面後也要清掉 爽雞串燒 - 後加的菜, 因看到旁邊的人在點, 味道一般 燒得不夠火喉 燒汁太多影響雞肉味一百元不到便可吃盡日本美食 侍應服務細心 見沒有白開水便主動倒水, 看到旁邊的客人沒吃光面便問是否有問題! 這才是應有的服務態度 值得一讚