橫綱

营业中

休息中

好耐無黎食，因為每次途經都好多人排隊，今晚見六點幾尚早，應該唔會太多人，點知都要等 28 個，等左 45 分終於有位。入到店里，還是坐得好逼唔自在。好耐無黎，已經無左棒餃子，我地點左煎餃 ($28/ 6隻)，但味道一般，餡肉唔鮮味，外皮無棒餃子煎得甘香脆。九州拉麵 ($58)：豬骨湯底無想像中甘香濃；拉麵有咬口，叉燒鮮味淰身。味玉拉麵 ($56)：雞蛋唐心，豬肉粒和叉燒味道差不多。同是豬骨湯底，但味道好似濃郁d。近年食過其他店既拉麵，再食橫綱，已經覺得呢度湯底和拉麵質素只屬一般，只是份量多而價錢平而已。

悠閒的放假天 在油麻地自由自在的遊逛走著走著 就走到了『橫綱』的門前一間不論午飯還是晚飯時段 都超多人等位的店在下午茶的時段終於比較不忙 沒人在外等位走進店裡 裡面是充滿日式風情的拉麵店餐牌上印了好多心心圖案 我好喜歡喔 嘻嘻XD因為本人的名字有個”心”字 所以有情意結餐牌上的拉麵種類蠻多 因為不想吃豬肉和吃普通的所以最後點了一碗蠻特別的《櫻花蝦拉麵》拉麵的湯頭是用蝦子熬煮成的濃蝦湯底蝦子的鮮甜味充滿在整鍋湯裡 比平常的豬骨湯更特別拉麵主菜的蝦子很彈牙爽口 配上濃蝦湯好好吃而拉麵本身的口感很好 蛋味很香 沾上了濃蝦湯好讚喔!!埋單時才發現原來有下午茶優惠喔…便宜了有十元喔!! 驚喜~~

雜誌介紹橫綱拉麵，排第八位。成日都見大排長龍，今日終於一試。星期六下午大約一點半去到，先攞飛，要等三十張枱…等jor 一個鐘，終於有位。店子很少，搭枱坐卡位，好迫…我要味玉拉麵，友人要辣味橫綱拉麵，再加多個燒雞串。落單個哥哥仔態度差，覆單時嘅速度好快，仲要一點眼神接觸都無…等大約十分鐘就有得食…燒雞串，估佢唔到地好食！有燒過嘅香味，外層塗了甜甜嘅醬汁…味玉拉麵賣相一般，有紫菜、芽菜、半熟蛋同叉燒粒…麵條份量好多，而且質地很好，幼身，爽口彈牙…友人話麵質比豚王還稍稍優勝…半熟蛋入味且仍保留蛋嘅滑流。叉燒粒唔錯，唔肥膩。但個湯底反而最差，無層次，無豬骨香味，重點係，食完超級無敵勁口渴…友人嘅辣味橫綱拉麵，佢話唔辣，湯底一樣不好，好單調，無香味…等一個鐘不太值，如果要等一個鐘我寧願等隱家拉麵喎，人地個湯真係香好多！

橫綱 Yokozuna拉麵店,在香港已經有十幾年歷史,每日由朝到晚都人山人海證明她依然令人回味無窮!!!!由於店舖座位有限,顧客們都要經過輪候洗禮,終於足一小時輪到我們獲安排入坐,快快手落齊心儀的柯打,年青的服務員態度友善殷勤,約10分鐘食物陸續上桌,燒雞串---嫩滑的雞肉加上香草芝士和檸檬汁,一句講晒!!好食惹味!!九州拉麵---係熱騰騰的奉上,半肥瘦叉燒,而每張檯放有一樽芝麻,可以自行加添芝麻.令到個湯更加巧味,絕對不似其他一窩瘋濫竽充數的拉麵店咁遞到來時,個湯只是微暖,麵又胡胡溫溫感,溫泉雞蛋---係本人的賣飛彿,味道好到唔講嘢,只是食,煎餃子---外脆內軟...正鰻魚飯---又係熱騰騰的奉上,因為巧巧味,食了一半,才記起未影相,哈哈,真係唔好意思!!若柯打拉麵可以配一碗細飯的套餐,又經濟又好味,最啱細食的女孩子選擇,是晚總消費合共$150.-對比起近期瘋狂濫開的拉麵店,水準參差不齊也動不動賣$80.-至過百元一碗,橫綱絕對是童叟無欺,貨真價實,抵她在香港拉麵美食界享譽盛名,成功有自己的地位定位而屹立不倒當晚最失敗是廁所維修中,要用請往外出借,你地位置咁吊腳外面邊度有得借呢!!

行過見唔係咁多人等位, 加上有8折, 諗住好快有位, 點知都要等成半個鐘還好湯底不太油膩, 拉麵本身及味玉都好好, 可惜叉燒太肥同埋好凍, 但平日下午茶時段有8折, 下次唔駛等位可以再食!

原本見到d相個樣唔吸引都唔想去試，但最近個個都同我講點點點好食，就姑且一試。其實大家都已經提水話橫鋼已經無以前口甘正，但我真係無幻想過竟然係差得驚人.... 又一打日本旗號賣"日本菜"的食堂....個豬骨湯一d豬骨香味都無，稀寥寥，無任何脂肪浮面，口甘我等成粒鐘為乜？就係為個公仔面 level 口既拉麵？麵方面，我係叫博多拉麵。查實九州拉麵係用幼身硬麵，並唔應該粗身彈牙麵。粗身彈牙麵係北海道拉麵用口架！點解口甘多拉麵檔都要搞錯呢點？其他 ingredients 我無 comments，實在都係無咩好講。呢d 自稱日本人開口既拉麵檔，就好似唐人街中餐一樣，就係因爲日本人老闆就=正宗？好食？係的話請高人解釋點解個麵同個湯可以係口甘？噢，依家日本拉麵内戰，出現北海道x九州 crossover，玩 fusion，一定係。至於個湯，為免殺生，咪無用豬骨 lor。唔點解香港口甘多人賣拉麵都無乜邊個認真做好呢碗麵？唔係想打爛人飯碗，你亦無需要同意我係度講口既口野，但請你去日本用閣下個鼻聞到香味同見到鋪位細就入去，你會明白我口既憤怒！

行過成日都好長龍, 好多年前都試過, 不過唔記得左咩味就再黎試過真係日日都keep住咁多人, 而且冇得book枱見今日睇完戲時間尚早, 可以等下, 不過等得好辛苦, 等左足足1個鐘有多先有位我同男朋友叫左叉燒麵豉拉麵同埋味玉拉麵(黑芝麻油)叉燒肥瘦適中, 湯底同麵都ok, 糖心蛋都好好味(雖然我唔鍾意食蛋), 黑芝麻油湯底好香, 但有d似出前一丁果隻味ok既, 但唔覺得係非常好食, 唔係非食不可果隻, 所以唔覺得值得等成個鐘黎食, 食完我地好快就走左喇整體黎講, 叉燒好食過味吉, 但拉麵味吉會略勝一籌, 男朋友話佢會揀味吉多d

下午三時左右來到這間油麻地出名的拉麵小店, 還是以舊有人在等位. 這是第二次光顧. 第一次吃完覺得味道並沒有網友食評的好, 第二次再試真一點, 希望有驚喜. 我們各點了一碗叉燒拉麵及一碗九州拉麵, 兩者的分別不太, 主要是叉燒及配料的份量, 叉燒拉麵要了醬油湯, 九州拉麵就要了豬骨湯. 店的空間不太, 我拿著背包坐在巴枱頗為狹窄, 吧枱可以看到師父的泡製拉麵, 師父邊煮麵邊說笑, 感覺沒有日本拉麵店的師父認真, 麵本身是較幼的一種, 頗為彈牙, 湯底即調出來的, 下午茶兩人合共不到100元, 總括味道還是可以, 路過還可以一試. 但是位置不什就腳, 要特意來到, 即不太值得.

聽左朋友講左好耐,行過左無數次終於有機會黎試一試照舊等左一個鐘...7:30-8:30一行3人,我自己叫左個咖哩牛肉拉麵,其它2位朋友叫的我不記得另叫餃子同叉燒小食先講咖哩牛肉拉麵鼓油湯底濃而不膩,表面加上咖哩,食起上黎,啖啖咖哩,做到咖哩同拉麵既結合,而不是咖哩+拉麵.味道方面,咖哩係日式甜咖哩,麵彈牙,有蛋既感覺.牛肉就不鍾意,太肥,好似半肥瘦叉燒,但係依家係牛肉.配料很足,滿意.小食等了很久才到餃子一般,不過不失同叉燒小食,再燒過,俾叉燒拉麵的更香口,但是凍的,不知為什麼.感覺等得耐了點,但食到好野

What does a guy do on a Sunday evening with some time on his hand Queue.I see a huge queue every time I walked past Yokozuna so I decided to give it a go when I have some time. It was pretty early (around 6:30) so I "only" had to wait for 30 minutes. The restaurant seems to have quite an extensive selection of ramen as well as side dishes. Most seats are counter seats and a bit crowded, which is normal for a ramen joint. Very attentive and polite service.Once again I decided to try out their spi

昨天和爸媽打完網球,專程走到店子希望一"嚐"所願,可惜因新曆新年的關係撲空了。今天和爸媽早點起身,希望可以早點到達,減少輪候時間。可惜縱使12:00到達,最後還是要1233才入座。我們是十年的熟客,當然知習慣。一坐下,就叫了牛肉麵(豆醬湯底)、照燒雞飯和香蔥拉麵(辣湯),再加上牛肉小吃和餃子。爸媽說上兩次來吃的時候水準下降了(吃到麵的梘水味);今次就再沒有了,而且麵的爽度依然。而我更覺得出餐比以往快。對沒耐性的我而言,這是最大的進步啊!!

好耐已經想試呢間拉面檔 但因為好少機會經開油麻地 而且經常都有好多人排隊要搵一個機會去試呢間著名既拉麵檔談何容易上次專登約朋友朝早係附近打網球 打完唸住一齊去試 矩同一樣對日本拉麵有濃厚興趣去到大概十二點半 拎左飛 都要等5 6張 見到入面唔係好大 好似只有2張 大台, 會有排等 但都離到 同埋好味既野 係值得等的等左廿十分鐘到啦 可以入去食啦 黎呢到梗係食拉面 我地叫左 味玉拉面 + 九州拉面 (見大部分食評推介呢兩款)過了十多分鐘後 主角終於出現 碗拉面係用豬骨湯底 飲一啖 味道唔算太濃 亦唔淡 應該無咩落味精 但略嫌湯面油份過多我個人覺得豚x同達x個湯底正d 還有一段距離 溫度剛剛好 蠻熱的 不太燙口豬肉丁頗有肉味 但無咩特別 面條富有質感 軟硬度合適 不會太快變得軟淋 而且分量好足 唔須要加底都滿足到我既食量 絕對值得一讚好好味的溫泉蛋 正 好有蛋香 蛋黃好滑友人叫的 嗜了一塊日式叉燒 口感很好 非常的嫩滑 允滿香味吃完便匆匆離去了 時間大概一點三 出面還有很多人排隊 埋單只是不足一百元 抵可能我今次來到前的期望太高 發現沒有想像中錦好個人認為 橫綱的拉面縱然不是

好耐同他講過我想試呢間拉面店, 因為經常見到好多人,,( hk人..見人排又排...haha)我諗平時唔會行過黎, 因為 附近無大型商場的,,,拎左飛, 要等10張,,,, 見到入面唔係好大,,,好似聽到有人埋怨話入面只有2張 大台, 會有排等,,,,但好味的野 係值得等的...我諗小人會等分d, 同埋分開台會唔會好d? 叫飛時候 , 好幾張都走左,,,所以 等左30 mins到啦,,可以入去食了 黎呢到梗係食拉面, 見到有d 牛肉飯都好想試, 下次有機會會試, 我地叫左 味玉拉面 + 清湯拉面, 味玉拉面 ( 豬骨湯底) 好好味的 溫泉蛋,,,好想再食呀 ,,,d 面都幾大分量,,, 我食唔曬,,,豬骨湯底,,,好味,,,飲左dd...因為有點 飽了...清湯拉面 無咩特別,,, 清,,,,,d面好好味,,,,下次再黎 試下幾他野先得.由於坐bar 台, 係可以見到員工門整野食,,好有心機,,,,

有朋友介紹油麻地有個醫生睇皮膚幾好，星期六就叫媽媽陪我去睇，搵下搵下終於搵到，原來就係在橫綱拉麵隔離。呢間拉麵店，我好耐沒有幫襯 (自從幾年前搬離油麻地區就無再去)，見仍然仲有咁多人排隊，心想應該仲係唔錯 (以前食過都覺得幾好)，咁咪順便攞張飛排埋一份。睇完醫生，差不多都輪到我們，再和媽媽行多陣就到我們啦。我叫左九洲拉麵，媽媽就叫左叉燒拉麵。我的九洲拉麵相當唔錯，湯底好濃，麵質不是好彈牙，但亦不太諗。但可能媽媽不太愛拉麵，她話食到有點口渴。整體來說，咁多年無幫襯，水準依然無乜點變，唔錯唔錯，如未試過，更值得一試。當日好開心，皮膚問題有個好醫生幫我解決；仲機緣巧合地俾我試番久違了的味道!

男友之前話想食呢間,就叫我提早起身陪佢食,咁為咗氹佢開心就照做啦,不過我早極都要1點幾先出到門口,咁就照出發了,到左門口,好多人等緊位,我就入口羅飛仔,係20號(但係叫緊90幾................)就去行下街打發時間啦,書局當日光響門口看都滿咗8成人,再行過一條街後又無野行,最後都係番門口用ipad睇戲(不過太嘈聽唔到聲)睇咗廿幾分鐘終於就到我地了,不過都起碼過左10分鐘先真的到我地,內裡真係好少位,數完都係得22個位,難怪要響出面等咁耐,我地一早講掂數,要味玉拉麵和叉燒拉麵醬油湯底再追加叉燒小食,大約等咗10min就有得食因為豬骨湯底的關係,所以我食味玉拉麵,把蛋都給男友吃(繼續選擇性戒口),再用叉燒做餸,嚐第一口湯底,雖然是第一次來吃,但有一種好熟悉的感覺,點解?因為個味好似食緊出前一丁的黑蒜油豬骨湯味(雖然都係食咗一次),加上碗麵好似真係有黑蒜油響度,真係有9成似,拉麵是捲曲幼身的那種,我另外叫咗要淋d,食落都唔錯,菠菜和芽菜都好吃,叉燒粒和原片叉燒的口感不一樣,粒狀幾有咬口,像吃燒肉而叉燒小食,和浸湯的有點不同,這是用火槍燒過的,有點微焦,再配醬油一起蘸著吃(還有芥