橫綱

营业中

休息中

下午4點堂食，不需要等位。其實自己對拉麵一向都有興趣，雖然不是經常食。偶然在 Openrice 見到這麵店人氣旺，於是特別到來一試。簡單講：我覺得唔好食。一般來說，第一次光顧的店鋪，我不會叫太多，只會叫比較出名的食品，如果不滿足就不會再光顧。不會好似其他顧客，第一次光顧就不停叫，然後發現唔掂浪費錢。今次叫味玉拉麵，因爲食評好多都讚好。首先湯底：很淡，豬骨湯無豬骨味。麵帶堿水味（可能因爲湯太淡），配上一個蛋和肉粒。售價50元，下午茶8折，即40元。我覺得味道真是好普通，甚至不如深圳的味千拉麵。我以前買的 “明星即食拉麵”都好味得多，起碼麵無堿水味，湯有濃郁豬骨味（雖然是粉末調稀）。至於兩位師傅，是地地道道的香港人，並非其他食評所講：日本師傅主理。環境都好擁擠。而且是快餐模式，快吃快走。個人感覺是香港典型的“跟風潮”，香港人成日“人有我都要有”，“大家都去排隊，我都要去排”作怪，整體來講，此麵店被過分吹捧。或者以前剛開張時候的確唔錯，不過我今日第一次光顧，感覺唔好。

呢間拉麵店, 聽朋友講話好食, 已經好耐了.但每次食飯時間行過, 定必超多人等位.今日係星期六, 終於的起心肝去排, 希望午餐至下午茶時段少d人啦去之前, 問清楚原來周六, 日及公眾假期, 係無特價下午茶, 只有下午茶餐的.換言之, 唔使專登磨到下午餐時間先開餐啦, 嘿嘿(下午茶餐開始時間係3點)1:45pm 已經到達攞籌. 攞了#001籌. 目前則叫到#078. 即係等22張枱.OK, 可以接受的.等到2:30已經有位喇. 比預期中等候時間短好多, 超標完成喇.(註 : 全店共有24個位)開餐喇味玉拉麵 : 味玉真係好好食, 本身唔係太食味玉既我, 都讚佢誇啦啦叉燒小食 : 有8-10片, 略略燒過, 好香口, 入口有溶化既感覺, 超讚餃子 : 不過不失, 與同枱相比, 比較失色.雖然店內略嫌擠迫, 但貴精不貴多, 所以我都好體諒, 絕對有下次 (P.S. 夏天除外, 如在3X度高温喺門口等個幾鐘, 我會選擇其他食肆, 完全唔會考慮橫綱, 哈哈, 留待入秋先黎幫襯)

味肉拉麵另加牛肉再加生蛋麵質幼滑且彈牙, 份量足, 雞蛋蛋味夠出而且夠流心, 夠多肉(hehe)湯底濃度剛剛好但又不覺得是味精作祟, 捧!好食又抵食, 唔怪得等成45分鐘先埋到位-.-同行朋友的牛肉拉麵加香蔥多汁餃子題外話, 食食下個老闆娘響我前面教"仔"... Wakaka

同朋友想食橫綱好耐 今次終於試到去到門口 見到一大堆人群 就心有不妙等了大約一個半小時才入座 幸好近日天氣較涼 唔洗熱到汗流浹背入到去見到原來鋪位面積好細 座位亦有限 因此令到座位較迫成間鋪頭都好有日本拉麵店既氣氛 待應亦很忙碌我叫左叉燒拉麵加味蛋，而朋友就叫左櫻花蝦拉麵好入味， 加上流心既蛋黃， 正！！！薄薄的叉燒好嫩滑 ， 口感好正湯底味道濃 ， 加埋甜粟米 YUMMY ！

男朋友住油麻地都未黎過食橫棡, 所以我提議黎食我地下午一點幾黎到, 已經見倒好多人係門口等位, 大熱天時, 突然好灰...男朋友知我想試下, 都非常俾面陪等最後差唔多三點先有位, 天氣咁熱, 終於可以入去坐下啦...打開門先知道, 地方有限, 座位有限, 小小地方, 只有廿多個座位..有點日本拉麵館氣氛, 大家都坐得好迫, 好親近... 我地坐係水吧位, 面對開放式廚房, 見住兩位師傅煮麵加配料, 未停過手咁, 都未停過口兩位師傅邊煮邊傾計, 如果佢地可以戴返個口罩, 咁就更加衛生, 更加好如果唔係坐係水吧位睇住, 我都會覺得眼不見為乾淨, 做飲食差不多吧我地係等o既時間, 已經諗好食咩野我地點左餃子, 香蔥拉麵, 叉燒拉麵餃子 首先黎o既食物, 等左咁耐, 好肚餓, 終於有得食, 十分感激韭菜豬肉餃子, 唔夠熱, 外脆肉暖, 食不倒韭菜香, 不算太油, 可以接受小食選擇不是太多, 原來有得淨叫香蔥食, 下次會試下香蔥拉麵 我要求加辣, 侍應話大辣吧, 湯底的確頗辣, 又香濃又辣, 很不錯香蔥有麻油味香味, 我最愛蔥的爽口, 味濃, 麻油味同湯底都搶晒味, 食唔倒蔥味了唔知係咪心理作

其實已經食過兩次但唔係岩岩食完一風堂都唔打算寫呢篇食評。呢度都等位等到癲﹐除左多人食之外係因為呢間得二個位左右﹐真係好細。環境無得比。況且等位係條街到﹐勁熱﹗建議大家行過少少去中華書局打下書丁﹐時間會過得好快的。呢道等位﹐成為會員後等位會有積分的。積分儲到甘上下可以換麵。至於點計分同點做會員﹐我唔係記得好清楚了﹐但要食兩次已先可以入會的﹗第一次食左豉油蔥爆拉麵﹐賣想勁靚。熱辣辣~唔似得一風堂D唔熱唔凍﹗豉油湯底偏喊﹐我飲唔晒碗湯。但麵真係好好﹐好有嚼勁。而且份量足﹗勁多蔥﹗好飽﹗第二次食麵士了因為知道之前太鹹。麵士可揀辣同唔辣。我食左辣。好好味﹗唔會話辣到飛起。我差唔多飲晒D湯。有無味精呢﹖其實我唔太識分別。但食完我唔覺得十分口渴。男友食左味玉。拒話隻蛋好正好流心好有蛋味。至於個湯呢﹐拒話比一風湯喊好多而且豬骨味無甘出WOR。但最少唔係味千D濃縮湯所以到OK。第二似拒食台風拉麵﹐但無影到相。拒話拒推介味玉多D。呢間野坐位好少好少﹐而且非常逼﹐冷氣好廢﹐等為等粒幾鐘﹐入到黎食碗熱辣辣拉麵﹐D汗未停過。環境你話係咪輸晒﹖都係既﹐但唔係反而似日本家庭式拉面鋪嗎﹖服務其實都可以﹐因為加水都一樣

好耐無去過食橫綱喇~尋晚心血來潮記起張會員卡就到期,所以今早出去食!去到約11:30 ,都估到要排隊喇~前面已經有約十幾人係到等緊!11年前第一次幫襯佢地,個時係一個叫"清水"既日本c 傅做主廚,個時差不多個個星期都會出去食,因為係日本番來食過既拉麵,呢間最似樣!!而且真係好好味!!!不過呢位c 傅走咗之後,就無以前咁好食lu.....................今日叫咗豆醬叉燒拉麵,橫綱拉麵+細肉粒雞蛋飯叉燒肥味!好食!!麵彈牙!不過d湯就咸咗少少!肉粒雞蛋飯好味!份量好夠~食完好飽!!值得一試!不過要預早出去等位

今晚提議晚餐食橫綱, 6點幾到已經要等12張枱, 足足等左大半粒鍾, 先有得入。地方好細, 一定要同人撘枱, 位又坐得唔舒服><2個人叫左一碗9洲拉麵($45), 一碗味蛋拉麵($50)9洲拉麵湯底有辣味/ 醬油/ 麵豉, 我揀左醬油, 味道比較清淡, 麵質彈牙, 叉燒都可以。味蛋拉麵, 湯底係豬骨比較濃, 好味d, 味蛋似係溫泉蛋, 蛋黃流心的。2個黎揀, 我比較鍾意味蛋多d。呢到好係唔洗加一, 出面泊車又方便。

其實同老公拍拖時,耐唔耐就會幫襯下計計下都有8,9年喇剛剛星期日心血來潮想食,順便可以光攞埋D舊衫去救世軍.決定揸車出發GOGOGO~去到差唔多5:00PM得幾個人排,攞飛等兩個NUMBER都要30分鐘終於入去坐底,我點左季節限定既櫻花蝦拉麵,老公就點食左8,9年都唔厭既咖哩牛肉拉麵,等左10分鐘就有得食喇櫻花蝦拉麵~D蝦好似蝦米咁細細隻趣趣地,好香口.重有叉燒,海藻,香蔥同半隻味蛋.麵質軟硬適中.亦可向店員要求軟硬度咖哩牛肉拉麵~日本咖哩牛肉有少少辣,好野味不過當日鋪內其中一部冷氣壞左,所以食到大汗疊細汗.其中有對情侶頂唔順要取消單唔食走人...環境要扣分喇其實店舖可以係比飛時通知客人冷氣壞左,唔洗人地等左咁鬼耐入去先知冇冷氣...係8月既高溫下係一間冇冷氣既鋪頭食熱辣辣既拉麵,唔係個個都頂得住架

已超過10年冇去過横綱，今日男友提議再去試試，下午3：00去到，已經有好多人等緊，一心嚟到，當然都會等下，係等期間，都望下門口個MENU有咩食先，見佢多左好多吾同選擇，例如飯類，小食等。。。未入去時已決定要食咩。當有位，已好快ORDER，叫左兩碗咖喱牛肉麵，同一碟味蛋，可能得兩位煮麵師伕，所以等得都比較耐，先嚟過味蛋，見到個蛋黄好似流沙咁，感覺一定好好味，但食後又不外如是，同普通未煮熟的雞蛋差不多。另外兩碗咖喱麵，比起十多年前好似差左少少，咖喱味道不能濃烈，而且好多油，不過麵身都夠爽，牛肉都入口即溶，但牛肉份量就好似少左好多。吾知係咪佢哋都有落味精，食完後感覺好口乾，要不停飲水等。總括來說，真係今時不同往日了。

同女友想起食拉麵,好自然就會想起這間見人到你唔想去食既"橫綱"...., 所以我同女友次次去食都會6:00~6:30左右去食. 因為人小d. 不過可以佢做緊個下午荼優惠la, 所以6:15去門口都已經好多人得到7:00入到去, 幫女友叫左每日只賣20碗"櫻花蝦拉麵" 湯低同麵就一向唔錯. 不過重點係有d 蝦米仔. 好好食:我就叫左唔知咩麵唔錯.不過忘記了名字總之: 這間店,是值得一試. 不過太前提係你願意起碼等上一個小時去等位!!

之前試過尖沙咀的拉麵店, 又係排了成個鐘隊, 這間店幾年前食過一次, 而家都係咁多人排隊~我們拎了飛後, 係油麻地行了一陣, 返來都還未有位.......於是係門口再等等啦~等了十五分鐘, 終於都有位了~入到去要同其他人搭檯, 檯又細........四碗麵仔已經好迫.....我坐低即刻叫人落單, 點了味蛋+九州拉麵:味蛋: 食落好似溫泉蛋, 蛋黃流心, 幾好(75分)九州拉麵(加底): 豬骨底湯ok, 拉麵都幾彈牙, 叉燒都可以(70分)個人認為溫泉蛋最好食, 九州拉麵, 普通啦下次要來食野, 一定要早d拎飛先~

個日要去香港大會堂睇show 咁就約左d fd唸住食左先去聽d fd介紹同上openrice睇見都ok 就唸住去食lad人話個到d味蛋好正 我就覺得一般...仲有d餃子好油 碗拉麵呢幾好食 but我會鐘意數字個間d拉麵多d一試無妨 但唔洗專登去lor

平日這裡的下午茶時段(3:00-6:00)都有八折，今次做半價，一於咪執輸味玉拉麵+細饅魚飯+餃子+涷檸水(跟餐)=$46.5，抵食！睇過openrice知道呢度出名拉麵同味玉，呢兩樣野真係唔錯味玉嬌嫩入味，拉麵湯底濃郁，麵條軟硬適中飯同餃子就失色左d飯好硬，餃子好多油店面小小但五臟俱全：舖頭入面原來有漫畫同雜誌睇桌上還有好多調味料，例如辣油、辣椒粉、芝麻、胡椒粉、醋等等店員及師傅亦好有禮貌，收碟前會問聲，臨走時亦繼續幫我們斟水下次來會試下其他麵～

I lived in this area for many years. But I have only eaten at this restaurant for a few times. It is because that whenever I am hungry and walk pass this shop, there were often a queue outside. Naturally I went across Nathan Road to the other many many tasty restaurants. Occasionally, I dined here at the after peak hours when there was nobody waiting outside. But even though I can get a seat, which is not comfortable as people sit elbow to elbow, I need to wait for 15 minutes to get my food. An